Euroregion : lo protocol tolzan sap pas legir las enquèstas lingüisticas tolzanas

Me sembla que ne damora dins los burèus del Conselh Regional de Tolosa ? Segur que i devon èstre mai utilas pels servicis administratius que pels militants de l’Ostal d’Occitània…

Quasiment tota la premsa francesa n’a parlat d’aquesta enquèsta lingüistica (ai en mai lo setmanièr francés Le Point per exemple), la seuna utilitat … bè vesèm aquí ambe un document del protocòl tolzan de l’Euroregion :

Es de se demandar de qué servís d’aver d’elegits que se decarcassan per explicar que la decentralizacion vòl de l’occitan !

L’administracion de la decentralizacion a mestièr d’una bomba per entendre que l’occitan dèu èstre emplegat dins l’Euroregion ? O benlèu sábon pas çò qu’es l’estatut de l’occitan de l’autre costat de la frontièra al Principat de Catalonha. Es que lo protocòl tolzan de l’Euroregion es competent per menar los dorsiers de l’Euroregion ?

Justament de qué ne pensan los elegits de la Generalitat de Catalonha d’aquesta faiçon d’oblidar la tresena lenga oficiala al Principat de Catalonha ? L’occitan ! lei del 21 de setembre de 2010, l’informacion sembla èstre arribada dincal protocòl tolzan, una annada aprèp. Lo protocòl tolzan es benlèu sonque abonat a La Dépêche du Midi ? O benlèu que sábon legir ARA, AVUI, El Punt, El Periódico, Segre, La Manyana, El Diari de Girona, La Vanguardia, El Temps, El Triangle, El País (version Barcelona), El Diari de Tarragona, etc.

Quin es l’elegit en carga de l’Euroregion al Conselh Regional de Miègdia-Pirinèus, a pas agut l’enquèsta lingüistica en man ? Sembla que li cal gaitar en urgéncia : los joves son los que demándan lo mai la preséncia de l’occitan al nivèl institucional.

Es plan d’aver sorire de faciada per l’occitan quora los militants son en fàcia, lo melhor es puslèu d’i pensar quora o son pas ! A l’Euroregion per exemple.

Darrièra causa pels elegits socialistas e PRG e FdG del CR, la cultura existís sonque perqué i a una lenga ; donc enlevar la lenga occitana es enlevar una partida importanta de la cultura de l’Euroregion.

Es pietadós de legir una convidacion coma aquesta. Es la pròva que l’esquèrra francesa que fa la gestion d’Occitània en delegacion dels poders centralistas parisencs, a pas encara cambiat sul tèma.