Quand la RF oblida, la BBC i pensa

Una bona novèla pels Occitans, podràn escotar sus la ràdio publica anglesa BBC3 un programa consacrat al musician occitan (d'Auvernhe), Canteloube.

Considerat coma « compositor francés » es çaquelà promòugut coma : 

 ... e de lenga occitana ! Ambe l'illustracion que sabèm plan a Tolosa ont se trapa vist que la signaletica es dins la lenga istorica de Tolosa, lenga que fabrica aital la promocion d ela vila mondina, causa que los elegits jacobins tolzans an gaire elements per comprendre perqué es melhor per la promocion de Tolosa, a la BBC3 de London !

Ambe lo piulet transmetut pels amics catalans sabèm l'interès que l'occitan a en Euròpa, causa qu'es pauc conegut pels neurònes politics de Tolosa, e de totes los candidats al sistèma politic jacobin, e totes los elegits o elegidas de Tolosa, Bordèu, Lemòtges, Guarat, Tula, Briva, Clarmont 'Auvernhe, Aurlhac, Lo Puèg de Velai, Privat, Vilanuèva d'Òlt, Marmanda, Lengon, Arcaishon, Valençi, Monteleimar, Avinhon, Gap, Niça, Draguinhan, Peirigüers, Brageirac, Pau, Dacs, Baiona, Lo Mont, Tarba, Lorda, Aush, Albi, Agen, Cáurs, Rodés, Castras, Blanhac, Ramonvila, Labèja, Murèth, Lanamejan, Sant-Guirons, Sant-Gaudens, Milhau, Montpelhièr, Nimes, Besièrs, Narbona, Seta, Ales, Marselha, Tolon, Canas, etc. 

 

Exportar la terror arabo-persana sul continent nòstre, perqué ?

L'islam, los afidats de l'Islam, totas capèlas confondudas an importat en Euròpa, la guèrra de religions que faguèron jà entre Iran e Iraq pendent annadas. E que fan actualament al Iemèn, en Iraq, e en Síria. Fau dire que los imperialismes europèus -que los poders nòrd-americans se ne fan jamai los descendents, mas qu'o son per consequéncias lingüisticas e lo desvolopament d'una manièra de veire lo dreit internacional- an tanben trabalhat per installar l'incertitud politic dins aquelas tèrras de l'ancian impèri d'Alexandre. Sus aquel bodèl politic arriba la vision germanica e las consequéncia dels netejament radicalíssim contra la comunautat josiva, e donc la creacion d'Israël ajudat per la diplomacia anglesa en tèrra de Palestina, coma s'èra tèrra incognita ; la pensada es pas novèla foguèt la pensada dels Castilhan e Portugueses quand son anat conquerir las tèrras d'America ; lo concepte de barbaritat romana l'aplicavan ara los imperialistas de tot escantilh del continent europèu.

______________

L'Aràbia Saodita arresta las relacions diplomaticas ambe lo Quatar perqué finança lo terrorisme. 

Fin de la nhòrla.

 ______________

Fau rire de tot ? L'afar fa gaire rire a Teheran ... nimai a Moscó que son dedins aquel bordèl o al lindal del sistèma e cadun vóler instrumentalizar coma lor agrada, en foncion de la politica interna.

Los reialmes àrabs an mestièr de personals per bastir Estats (ambe la riquessa del petròli), e lo basteson de l'Estat fauta d'idèas de la generositat sociala (los migrants paures venon de la pòrta asiatica de l'Impèri d'Alexandre, e son forçadament mal pagat dins una societat quasiment medievala) ; tot es per una casta que d'argent n'a a bodre... alara de que far d'aquel argent, d'aquela finança : perqué pas finançar l'ideologia musulmana qu'es l'èime arab peninsular de sempre. Se finança plan la creacion d'entrepresas dins las banlègas europèas !

La fauta d'educacion dels pòbles de religion musulmana, es entretenguda per la colonizacion vièlha al Magreb e al delai (Argèria, mas tanben Marròc e Tunísia, mai tanben dins las tèrras d'oltra-mar miègeterranèa a l'Èst) a fabricar las iras intemporalas que sortíscan ara ambe la circulacion de l'informacion per Internet e donc pauc contra-rotlada, mas tanben las armas que son vendudas pels Europèus (de Brest a Litov). Fau oblidar que l'impèri turc a debutat l'educacion dins aquela zòna, e que la causida politica e diplomatica -pendent la guèrra de 14/18 puèi de 39/45- foguèron los problèmas qu'an destrusit aquel sistèma qu'èra devengut virtuós per çò que concernís l'educacion per una granda quantitat de populacion.

La destruccion de l'impèri otoman es degut tanben a la volontat de poder imperialista, dels poders de London e de Paris, per contrabalançar l'arribada dels nòrd-Americans, Estanusians, coma concurrents, quasiment forçats pels poders imperialistas japoneses (version asiatica dels Europèus). E ara lo poder nòrd-american assaja de potingar las destruccions europèas sus aquel espaci politic perso-arabic ; sense capitar mai sul tèma. E lo poder rus tanben -se lo consideram coma imperialista e colonialista, o son- es en causa sus aquel terrenh per potingar de la pus maissanta manièra possibla sus aquel terrenh dels pòbles musulmans entre Ocean Atlantic e Ocean Indian. Sèm dins un espaci 80 % de l'Impèri Perse.

 

Teresa May, al cap de l'Estat imperialista londonian, e que fabriquèt un comunautarisme musulman en Anglatèrra ambe sa politica liberala e per assegurar una vièlha vision imperiala londoniana, puèi qu'èra supausat modelic comparat al modèl dit francés d'assimilacion laïca, explica ara que fau limitar los escambis d'idèas per Internet. Los poders angleses an limitat los fluxes de la migracion (venguda del continent europèu) causa de la politica dels politicians arabo-persas (quasiment l'impèri d'Alexandre tòrna aital en listar los problèmas que los Estats farlabicats per la colonizacion anglo-francesa a fabricat). Los poders angleses veson pas problèma a la circulacion dels capitals arabo-perses dins la borsa de Londras, ne vívon !

Teresa May parla pas de limit ar los escambis de capital.

Quinas solucions ?

Dins aquel bordèl, la politica per estauviar la crompa de petròli es una granda solucion politica per l'ancian Impèri d'Alexandre e alara benlèu que las estructuras cambiarà e nos faràn mens de mal qu'actualament.

La veitura electrica es alara una solucion diplomatica... e ara fasèm d'ecologia ? Quand lo trabalh, lo luòc de trabalh serà pas elonhat del luòc de vida de cadun e per totas las populacions (obrièr o quadres) ; mens de despensa per las familhas per crompar de ... petròli ! Quand las usinas tornaràn als pès de la consomacion, los transpòrts auràn pas mestièr de fabricar finança per un Estat d'Egipte que capita pas de s'organizar per far viure sa populacion granda.... Quand las usinas de la consomacion, o supermercat -modèl mondialista francés- serà pus que botiga del barri ont la populacion viu .... i aurà pus mestièr dels transports dels dissabtes, e sobretot mens de taps de circulacion aqueles jorns per dintrar al supermercat e als estadis de rugbí o fótbol.

etc.

L'ecologia participa d'un retorn de la vida d'estauvi prèp dels pòbles, e la fin dels conflictes que l'imperialisme europèu o pòst-europèu a creat.

lo còr sarrat vos escrivi aquel bilhet

Ai escotat dissabte « lo Talhèr del poder », en lenga imperialista « l'Atelier du pouvoir » francés plan segur, car sonque en fRança es donat d'aver de poder politic, se sona centralisme ; ai sempre aigut una aurelha fina per aquel programa qu'ai sovent trobat legitimista ; e ben, per un còp l'es pas estat ... quitament se una inquietud (del productor) s'entendrà dins lo programa al mens tres còps : « vos vòli rassegurar fau anar votar dimenge venent per las legislativas » ... son programas legitimistas çaquelà ! Es un programa de la radiofonia oficiala francesa ; es donc per una ràdio jacobina per esséncia politica, ontologicament, fau sul pic donar las felicitacions al programa, mentre que la critica del programa arribarà en fin de bilhet.

Donc fau felicitar Radio fRance, e la direccion de fRance CULture d'aver programas, pichonetament critics del sistèma centralista francés, enfin !

Vos fau escotar aquel programa en urgéncia abans d'anar votar per un partit del mendre mal jacobin, lo sol que saurà aficar un federalisme a dòsi minimalista (fau pas pantaissar, son pas nombroses, lo sol que sabi en Occitània e qu'a lo mejan de se pagar una campanha es EELV). Quitament En marche ! que se vòl « dins lo vam de la revolucion del patron, Emmanuel Macron » son per la centralizacion de la taxa d'abitacion ... lo contrari de çò que fau far.

Al mièg del debat çaquelà un interlocutor explica que los deputats son tròp nombroses, mas se lo nombre se dèu demesir (i aurà aital parçans grands del monde rural qu'auràn pus de representant), la soma per donar als Parlaments dèu èstre servadas, per poder ajudar los Parlamentaris (sembla qu'o fan pas fins ara) : 1 / verificar que las leis votadas son aplicadas e benlèu que pausan problèmas, 2 / quand fan la lei l'avejaire de l'administracion francesa es benlèu lo sol mejan per aver d'informacions seguras e la realitat del terrenh ! 

Quand se coneis lo subjecte de las politicas per las lengas ditas regionalas, aquelas doás criticas son plan conegudas en Occitània :

a/ escotar lo sol son, las sonalhas dels quadres de l'Éducation dita Nationale per aver de las estadisticas per l'ensenhament de l'occitan es pas una assegurança de l'eficacetat d'aquel ensenhament. E son pas las superbas competéncias militantas dels professors de letras que faràn capitar aquel ensenhament de manièra generalizada, tal que se sembla fau far per salvar una lenga en dangièr. 

b/ escotar los sols sons, los bruches repuylsius, dels directors de France Télévision 3 sul tèma de las emissions en lengas ditas regionalas, es coma escotar lo carnissièr nos parlar del sofriment animal !

Lo programa de fRance CULture çaquelà assajarà a cada moment de trobar solucions, reformetas, per curar la dificultat, la dificultat es clara : es que lo parlamentarisme exista pas en fRança. Mas jamai, dins un questionament sus l'utilitat del Parlament, o dins la supression del Sénat (e l'estauvi gigantesc que seriá) o de l'Assemblée dita Nationale ( una pèrda de temps organizat per la partidocracia republicana francesa per far creire a la democracia en fRança) ; fau pas èstre extremista çaquelà, nos diràn ; sèm a Radio fRance, e quand lo patron paga, lo fau pas criticar de manièra segura e en prigondon. Lo fau far a travèrs libres, o los convidats, jamai dins un bilhet politic, sus fRance Inter, fRance CULture, fRance Bleu (multiplas estacions de propagandas en regions) o fRance Info.

Donc vos fau legir aqueles libres, vist en illustracion, per comprendre que lo sistèma francés es reformable, mas lo fau destrusir !

Dins la critica del FN-BM es que l'Assemblée dita Nationale a perdut son ròtle inventiu, creatiu, e lo Parlament francés « se vei imposar » pel Parlament Europèu, o « l'Euròpa fabrica las leis » ... lo tèma es pas estat abordat.

De mai, dins la resolucion del problèma dels parlamentarismes parisencs, jamai se parla de delegar a als region las causas que son una illustracion de las incompeténcias legislativas centralista francesa, jamais aquò coma solucion : donar un pès legislatiu a las eventualas assemblèas regionalas, provesidas d'una poder novèl aquel de fargar la lei per las novèlas regions agradidas e en ligam real ambe lo terrenh ; alara que dins lo programa se criçtiquèt grandament l'elonhament del terrenh en préner coma exemple un deputat de la banlèga parisenc qu'arriba per pensar cambiar la lei a 30 km, es de dire a Paris e qu'i arriba pas ; vos podètz imaginar un deputat de Polinèsia dita francesa, dels elegits dita de la forana fRança (elegits novelament integrats al bordèl parlamentari francés), de Kanaki, de Goadelopa, de Martinica, de Guina dita francesa o Péyi (America dita latina), de Corsega (que els sols son a demandar aquel poder), d'Iparralde, de Catalonha del nòrd, d'Alsàcia, d'Occitània ( e l'espaci politic aquel es granda e amerita un tractament apropriat, mas sense qu'un sol partit francés aguèsse demandar una legislacion particulara e orquestrada pels Conselhs Regionals concernits) ....

Per restaurar las glèisas lingüisticas goticas que son las lengas

Per restaurar las glèisas lingüisticas goticas que son las lengas, qu'es la lenga occitana, s'espèra una politica francesa, fau pregar a la virtuala glèisa République Française ; pel moment fRança a res previst, cap linha de programa, cap politica lingüistica, cap partit clarament volontari sul tèma ; es çaquelà patrimòni segon la constitucion a la linha 75/1 mas la realitat sul terrenh es francesa e pietadosa. 

RFI infòrma sul tèma : Ligam de legir

 Se fau alara questionar de l'interès de l'article 75/1 de la santa constitucion republicana francesa, article votat pels deputat UMP6UDI ambe l'ajuda de totes los socialistas. Aquel article parla de patrimòni immaterial per las lengas de fRança, mas concretament cap comission de deputats es estat veire l'uititat d'aquel article per la salvagarda de las lengas, per contra se la catedrala de Paris tomba o veiràn e la populacion castigarà los deputat qu'auràn pas votat per la seuna salvagarda, malgrat la lei sus la laïcitat !

E se la lenga occitana es pas salvagardada serà coma una catedrala francesa, una roïna de la santa republica francesa, una immaterialitat lingüistica que la lenga francesa n'es la seuna preson semantica (vist los emprunts que li faguèt, o fau dire los panatòris que la lenga occitana aguèt se suportar de la part de la lenga imperialista de l'edicte de Villers-Cotterêts e seguidas) ; benlèu qu'entendrèm que l'occitan es pas causa laïca, vist que la primièra lenga vulgara qu'a tradusit la Bíblia del grèc antic, gràcia als Catars o Bons Cristians que los poder franceses an percaçats per èstre maissant cristian coma l'explicava la santa glèisa de Roma. Tot es possible per bastir mentida del costat jacobin, e pauc impòrta los regimes, republican o reial, jacobin de dreita o d'esquèrra, en caminar o en far res ; la tòca finala del sant esperit francés es de netajar lingüisticament lo patrimòni lingüistic de l'Estat, per daissar la plaça a la santa lenga reiala francesa (en mesclar la ciutadanetat e la nacionalitat, es jà un grèu problèma que debuta dempuèi 1792).

Donc aurèm de suportar los jòcs olimpics, e los pagar tanben, puèi tanben la santa catedrala de Paris !

Lo desert cultural es fabricat per Paris, e l'importacion de la lenga francesa cámbia res al problèma, al contrari, assegura una sotmission CULturala granda a las idèas « bonas e santas » dels Parisencs, d'una casta d'intellectuals que ara son republicans, mas que son estats legitimistas e/o reialistas ; res a cambiat.

Dins un bilhet venent vos donarai la rason que l'Assemblée dita Nationale es un poder sense utilitat, a la seguida d'un programa de fRance CULture que presentava la « frabique du pouvoir », la farlabica del poder en realitat.

La premsa, l'opinion e la vida del ciutadan

Las leiçons del passat per entendre l'avenidor, Emmanuel Macron èra jà rei republican en decembre 2016 segon la premsa francesa #Elections2017 La causa èra entenduda de totes .... E aqueste còps, lo còp èra un còp de mèstre ; l'estupiditat dels elegits Les Républicains a plan ajudat, e quand los socialistas s'i son botats, lo còp es devengut reial, un reial republican francés, tal qu'un Bonaparte sol a sabut far, o quitament un Général De Gaule. Pel referèndum sobre la constitucion europèa (1992), la causa virèt diferentament.

Se fau sovenir de l'istòria de las manipulacions de la premsa per enetendre que los pòbles ne son los instruments volontaris o pas. Mas sempre la premsa a una influéncia sobre las causidas dels pòbles.

Donc la coneisséncia de l'escritura d'un article de premsa deuriá èstre lo primièr cors de sciéncias politicas de totes los ciutadans. E l'escritura se dèu pus limitar al papièr, fau l'audiovisual e l'Internet, ara.
Sense corses es :

Mantunes ciutadans bisounours o afidat de Disney an mestièr d'aquela inocenta jovença, crèma de jovença qu'ataca los neurònas de la pensada politica. E aquò me farà dòl. Mas es pas tot.

Aprèp la seguida es : de quina manièra lo marqueting trabalha per -ambe l'ajuda de la premsa o pas- per installar una opinion sobre las causas, la vida de la societat, la via politica que la societat « se dèu » causir. Puèi las eleccions jacobinas o pas devenon sense grand interès, donc !

Aquel cors, deuriá èstre imperiatiu al collègi, tre sortit de la pichona escòla, aprèp l'alfabetizacion.

Un exemple, quina es l'informacion importanta lo 1er de junh en Irlanda ? Avèm pas la profusion de premsa coma dins lo monde anglosaxon, mas la premsa en francés (sense cap de dobte jacobina, centralista e d'opinion fabricada a París), sovent de la news, en patois parisenc, o la version iberica de las informacions (en espanhòl e catalan, basco o galician) nos dona a pensar que lo trabalh d'aquel cors de premsa als joves publics es grand. Dins las escòlas, i a corses -de temps en temps- mas sempre ambe un solet jornal .... la diversitat del tractament de la novèla e donc al final de l'opinion amerita mantunas sorgas d'informacions, sense cap de dobte ne sèm bravament luènh.

En Occitània, lo prisma de la premsa es jacobina, e quitament los journaux locaux qu'en mai se díson independents çò qu'es una granda nhòrla lemosina, donc discreta.

Aquel bilhet assaja de donar una pichoneta amira, vision sul costat, sus la talvèra de l'actualitat vist d'Occitània. E en Occitània, sèm pas melhor que los autres, mas una pèira a la pensada de la planèta e dins la nòstra lenga que volèm bravament mai que manténer !

 

La politica Les-Républicains en Provença

A l'ivèrn passat (avèm sonque la vídeo disponibla ara), lo conselhièr region Jean-alexandre Mousset faguèt una intervencion per sotalinhar la politica de destruccion de la diversitat occitana (donc de LA lenga de Provença), lenga qu'a coma pertot en Occitània una pluralitat de foncionament lingüistic, coma tota lenga qu'a pas realament de politica lingüistica.

Es que fau parlar d'aquela intervencion ? Pensi que òc, e al meteis temps fau informacions de l'intervencion, sota las condicions que seguísson.

Lo document es disponible per l'escasença de la campanha legislativa del candidat Jean-Alexandre Mousset que se presenta en provença, ambe l'etiqueta FN-BM ; Fau o pas publicar o far saber ?  Fau saber que lo candidat aurà l'escasença de dire tornar, un pauc pertrot dins la campanha sa vision de LA lenga de Mistral, lo Prouvençau o lo Provençau. Sul tèma es un candidat tras qu'onèste.

 

1 / Aquela intervencion FN-BM es unica en Occitània ; L'argumentacion fauta de sapiença istorica e lingüistica, e donc tomba aital un pauc aisit per la majoritat Les Républicains de Provença, e dona una idèa de la facilitat qu'a Estrosi per destrusir l'occitan en Provença, la diversitat lingüistica occitana en Provença.

De mandar aquò, es per títol informatiu, e jamai per rason militanta.

Les Républicains es dividir per regnar PUNT, jamai Frederic Mistral a pensat aital.

Çaquelà dins totes los partits franceses i son militants e sovent elegits qu'an comprès que occitan = pluralitat dins l'unitat, diversitat dins l'unitat lingüistica ; mas son sempre un pauc isolat e l'estructura jacobina del partit ajuda pas gaire.

2 / Lo document amerita d'autres comentaris, e lo bilhet aquel ne farà ; Fau o pas publicar o far saber ?

Es una causa estranha que la subvencion autrejada anirà a los qu'ambe aquela idèa d'uniformitat e unicitat del prouvènçau son a destrusir la diversitat occitana de la lenga de Niça !  E Christian Estrosi qu'en politica i coneis autanplan qu'en lingüistica, se deuriá questionar de donar a una secta prouvençalisto tant de moneda per dintrar la lenga dins un conservatòri, e benlèu aital melhor l'enterrar ; un projecte que dèu èstre efectivament aquel de Les Républicains (?) ; L'escòla francesa destrusís l'occitan dins la manièra que son organizacion fonciona, mas i a volontats dins las regions vesinas que Les Républicains son pas al poder, e cap region ont i a Les Républicains al poder se farà associada a la politica menada per l'Éducation dita Nationale sul tèma; malgrat totas las critica exista. E quitament a Niça s'ensenha ambe la comuna la lenga de Niça, e l'unitat de LA lenga d'Òc es un briconet questionada, e la critica es la democracia, mas s'avança dins aquela pluralitat de vision. Alara perqué a Marselha lo son Estrosi es diferent ?

Dins lo discors d'Agen per inaugurar l'estatua d'en Gensemin, poèta de l'Agenés, peruquièr de sa vida, en Frederic Mistral, lo quite grand en Frederic Mistral, donava a la lenga una unitat reala (veire son diccionari de la lenga), lo discors se faguèt dins sa lenga, sense traduccion, a AGEN (!) qu'es pas coneguda per èstre de Provença. Sus aquel meteis blòg avètz poscut veire l'entrevista del cantaire provençal Guiu Bonet e las question èran dins l'occitan de Tolosa ; Guiu Bonnet respondèt en Provençal ; l'intercomprenson èra sancièra. Dins las escòlas Calandreta de Provença s'ensenha la LENGA DE MISTRAL, pas mai ! Mas pas per grope de pensionats, mas per joves, per l'avenidor de la LENGA DE MISTRAL qu'es tanben la lenga que se parla pertot en Occitània, de Mentan a Lacanau. Dins l'escòla Calandreta d'Agen s'ensenha la lenga de Mistral dins sa variacion d'Agen.

L'ignorança lingüistica pasta la politica de Les Républicains en Provença.

Es complicat de fargar una intervencion fàcia a la maissanta fe de l'ex-president de la region PACA.... sobretot ambe d'informacions que son arribadas al darrièr moment. Lo debat es alara impossible. Les Républicains sábon organizar l'abséncia de debat, los jacobins en general.

Vòli aquí apondre que l'onestetat lingüistica del candidat Jean-Alexandre Mousset es granda, e me limitarai a-n aquel subjecte.

Vòli apondre que la malonestetat de Les Républicains sul tèma es mai de granda quand se passa Ròse [>]  o Var [<].

Fau donar son vòt a gents que son malonestes ?

En Occitània sabèm escriure la lenga imperialista

Coma qué parlar l'occitana frena pas per saber coma se fabrica plan la lenga imperialista.... s'ortografirà fòrt plan las decas politics dels imperialistas franceses per castigar melhor l'occitana. L'Edicte de Villers-Cotterêts exosta tanben dins los mèdias oficial del jacobinisme, lo grope France Télévision, 2, 3, 4, 5, Gulli, France Ô, etc.

La television decentraliuzada "France 3 Midi-Py @France3MidiPy" publica : « L'Occitanie, vice-champion de France de l'orthographe » ; qui gausa escriure qu'aquò auriá degut èstre en lenga occitana tanben sul site oficial de France 3 ?
 

L'article sona ... coma una volontat de rassegurar los Franchimands qu'an paur d'aver locutors o lucutriças en occitan que sapièssen pas la lenga imperialista, la lenga del rei-president, la lenga de l'edicte de Villers-Cotterêts (mas que damora d'actualitat, el).

Dins las annadas cinquanta, quand lo nombre de locutors èra encara maxímal, l'ORTF regionala fasiá sonque reportatge en francés, e los animators èran sonque de lenga francesa (los arquius tanben donc), segur qu'èra « per evitar de valorizar la lenga dels païsans », aprèp las manifestacions per la television en occitan, dins las annadas 1970/80/90, France Régions 3 puis France Télévision 3, an donat -per compassion- trenta minutas «d'occitan a l'atena » a la setmana (!) ( en respectar pas la charta qu'ela-meteissa a establit per apatzimar los elegits pauc curioses - n'i a fòrça de temps en temps), ont la lenga ortografiada occitana es aital limitada al recanton dels militants. L'objectiu de la television oficiala francesa èra plan far crevar la lenga occitana ; l'objectiu es pas acabat.

Alara quand France 3 Midi-Pyrénées (region qu'exista pus) dona un piulet per explicar que sèm en Occitània, fòrt en ortografia de lenga imperialista, l'article me sona mal a la vista.

S'espèra per France 3 Occitanie, la traduccion del site oficial en lengas occitana e catalana ... per mostrar qu'an realament cambiat sul tèma ; e lo tèma es : l'occitan es pas una lenga regionala, ni la lenga d'una comunautat, mas la lenga de totes los ciutadans, e fau aital plan l'ortografiar, rendre vesedoira, coma la lenga dels Parisencs. La matriça se dèu cambiar, e a Tolosa, Montpelhièr, Bordèu, Pau, Peirigüers, Lemòtges, Clarmont-d-Auvernhe, Niça e Ais-Marselha devon preparar la visualizacion de l'occitan sul site OFICIAL de France Télévision decentralizada, dita FranceTv3.

Ieu soi content que totas las lengas fosquèssen plan ortografiada , la meuna en Occitània, e la lenga del vesin imperialista del nòrd tanben... mas coma la lenga catalana al Sud d'Occitània (region administrativa francesa) o catalan de l'autre latz dels Pirinèus. M'interessa tanben d'aver plan ortografiat lo breton, l'alsacian, lo savosian, lo còrse, lo picard e lo neerlandés, las lengas d'oltra-mar, lo basco .... e la lenga dels Parisencs tanben, quitament quand ne fan una lenga afidada a l'imperialisme londonian.

 

confefe quora las causas son amagadas

Las causas amagadas son utilas ; sobretot quand se sap legir ... darrièra las linhas, Internet o papièr. Se disiá de la Pravda qu'èra utila de crompa, mas caliá saber legir entre las linhas. La premsa d'anuèch es aquela que fau legir entre las linhas, sovent fau saber la sorga de la pensada del redactor que se vòl jornalista, o benlèu totparier determinar perqué aquela informacion es plaçada aquí o ailà.

Las causas absentas son tanben subjectas d'interpretacions. Teresa May, la dauna que dèu aplicar lo Brexit, èra absenta del debat a la television ; la rason ... i a mantunas interpretacions.

Quora çaquelà s'oblida de notar lo partit o l'etiqueta politica, es lo biais de fargar una fòto qu'indica l'orientacion politica. O / E un biais d'enganar l'elector inocent, e son mai nombroses que l'absentisme electoral.

Puèi se fau demandar perqué l'afica aquela a interessat David Abiker, jornalista a Europe1, las interpretacions podràn tanben èstre nombrosas ; alara que l'etiqueta politica es clara : es la dreita que vòl una politica de la familha, e donc fau estauviar de li demandar de sosténer la politica pro-omosexualitat en Tchechènia. Es un conservatisme vièlh del costat de l'integrisme catolic francés.

Quora se legís aquò :

....se fau demandar quines son los lòbis productivistas que son a costat de Donald Trump per frenar lo respecte de la natura ?

E quora Teresa May es absenta, la situacion de l'article sus la « growth table » dona sul pic una explicacion; per Teresa May e pels « probexitters » los tempses seràn complicats... per explicar de quina manièra se van cargar de las negociacions de sortida de l'Union Europèa sens que còsta en dreit collectiu (economic e social) o moneda als ciutadans del Reialme-desUnit.

 L'informacion reala, o lo decodatge de l'actualitat, amerita d'aver una longa vida dins lo decriptatge... de la vision d'un jornalista, d'un mèdia, o de las pressions politicas suls mèdias, o pressions economicas ; de la dimension de la publicacion, del moment qu'es publicada, etc...

E i a pas cap subjecte interdit de contra-expertisa per ne saber mai sul document publicat.

Histoire de France o/e Istòria d'Occitània .... espectacle fòra país

Serà un espectacle foran e triste, un empont fòra país, mas que tòca l'istòria d'Occitània. 

Serà una primièra representacion de l'espectacle CONSOLAMENT  ; es una presentacion de la Companhiá TIMSHEL del 9 de junh dincal 11 dins los vilatges destrusits sul camps batalhièrs, presentacion ambe lo sosten de Transversales, empont ajudat per Arts du Cirque de Verdun (55).. CONSOLAMENT es un espectacle per l'espaci public,  mescla lo circ actual, dança, òbra d'actors e cants occitans. 

L'espectacle se vòl pluridisciplinari, Fabiena Teulièras que l'a organizat, acompanhada de la coregrafa Carmela Acuyo, assegura tocar lo tèma de la « Grande Guerre » ambe una pensada sensibla sus las dolorosas memòrias trangeneracionalas, a travèrs l'istòria de familha dels cants de Tèrra Maïre, maire e filha, que los aujòls an desapareguts dins la batalha de Verdun.

CONSOLAMENT pòrta aital un costat politic a una cara oblidada de l'« Histoire de France » e donc l'Istòria d'Occitània, quand los pòbles d'Euròpa an ajudat  fRança de combatre « lo dangièr » germanic, tot aquò tocarà òmes ( al combats) coma femnas dins las campanhas occitanas.

Ambe los comedias de la carrièra Garniouze, la dançaira del pal Dolorès Calvi, l'acrobate Rapahël Milland, la dançaira Mylène Souyeux e lo grope Tèrra Maïre.

Fau esperar que l'espectacle se donarà en tèrra occitana ! 

Car çò que los Franceses díson « memòria » es la causa que los Franceses nos vòlon far oblidar per l'Istòria d'Occitània.

L'Indépendant de Perpinyà confirma ....

L'Indépendant de Perpinyà confirma Espanha es pas una democracia que las consultacions fosquèssen la basa de la democracia. En francés, lo jornal de Perpinyà, Narbona e Carcassona nos indica que lo procèssus democratic catalan contunha sul camin, long, de la declaracion d'independéncia.

 L'Indépendant, qu'es luènh d'èstre d'esquèrra sapient los filtres politics sul tèma qu'an, illustra la via politica pòst-franquista ambe la fòto del novèl president del PSOE. Mas fau notar que lo PSOE a preferit l'aligança ambe lo PP, e Ciudadanos (ALDE al Parlament Europèu, es de dire En Marche !, afidat de Emmanuel Macron, ambe l'ajuda del MoDem). Aital aquel detalh del govèrn actual de Madrid, es oblidat ; Ciudadanos qu'a sostengut En Marche !, puèi LREM, lo partit d'Emmanuel Macron, es la negacion de la democracia en Catalonha, la democracia es acceptar la consultacion ; l'acceptar pas es èstre del constat de l'antidemocracia, es lo pòst-franquisme. La paradòxa politica francesa es qu'un Michel Rocard auriá comprès aquel fenomèn catalan (coma a entendut los Còrse, los Kanaks, etc.), alara que los afidats a las idèas de Michel Rocard e que son al govèrn d'Emmanuel Macron, o que fan campanha per el -Emmanuel Valls , son contra aquela consultacion de la populacion de Catalonha ; son dins lo camp que Michel Rocard a criticat en Argèria d'abans 1962, quand èra foncionari d'Estat jacobin e expansionista francés.

La question del camin per l'independéncia en Catalonha es acarat a l'integrisme politic espanhòl o francés que refusa totas las consultacions, en aficat un constitucionalisme pòst-franquista que confina al franquisme de l'Old-Time. Es pas gaire estonent ; aquel integrisme politic es ligat a un centralisme de la pensada politica, al centralisme de la logistique d'Espanha (que fabrica un fialat de ralh cap a Madrid, sul modèl parisenc), ligat a un fantasme politic qu'explica que la corrída es de totes e la vòlon quitament imposar en Catalonha (alara que la comuna e lo Parlament de barcelona o refusa), ligat a un modèl francés de La Terreur de 1792. Es una causa que se mesura melhor quand sèm en Occitània, e que devèm suportar un sistèma jacobin, lo modèl pels socialistas dits espanhòls.

Fau tanben notar qu'Artur Mas, ancian president de la Generalitat de Catalonha, per aver ajudat los ciutadans de portar las urnas dins los ostals comuns, e donc a s'exprimir per las urnas, serà condamnat a pagat 32.000 € ! E lo sosten favoriza encara l'independentisme ; de pensar que l'expansionisme espanhòl en Catalonha es clarament estupid....

E la repression espanhòla es pas sonque politica, constitucionala o del tribunal de la constitucion dels madrilencs, es tanben contra entitats essenciala per la vida economica catalana, l'aeropòrt de Barcelona. E l'article tròp cortet dins L'Indépendant non podrà indicar la darrièra informacion, es de dire aquela donada pel jornal ARA a Barcelona, lo document que dona la clartat de la repression espanhòla contra lo desvolopament de barcelona, lo cas de l'aeropòrt de Barcelona-El-Prat es caracteristic d'aiçò.

Tot aiçò es sistematicament oblidat quora se parla de la situacion en Catalonha, sobretot pels mèdias franceseses ; car son considerats coma arguments independentistas e donc orientats ... e « coma son independents » que nos explícan los jornalistas franceses ! Avèm donc clarament un grèu problèma per la descripcion del problèma espanhòl, es un sistèma que LO pòble espanhòl vòta, mas los partits (levats PODEMOS e aligats bascos, valencians e catalans -CUP, l'extremisme d'esquèrra) pensa coma lo franquisme, al centralisme coma París li agrada.

Fau notar que l'unic element que fa qu'i a pas de majoritat d'esquèrra a Madrid, PODEMOS + PSOE es que lo PSOE refusa lo referèndum en Catalonha ; i a pas d'autras rasons ! Cap mèdia francés a l'indicat clarament, e se díson independents.

Lo tèma es donc vièlh, mas vist la manièra que la premsa parisenca tracta lo subjecte, non pòt que donar a L'Indépendant un rebat un pauc especial ; ne parlan !  

Se fau ara questionar de quina manièra los Estats europèus van  reagir ; dins l'editorial d'anuèch Vicent Partal indica de quina manièra es mal vist lo sosten balte per aquel camin d'independéncia pels catalans. 

Autre ligam d'interès en lenga francesa : picatz aquí o ailà. E en Catalan, per çò que concernís l'avuglament espanhòl. Fau notar que l'afar es vièlh, data de las annadas 2005 ! E que lo problèma es espanhòl que refusa de veire lo problèma del centralisme dempuèi bèls brius.

L'Indépendant de Perpinyà a rason de confirmar que lo bordèl espanhòl es pas acabat e que lo referèndum anonciat per setembre doncarà de clartat democratica als vesins del sud d'Occitània (region administrativa francesa). 

L'article es cortet, mas segur que n'i aurà d'autres ; mas fau notar que Albert Ribera, catalan (lo «traïdor» segon los independentistas catalans, e democratas de Catalonha) es deputat europèu e membre del grope ALDE, es de dire costeja lo grope al Parlament Europèu que sosten clarament Emmanuel Macron per la constitucion del govèrn parisenc aprèp las eleccions legislativas de 2017 en fRança. Albert Ribera pròba en refusar lo referèndum de Catalonha qu'es LUÈNH d'Èstre DEMOCRATA ; malgrat aiçò es membre de l'ALDE al Parlament Europèu ... atencion : l'ALDE es pas l'Asociación de Lucha contra la Distonia en España; es lo grope dels Liberals al Parlament Europèu.

  Te daissa pas enganar... explica un document espanhòl sul tèma de Ribera.

La politica en jacobiniá es la weed en vila de Tolosa

Ah òc, vertat, totes/as sábon pas çò qu'es la "weed", es un novèl mot en patois parisenc per indicar la podra blanca que se consoma un pauc coma l'indica lo jornal en linha de Tolosa, Toulouse7 :

Toulouse7 explica que la "weed" es la "death" al cap del nas, es cremar. Es un biais d'illustrar que la "weed" e sa prmocion son interditas en fRança, fins ara ; la "weed" a un autre simbòl sul net, la fuèlha del canadà blanca.

Me recòrdi una dopla pagina de La Dépêche du Midi, que trobava de la prostitucion industriala (es pas una metafòra) a L'Empordà....  Els, jornalistas professionals, que son editats en banlèga de Baissa Camba, Polida Font e La Reinariá, un pauc luènh del Canal a Matabuòu ...

Quand la majoritat dels Tolzans de la dita classa mejana s'en va a Barcelona, es clar per ne trobar a Barcelona o sa corona urbana (rarament a Andòrra), Girona, Figueres, etc.

Mas i a un grand comèrci a Tolosa de las "èrbas de Provença" (vièlha semantica per indicar qu'arribava un còp èra de Marselha!) ... e aiçò, ara, dins las carrièras de Tolosa centre, Matabuòu, Marengo, Joanjau, W.Wilson,  Arnaud Bernard, a la pòrta de l'universitat de Tolosa-Miralh,  etc. Ai pas fait la lista segura d'aqueles luòcs de venda, mas soi quasiment segur qu'i a mai de luòcs de venda (en totala libertat, e sense taxa, lo liberalisme aplicat segur) que de luòcs de venda de tabac o d'alcòol, que fan quinquanèla ambe lo comèrci illegal del tabac vendut d'Andòrra per trens, cadenas de veituras, o busses sancièrs.

Dins un article publicat anuèch una ràdio catalana confirma que la consomacion de "weed" es de mai en mai correnta, lo percentatge de consomacion es sovent mai fòrt que los percentatges politics per arribar al poder en fRança. Fau notar dons 25 % dels joves en Catalonha (Principat) son consomators de "weed" ... 25 % quin es lo candidat qu'es arribat a 25 % de la populacion per capitar las eleccions ?

 Vesèm aital qu'i a urgéncia de reglar lo problèma e que la repression es pas la solucion ; arrestar un "weed trader" a Matabuòu arrestarà jamai lo trafic de la podra detaxada.

Quand serà taxat e qu'engraissarà los comptes de las regions, Conselhs Regionals ? Aital la venda serà mai segura e lo CR aurà enfin un finançament autonòme. Puèi la polícia francesa se podrà aucupar d'autras causas, coma la reala securitat dels ciutadans. Una lei d'Estat (car los CR son pas competents suls subjectes legals, es pietadós) serà necita.

Mas la dròga es tanben viventa en Occitània (ambe lo regime jacobin) es tanben la politica ; avèm dreit a un tsunami de candidats per las legislativas 2017 ... la politica es una dròga, e coma la "weed" dona una sorga de finança per la populacion que sortís de sciences-po !

 

Dins los conflictes lingüistics podèm conceptualizar ....

Coma l'ai vist aplicar a las entrepresas, me sembla que se podrà tanben aplicar tot parier als conflictes lenga imperiala(sovent a l'unitat) e lengas sotmetudas (sempre al plural), locutors arrogants / locutors sotmetuts. Ai lo document tradusit en occitan, e lo pòdi completar amb exemples... correspondents.

 La colèra es la partida de l'emocion. A travèrs lo questionament, la tòca del negociator (quora n'i a un pels conflictes lingüistics) o pel comercial (botiguièr), es de compréner las sorgas...

Las sorgas dels problèmas lingüistics son sovent reglats per intervenents exteriors al sistèma del conflicte, rarament de l'interior. Aital l'occitanisme o l'independentisme catalan, espèran de l'exterior una intervencion. Pels Catalans sembla que lo camin aquel es de mai en mai clar. Fau legir lo bilhet editorial de Vicent Partal del 29 de mai. Foguèt lo cas per l'Irlanda del nòrd, e tòrna ambe lo #Brexit !

Alara que Le Figaro debuta una alèrta sul tèma de Corsega .... ligam aquí. L'alèrta es sul tèma de la preferénncia d'emplec còrse, coma i a una preferéncia de l'emplec francés dins l'administracion francesa ; l'eglitat es aquí negada pels imperialistas franceses, serà alara subjecte de colèra còrsa, per fauta d'egalitat republicana, non ? E la colèra còrsa serà pas freda, mas legitima.

La sola causa que fauta en Occitània, es lo conflicte ... n'avèm talament agut ambe l'imperialisme francés, que la potinga guerrièra sembla pus la bona per reglar aquel conflicte lingüistic entre l'occitan e la lenga del rei-president. Es talament grèu que los Occitans an abandonat d'aver la dignitat lingüistica, e lo manteniment que se cridava als sègles precedents.

Istòria de las religions en Occitània

Ai gaitat aquel programa, o conselhi, malgrat que fauta las mapas istoricas per melhor entendre la situacion istorica e politica del vilatge, dels tempses de las creacions. Es un programa d'ARTE TV, suls vilatges de fRança. Anuèch lo 29 de mai se passeja en Droma-Provençala, Èst-Occitània.

Dins lo temple protestant lo prèire assegura que la Bíblia (que mostra, veire fòto d'illustracion) es en francés e "la primièra Bíblia -bien sûr- en lenga vulgara"... data de 1678! Èra dins la lenga del rei (e segur que ne fau dire mai) ; mas passèm car a Lo-Puèg-Laval la lenga vulgara èra la lenga dels trobadors e pas la lenga del rei. - Detalh un : la Bíblia primièra en lenga vulgara (e lenga del país de Lo-Puèg-Laval) es estada la Bíblia dels bons cristians o "catars" del IX, X, XIen sègles. - Detalh dos : lo sol exemplar que damora es de Lyon, car al moment pas brica lo reialme de fRança (se cerca encara moneda per l'editar tornar, un exemplar damora, sonque) ? - Detalh tres : Joana d'Albret a demandat la traduccion pels protestants de la Bíblia en lengas basca e bearnesa (occitan de Bearn). Fau donc informar la glèisa protestanta de fRança que li fauta elementS de coneisséncia de l'istòria de las religions en Occitània. fau notar que la Bíblia de Joana d'Albret èra la Bíblia d'un Estat independent protestant oficialament, e que la caça als Catolics an debutat quand los catolics an caçat los protestants del damorat d'Occitània ; l'istòria d'#Occitània [#Occitanie] fauta d'ensenhar dins los convents #protestants per Droma e Ardècha [#Drome et #Ardèche], e l'ensems de Provença [#Provence ].

Un prèire del Gavaudan me confirma d'autres detalhs : Lo calvinisme a tradusit en lenga del rei es pensar s'adobar las bonas vistas del rei dels Francs, rei dels Parisencs e de l'expansionisme borbonic en Occitània ; faliá conviure al melhor ambe la violéncia del rei François Ièr, qu'a probat ambe l'edicte de Villers-Cotterêt sa gaire pichona volontat pacifica per imposar una lenga : mas la tòca politica a pas capitat, vist los chaples ordenats contra los protestants, pels poders imperialistas reials francs ; fau notar que lo cambiament de religion aviá notadament consequéncias grèvas sus l'administracion del reiala ; èra pas simplament un pantais reial d'aver solament la religion del rei, l'ecclesià èra una administracion pel rei dels Francs, dels Parisencs ; aiçò tanben es d'ensenhar dins los convents protestants.

Fau notar tanben que los Vaudeses (sortits violentament d'Occitània per la fòrça del rei dels Francs) an finançat una Bíblia que n'èra que per els. Los Vaudeses o Valdeses, los de las Vals.... literalament.

Dins lo temps protestant lo prèire assegura que la Bíblia (que mostra) èra en francés perqué la region èra « naturalament » francesa dins lo país de Droma e donc un espaci politic del rei dels Francs, dels Parisencs. Çò qu'es una error istorica granda. Se trapa que Provença èra pas gaire que tèrra de guèrra entre lo Rei dels Francs e los poders politics de Provença...  e que la val de Lo-Puèg-Laval èra una terminèra de la guèrra.

Ai sul pic notat aiçò sus la meuna novèla pagina Linked In, vist que soi estat fòra bandit de FB. E lo bilhet aquel serà mandat sus PInterest e Twitter.

Fau notar que Linked In a pas encara acceptat la lenga catalana, ni l'occitana.

Irlanda dona l'emplec en matièra de signaletica ?

Al moment de l'independéncia del Reialme-Unit (fin de la guèrra entre Angleses e Gaelics d'Irlanda èra en Julhet 1921), Irlanda a causit de promòure sa lenga pròpria, lo gaelic d'Irlanda ; mas es sonque dins las annadas 1990 que la television arriba en lenga gaelica sancièra pels programas. Alara que l'escòla donava la lenga a TOTES/AS (la lenga èra de totes/as), ambe l'unic contra-exemple de l'Irlanda del nòrd (ensenhar a totes/as dona pas una regularitat sancièra a la lenga, o fau pas oblidar) ; es encara aquel problèma d'ensenhament que se pausa dins la partida d'Ulster del Reialme-Unit, costat Belfast, pausat per part dels unionistas, e tornat a l'actualitat ambe lo Brexit. La comission europèa pausa en problèma grèu aquela situacion d'Irlanda... que lèu un referèndum donarà la unitat a Irlanda ?

Pel moment es una signaletica junta ambe una novèla maissanta que me dona l'idèa d'aquel bilhet. 

L'informacion (ligam) dona una fòto que m'agrada de veire. Dún Droma es Dundrum en anglés, e la signaletica Dún Droma es pausada primièr per las autoritats d'Irlanda.

Es un modèl de signaletica : donar lo nom del vilatge sus un meteis panèu e la lenga locala en primièr ; es jamai lo biais que se causís en Occitània per valorizar la lenga locala, l'occitan de totas las variacions fonicas; se preferís crompar un panèu separat (còst sul budgecte donc) e plaçar l'occitan devath, desota lo francés, lenga santa per la republica (article 2 de la bíblia republicana o constitucion), quora s'i pensa. la regularitat d'aquela pensada es sistematicament ligada a la vida bureucratica de l'administracion centralista francesa ; aital sus una autorota en Iparralde, los panèus en basco an desaparegut al moment de la privatizacion de la via !... L'Estat-nacion francés es una mercat-Estat-nacion... e cambia pas en foncion dels regime, quand Paris mana, es un mercat per s'imposar a els, ambe lo regionalisme parisenc, expansionista.

Podèm çaquelà notar que lo Conselh Territorial de Tolosa, Garona-Nauta, a causit de crear una VIA GARONA de Tolosa a Sant-Bretran-de-Comenge (ont i a pas de panèu en occitan) e qu'anirà dinca la Val d'Aran, aquela VIA GARONA es una via pedonestra, fau debutar per quicòm ! A pichonas piadas l'occitan es pichonetament respectat, pel Conselh Territorial ; fau una pichona avançada sul terrenh e una clara presa de decision politica al cap, ambe lo president del Conselh Territorial [Numèro 143 de mai e junh 2017 de la revista del Conselh] ; lo sistèma bonapartista francés assegura una administracion rassegurada...

la VIA GARONA es lo nom OFICIAL e que serà aital emplegat dins totes los oficis de torisme e totes los documents editats ; quand un francés vòl pas de l'occitan (lingüiscidi classic francés), la frasa en seguida es : « comprenèm pas, podètz tradusir » (es sovent los unics locutors o locutriças d'una lenga pòst-latina que fan aital), veirèm aital que la VIA GARONA aurà çaquelà franceses que l'emplegaràn ! e seràn autorizats d'escaraunhar la prononciacion ... Se la dignitat dels Occitans exista, los Occitans lor explicaràn de quin biais fau prononciar VIA GARONA als Franceses, e PUNT.

Mas la prononciacion e sa merdica grafia de la populacion de la lenga de l'edicte de Villers-Coterêt s'imposarà pas per los que fan a pè lo camin entre Tolosa e Sant-Bretran-de-Comenge. EXEMPLAR.

La finança es lo problèma

Quand los ciutadans franceses an votat per un ex-banquièr, es pas vertadierament per reglar los problèmas economics que son venguts del sistèma bancari ; volètz una pròba ? Vaquí : 

Dins lo sistèma bancari europèu es mai utile de jogar ambe los taus dins la borsa de cada zòna monetària, que non pas ajudar las entrepresas ; las bancas privadas son mai aisida a desvolopar que non pas prestar a las entrepresas ; la BPI que se voliá regionala, ajuda actualament mai los projectes portats per l'Estat centralista francés, que non pas unes projectes occitans (vist qu'es inexistent).

Aquela constatacion la far lo candidat del PNO en Comenge e Savès : « L'impôt et l'épargne de toutes les régions occitanes de la République Française (Occitanie, Nouvelle Aquitaine, Provence-Alpes-Côte d'Azur, Auvergne-Drôme-Ardèche) doivent être majoritairement réinvestis dans les dites régions Occitanes. »

Fau èstre plus concret.

Las bancas fan pas lo trabalh d'investir ambe las vòstras asseguranças (asseguranças vida o asseguranças sociala gestion mixte sindicala e patronala) dins lo país, Occitània. E l'Estat favoriza lo centralisme bancari (defiscalizacion, lei, urbanisme), mas tanben los investiments de l'Estat son per la region de Paris (exemple del projecte dels jòcs olimpics o de las super-infra-estructuras del grand Paris), non al regionalisme parisenc de la finança !

Las consequéncias son grèvas sus las vòstras pensions de retirats, o dins lo remborsament de la CPAM... directament o indirectament.

 

E coma vòstra argent es emplegat dins lo mitan del sistèma borsièr mondial, fons de pension que fan puslèu barrar las entrepresas puslèu que las ajudar, ajudar projectes faranoïcs non pas per las populacions, mas per las multinacionalas del bastiment ... avèm de qué dire ? Imaginatz qu'un ancian banquièr farà çò que fau per retrobar l'argent que l'Estat a despausat per salvar las bancas ? E quitament se las bancas an remborsat, imaginatz que ne son reconeissentas ? Pas brica, los burèus per ajudar los investiments d'entrepresas son de mens en mens ligats als besonh de las entrepresas, de la creacion d'entrepresas o de la represa d'entrepresas. Las bancas associativas o ONG de la finança an pas encara la capacitat de remplaçament, e l'Estat Macronista contunha de favorizar las mentidas bancàrias de La Défense.

Lo cooperativisme bancari a mostrar qu'es dintrat dins lo sistèma bancari mondial e las ajudas legalas que fan pas l'economia en Occitània, ni a l'investiment en Occitània.

Se critica del sistèma bancari La Défense per finançar la destruccion de l'environa, als Estats-Units-d'America-del-Nòrd, mai tanben a l'Estat francés, en Occitània, donc, los investiments son gaire clars sul tèma.

 

Los candidats occitanistas de Bearn seràn tanben dins aquela dralha de pensar que los investiments bancaris devon èstre majoritariament per respectar l'environa. 

E la regulacion del sistèma bancari se podrà far -primièr- per l'Union Europèa, que ambe la BCE ajuda las bancas a fabricar resorgas financièras de grand benefici ; donc l'abandon recent es una linha politica clara per favorizar la non regulacion, es de dire una politica contra los pòbles.

La linha politica es donc una linha que favoriza las manipulacions bancàrias contra la vida economica de totes los pòbles europèus, Occitània comprèsa.

Detal : totes avèm los dreit en Occitània, de se dire OCCITAN, mas totes sèm pas OCCITANISTA. Aquela diferenciacion semantica me sembla autanplan important que diferenciar COMUN e COMUNISTA, SOCIAL e SOCIALISTA, LIBERAL e LIBERALISTA, EXTRÈME e EXTREMISTA ....sovent la -ISTA dona mal d'estomac, e la basa semantica es pauc entenduda...