Lo consènsus es pas lo tractament de l’informacion, un tractament qu’es esperat normal dins un Estat democratic o supausat aital (l’aichatge es sempre dich republican e donc supausat democratic, d’unes supausats extremistas ne fan la pròva, es pietadós). Lo consènsus es lo mendre mal per la redaccion e lo proprietari del jornal, PRG e co-equipièr de la majoritat d’esquèrra del Conselh Regional en Occitània, notadament en Miègdia-Pirinèus. Podèm acceptar aiçò ? Podèm explicar perqué i a un problèma ?
- La debuta del problèma es per la qualificacion dels entartaires : « petit grop de libertaris» (mai o mens un vintenat de personas), es benlèu oblidar las revendicacions e non zo vóler explicar als lectors del jornal tolzan ; donc per aver l’informacion, cal aver Internet e veire clarament la vídeo (los ligams son sobre aquel blòg). Es quaisment simple, e ridiculiza la redaccion de La Pradeta de non l’aver donat clarament. Los dos gropes qu’an revendicat l’accion son Libertat e Mugizu, un grope occitan (nacionalista d’esquèrra) e un grope basco (ecologista e nacionalista d’esquèrra tanben). Perqué aiçò es pas explicat als lectors de La Dépêche du Midi ? La rason es de las mai claras, es perqué lo subjecte dèu pas èstre tractat dins La Dépêche du Midi, qu’es aital pus un jornal de la democracia ; o tractar es debutar un debat sobre la manièra qu’aquestes projectes –ajudat per l’Union Europèu- son imposats a las populacions localas (aragonesa, navarresa o piemontesa e savosiana, e donc grandament occitana). Se pausa lo problèma donc de la descripcion dels arguments dels antartaires… Ges d’informacion serà escrivuda sul tèma dins lo jornal d’en Jean-Marie Baylet ; es pietadós.
- Donc passèm aital al segond nivèl de tractament de l’informacion, lo cas anti-ecologic dels projectes es conegut (la frasa es en gròs dins la darrièra colomna, «braves gents vos cal pas inquietar, an pensat a tot» podèm quitament pensar – quora sabèm que la tecnocr&aica dels mercats engana sempre ! Siam donc rassegurats…), e explicar de la manièra que las autoritats localas zo vòlon; lo jornal dich de la democracia explica pas qu’i a pas agut un debat sul tèma, jamai de debats publics, es clarament pas la democracia. La democracia se podrà pas basar dins la representativitat unica de tipe PRG-Socialista ; la democracia es pas sonque las eleccions, nimai las senatorialas. Se pausa, coma l’ai ja escrich lo modèl de debat per aquel projecte de traversada dels Pirinèus, notadament per la traversada en Bigòrra, lo projecte qu’agrada a Martin Malvy e que costarà coma en Piemont problèmas de gestion de las aigas, e problèma per las populacions (i traparàn jamai unes avantatges clars, mas puslèu problèmas ecologics) ; las autoritats tolzanas socialistas e PRG zo sábon e refúsan de plaçar un debat sul tèma. Perqué ? Perqué se senton fòrts e elonhats de tot moment electiu, e cap pron fòrt per argumentar.
«Nigun no ho pot aver mil.lor» explica Catalunya Informació, e parla pas del cambiament de presidéncia de la CTP, perqué ? Perqué la CTP es sonque l’organizacion relai de las ajudas europencas pels Pirinèus, e ges un element de polemica politica, nimai d’un interès grand pel Principat de Catalonha ; tot lo sistèma avala l’afar - es aital que díson Libertat e Mugisu ; mas cap informacion sul tèma es passat de l’autre costat catalan, quitament pas que la Generalitat de Catalonha s’es absengut per la traversada questionada pels pòbles basco e occitan (Bigòrra). Lo jornal tolzan explica pas perqué. Dins mantunas oras espèri aver una responsa ; vos dirai la responsa oficiala, jamai publicada.
Dins aquel afar, La Dépêche du Midi tracta l’informacion al mièja per daissar la plaça a la borsa (un argument de mai pels diches ‘gropuscules’), donc sense vóler tractar los problèmas ligats als moments dels entartratges, moments que se pòdon veire en vídeo sul net. Aprèp la redaccion de La Pradeta se pausarà la question perqué val melhor aver Internet qu’un abonament a La Dépêche du Midi ?
La question se la deuriá pausar lo proprietari de La Dépêche du Midi, Jean-Michel Baylet ; se la question es pas pausada, es perqué lo jornal es pas lo jornal de la démocracia, mas lo jornal d’una manipulacion en foncion dels interèsses d’una casta al poder, pauc impòrta l’etiqueta. Es un biais qu’ajuda los extrmeismes d’aver rason per entartar los elegits en plaça, es un biais de desvalorizar los elegits de la decentralizacion e de desvalorizar los poders locals. D’un punt de vista politic es inadmissible. D’un punt de vista entreprenarial es rasonable, perqué aital las causas se pòdon perségre pauc impòrta los regimes, democratics o pas ; es que l’Union Europèa pòt acceptar aiçò de contunh ?
Cap comentari:
Publica un comentari a l'entrada