Segon lo mensual economic L’Expansion, nos podèm avizar qu’i aurà movements dins la premsa en Occitània de l’Èst. Lo poder economic parisenc podriá perdre de poder en çò nòstre, contra los editors francofònes de Valònia (novèl nom de la region sud de Belgica, sorga RTBF). Nos podèm regaudir de la flaquessa del poder parisenc en Occitània, e aital notar que los poders centralistas franceses an de mens en mens de pès en çò nòstre.
Alara podèm melhor pesar, valorizar, l’evolucion de la premsa en Bais-Lengadòc. La re-estructuracion de la premsa en Occitània se fabrica a Bordèu (grope Sud-Ouest) e Brussèllas actualament, ambe pauc a pauc la sortida de París.
Aital avèm un grope valon a l’Èst d’Occitània, dins la dreita linha de l’ancian empèri germanic, la Borgonha Segonda (Capitala Arle), e Aquitània (ancian Ducat-Reialme de capitala Bordèu e Santa). Aiçò se fabrica coma s’èra la naturalitat geopolitica occitana, èstre dividit en dos.
La novèla figuracion de la premsa en Occitània dona a revizar las nòstras nocions escolasticas e istoricas franchimandas en République française.
Se pausa alara la valor dels gropes Le Dauphiné e La Montagne e La Dépêche du Midi. Se valoriza alara autrament L’Écho e La Marseillaise o 24ore e Le Journal du Pays-Basque...
-°-
Es sempre un grand plaser d’aver aquel tipe de referéncia de qualitat.
Cap comentari:
Publica un comentari a l'entrada