arcuèlh

dilluns, d’agost 29, 2016

Fillon vòl que s'aprenguèsse l'istòria de França melhor, bancò !

François Fillon es plan simpatic  mas gaire istorians de fRança.
Mas fins ara l'istòria ensenhada pel regime republican francés es jà una gròssa manipulacion politica dedins una escòla que se dís «Éducation» e qu'educa pas brica (vist las estupiditats qu'avèm ambe lo feminisme e la «libertat» del burkini del Conseil d'État), que se dís «Nationale» dins un contèxte istoric qu'es jà una manipulacion de la definicion de nacion, dempuèi 1792, La Terreur. Jà avèm unes professors d'Istòria dita de fRança que son jà d'actors (majoritariament ara actriças) de la manipulacion republicana francesa de l'istòria, e un ministèri jutja alara de sa bona aplicacion, sul modèl que lo sovietisme a volgut aplicar dins l'anciana Euròpa de l'Èst e dins l'URSS.

 - Charles Martel a repoussé les Arabes à Poitier en 732. Oui ils ont règnes sur une parti du territoire français actuel, 25 ans avant et 25 après cette date

FAUX Es a la demanda del Duc d'Aquitània que la maison dels Francs a intervengut del costat de Peitièu. La demanda èra similara per la Borgonha, per las invasions dita de «Al Andalós» que debutavan dempuèi a la Septimania, dins lo bais-Lengadòc-Catalonha-Nòrd actual ; es oblidat que lo Duc d'Aquitània (ambe tropas pagadas pel Parlament d'Aquitània) a arrestat la progression de «Al Andalós» a las pòrtas de Tolosa. Las tropas d'Aquitània èran blocada a Tolosa e donc podián pus intervenir a Baiona, Bordèu (destrusida per la ratsià novèla), e donc l'intervencion franca èra cridada pel poder d'Aquitània (Parlament e Duc).
- Jeanne d’Arc a mis les Anglais dehors ! Ils ont pris le temps de la brûler et de rester 1 siècle de plus pour le méchoui. 
 
FAUX la notion d'anglés existava pas. Es çaquelà la LEI de Normandia qu'a arrestat la pichonèta isterica Joana d'Arc. Es la lei d'un Parlament de Normandia contra la dictatura franca a Paris, un pichonet reialmèt que podèm situar entre Seine e Edge.

 
- Charlemagne était empereur des français, ça tombe bien pas des Bretons. Les marches de Bretagne ont été construite pour monter en Bretagne
 
FAUX es imperaire dels Francs, pas dels Franceses que la notion data pas de l'an 800 mas de 1792 !
 
 
- Les gaulois sont nos ancêtres. Si les Antillais vous regardent bizarrement, étrangement pas les Basques ni les Bretons
 
FAUX Gaulois, mas qu'es aquò realament ? En Occitània, sul continent europèu, podèm listar d'autres pòbles, Vascons, Ibèrs, Liguras, Grècs, Romans, etc. e la lista dels pòbles non cèltes es longa, mas quitament Celtes de qué vòl dire ambe las mesuras politicas actualas quand escrivèm l'istòria d'anuèch que parla del passat.
 
 
- La France est d’origine chrétienne, bien sûr Panoramix c’est dans Obélix
 
VERTAT L'integrisme catolic es plan conegut en Occitània, sempre emplegat per Paris per l'expansion del regionalisme parisenc, donc avèm agut mantunes chaples (massacres) contra los "catars" o bons cristians, protestants e jansenistas, e las dragonadas, lo chaples de Vendèa (contra catolics !), etc....

- Le français est directement dérivé du latin. Ma soeur aussi
 
FAUX es una elucubracion de la cort dels Francs al moment que 40 % parlava lo gascon (varianta de l'occitan modèrne de la maison d'albret), vertat que lo gascon (occitan d'anuèch) es d'origina latina, del latin vulgar. Mas fau legir Fillon, professor nacionalista François Fillon : «Parler croquant», Claude Duneton. Car ensenhar l'istòria tal que lo regionalisme de Sarthe o pensa es jà un engatjament politic estreit.
 
- La Gaule est devenue la France, c’est dommage pour les Belges… 
 
FAUX notar que la Neutria, la Belgica an agut mestièr de fondar un quasi-Estat e donc de formacion que se faguèron totas en Aquitània a Lemòtges ! fRança existava pas. La nocion de «fRance» es puslèu una causa que data d'aprèp 1792... abans se parlava de tèrra de conquèstas (veire mapa). Fau indicar a François Fillon que Argièr (Alger), 1830, èra francesa abans Niça (Nice), 1860 ?
 
Nos podèm donc questionar sus las incapacitats del personal politic en fRança, vist que François Fillon dubrís pòrta que mantunes politicians franceses an en cap ! Son estats quitament pro curioses per se questionar sul contengut tòrt dels corses d'«Histoire de fRance» de las santa «Éducation Nationale» e de las universitats autonòmas de sciéncias politicas o pas.

dissabte, d’agost 27, 2016

burkini : Vous avez la liberté d'être stupide et cachée!

Lo conselh avisat del Conseil d'État : femme soyez stupide constitutionnellement !

Lo @Conseil_État vos zo dís, podètz èstre autanplan liura qu'una femna musulmana en vacanças, crompatz un burkini per la platja, e lèu una burqà per la vila ; sabi pas se las femnas musulmanas an consciéncia del trauc dins lo qual la constitucion francesa las enterran ? Vous avez la liberté d'être stupide et cachée! Sètz pro granda per aver la libertat d'èstre esconduda e estupida.
L'Òme faguèt un grand pas en coneisséncia umana en anar sus la Luna, 1969, suls satellits de Marts, etc... las femnas musulmanas an ganhat l'universala libertat de s'amagar dins la societat del XXIen sègle, una societat del mostrar-tot ! (en occident coma sus tota la planèta). Lo mai piège es que lo feminisme dit modèrne e europèu vòlon aquela engana-libertat per aquela populacion, per aquel comunautarisme (mas es pas de comunautarisme, dieu m'en dédit), per manténer dins lo gropuscul psèudo-religiós !

E ara, es dire qu'aquela decision farà pujar lo vòt FN, se farèm tractar de pré-facho pels meteisses gauchistas tcheguevaristas que fan la vida solelhada de la pensada d'esquèrra ! Perqué pensi que los electors e las electriças son sapientas, faràn pas fisença a la dreita francesa per capitar de far quicòm per la reala libertat de pensar de las femnas musulmanas ! "Val lo còp d'aver la còpia a l'original ?" l'ai entendut mai d'un còp...

O tornarai escriure ni lo burquini ni la burqà son vestits sense sonoritat politica, son pas causas religiosas, o se o son ; la religion es lo politic pels musulmans, e dins un Estat - epr rason istorica clara- a fòra bandit la ei religion del camp public, aquò farà de mal a tot lo sistèma ; pels musulmans d'anuèch, i a pas jamai agut de separacion ideologica coma pel XIXen sègle gràcia a la consurréncia entre protestants e catolics, que l'avèm poscut aconseguir aprèp quantes guèrras ? De manièra pacifica, l'estupiditat de las femnas musulmanas nos tòrna 2 sègles en retard, e la santa constitucion francesa, via lo Conseil d'État, nos explica qu'es libertat.

Lo meteis Conseil d'État, per las lengas de França parla mens de libertat ... de poder las parlar liurament e d'aver los instruments per o poder far en tota dignitat !

fRança es l'Estat de las non-libertats de pensar en occitan e de parlar a l'administracion en occitan, mas libertat d'èstre obscurantista e musulmana, Estat de l'egalitat de parlar sonque la lenga francesa, mas egalitat per las femnas d'apréner a s'amagar (es pas car de crompar una burqà), fraternitat de gènre mas a l'escondut, senon basta que la constituciona arribe per ajudar a la fraternitat masclista.

divendres, d’agost 26, 2016

Politica, burkini, feminisme, libertat e buzz

Un mes de tranquillitat per aquel blòg e soi despertat anuèch, enfin dempuèi mai d'un mes per l'afar burquini (burkini) en platja. Alara que la lei contra la burqà e lo vèl, mocador-de-cap o petàs-de-cap islamic es pas alicada en vila, l'engatjament de las femnas musulmanas se plaça sus las platjas. la reaccion dels mascles en vila, en Provença, pensa que la lei recuperarà lo problèma ; encara una cresença politica : las leis parisencas asseguran la patz dins la societat occitana ! Una estupiditat respond a una autra estupiditat.

L'esquèrra dita Bobò e lo sistèma comunautarista mondial se lança dins lo sosten a las estupiditats de las muslmanas, mas vòlon sosténer qué ?

Un còp èra ai colgut crompar una burqà, e per aquel moment jornalistic, soi estat sul terrenh per ne crompar ; dins una botiga d'Arnaud Bernat a Tolosa soi estat ;  èra un jorn de ventàs d'autan, fòrt ; dintri dins la botiga e vesi una femna en vèl blanc sul cap, e sul pic la femna m'explica : « ai un vèl per rason del vent, es tot». E li ai explicat perqué voliá crompar una burqà (ieu tanben pòdi manifestar sus las platja en burqà o burquini!), la femna tolzan e musulmana se pleguèt de rire ! Çaquelà, las femnas musulmanas son pas totas d'aquela manièra.

La generositat de l'estupiditat dels musulmans de fRança es çò qu'es, e sembla que sa difusion es mondiala, es normal que l'actualitat se fasquèsse sul tèma, benlèu un pauc coma una potinga antireligiosa e politica ; dins los Estats (units o pas) que la religion se vòl la basa de la pensada politica (fau tornar explicar que la religion non pòt èstre de politica, en fRança ?), es normal de veire aquel sosten nòrd-american, quand se jura sus un libre romanesc e critian en arribar al poder ; dins lo mitan feminista, o comprèni pas brica, ni dins aquela esquèrra pron "mariage pour tous", los ecologistas per exemple, encara mens ! 

Fau oblidar las conariás musulmanas següentas e que las femnas musulamans, ambe l'ajuda de la genta pression dels òmes (mai joves son mai estupids, fan la pression politica contra las femnas, e la libertat d'èstre femna) per valorizar la mesura d'«engatjament» al costat de quí ? 

La primèra mesura presa per disctator Khomeiny, sortit de son albergament per la santa republica francesa en region Iscla-de-fRança, quand es arribat en avion al poder en Iran (fau tornar dire qu'èra un curat de l'islamisme supausat moderat), foguèt per donar generosament lo vèl o petàs-de-cap a las femnas d'Iran. Soi segur que l'esquèrra regionalista parisenca e feminista trobarà aiçò simpatic e d'una dubertura d'esperit per aver aital sortir lo capitalisme al poder en Iran ; lo NPA manifesta per Khomeiny ara, perdon pel Burquini sus las platjas de fRança en nom de la «liberté» !
Ai legit tanben los rires dels Catalans de Barcelona, dedins la premsa independentista catalana ... La famosa libertat dita francesa es aital valorizada, mas de libertat per las femnas es potar un vestir politic de replegament sus se ? I a pas de libertat en fRança per emplegar las lengas, la fotesa de liberté francesa es normalament legendària, non ? La meteissa libertat es cridada dins las colomnas de la premsa nòrd-americanas, mas libertat per las femnas de se plegar al dictat d'una religion de demandar de se vestir coma a l'Edtat Mejan o als tempses que lo feminisme europèu aviá capitat de fòrabandir del continent dins las annadas 50 e 60 ! Retorn cap al futur ? Las estupiditats de las musulmanas de fRança capita d'aver una revolucion de vida que nos tòrna lo passat ! (es la realitat, e pas un fantasme d'una femna musulmana entenduda sus fRance CULture). Las estupiditats del feminisme de fRança es granda. La femna musulmana praticanta es liura ; es que pòdi rire !

Aquel feminisme qu'escoti dempuèi una setmana sus fRance CULture, e aquel que sosten las femnas que fan de politica coma mèstre Jourdain fasiá de pròsa, sense saber, me fa vomir ! Aquel feminisme que critica la monopolizacion desl pòstes de poder pels òmes, etc... Un exemple de monopolizacion ; pels diplòmas d'arquitèctes en fRança son majoritariament femnas, mai de 65% ; quantes son a crear un bureau d'arquitècte independent ? 5 a 6 % de las femnas ambe lo diplòma d'arquitècte ! Aquel feminisme preferís los emplec d'arquitèctes del foncionariat francés, mens de risques ... Donc avèm majoritariament per la creacion d'entrepresa al Pôle-Emploi, femnas, dins las bancas, femnas, dins las associacions de solidaritat per crear entrepresas, femnas, dins los burèus administratius per favorizar la creacion d'entrepresas, femnas, etc.... mas dins las creacions d'entrepresas, ont son las femnas ? A l'universitat per nos mostrar los camin, perndre lo camin, non ! E çaquelà la responsabilitat del cap-d'entrepresa dona una libertat de decidat per se-meteis a las femnas, dins la limita del capitalisme plan segur ; aquela incapacitat de las femnas de decidar, donc de plegat al dictat dels integrismes per portar lo vèl, es quasiment legendària ; lo feminisme engatjat pròva en sosténer l'estupiditat de las musulmanas en fRança que de pòstes de responsabilitat n'en vòlon pas ; alara perqué cridar que los òmes son els lo problèma !

Quin passat ?

La primièra causa que los «Fraires Musulmans» d'Egipte al demandat a Nasser, dins lo regime dictatorial aquel, es de tornar lo vèl o petàs-de-cap a totas las femnas d'Egipte, musulmanas e coptas ! Ai vist tanben al nom del respecte de la minoritat, e donc coma occitanista «o deuriá entendre», curat evangelista me donar de leiçons de respecte o tolerança de cap a l'afar, del daissar-far supausat normal quand «òm se dís occitanista», e plan segur protestant, lo faguèt en francés ! Ieu me questioni : e las femnas dins tot aquò ?

Repression de las femnas e religion, darrièr tèxte publicat aquí parier. Donc ai pas cambiat d'avejaire, mas l'integrisme imposa, e ambe l'afar del burquini sabèm que l'integrisme sembla a totes los preires de totas las religions !

Donc quand l'integrisme musulmana se fabrica terrorista en Síria e Iraq, Turquia e Iran, Aràbia Saodita o Qatar, Aràbia Unida o Koweit, Daesh fabrica simplament un contunhum politic qu'es valorizat per l'estupiditat de las musulmanas de fRança sus las platjas, mas tanben dins las carrièras de fRança.

La primièra causa que faguèt Daesh, aprèp la conquèsta d'un espaci territorial dins l'Orient Mejan, chaplat las populacions non-musulmanas (cristianas, iesidís, o musulmanas), es d'i imposar lo vèl o petàs-en-cap per totas las femnas, se las matas pas per o refusar.

A despart de tot aquò, quand escrivi aquò, tot aquò soi contra la libertat, islamofòb, e antifeminista ! Mas lo vèl es bric e braca un acte politic ! puf puf.
Donc es clar, fau de politic per aver la libertat de las femnas, mas per non pas valorizar l'estupiditat de las femnas ! Soi del costat d'Isabelle Badinter, aquí.

dilluns, d’agost 01, 2016

L'Indépendant confond republica e glèisa catolica

Qui me pòs explicar aquesta primièra pagina ?

 Se seguissèm plan aquesta primièra pagina, la republica dels vesins del nòrd, a Perpinyà an sovent dit gavatxes, an de suportar una republica catolica de fRança, que, en matar un preire, es estada pertocada, profanée.

Qui a explicat a la redaccion de Perpinyà que la republica dels Parisenc se vòl laïc e non pas la republica d'una glèisa, d'un ecclesià ?

L'Indépendant a imposat "Pays Catalans" als catalanistas los mai independentistas de Perpinyà, es que lor imposarà la republica catolica de Perpinyà ?