Lo corredor miègtarranean devendrà un projecte europèu d’investiments, serà un engatjament de l’Union Europèa. Ara cal afortir lo projecte ambe los engatjaments dels Estats concernits, Espanha e França.
Cap mèdia provincialista ne parlarà en Occitània ? Occitània concernida dins lo triangle Narbona Tolon Valenci ; soi quasiment segur que cap jornal de la zòna ne parlarà ; caldrà avizar los jornals següents : La Provence, Le Dauphiné, La Marseillaise, Midi Libre e benlèu tanben L’Independant.
Podètz veire l’interès del projecte ambe un vídeo ; Vicent Partal, director de Vilaweb, explica perqué l’interès dels elegits d’Occitània deuriá èstre capvirat al projecte per ajudar al desclavament d’Occitània.
«Lo debat real sobre la importança del corredor miègterranean pel transit de las mèrças reclama un agait continental, e non pas peninsular. L'emergéncia de China coma poténcia, afegit al Japon, Taiwan e d’autres Estats asiatics configura una nòva rota d’entrada de las mèrças pel Sud d’Euròpa, en qué los pòrts de València, Barcelona e Marselha pòdon esdevenir una via d’entrada cap al centre del continent. Lo director de Vilaweb, Vicent Partal, o analiza dins aquesta vídeo de VilaWeb TV.»
Aquel engatjament europèu confirma los engatjaments financièrs près pel Conselh Regional de Lengadòc-Rosselhon del temps de Georges Frêche, per ajudar a la modernizacion de la linha entre Narbona e Avinhon.
L’engatjament europèu serà tanben una bona novèla pel BTP, e donc l’emplec en Païses Catalans e Occitans.
Ara, caldrà d’engatjament de la SNCF-RFF per modernizar la linha entre Baiona e Narbona, entre Bordèu e Narbona, e afortir que Tolon serà en passar per Niça una pòrta d’entrada per las mèrças transalpinas… E segur aiçò es mai urgent que d’aver un TGV cap a París.
Cap comentari:
Publica un comentari a l'entrada