Pichon viatge en Israël, un Estat democratic e agressiu.

La signaletica d’una autorota :

Se podrà remarcar que la signaletica es en tres grafias e tres lengas. L’Estat es pas mai pichon que dos departaments coma la Gironda e las Lanas, ajuntats. L’Estat francés es incapable de plaçar una signaletica trilingüa sobre la rota entre Euskadi e Bordèu, sense oblidar l’anglés aquò fariá benlèu quatre lengas, entre Estrasborg e Lyon-Marselha, o trilingüa encara entre París, Lille e Gent.

Volètz mai de signaletica, picatz aquí.

Los toristas cristians i pòdon anar sense se perdre, car las mapas d’Israël son disponiblas a la venda, coma las mapas en lenga occitana zo podrián èstre.

Lo partit politic arabo-israëlian es representat a la Knesset ; la Knesset es una assemblèa dicha nationala, ambe un fum de nacionalitat e una sol representativitat israëliana, una ciutadanetat plurinacionala ; donc, picatz aquí per una informacion sobre la Knesset.

Sul site de l’Assemblèa dicha Nacionala israëliana, se podrà constatar qu’es revirat en ebrèu, arabe, anglés… e rus (degut a la fòrta migracion russa dempuèi una detzena d’annadas, mas es pas la sola immigracion uèi i a tanben l’Africa nègra !)
http://www.knesset.gov.il/ Podèm tanben remarcar que la migracion nègra es tanben existenta en fRANÇA dempuèi mai de trenta annadas.

Israël es un Estat plurinacional, de facto. Es un Estat organizat aital, dempuèi la debuta de sa creacion. La resulta politica de las eleccions son benlèu pas çò de melhor per resoldre los problèmas de las nacions d’Israël. La causida de la proporcionala integrala dona de resulta que fan que las aliganças electoralas donan problèmas de gestion de l’Estat.

Sonque al nivèl lingüistic, Israël es un modèl per l’Estat francés.

Es l’Estat lo mai militar de la Mar Nòstra, es un Estat violent coma seriá l’Estat francés se los militants occitans èran estats violents. La violéncia basca, o còrsa, a pas gaire agut de consequéncias sul continent o a París.

Aprèp Israël coma tot autre Estat, mas benlèu uèi ambe mai de problèmas urbans, es un Estat qu’a mestièr d’aumentar lo nombre de lotjaments ; Israël es tocat per l’abséncia de politica urbanistica coma Tolosa que n’a jamai agut.

Aquel subjecte lingüistic en Israël es jamai objecte d’informacion dins cap mèdia francés, sempre orientat sul subjecte.

Lei de l’occitan ? Lei de l’aranés ?

L’ivèrn arriba, Zapatero ajuda lo Tribunal Constitucional per la promocion de l’occitan en Espanha, e dins los Consulados Españoles en Occitània.

An pas encara remarcat qu'èra pas notat sobre lo libre novèl : «lei der occitan, aranés en Aran» ! Ambe l'occitan i a sempre dos còps mai de problèmas.

E alara en patués madrilenc podèm escriure, per acompanhar l’umor catalan :

Cómo otro idiómo ? Estos Catalanos ?

Vesèm sobre aquel acudit, dessenh umoristic, una realitat, l’ignorança francesa s’expòrta ! L’ignorança francesa es una excepcion parisenca, una excepcion culturala, mai tanben madrilenca, se sembla.

Remarca : podètz legir l’emplec del Ç transformat en S qu’agrada d’entendre de la boca dels Espanhòls, los Catalans ne sábon rire.

L'excepcion francesa es l'ignorança, mas sembla tanben que fosquèsse pòst-franquista. Zo pòdi escriure car la majoritat del Tribunal Constitucional madrilenc es del PP.

Alavètz en non-exclusivitat, e disponible dempuèi una annada sul net, e aital reviscolat per una decision del govèrn Zapatero de la presentar al Conselh Constitucional de Madrid, la primièra pagina : ORROR ES PAS EN FRANCÉS, NI EN ESPANHÒL, mas dins una lenga pirinenca que se parla d’un costat e de l’autre de la “frontièra naturala” del nacionalisme francés e espanhòl, fabricada pel tractat dels Pirinèus, Madrid e París, e non pas pels pòbles pirinencs.

Lo govèrn Zapatero es un govèrn PSOE, los sostens politics en Catalonha e Aran son lo PSC e Unitat d’Aran (que çaquelà èra per aquesta lei… der aranés). S’espèra los comunicats de protestacion contra lo despaus del planh de Zapatero, e la decision del Conselh Constitucional. Aital la decision estona pas al Josep Sans Socasau, cargat de la politica lingüistica del CDA al Conselh Generau dempuèi la novèla majoritat elegida al primtemps passat, coma l’explica dins una entrevista dins Vilaweb.

Una demanda oficiala de rencontre dels consuls de Perpinyà e Tolosa es estada mandada, per explicar la perturbacion que pòrta lo tribunal constitucional dins l’Estat francés, la primièra «lei der occitan, aranés en Aran» votada per un Parlament democraticament elegit, primièra lei de l’existéncia de la lenga occitana, es estada tocada per un tribunal qu’i coneis res en lingüistica, e sembla descobrir l’existéncia de l’occitan en Espanha ; podèm assegurar que l’ignorança se desvolopa en Espanha.

Los encontres de Tolosa e Perpinyà se faràn dins los jorns que venon.

Recordam totun la lei e la premsa sul tèma :

Podèm ambe l’afar notar que lo Tribunal Constitucional Espanhòl es lentàs… dins las reaccions. Lo centralisme ajuda pas al desvolopament democratic.

vaquí una annada aviá recebut un comunicat oficial del Conselh Generau d’Aran. Un polit comunicat, eficaça comunicacion, document que cal descodar melhor ara.

La semantica ‘Lei der aranés” es mediatizada pels mèdias e dedins los mèdias de Barcelona, es en contradiccion ambe lo nom oficial sul document qu’ai reviscolat directament del site Internet de la Generalitat de Catalonha, e del seu Parlament.

Ne cal tirar un conclusion quora avèm pas encara vist passar un comunicat d’Unitat d’Aran sul tèma del tribunal administratiu, uèi en 2011 ?

D’ara enlà, podrèm listar totes los comunicats que recebrai sul tèma, totes. Los elegits dels Partit Occitan e los militants de Libertat son estats los mai rapids. L’afar e son actualitat m’es estada mandada per Àlex Moga, CDA, via lo seu Facebook, eficaç tanben.

Lo comunicat de PN es un pauc cort, sonque en francés, mas anonciador de la delegacion a Perpinyà.

Alfons López Tena explica lo punt de vista de Solidaritat Catalana per la Independència : Vos penji l’entrevista sancièra d’anuèi, als «Matins de TV3» ambe Ariadna Oltra. Interessant per saber que fasèm e que volèm far a Solidaritat Catalana per la Independència. Non te la perdèsses!
http://www.youtube.com/watch?v=JCfaHmAZRlM

Gabriel Bibiloni explica que cal gaitar l’istòria de la dominacion espanhòla en Catalonha : Un document que s’a de veire. Es fòrt bon, mas es pas perfèit.
http://www.tv3.cat/30minuts/reportatges/1814/Historia-del-cafe-%28para-todos%29 Lo “café per tots”, café para todos, es lo modèl francés de l’imposicion lingüistica, es lo modèl franquista, es lo modèl d’uniformizacion dels Estats pòst-colonials.

L’informacion sobre l’occitan en Aran e lo Conselh Constitucional de Madrid inspira mantunes Internautas en Catalonha, legissètz aquel, picatz sobre la fòto per o legir tot :

-°-

Previstas dempuèi longtemps a Tolosa, las causas cinematograficas tolzanas son d’actualitat.

Arrr, mein hearties!

Perqué cal cambiar lo personal politic, e zo cal cambiar radicalament ? Lo partit pirata davala d’Escandinàvia per arribar dins l’Estat de Berlin.

Ai notat dos elements importants per l’occitanisme dins aquel article :

1 / Berlin es un Estat. Los partits al poder dins l’Estat, son los de la federacion d’Alemanha, son en maissant estat.

2 / lo biais de votar e poder suprimir lo jorn de l’eleccion, per una eleccion permanenta de las leis d’un Estat. Serà lo XXIen sègle ?

Un modèl es a man de nàisser pel XXIen sègle ? Podèm pensar qu’un republica federala occitana podriá prepausar un vòt permanent per poder èstre al pus prèp de las realitats occitanas en occitània ?

Lo sistèma electoral francés frena l’expression democratica, e sa diversitat.

Lo tribunal constitucional espanhòl tòca a l’occitan

Avèm agut la trsitessa de legir que çò que cresegut sobre lo tèma de l’intolerança lingüistica espanhòla, èra pas un raconte d’extremistas. Es la realitat de cada jorn, encara uèi contra l’occitan, una realitat fabricada pel PP e pel govèrn PSOE actual.

Cal notar tanben que la lei es tocada aprèp una presentacion del govèrn actual d’Espanha, es un govèrn socialista, PSOE-PSC e sostengut per Unitat d’Aran fins ara. Se parla d’una obsecion de l’Estat central, incapable d’escotar los pòbles, «aquel Estat non nos sersís» explícan mantunes elegits del Principat de Catalonha ; es un atac frantal contra l’occitan.

Es important d’aver manifestacions occitanas de tot escantilh a Pau, Bordèu, Tolosa, Perpinyà, o Marselha, aont i a un consulat d’Espanha. perqué ? Perqué los Consulats d’Espanha son las representacions de l’intolerança lingüistica en Espanha, “democraticas” benlèu tanben.

Aquestas manifestacions de nacionalismes d’expansions espanhòlas son estupidas, e afavoríscan –ambe las manifestacions- de la presa de consciéncia del pòble occitan.

Vos vòli contar l’istòria de filhs de republicans catalans. An après un jorn que podián demandar lo passapòrt espanhòl ; e que zo pòdon demandar al consulat de Perpinya en espanhòl e catalan. Èran dos, zo faguèt un en espanhòl e l’autre en catalan al meteis moment e lo meteis jorn. La version espanhòl gastèt una setmana per l’aver, e l’autre gastèt quinze jorns, segur que dèu èstre mai complicat d’imprimar en catalan qu’en espanhòl …

Los Occitans e las Occitanas an d’èstre solidaris ambe los Occitans e las Occitanas d’Aran. Zo serai e farai protestacion, isolat o en grope.

La lei de l’occitan, aranés en Aran, es una lei votada democraticament e es tanben la lei de l’occitan primièra votada democraticament de l’istòria de la lenga occitana, es per aiçò que concernís totes/as.

Espanha es la diversitat lingüistica, occitan comprès.

Es evident que se volètz de las informacions, cal escotar Catalunya Informació, estacioon que ne fa una novèla de primièra borra del jornal de ser

Çò que veirètz pas dins La Dépêche, Jean-Michel Baylet que fas ?

Las legislativas en Letònia faràn pas una linha dins La Dépêche du Midi, coma las “Assises de la Culture Occitane”. E çaquelà, Letnia es un Estat europèu, qu’a suportar lo stalinisme, lo sovietisme, etc. e que sembla vóler tornar ailà… en fasent plaser a l’immigracion imperialista de l’Estat federal ancian, contra l’Union Europèa, donc contra totas las politicas europèas donadas fins ara, per l’ensemble de l’espectre politic francés e tanben imperialista, o republicanista.

Lo panèu en occitan a Chabrinhac e son inauguracion farà pas una linha dins La Dépêche du Midi, coma las “Assisas de la Cultura Occitana”, organizada pel primièr còp dins la 4ena vila de fRANÇA (lo classament cambiat farà plaser als Tolzans que me l’an fait remarcat dissabte passat). Caldrà explicar aiçò al Tribunal Administratiu de Montpelhièr, per acordar los vriulons ambe lo prefecte regional de Miègdia-Pirinèus, e benlèu de Lemosin ; volèm un concèrt republican coërent, benlèu que la coëréncia passa per la refòrma de las prefectoralas. Avètz legir una linha dins un programa dels candidats de las “primaires” ?

La fòto de la guèrra en Líbia farà benlèu una linha dins La Dépêche du Midi, per estauviar de n’escriure una linha a prepaus de las “Assises de la Culture Occitane” a Tolosa, pel primièr còp de la seuna istòria. Mas i aviá un jornalista de La Dépêche per seguir las Assisas, èra tròp luènh de La Pradeta ?

Me pausi la question : Jean-Michel Baylet se passeja a Hestiv’Òc 2011 per explicar qu’es candidat a las ‘primaires’, e que fabrica una politica per l’occitan en Tarn-e-Garona ; mas concretament dins La Dépêche du Midi, es lo patron o pas ? Que farà dels jornalistas absents per non pas cobrir una granda manifestacion d’una politica lingüistica novèla a Tolosa, 4ena vila de fRANÇA ? Que farà dels jornalistas que son sistematicament del costat prefectoral puslèu que de cobrir l’informacion ?

Se cal pausar la question de qu’es la politica lingüistica per l’occitan dins las comunas de l’aglomeracion –PRG per exemple ?

-°-

Rosselhon de la Comtea de Niça :

Seccione ! dixit. Los amics de Bossi se tòrnan enténer en Occitània.

Aquel fait es notar dins lo jornal ARA de Barcelona, coma un retorn.

Se podèm evidentament dire del discors aquel : es demagogic.

Acabi de sortir de Vernet d’Arièja, per la visita del musèu del vilatge sobre lo camp de concentracion republicana francesa (dels elegits de la IIIena republica e de l’Estat Francés).

L’endreit es de visitar ; es segur.

Lo contacte çaquelà ambe lo descendents dels rpeublicans espanhòls dona pas enveja de sosténer un projecte memorial, perqué son mai o mens devengut formatat a las idèas franquista contra la nacion catalana. Ai poscut entendre unes doscors pro-PSOE-PSC contra lo “nacionalisme” qu’es quel del nacionalisme catalan, e non pas l’espanhòl. l’espòli fiscla catalan per engatjar Madrid dins la non-redistribucion semble èstre lo principal argument per contunhar de guerrejar contra Catalonha e «son ancionalisme».

Aquela esquèrra catalan legitimista e centralista oblida que lo PSOE  (o PS de Navarra) capita d’ajudar l’UPN (los amics del PP ailà) per daissar lo poder madrilenc governar en Navarra.

En costejar aquel public, se devendrà aviat independentista catalan.

Mas es pas aiçò que m’interessa lo mai sobre aquel bilhet.

Me soi sempre pausat la question : dins un sistèma d’aquel escantilh referendari padanian, los occitans dal Piemont votarà per l’independéncia ? La majoritat es nacionalista, e es odiat per aquela esquèrra pòstrepublicana que visita lo musèu del Vernet d’Arièja.

I a un region de Piemont qu’es de lenga occitana, li seriá grat d’aver l’independéncia en Piemont padanian ? Podriá èstre un element de la fugida cap a una Occitània independenta ? Siam pus als 8.000 abitants de la Val d’Aran, l’espaci de las Valadas Occitanas de l’Èst son mai de 350.000 abitants …

I aurà un grope coma Libertat per reprochar als Occitans e las Occitanas d’aver votat per l’independéncia al modèl padanian ? I aurà un grope coma lo Partit Occitan per reprochar … I aurà un grope coma lo Partit de la Nacion Occitana per reprochar … I aurà una comunicat del País Nòstre per seguir lo movement de las Valadas cap a l’indepedéncia padana ?

-°-

Aqueste cap de setmana Alfons López Tena es estat en Sardenha, fasent lo fialat ambe lo independentistas sards e per faire una conferéncia dins la capitala, Cagliari. Aquestes actes se tròban al dedins dels contactes de Solidaritat Catalana per L’independéncia, lo partit, amassa ambe totes los partits e  entitats independentistas d'Euròpa. Gaitatz la vídeo.
Us avanço un petit fragment on faig un breu comentari sobre SI a premsa sarda.
http://www.youtube.com/watch?v=A5UYvqknv-A

Occitan: La Dépêche du Midi dona tanben la colèra als elegits(-idas).

Aquel article de ièr es estat un moment de colèra pels elegits e per las elegidas presents(-tas) per presentar las loras politicas lingüisticas ; La Dépêche du Midi es estada criticada, es una tradicion, un patrimòni (qu’amerita una visita de l’ofici del torisme de Tolosa ?), la realitat occitana de uèi.

E o cal plan dire, los elegits son plan en abans, perqué los associatius son estats tanben en colèra, segurament mens. Mas en colèra autanplan. Cal notar tanben que los foncionaris en carga de las politicas lingüisticas, presents dins l’aula de Marengo-l’ARC, èran tanben de Bretanha e Alsàcia, son estats perturbats per aver vist una premsa d’aquel nivèl, le caniveau.

Los 180 participants a las Assisas, quasiment totes de Tolosa, e lectors de La Dépêche podràn tanben aver un dreit de responsa ? Son presidents, o secretaris o clavaires de vièlhas associacions tolzanas, son pas totes dins Convergència (çò qu’es segurament una fauta), mas an totes regretats aquel «article tendencós e quitament engatjat», engatjat cap a l’enterrament de l’occitan, lo contrari de çò qu’es l’occitan, una riquessa de la vila de Tolosa qu’es pas sonque «patrimoniala» ; lo mot patrimòni es sonque dins la boca de  la tecnocracia del torisme tolzan en passar dins l’Ostal d’Occitània, es alara viventa ambe la colèra aquela, e donc en brava colèra aprèp l’article de La Dépêche du Midi (publicat ièr dins lo precedent bilhet).

Es tanben en colèra contra l’actitud del prefecte e espèra qu’un jorn aquelas actituds partesanas, «enbarrada dins l’ignorança, dins l’excepcion francesa», seràn regladas per un LEI REPUBLICANA PER L’OFICIALITAT DEL BILINGÜISME A TOLOSA E EN OCCITÀNIA. S’espèra tanben qu’aiçò serà integrat dins los tèmas de la campanha electorala de 2012…

-°-

Promocion acompanhada per un amic.

31 carrièra polinaires de Tolosa – espèra sa placa en occitan e l’inaguracion oficiala de la placa.

Tolosa, Assisas, prefecte e DDM

Es un raconte tradicional de l’installacion normala de l’occitan en vila, la vila es Tolosa, 5ena ciutat de fRANÇA, e gerida per dos sistèmas, l’Estat ambe la prefectorala e los elegits que son sistematicament botats en dobte per la prefectorala per lor ròtle politic per rapòrt a a l’occitan, son installacion en vila. E La Dépêche du Midi que jòga un ròtle pervèrs, mas del costat del mai fòrt sistematicament, es çaquelà psiquologic, virtual.

Escriviái ièr aiçò :

«Aprenèm uèi que lo prefecte de Nauta-Garona, qu’as res de fotre segurament, demanda al cònsol de Tolosa de plaçar los panèus occitans de Tolosa sobre lo pal de ‘Toulouse’ en francés, dessota, malgrat la declaracion de Montpelhièr qu’a determinat aiçò accidentogèn. Aital malgrat lo dire del director de la DRAC de Tolosa, que crida a l’estauvi de moneda pels budgectes de l’Estat en rapòrt a l’occitan dins las Assisas de la Cultura, en vóler plan faire la comuna de Tolosa aurà pagat un pal e una installacion especiala per res. De mai la visibilitat de l’occitan, quitament se totes los foncionaris de l’Estat son d’accòrd per pensar que son pas contra (ipocrisia de faciada ?), lor caldrar accordar los vriulons per estauviar l’argent public ; mas es que la prefectorala es utile ? Per estauviar l’argent public, la responsa d’aquel blòg es NON, es pas utile car aqueles foncionaris d’Estat fabrican problèmas (ambe un còst de gestion) ont n’i a pas ; Bernard Bonet aviá jà mostrat lo camin a Perpinyà.»

L’article publicat aquel maitrin es çaquelà un pauc rapide e dobtós.

La Dépêche du midi es sempre legitimista e bonapartista, «le préfet clos le débat». Lo prefecte explica aital la seuna inutilitat ambe lo tribunal administratiu de Montpelhièr.

Ièr las Assisas de la cultura occitana an tanben provat la fauta de comunicacion sobre lo tèma de l’occitan. Vist que los enemics de l’occitans son dins lo tribunal administratiu e la prefectorala (coma Bernard Bonnet un còp èra a Perpinyà, puèi en Corsega ambe las palhòtas). Lo prefecte debuta una novèla polemica sul tèma: los actes administratiu del tribunal administratiu de Montpelhièr e de la prefectura de Tolosa son aquí per far cagar la representativitat republicana, donc las decision del pòble en Occitània.

Es escandalós que l’UMP prenguèsse lo camp del destructor dels panèus, ambe quina rasons que fosquèsse per pinturlar los panèus. Car los panèus son la proprietat del pòble de Tolosa, e la representativitat de la majoritat o de l’oposicion, es aquí per defendre l’argent public, dons lo còst del panèus en occitan.

Es escandalós que lo sistèma administratiu e bonapartista francés fabriquèsse de còst suplementari al moment que cal estauviar la moneda dels pòbles de fRANÇA, coma l’expliquèt lo director de la DRAC ièr. Alara doble lengatge de totas, e lengatge pervèrs de La Dépêche du Midi sul tèma ?

Espèri los comunicats urgents dels sistèma poltiic que defend la lenga occitana e sa dignitat, per defendre l’acte pacific, e pacificador de la comuna d’aver installat de panèu subre pals per seguir la nòrma edictada pel tribunal administratiu de Montpelhièr e per respectar la futura lei que deuriá venir sul tèma.

Caldrà sosténer una vertadièra politica lingüistica, e l’oficialitat de l’occitan devèm de mai en mai urgent, per assegurar que l’administracion francesa en Occitània  sul tèma de la visibilitat de l’occitan (una lenga en dangièr segon l’UNESCO), se calèsse.

Ai après tanben ièr que las prepausicions toristicas ligadas a l’occitan son prepausicions que son presadas per un torisme de naut nivèl ; i a en vila un congrès de viatjadors del torisme de la Mar Nòstra, que son inanimes en companhá de ‘Tourisme France’ : las prepausicions ambe l’occitan coma clau de presentacion de la ciutat de Tolosa e sa granda region Occitània, es un element important per l’economia del torisme del futur de la vila.

D’aiçò ne podèm conclure, coma es pas una novèla novèla, es simplament afortit per las chifras de Nielsen presentat uèi a Tolosa pendent aquel congrès, e en companhá de las Assisas de la Cultura Occitana que ne parlèt, lo prefecte es donc un fren al desvolopament economic de Tolosa.

Utile un prefecte ? La vertadièra refòrma de l’Estat francés, es la supression de las prefectoralas, e l’installacion d’una constitucion regionala per una bona gestion del país : Occitània.

Lo 31 de març i a una manifestacion per la lenga occitana a Tolosa, es una bona introduccion, e rason per venir manifestar. Mercés a l’onorable sénher prefecte de Tolosa e al tribunal administratiu de Montpelhièr.

Itàlia, television, immersion lingüistica e fótbol en Catalonha.

L’immersion lingüistica qu’es interdicha dins lo sistèma francés d”educacion, levat pels Quadres Alemands de Colomiers (AEDS-Airbus), es lo melhor sistèma per apréner las lengas, pauc impòrta l’environa.

Totes los autres sitèmas son especulacions sobre l’environament lingüistic de la lenga minorizada.

Podèm donc afortir que tot locutor d’una lenga latina, vertadierament locutor d’una lenga vertadièrament latina, podrà aprendre las autras lengas latinas, sense dificultat.

Nos podèm pausar la question, quí dins l ocervèl francés, frena per aprendr elo catalan als estudiant francés d’Eurasmus a Barcelona, levat lo pè politic del sustèma ancionalista francés d’educacion, e de ierarquizacion d elas lengas, e de matematizacion de l’ensnehament de las lengas.

Uèi Tolosa recept un groipe de tors operadors en torisme de l’ensemble goegrafic de la Mar Nòstre, res lor explica la preséncia de l’occitan, e dons de la riquessa que p♫9t portar per un torisme original, o de mai vist la proximitat de l’occitan ambe l’italian, seriá talament aisit de lor presentar Tolosa en occitan, dins la lenga d’Òc d’un Dante !

Uèi en Catalonha, se felicitan del sistèma educatiu catalan e de son environa segur per la dignitat de la lenga catalana.

Uèi, aprèp aver escrich un tèxte sobre la Corrída, un militant que li agrada lo tèxte me demanda la traduccion ; la traduccion francesa d’un tèxte occitan es la pròva que lo francés es pas una lenga latin, es pus una lenga latina. L’immersion lingüistica fauta en Occitània, l’immersion lingüistica es una riquessa economica per Catalonha, e sa dignitat.

L’immersion lingüistica es la solucion als problèma francés en matièra de descolonisacion lingüistica, es per aiçò que los sindicats francés de l’«Éducation Nationale» son contra e qu’un lòdi de parents integristas e republicanista totparier. Se l’intelligéncia lingüistica passa pel fótbol, me cal cambiar còp d’aula, passar dels corses de filosofia o platussatge al fótbal (i aurà de trabalh, mai que per saber lo catalan o l’italian).

Per favorizar l’immersion lingüistica cal d’escòla, e tanben una visibilitat de l’occitan.

Aprenèm uèi que lo prefecte de Nauta-Garona, qu’as res de fotre segurament, demanda al cònsol de Tolosa de plaçar los panèus occitans de Tolosa sobre lo pal de ‘Toulouse’ en francés, dessota, malgrat la declaracion de Montpelhièr qu’a determinat aiçò accidentogèn. Aital malgrat lo dire del director de la DRAC de Tolosa, que crida a l’estauvi de moneda pels budgectes de l’Estat en rapòrt a l’occitan dins las Assisas de la Cultura, en vóler plan faire la comuna de Tolosa aurà pagat un pal e una installacion especiala per res. De mai la visibilitat de l’occitan, quitament se totes los foncionaris de l’Estat son d’accòrd per pensar que son pas contra (ipocrisia de faciada ?), lor caldrar accordar los vriulons per estauviar l’argent public ; mas es que la prefectorala es utile ? Per estauviar l’argent public, la responsa d’aquel blòg es NON, es pas utile car aqueles foncionaris d’Estat fabrican problèmas (ambe un còst de gestion) ont n’i a pas ; Bernard Bonet aviá jà mostrat lo camin a Perpinyà.

Es un pauc coma l’immersion lingüistica, lo sistèma francés fabrica problèmas ont n’i a pas dins los Estats normals.

Jornada dau Patrimòni en Ròse-Alps : de notar

Pauc a pauc, pertot en Occitània, la politica lingüistica per la lenga occitana s’installa ; i a un endreit qu’es arribat ambe fòrça en 2009, per un vòt solemne, es lo Conselh Regional de Ròse-Alps. En 2009 an votat per una oficialitat de l’occitan e del francoprovençal, coma lenga essenciala de la region. Es un eveniment perqué fins a 2009, la presa de pausicion politica èra jamai estada tant clara, pertot en Occitània.

Lo seu president Queyranne sosten uèi la candidatura a las ‘primaires’ de Ségolène Royal, la mesma persona es venguda 3 oras visitar L’Estivada 2011, per encontrar e escotar totas las questions que pausa l’occitanisme de uèi, elegits o militants associatius. Ai jà agut lo temps d’escriure sobre aquela visita. La visita es estada fòrt discreta dins los mèdias parisencs e locals, e çaquelà Ségolène Royal èra en campanha, e pensa apondre la signatura de Peitieu-Charenta a L’Estivada 2012 ; benlèu coma presidenta de la republica ne farà mai ?

Dissabte, la jornaa dau patrimòni serà un pauc especiala pel poder de la decentralizacion en Ròse-Alps.

Aquela pausicion politica clara, pausa una reala question a los que fan de Provènça un espaci que las frontièras administrativa francesas ne fan lo maine d’intervencion, en fasent atencion de ne sortir Niça que fosquèsse occitana (nissarta o gavòta) o liguriana. Fòrça dons a-n aquela Provènça dal nòrd e al Dalinat del Sud per desvolopar una politica lingüistica per l’occitan : s’i espèra escòlas bilingüas (escòla de l’Estat), escòla Calandreta, panèu de signaletica, programas radiofonic (webràdio o FM), un programa sobre France 3, etc.

Manifestacion(s) contra lo nuclear

La fòto mòstra una manifestacion a Avinhon en julhet darrièr, ambe la preséncia dels elegits d’Europe Écologie Les Verts. Mas cal notar qu’es previst dimenge venent una manifestacion contra lo nuclear a Barcelona, lo 18 de setembre 2011.

Lo melhor site d’informacion en Occitània pel tractament de l’informacion sobre l’incident nuclear de Marcola, Sud-Ouest.

Marcola, prèp de Nimes, Occitània, las centralas son SEGURAS !

Vos disi, e nos l’an confirmat totes los tecnicians del nuclear, totes los militaristas del nuclear (es un pauc coma la paret maginot), e la nucleocracia politica francesa, avèm las centralas las mai seguras del monde, perqué ? Perqué son FRANCESAS. Logic, non ?

Alara la premsa nos explica que cal èstre Zen, ElPuntAvui, Barcelona :

El Priódico, El Diari de Girona, Midi Libre, La Dépêche, Lo Dauphiné, La Provence, ne fan la primièra novèla en una ora d’actualitat.

La Marseillaise, pas una linha !

Mr Bricolage es prevengut, la clartat nucleara FRANCESA vos infòrma : «siam segur !»

Continent Science de France Culture, lo programa contunha sense comentari. Se volètz l’escotar per balado-difusion, ambe lo nuclear francés dins l’aire, cap problèma. Tot va plan per la dicha “sciences françAIse'”.

Cal gaitar los sites de ràdios localas d’informacion ? France Bleu Nimes, Provence, Typ FM, RTS, Grand Sud FM, … Mas soi pas segur tanpauc d’aver las bonas informacions.

France Info parla cricket … mas lo site Internet es mai precís. Avèm la mapa francesa dels dangièrs nuclears plan plaçats pertot ont i a terratremols potencials. Lo govèrn assegura qu’i a pas de fugida radio-activa, coma pels nívols de Tchòrnobil qu’èra arrestat a la frontièra naturala.

Quora i aurà un accident nuclear, cal èstre segur, coma l’indica jà Le Dauphiné, serà del “Bricolage” de l’informacion e aquò per nos amagar la vertat. Mas perqué jà seriá pas per nos amagar la vertat ?

RMC nos infòrma coma nos fasèm b… pel sistèma nuclear francés ; tot un programa.

Damora pus que las informacions alternativas : CRIIRAD. Mas se lo vent s’en va cap a l’Oèst, la CRIIRAD podrà pas mesurar… la radioactivitat de Marcola, nimai se lo vent pòrta al Sud.

Per clavar, cal felicitar Vilaweb pel tractament de la geografia de l’informacion :

Vilaweb indica plan que Marcola es en Provènça, prèp de Marselha ! Vilaweb indica plan que lo nuclear cerca pas de saber quina son las frontièras de las estupiditats nucleocratas francesas. Vilaweb tracta plan l’informacion d el’espaci occitan e catalan, Occitània e Catalonha –Païses Catalans.

Diada de Catalonha a Tolosa

Zo cal notar sobre aqueste blòg, es essencial.

Es la primièra vagada qu’una institucion occitana co-organiza ambe lo Casal Catalan de Tolosa, e l’associacion dels Quadres Catalans de Tolosa, la Diada Nacional de Catalonha.

Qu’es aquò aquela diada ? Dia +ada, avèm diada, jorn + ada, avèm jornada. Es un jorn especial per la nacion catalana ; es lo jorn que las institucions politicas catalanas an escolhit per èstre lo jorn de fèsta de la nacion catalana, aprèp la sortida del franquisme.

Aquesta annada 2011, la municipalitat de Badalona, PP, refusa de fèstejar la diada nacional de Catalonha; a Madrid lo Partido Popular crida los Catalans de complir la lei per non pus ensenhar lo catalan normalament, e lo PP a Badalona non complís la lei catalan per la diada catalana ; aquò se sona de ierarquizacion juridica e institucionala, colonialisme aplicat de la pensada politica bonapartista e borbonica, incoëréncia nacionalista d’expansion. L’avèm en version francesa en Occitània plan vivent tanben : «Lo PP es un modèl per l’UMP» dixit Alain Juppé, o Jean-Luc Mélenchon o la Libre Pensée qu’explícan tot e lo pus grand mal que pensan de las lengas minorizadas en République française.

Vesètz çò que vikipèdia en catalan explica de la Diada :

S’organiza a Tolosa, a partir de 14:30h un DIADA DE CATALONHA, tot ciutadan o tota ciutdana es convidat/ada.

L’organiza la Convergència Occitana, associacion de gestion de l’Ostal d’Occitània, l’associacion dels Quadres Catalans de Tolosa, e la mai vièlha associacion catalana de Tolosa, lo Casal Catalan (sempre a costat dels Occitans e de las Occitanas per la defensa dels dreits lingüistics e morals).

La Diada es organizada aquesta annada en memòria de Lugan Bedel e Anna Maurí Graells, mòrts aquel estiu dins un accident de la rota. I aurà tanben un moment de recuèlh per un musician e occitanista F.Flautard, mòrt tanben al meteis periòde en Lengadòc.

Çaquelà serà pas una commemoracion trista, serà un eveniment per Occitània, perqué es lo primièr còp que se farà quicòm per aquela data tant especiala pels Catalans e per las Catalanas, e ambe una granda fam occitana per aquela data.

Las colors occitanas serà alara tanben de la fèsta ! (picatz sobre la bandièra per aver l’imne nacionl occitan)

Datas : 11 setembre 284, mòrt de l'empereire Marc Aurèl - 11 setembre 1971 còp d'estat al Chile - 11 setembre 1975 primièra diada Nacional de Catalonha - 11 setembre 2001 atemptat dins una ciutat nòrd-americana.

Impòsts + Itàlia, e nosautres en Occitània “di Aups aus Pirinèus” ?

‎1 / la creacion de l'Estat italian per la volontat dels amics de Savoia, pel Napoleone III e sa diplomacia, es jamai estat la garantia de solidaritat entre lo nòrd e lo sud
2 / la creacion de l'Estat italian a enlevar l'autonomia de l'Estat napolitan e adonc la responsabilitat ailà.
3 / 1860 la creacion de l'Estat italian a enlevar la potenciala democracia en Savòia e Niça (Occitània de l’Èst en majoritat), ambe referèndum trucat pels... bonapartistas franceses.

Lo sistèma francés a creat la decentralizacion, lo dreit comunal s’imposèt a la revolucion francesa coma la nòrma venguda d’Occitània, mas tot aquò aurà pas donat una responsabilitat al nivèl dels comptes, administracion e sistèma politic en plaça (la fauta de la decentralizacion en Provènça ? Es plan Defferre que criticava l’Estat e qu’a agut l’idèa de l’imposar dins lo programa socialista de 1981 !). Sobretot quora vesèm que del costat de Provènça (PACA), de mantunas manièras, los comptes publics son criticats per autoritats independentas o lo mercat de las devises.

Lo costat Reialme d’Arles (Occitània de l’Èst de uèi) + Niça, lo costat regional fabricat pels Franceses devath lo nom de PACA, lo costat aquel a pas los comptes pron clar segon Moody’s.

De mai, la comuna de Sant Tropès es endeutada sobre la basa del Franc Helvetic, vos disi pas a la fin de l’annada la factura que va aumentar grandament … e donc serà tanben en dangièr de non poder pagar. La factura a aumentat de mai de 25 % que çò de previst.

Veire la mapa :

La decentralizacion es pas una garantia de bona gestion, mas l’autonomia politica ligada a una reconeissença clara de las identitats nacionalas, sí. L’autonomia es evidentament suportabla pel pòble (occitan dins l ocas donat) ambe una constitucion per cada entitat autonòma, e l’obligacion d’èstre regulat per las leis europèas. Vesèm aital que se la tecnocracia francesa èra pas monilhista, las causas serián aisidas de reformar, per mai d’eficacetat dels comptes publics, en fRANÇA e Euròpa.

E se los impòsts d’Occitània èran prelevats pels Occitans e per las Occitanas, soi segur qu’aiçò seriá reglat !

Los elegits e las elegidas de la zòna de fòrta reconeisséncia de l’identitat occitana, catalana e basca, fabrica compte en melhors estats, segon Moody’s.

Une catastrophe nouvelle s’annonce

Una autra catastròfa pel 11 de setembre a Nòva York, Douste ?

Après les petit boulots pharmaceutiques, Lourdes, Toulouse, Paris (affaires toujours étrangères), New-York, Douste est très occupé…

© Philippe Mignard per la fòto e lo montatge. Arribat uèi lo 9 de setembre, la velha del 11 de setembre.