Lo volontariat del Nouvel Obs

Los oligarcs de la redaccion del Nouvel Obs se questiónan, mas semblan al côté de la plaque… mas sancierament dedins lo nacionalisme francés.

En general, de faiçon tradicionala, lo nacionalisme francés es expansionista sense zo saber, e donc trapa los independentistas coma dangieroses. Son separatistas del sistèma tant religiosament destriat per l’oligarquia.

Aital la redaccion oligarquica del Nouvel Obs tracta pas los subjectes sul tèma “independentista”, coma per exemple lo darirèr vòt de Barcelona, nimai l’eleccion d’un independentista al Conselh Generau de Baissa Corsega, un candidat del Partit de la Nacion Còrsa.

Quora los Estats son pichons e dependents, mas çaquelà membre de l’ONU, lo Nouvel Obs accepta la publicitat, en vesin (www.aidonslargent.org) :

Se l’immigracion es gaire acceptada pels govèrns actuals franceses, en pensar ganhar las eleccions venentas, a Mónegue se trúfan realament del gròs vesin, aquel que li baila la tecnocracia, per èstre considerat coma una bona plataforma de las riquessas culturalas europèas.

O sabiatz, per èstre defiscalizat un cantaire de l’Opèra de Tolosa aurà d’aver un compte a Mónegue, serà aisit pel virament bancari, se lo compte es al Liechtenstein serà mai complicat… Tot es organizat en França, per son administracion bonapartista e los seus elegits, per albergar la Kulturé europèa, a Mónegue. E quora escrivi cultura es la Kulturé de l’aver, aver la moneda de la creacion culturala, cultura de l’aver.

Aquel costat Mónegue del problèma del monoteïsme religiós e republican francés n’an cura a la redaccion del Nouvel Obs ; els, vòlon saber «que vòl LO pòble», a l’imatge dels nòbles d’un còp èra ; l’unicitat de las causas es clara, un Estat, un rei-president, un pòble, una Marseillaise, una bandièra, etc. Tot al mono, pel nacionalisme d’expansion fancesa.

Cornelius Castoriadis explicava que la democracia èra la pluralitat, la diversitat, lo multipla.

Lo Nouvel Obs cerca LO PÒBLE e SA PENSADA, aquela que correspond als estereotips electorals, una casta d’electors que creson encara al sistèma de representacion que s’elonha del PÒBLE de las decisions politicas e del mercat-Estat-nacion França. Alara per l’elita de l’elita francesa, la redaccion del Nouvel Obs, la bona faiçon politica contra lo vòt FN, e Marina Le Pen al segond torn, es tanben la solucion unica, «retouver le peuple», tornar trapar lo pòble.

E se Corsega vòl èstre un pòble diferent, diferenciat, i aurà las criticas sarcasticas republicanas, laïca e gratís, de l’elita de las elitas, la redaccion del Nouvel Obs veirà pas que lo FN es pas una Kulturé politica que fonciona ailà, nimai en Euskadi del nòrd. Es que lo Nouvel Obs s’es questionat perqué ?

Segur podèm aver d’autras tradicionalas pistas, saber qu’es aquò LO PÒBLE, els que l’an abandonat dempuèi bèls brius.

Mas es vertat que los faits son testuts … Se los Franceses se son descoberts nacional-expansionistas lingüistics sonque en 1992, ambe lo vòt de junh de l’Assemblée Nationale sul tractat de Maatricht e l’installacion de l’article 2 sobre lo francés, an creat al meteis temps, una revendicacion lingüistica multipla, occitan, basca, catalana, còrsa, alsaciana, breton, etc.

Les faits sont têtus, es vertat, mas l’elita francesa de la redaccion del Nouvel Obs accepta l’independentista de Mónegue, mas pas aquel dels pòbles sotmetuts dempuèi bèls brius e l’engana de la revolucion franchimanda. Se un departament françAIs novèl es nascut en Africa, Mayotte, perqué pas Mónegue qu’a pas possibilitat d’una gestion sense l’integracion de personal francés pagat per la dicha République française.

Se Provènça, Lemosin, Auvernha o Gasconha jògan dels instruments tradicionals, es perqué i a agut sordats del sistèma militarista francés que son partits en guèrra pertot al continent ambe Bonaparte puèi Napoleon. Per arrestar aquesta maquina aurà calgut l’intervencion militara exteriora, coma pels nazi en Alemanha.

Lo bon sordat fabrica la bona sotmission. Es lo ròtle de totes los monuments inaugurats pels prefectes aprèp 14/18, 39/45, guèrra del Vietnam, puèi guèrra d’Argèria.

Per arrestar las estupiditats de las elitas republicanas francesas, quina intervencions internacionalas caldrà ? Convidèm l’amic Kadhafi ? La redaccion del Nouvel Obs se pausa ges la question.

E çaquelà son volontaris per criticar lo sistèma audiovisual, segurament ambe rasons :

 

Aqueste bilhet es volontariament en lenga occitana e se podrà publicat dins lo Nouvel Obs. dins la pagina «Paroles des lecteurs», los lectors del pòble que soi forçat de far partit segond los nacional-expansionistas franceses.

Lo volontariat del Nouvel Obs es l’expression d’un nacional-expansionisme francés.