La presidenta de la Navarra / Nafarroa Yolanda Barcina Angulo es estada agressada amb una còca pastissària aquel dijòus per mantunes militants TGV Mugitu! denonçent lo projecte de linha TGV dins lo País Basco, alara que se debanava lo Conselh Planari de la Comunautat de Trabalh dels Pirinèus.
Pauc aprèp las 16 oras, uèit individús an arrestat los debats en brandissent mantunas parcardas antiTGV. Puèi, an lançat tres còcas en direccion de Yolanda Barcina Angulo. La planària a estada suspenduda notadament per ajudar a na Yolanda Barcina Angula d'anar de se cambiar.
Dins un comunicat de premsa (en francés), Martin Malvy a denonciat: « des actes et des comportements inadmissibles ». « La violence est irresponsable où qu’elle se produise et qu’elles que soient les conditions dans lesquelles elle intervient. La démocratie est à ce prix. L’intolérance en est la négation » a declarat abans d’assegurar a na Mme Yolanda Barcina Angulo de « ma solidarité et de celle de la Région Midi-Pyrénées« , e de saludar « son sang-froid« . Lo president de la region Miègdia-Pirinèus a çaquelà portat un planh.
Lo gèst es autanplan simbolic del fach de la presa de presidéncia de la CTP per na Yolanda Barcina Angulo.
Los militants explícan los lors gèstes via parier d'un comunicat en denonciar “la perméabilisation des Pyrénées”, qu'es pas mai que d'autre biais "de promouvoir un spectaculaire accroissement des trafics au prix de transformer cette cordillère en un gigantesque fromage “gruyère” ».
Las traversada del Pirinèus e de las alps son estadas critidas per la fauta de presa en compte de las populacions ; son los novèls projectes promòuguts per las autoritats elegidas localas e per las autoritats europencas.
Tot aquò pausa realament lo problèma dels desplaçaments logistics en Euròpa e sobretot lo biais de consomar sobre aquel continent. E donc, se pausa aital la question de quines tipes de traversalhas se faràn en Euskadi o en Occitània per ligar las zònas dels productivismes europèus. En se pausar aquela question, se pausa atanben la question de saber de quina manièra las populacions localas pirinencas (aragonesa, occitana e basca) o alpencas (elvetica, occitana, francoprovençala, o germanica) seràn presas en consideracion per ligar las zònas europencas de produccion industriala, d’Itàlia, Espanha, Catalonha e Alemanha o fRANÇA.
La CTP es l’organizacion relai de las politicas europencas sul tèma. La majoritat parlamentària de Nafarroa es UPN-PP ambe l’ajuda del PS (en fòrabandit l’esquèrra nacionalista basca, e sa possibilitat d’alternança politica ; aital se podrà entendre tanben la revòlta navarresa contra un sistèma que frena l’alternança politica e las autras visions politicas pels Pirinèus), la CTP es l’ensemble de las autoritats politicas de las regions pirinencas, e de l’Estat d’Andòrra.
(Apondon, la revendicacion Libertat e Mugitu – vídeo aquí.)
-°-
« stalin > Quantas divisions ?
Michelet > Quantas plaças, carrièras, patis, avengudas, baloards que pòrta lo siu nom en Occitània? » Un lector d’aquel blòg.
Cap comentari:
Publica un comentari a l'entrada