Sud-Ouest neteja en Bais-Lengadòc e Catalonha del nòrd, e alara ?

Las inquietuds son a pujar. Las podèm legir en francés sobre aquel blòg.

L’Indépendant es difusat en Arièja, Pirinèus-Orientals, e Aude. Se tròba dins lo meteis grope que Midi Libre. La neteja del grope Midi-Libre se farà sense cap evidenta dolçor economica, e ambe una vision provincialista (centralizada a Montpelhièr).

Ai jà poscut notar qu’an un representant a Tolosa, ambe d’article que parlava de l’enquèsta lingüistica de Miègdia-Pirinèus (2 articles).

Lo grope Sud-Ouest racionaliza, coma zo faguèt en Dordonha, Charantas, Bearn, Bigòrra. Mas lo grope Sud-Ouest, contrariament al grope La Dépêche, a jamai fait desaparéisser un títol. Lo grope Sud-Ouest amença perqué cal reformar, coma zo pensa lo grope d'accionaris que lo principal es una familha qu'a acabat la transmission recentament. Es una familha de Bordèu, escolhat en Gasconha. Le Monde aviá trapat ambe Midi-Libre un camin qu’èra pas lo bon…

Se parla de licenciament mai important a Perpinyà qu’a Montpelhièr ; es aquí que lo problèma se pausa. L’Indépendant aurà ajudat las finanças de Midi Libre pendent un fum d’annadas, e ara se retròba dins un grope que li dona la còrda montpelhierenca per se penjar.

Tombam aital dins lo sampitèrne problèma del sistèma de pensada centralista francesa, la decentralizacion es un centralisme sul modèl francés. Se cal recordar que lo salon dels productes biologics es nascut a Montpelhièr, puèi rapatriat a Montpelhièr.

La darrièra frasa del comunicat d’ERC me sembla pron clara, l’urgéncia d’una region catalana de l’Estat francés es de mai en mai urgenta ! En conservar lo sistèma tal que fonciona uèi ; mas se pensam diferent : Es de dire un sistèma que fosquèsse establit sobre l’idèa d’autonomia de las regions, e non pas de la decentralizacion, lo camin de l’economia de Perpinyà seriá diferenta, e sobretot ligada a sa zòna naturala de comèrç, Catalonha.

Autonomia o Decentralizacion : Quí gausarà plaçar l’afar dins lo debat politic per 2012 ?

E se lo depart de L’Indépendant a Montpelhièr èra una chança per aver un jornal vertadièr en lenga catalana a Perpinyà, e aital donar al catalan lo rebat qu’a perdut ambe L’Indépendant en lenga francesa ? Mas aiçò demanda, temps e enèrgia, un capital volontari, un poder politic evident a Perpinyà e sonque.

Totas las competéncias lingüisticas son presentas a Perpinyà per bastir aquel jornal catalan, del nòrd, perqué pas en collaboracion ambe un jornal de Girona o …. Cal simplament una volontat reala d’un creador o director de projecte, per desvolopar una autonomia economica de Perpinyà e en lenga catalana; quí dels gropes ‘barcelonins’ aniràn prepausar aiçò, per assegurar una premsa plurala a Perpinyà ? Aprofièichar de la neteja provincialista (o etiquetada aital), per installar una premsa en lenga catalana, a l’imatge del Journal du Pays-Basque a Baiona, dins un contèxte lingüistic e politic mai complicat.

Aquesta iniciativa es evidentament masqu’en mans dels Catalans del nòrd ; l’iniciativa economica es benlèu aquò que fauta en Catalonha del nòrd, sul modèl d’HERRIKOA en País Basco del nòrd o de la creacion còrsa ambe 24ore.

Es que los Catalans del nòrd podràn veire positivament la sortida d’un conservatisme ? E prendre lo poder per crear a Perpinyà, per Perpinyà, e en lenga catalana. En Corsega zo faguèran, en Euskadi tanben.