Un document de promocion de la lenga occitana, nissarda ailà, organizacion de la comuna de Niça. Plan evidentament es dins l’encastre de la nocion de patrimòni, normal, perqué ?
Niça dins lo camp de la dignitat lingüistica, s’espèra aital causas bonas per la quatrena o cinquena vila de fRANÇA.
Es per aiçò que soi estat contactat per corrièl…
Perqué en Provènça s’espèra una enquèsta autanplan seriosa qu’en Miègdia-Pirinèus e Aquitània, per saber de quina manièra cal abordar lo subjecte. En Aquitània e Miègdia-Pirinèus, ara, las causas son claras. En Provènça, lo Colectiéu Prouvènçau frena lo desvolopament d’una informacion seriosa e lingüistica sul tèma, dins lo camp e los caps socialistas en Arles, per non pas dire dins lo cap del president de la region, president socialista de la region PACA !
Es una convidacion de Christian Estrosi, cònsol màger de Niça … e sembla pas èstre pel torisme.
Nos podèm regaudir d’aiçò, tot en pensar que lo retard provençal o/e nissart es bèl, imensa, mai que bèl sul tèma. Disèm parier per Lemosin, Auvernhe e pensam qu’en Ròse-Alps las causas començan d’anar melhor, per tornar al nivèl qu’avèm a l’Oèst d’Occitània, aquí qu’avem elegits d’Europe Écologie Les Verts potents.
Perqué cal èstre clars, l’implicacion politica d’aquestas iniciativas e los faits que m’arríban naturalament uèi, es un element politic que farà pensar que la lenga occitana serà lèu un element de la campanha electorala 2012 ; es una bona novèla.
Cap comentari:
Publica un comentari a l'entrada