arcuèlh

divendres, de setembre 29, 2017

L'umor catalan m'agrada

Quand MarianoNONONO Rajoy es emplegat per la promocion de Catalunya, aiçò es tipicament un exemple de mau compreneson entre lo Partido Popular, Mariano Rajoy, e la causa que comprenon los catalans quand el parla a Catalonha.... L'umor catalan aplica la règla del ridicul. Fintatz aquò, es particularament plan montat, e quina bona idèa ! 

Origina de la vídeo

L'umor catalan es tanben una causa que notèm, mas pas aquí (document vídeo junt), alara dona a pensar sul modèl catalan de societat, un modèl que ni lo PSoE, ni Ciudadanos, ni Partido Popular an comprès un dia de la vida d'aqueles partits centralistas e/o regionalistas d'expansion madrilenca, totes liberals e que vívon aisits de la renda sul mercat-Estat-nacion espanhòl, Olé !

Un modèl que serà complicat d'entendre a Paris, ambe la manipulacion jacobina de las informacions, tractament, semantica, mudesa, orientacion, compassion, etc. Tot que potinga Occitània per se calar.



« Me gusta Cataluña » dixit Mariano Rajoy, e lor manda la polícia militara del pòst-franquisme ; li gosta per la moneda que li baila per desgalhar a Madrid!
Lo pòble catalan en quinze jorns a provat qu'ameritava una independéncia e la regularizacion internacionala aviat, sense moment de buf per Espanha, la trista.

UEFA es una calamitat per Occitània

Ai confirmacion d'una vièlha illustracion d'un bilhet ancian, gràcia a la Cours des Comptes, anuèt en fin de setembre 2017.
Los personals politics jacobins Tolzans, Bordaleses, Marselheses o Nissarts lor an pagat estadis a la sobredimension que demandavan pas ; e ara la Cours des Comptes explica la renda que l'UEFA s'enpòrta sus l'esquina de la fiscalitat de totes.

Aquel illustracion la donava jà en 2016, dins un bilhet d'aquel blòg. E tot se sabiá jà que l'EURO2016 èra una engana per las fiscalitats de totes ; i an jogat seriosament los ELEGITS de totas las grandas ciutats qu'an bastit e destrusit per aver estadis sobredimensionat. La Cours des Comptes explica qu'èra subredimensionat per la volontat dels elegits ; la màfia UEFA ajudada pels jacobins al poder a Bordèu, Tolosa, Montpelhièr, Marselha, e Niça ; ara se podrà pus dire que èstre jacobin es èstre democrata, es justament a costat de las màfias esportivas coma l'UEFA.

Dins lo tractament d ela violéncia tanben l'UEFA diferencia los que son clients de Heineken e los que son patriòtas en Catalonha.... La màfia esportiva ajudada per Les Républicains es aital presta a castigar los pòbles e panar la moneda dels pòbles per s'engraissar els, dins la cauna helvetica.

Tot en netejar las comunas an desgalhar moneda e temps de personal obrièr per netejar la sortida dels suporters. Exemple : 
Quí o a decidat ?
Lo personal politic jacobin de fRança, en Occitània (Bordèu, Tolosa, Montpelhièr, Marselha e Niça) tanben. A Niça fau notar una mòrta a causa d'aquela politica.

E ara la Cours des Comptes nos explica que los elegits jacobins se sont faits encore avoir (coma per la LGV), o benlèu qu'es un sistèma politic que ontologicament es bastit per enganar la fiscalitat de totes, la moneda de totes per ajudar mafioses de viure melhor en Confederacion Helvetica ?

L'elegit EELV de Bordèu a jà repotegat suls còst de l'estadi del Alain Juppé, sobredimensionat pels encontres de fótbol en Novèla Aquitània ; fau indicar qu'es pas estat sostengut pels socialistas sul subjecte. 

Lo subjecte èra pas novèl, ai un grand dobte suls afars de necessitat esportiva granda e pel ben de totes, de la societat occitana en Occitània. Gaitatz çò qu'es escrit al moment sul tèma, efectivament agrada graire als collaboradors de la màfia esportiva, UEFA.
La collaboracion jacobina ambe las estupiditats esportivas [exemple lo Jeux Olympiques a Paris, car Jean-Luc Moudenc nos tòrna endeutat sul tèma, per aver res comprès al sistèma jacobin e per i participar volontariament donc] contunha coma se la Cours des Comptes n'en disiá jamais res.

Sèm plan dins un sistèma politic avuglat pel jacobinisme e la bandièra francesa.


Pedagogia, s'acaba l'Espanha franquista,

Fasèm un pauc de pedagogia per las escòlas en lenga occitana (qu'entendrà que las vídeo fosquèssen en lenga castilhana, espanhòl coma disèm en fRança), doás vídeos de l'istòria d'Espanha, d'Hispania, del l'Ibèria arriba aquí en 14 minutas :
Puèi coma es longa aquela istòria d'Ibèria, d'Hispània, d'Espanha, mai longa que l'istòria de Castilha expansionista....
Segonda etapa e mai cortet :
Anuèch lo pòble catalan fabrica una novèla istòria per l'Oèst extrèma de l'ancian impèri de Roma, e pel sègle XXIen.




Sabi pus que escriure sobre la revòlta massiva, pacifica E catalana

Escotatz aiçò, sus una plaça simbolica de la revòlta contra lo franquisme, escotatz aquò :
Puèi aquò :
 Cap autre pòble europèu es capable de far aiçò, cap.

Aquela revòlta populara e culturala, es una revolucion pacifica, la rason es grandament l'incompeténcia ESPANHÒLA, modèl Ambassade d'Espagne a Paris (en directe aqueste maitin a France Info) e la manipulacion ajudada pels mèdias jacobin francesa o/e madrilencs.

Aquela revòlta es un exemple per la democracia europèa, pels pòbles europèus, e una vergonha per la non reaccion de la comission europèa. 

Fau tanben notar la non reaccion dels partits jacobins franceses ; la lista es aquela : Les Républicains, UDI, FN-BM,  Parti Socialiste français, PRG, LO, NPA, MoDem, La République en Marche, es non reaccion o ajuda clara del poder pòst-franquista madrilenc, Partido Popular, Ciudadanos, Partido Socialista O.Espanhòl.

E m'agrada d'entendre aquel magnific anglés del ministre dels afars exteriors de la Generalitat de Catalonha, es una responsa clara que dona vergonha als elegits d'Occitània per non pas bolegar brica.

 
E aquel parla anglés, catalan, espanhòl, e francés, pel moment l'ai pas entendut en italian, mas segur que vendrà que vos podrètz donar l'entrevista en italian. E fau apondre qu'el es un dels catalans plurilingües, es un dels .... es la resulta de l'escòla d'immersion en lenga catalana, escòla que Espanha vòl destrusir per plaçar un modèl que sabèm, qu'es lo modèl francés, que destrusir las lengas e quitament es incapable de donar dins un plurilingüisme generalizat.

L'imperialisme es donc l'Union Europèa e lo contrari de çò que fau per l'Union Europèa, un sistèma democratic e plutlingüe, es lo sistèma pacific e catalan que fau per tota l'Union Europèa. L'Union Europèa es ineficacetat, Catalonha es eficaça, la vòlon destrusir, aital es la paradòxa del blabla d'un Emmanuel Macron (LREM) sobre l'Union Europèa.

Los irlandeses del Sinn Féin l'an plan entendut.  Escotat e fintatz la vídeo.E son pas los sols a protestar contra la politica PP-PSOE-C'S en Catalonha, politica o repression ; mas que fan los elegits d'Occitània, res de res. Es pietadós.

Lo PP parla de Hispanofobia e nosautres ... disèm

Lo Partido Popular parla de « hispanofobia » e nosautres de catalanofobia en Espanha, que jà se dona l'independéncia de Catalonha.
Qu'es tristassa aquela Espanha que se sap pas gaitar dins un miralh, es l'Espanha avuglada per la fiertat regionalista d'expansion madrilenca, per la corrída e las estupipiditats pòstfranquistas.

Alara fau portar la potinga politica (que fa l'Union Europèa?), mas de discutida lo Partido Popular ne vòl pas, sul modèl jacobin francés. Es aital sostengut pel Partido Socialista O.ESPAÑOL (Parti Socialiste fRANÇAIS e PRG) e per Ciudadanos (La République En Marche).

Mas l'estupiditat del Partido Popular es d'una dimension catolica, sul modèl Elisabeth la catolica.

 E la resulta d'aquela campanha PP-PSOE-C's contra Catalonha la dona L'Accent.

Se podrà dire, cridar e demandar la demission de Rajoy lo 2 d'octobre ? E esperar la jòia d'una independéncia catalana, vist dempuèi l'amòrfa Occitània.

Vielha (Aran, Occitània) tornamai aucupada > temps franquista

L'armada d'occupacion espanhòla en Aran coma del temps del Franquisme, es installada a costat del Collègi, segurament per rassegurar los escolans e endoctrinar .... qui sap ? Rajoy sap quicòm ? Estonent non ? L'Union Europèa sap quicòm ?
I a jihadista en Aran ? La guèrra espanhòla contunha e los imperialismes (mercat-Estat-nacion) de regionalisme d'expansion damòran muts. 

Quand lo dreit d'autor (Warner Bros) es mai fòrt que lo dreit dels pòbles (ONU 1947) a s'autodeterminar, l'armada es forçada d'intervenir.

La repression espanhòla contunha dins la tranquillitat europèa, lo mercat es dictatura, n'avèm la pròva europèa ; es ben clar e politic..

Farèm comentaris (Comission Europèa) sobre lo dictator turc ?  

Bernard Guetta sus France Inter vos explica mai en patois parisenc.

dijous, de setembre 28, 2017

Catalonha Catalunya Catalogne Catalonia 4 vídeos de gaitar

Se parla dins lo primièr document, de la convivéncia segon los Espanhòls ambe los Catalans ; e que sempre los espanhòls explican en politica la convivéncia, mas la realitat es que los espanhòls an d'òdi pels Catalans e pels Bascos, e ne fan una poltiica per èstre re-elegits regularament.
La segonda vídeo es una entrevista de la television portuguesa ; podrètz notar que se podrà parlar en catalan e sobtitolat, la populacion de Portugal podrà entendre ; es un argument per los que pensan « langues régionales », lenga del replec sus se.
A mai faudrà tanben escotar lo discors, de raül Romeva qu'es evidentament mai clar en catalan qu'en francés, e çaquelà parla un francés de granda qualitat.
Ambe l'arribada dels pompièrs dins l'escenari de la campanha electorala, avèm tanben los païsans de Catalonha. E lo nombre es massiu !
Fau dire que los païsans occitans de la FNSEA an manifestat per polluar las populacions ? E JJ Bolzan conselhièr municipal de Tolosa tanben ? Èran mens nombroses... Lo païsans catalans an manifestar per un melhor emplec de l'argent public.
Per clavar los socialistas helvetics ...

Lo referèndum de Catalonha dimenge serà excepcional.

L'estrambòrd dels Catalans m'agrada

Un exemple es lo jòcs o juecs qu'an sortit per aquel referèndum, gaitatz :


Avèm un jòc de mot entre UN e UÒU, OU en catalan. Es un jòc numeric mas quitament lo jòc/juec es lingüistic e politic ; es estranh es pas estat encara interdit per las tropas d'occupacion constitucionala.
I a una aplicacion e de qué jogar, en explicar los problèmas qu'Espanha plaça per frenar la votacion ; excepcional !

E quand lo problèma arriba portat per Espanha, pel govèrn PP-PSOE-C'S, tres batèus de la Warner Bros, la populacion ne fabrica un instrument de promocion del referèndum.

 Aquel es lo batèu de Tarragona.

O se podrà tanben rire d'aiçò :

 Mai de 10.000 agents de la vièlha polícia militara franquista son arribats a Barcelona, per portar la « patz constitucionala espanhòla ». L'article 155 de la constitucion es pas estat votat pel Congrès espanhòl, mas totes los elements de la repression d'aquel article pòstfranquista i son ; aquel article justament èra estat objecte de supression dins l'estatut de la Generalitat de Catalonha (2006), aquel que l'Estat centralista espanhòl a tardat 2 ans per lo considerar coma anticonstitucional tanben.

Espanha es irreformable, Catalonha es inventiva ; de quin costat val melhor èstre ? Heil Manolito Valls ? 

E la populacion d'Occitània, es encara un còp absenta : 

 

Loi des mesures de guerre VS democracia

Les Quebecois savent clairement dire les choses. Al Quebèc las causas son mai claras qu'a Paris, a paris ont Les Républicains, PSf, PCf, PRG, UDI, FN-BM, LERM son del costat de la « loi des mesures de guerre » per una region europèa que ... vòl VOTAR !

Alara quand tot lo personal politic jacobin, levat la France Insoumise e EELV, es mut sus aquel problèma de democracia en Espanha, se fau cridar a l'injustícia politica o al pòstfranquisme qu'a pas cambiat dempuèi la fin del dictator in bed.

Tot lo personal politic al govèrn de la Generalitat de Catalonha parla francés, mas fRança se trapa dins lo camps de la repression d'opinion del PP-PSOE-C's. La francofonia es encara dins lo camp del Quebèc e pas de la fRança jacobina.

I aguèt tanben protestacion francofònas en Confederacion Helvetica, lo .... partit socialista hevetica ; benlèu que lo Parti Socialiste français (los jacobins) an mestièr d'un estatgi de sciéncias politicas en Helvecia o al Quebèc ?


De la menteissa manièra d'espera encara e encara que los elegits d'Occitània BOLEGÈSSEN !

Titi et gros minet, Piolin en vacanças, enfin se ne parla a Paris



Aquela estupiditat espanhòla arriba enfin a la television francesa, Warner Bros repotega, fa grisa mina, ambe lo seu "Titi" e lo seu "gros minet" sul pòrt de Catalonha per castigar clients de la Warner Bros, lo ciutadans de Catalonha coma agrada a Manolito Valls, lo socialista francés e ancian primièr ministre.

L'Estat espanhòl a respondut a la protestacion de la Warner Bros, mas pel pòble catalan, els, pòdon anar a la lordèra de l'istòria ; lo dreit d'autors (d'entrepresa privada mondiala) interesa mai Espanha que lo dreit dels pòbles (aquí lo catalan).


 
 L'accion politica del govèrn PP-PSOE-C'S m'agrada pas ; son accions pòstfranquistas e i a cap dobte sul tèma.

Campanha referendària en Catalonha

L'Estat espanhòl causís la violéncia per reprimir l'expression politica del camp del Sí e pensa que serà eficaç; eficaç coma l'es estat lo primièr ministre Manuel Valls (Intervencion exteriora per Espanha antidemocratica) al govèrn segurament, car el tanben se plaça dins lo camp de la violéncia d'Estat contra lo pòble catalan ; la vergonha es qu'es filh de republican e quez se plaça dins la violéncia modèl franquista. Es lo Philippe Pétain dels Catalans. Quina vergonha per aquel filh de republican espanhòl !


Val melhor donar la paraula als Catalans concernits, coma per exemple Raül Romeva ; Raül Romeva se plaça dins lo camp de la democracia, Manolito Valls dins lo camp de la mòrt (Corrida and companhiá) e l'antidemocracia.

 Aquela declaracion que pòrta, coma aquela del govèrn jacobin, lo perfum maissant del franquisme, dona una idèa de ESPAÑA UNIDA Y GRANDE, aquela de Franco.
Dins la campanha çaquelà se podrà entendre lo camp del SI que plaça plan Manolito Valls dins lo camps dels franquistas, amai d'èstre dins lo camps dels ipocrits politics, dels grands jacobins ipocrits, coma Mariano Rajoy.

dimecres, de setembre 27, 2017

Quand la "Commission Européenne" ajuda la repression contra un pòble

Dins una conferéncia de premsa, lo pòrta-paraula de la Comission Europèa nos explica e confirma una causa que sabiam, l''Union Europèa es pas causa ciutadana, dels pòbles d'Euròpa, mas un sistèma per ajudar una oligarquia de damorar al poder.
E aiçò val per l'UE, coma per fRança e Espanha ... Fintatz lo ligam ont la vídeo es presentada sancièra.

Al meteis moment, la propaganda del Parlament Europèu (en anglés per la còlha francesa, en novèla patois parisenc, la lenga del #Brexit) arriba per nos explicar que son democratas, e que fan lo « International Day of democracy » en ajudar a barrar site Internet d'expression de las populacions catalanas, e ajudar los poders madrilencs a interdire un referèndum d'autodeterminacion : i a melhor mejan pel jorn de la democracia, non ? Las realitats son diferentas en viu !
Aquel promocion de la democracia en anglés, dins un país que refusa a las lengas de fRança la mendra vida oficiala, e quitament que parla ambe la lenga del #brexiters ; sabèm que l'article 2 de la constitucion èra utile per castigar l'occitan, e non pas l'anglés coma o diguèran a l'Assemblée dita Nationale al moment de la votacion. Sabèm que lo sistèma jacobin es un sistèma de repression, coma l'Espanha ; mas ara sabèm ambe lo sosten que mandan a Madrid, qu'es realament de repression.

Quí castigarà la Comission Europèa quand la majoritat del Parlament Europèu ajuda los amics de la corrupcion espanhòla d'èstre membre de la comission, los amics dels amics del Partido Popular son antanplan corruptes a Madrid qu'a Bruxelles ?

Coma l'explica Daniel Cohn-Bendit Catalonha pausa un real problèma a l'Union Europèa (France Inter aqueste maitin), mas lo problèma es pas CATALANS es puslèu de la casta o oligarquia al poder dedins l'Union Europèa, los amics del Partido Popular son vomitius, dedins l'Union Europèa coma fòra.

Aquel bilhet qu'ai escrit aqueste maitin, sense legir la premsa francesa, es donc completat per : Avenidor de l'Union Europèa se jòga en Catalonha

La majoritat JC Junker (sempre muda) podiá amagar fins ara que l'oligarquia europeïsta tripatouillait amb allegria la democracia, mas ara es concret. es un cas d'Escòla de sciéncias politicas, la democracia contra la repression, Catalonha contra Espanha.

 

1 d'octobre : totes a la hèsta de Betren (Aran)

Dins una entrevista enregistrada dimenge passat, avèm encontrat al cònsol màger de Bertren ; se parla evidentament del referèndum e de la democracia al Principat de Catalonha, e tanben del problèma espanhòl.



Mas dimenge es tanben la HÈSTA DE BETREN, i sètz totes convidats, Catalans  (aprèp aver votat) e Occitans d'Aran (Aprèp aver votat) e tanben Occitans fòra Aran (en nombre).

Novèla del front Warner Bros a demandat al govèrn espanhòl d'amagar los dessenhs dels batèus qu'alberga la polícia militara espanhòla que fabrica la repression e donc una maissanta marca per la Warner Bros ; an amagat los dessenh : Espanha valoriza melhor los dreits d'autors puslèu que los dreits dels ciutadans catalans.

Fau notar tanben que l'Union Europèa que criticava Erdogan en Turquia per aver arrestat e interdit sites Internet, se cala quand es Espanha... La censura exista en Espanha, los Estats imperialistas europèus se cálan, levat partits politics, per exemple, l'exemplar PARTIT SOCIALISTA de... Norvèja !

 Entitats Aranesas son estadas recebudas a l'Ostal de la Generalitat de Catalonha.

dimarts, de setembre 26, 2017

Cercatz l'incompeténcia, trobatz France 3 Tolosa o Montpelhièr

Quand se parla dels programas occitans de fRance 3, sembla èstre lo cap desconegut dels programas per fRance 3, mas son programets que sobrevívon dins la mediocritat generala dels burèus vesins e dels programas locals en general, que sovent dubrísson pas las pòrtas dels « occitans » (es aital que son nommat los jornalistas de lenga occitana de fRance 3)... benlèu per paur de contaminacion ideologica o per apréner quicòm que gastariá lo grand nivèl de mediocritat de fRance 3.

Fau notar que la concurréncia serà bona, vist que TV Sud qu'arriba a Tolosa, jà sap escriure CALANDRETA, lor aurà pas calgut 20 ans per o saber pas escriure coma a fRance 3 !

Fau notar que de manifestacion per Calandreta, n'i aguèt a Agen e Pau, e benlèu endacòm mai, mas lo reglament (segur) de la redaccion de Tolosa, dèu imposar lo localisme de la redaccion sul tèma ! 

Quina pietat d'aver una redaccion tolzana e montpelhierenca de fRance 3 talament mediòcra ! 

Un jorn benlèu los elegits del Conselh Regional auràn l'idèa d'una televisxion en lenga occitana, e alara finançarà sancièr (al mens per 4 ans) aquel programa ; e soi segur que se farà sus TV SUD, melhor que fRance 3 (per ajudar la mediocritat ?).

La censura en Euròpa es espanhòla

Aqueste maitin, la censura tòrna coma del temps del franquisme ; sèm en ESPAÑA ! 

Lo dreit d'opinion es donc interdit en Espanha, Espanha es encara una democracia, o sembla a Turquia, Síria, Iran, Sodan, Eritèra Aràbia Saodita, China ? Veneçuèla, Corèa del Nòrd ?

Mantunes site Internet, public e privat son estats arrestat per òrdre constitucional, òrdre democratic ? La dictatura d'una majoritat ?

Quand demissiona Mariano Rajoy ?


E lo poder e l'Estat espanhòl es encara benvengut dedins l'Union Europèa per aver censurat constitucionalament ? Ont i a un problèma ?

Lo Collectiu Praga explica perqué son en colèra contra los psèudodemocratas espanhòls ; legissètz lo seu comunicat : Col·lectiu Praga 20/09/2017; Comunicat conjunt del Col·lectiu Emma, el Col·lectiu Praga i el Col·lectiu Wilson, “Per què Europa hauria de veure amb bons ulls un referèndum...

las bancas son tanben questionadas en Espanha

Espanha sense Catalonha es Grècia.... Donc Espanha sense Catalonha, es Espanha roïnada.

Donc s'entendrà melhor perqué doman se parlarà de finança, e de l'endeutament d'Espanha ; ai jà indicat dins un documentari (bilhets precedents) que lo finançament en Espanha de l'argent public es l'argent del sistèma de corrupcion d'Estat, corrupcion del Partido Popular, per interès particular amagat amber l'etiqueta "Interès d'Estat" e sa violéncia contra la democracia.
 La mapa de las corrupcion Partido Popular es clara.
Qui o podrà oblidar en l'Union Europèa que baila d'argent de la Banca Central Europèa al govèrn Partido Popular de Madrid ?

 La finança matarà lo govèrn Rajoy ? Lo sosten del PNV-EAJ-PNB al budgecte arrestarà la moneda desgalhada en Espanha ? Lo govèrn del PP-PSOE-Ciudadanos, per la designacion, e pel budgecte -fins ara- ambe l'abstencion del EAJ-PNB-PNV.

 JP Morgan conselha de fugir Espanha pels plaçaments dinerièrs... e aiçò abans la reünion de doman ambe la BCE e las bancas espanhòlas.

dilluns, de setembre 25, 2017

Catalonha : votar lo un d'octobre

La question se pausa tanben per el : 



En lenga espanhòla....

Tots los democratas d'Espanha i son a gaitar Catalonha, totes los democratas d'Union Europèa o deurián estar tanben, que fan ? Que fan a la comission ? 


Catalonha / Espanha - doás realitats

La primièra realitat es la qualitat del combat democratic catalan, una fòto


La segonda es l'umor espanhòl, la fauta GRANDA de seriós de l'envasion militara espanhòla de Barcelona, Looney plora de rires.


Imaginèm una glèisa catolica prèp dels pòbles

En Occitània, avèm una glèisa francesa imperialista, imaginèm una glèisa coma aquel messatge que se donèt dimenge a MONTSERRAT (Catalonha) Imaginèm ! 


Ligam d'aquesta glèisa que parla catalan, e parla de libertat, parla del pòble de Catalonha, e del sistèma politic que melhor li anurà, la consultacion democratica (aquela que refusa lo poder espanhòl e francés).

Avèm en occitània, una glèisa vaticana qu'es mai prèp de l'extremisme de dreita francesa (exemple un curat de la glèisa del Taur a Tolosa) que non pas èime del pòble d'Occitània.

Io ai abandonat de passar dins las glèisa francesa d'Occitània, un paiuc coma m'es devengut insuportable de passar dins las universitats francesas d'Occitània.

diumenge, de setembre 24, 2017

JJ Bolzan : lo ridicul mata pas encara

JJ Bolzan, capolièr de l'UDI en Garona Nauta e al Conselh Regional, e cònsol ajunt de Tolosa, manifesta ambe los païsans per polluar las populacions, es de dire emplegar lo glifosata dins l'agricultura.

La promocion del glofosata es una promocion de l'industria quimica europèa, aquela qu'a ajudar a destrusir los pòbles dempuèi la guèrra de 14/18, dincal camps de concentracion josius nazi.... e un elegit tolzan e los païsans de la FNSEA ne fan la promocion !

Es pas la sola incompeténcia aquel elegit de Tolosa, mas aquel sobrepassa los limits per la sentat dels Tolzans. 

Mentre que los païsans en Occitània manifestan per la melhora intoxicacion quimica al glifosata dels païsans e de la populacion del país occitan, un elegit de Tolosa los ajúdan ! Se sona JJ Bolzan, UDI la dreita centrista e jacobina francesa en Occitània.

Mentre que los païsans FNSEA son los principals fautius de la politica tòrta europèa, sonada PAC, en matièra d'entrants en agricultura, coma en matièra de mercat, los païsans de Catalonha se manifesta per una melhora gestion de l'argent public. La FNSEA NON ! 

Al contrari la FNSEA fabrica la manipulacion agricòla ambe los budgectes europèus, la pus granda partida del budgecte europèu.

Campanha pel referèndum en Catalonha

Lo punt de vista de los qu'an cambiat d'avejaire encontra Espanha (la post-franquista), me sembla plan interessant d'aver al cap, sobretot pels jornalistas franceses que ... semblan grandament perturbats (e amb pauc de vision istorica dels eveniments) car sempre son jacobins e centralistas sense se mainar ! Mèstre Jourdain fasiá pròsas sense saber... explica Molière.


L'objectiu de l'independéncia es « GOVERNAR BIÉN » Catalonha ! 

Es un objectiu que nos fauta en Occitània, car los jacobins, reialistas o republicans, son sempre a badar la santa capitala per la copitar (RER per ligar la linha 3 de mètro a l'aeropòrt) e quitament per pagar al luòc de l'Estat (pagar la LGV entre Tours e Bordèu sense aver l'assegurança d'aver Tolosa-Bordèu), e quitament en copiar per corrupcion en ajudar las entrepresas de La Défense d'èstre sul mercat occitan [etc.], a l'exemple de Jean-luc Moudenc (Les Républicains, dreita expansionista francesa, e dins lo cas, superafionat al reialisme borbonic) a Tolosa.

GOVERNAR PLAN es l'objectiu de la democracia.
Donc fan campanha pel SI, mas oblidètz pas es tanben un ÒC ben gròs sus las camiseta de l'ANC per finançar las manifestacions del 11 de setembre, camiseta fabricada en Catalonha ! 

Nosauts tanben necessitèm Catalonha coma Estat, perqué Occitània es submetuda a la pensada jacobina, e lo personal politic es aquí per imposar al pòble (dels ciutadans) d'Occitània, la vision parisenc per melhor pagar lo centralisme, sa logistica e sos mèdias, e lo ben-Estat dels Parisencs, per pagar aquel regionalisme d'expansion parisenca que còsta a la democracia coma l'Espanhòl de Castilha còsta a Catalonha.

En Aran tanben auràn de votar ÒC o NON ... es democracia ! Aquela que los Espanhòls, o collabò an assimilat, e que de cap manièra vòlon. Totes los mejans, modèl franquistas, son alara bons per destrusir la consultacion.
Aquelas eleccions semblan « la croisière s'amuse » un programa vièlh que se debanava sus un batèu, Warner Bros programa Llooney qu'es pintrat suls batèus de la guardia civil espanhòla suls pòrts de Barcelona e Tarragona ; avèm donc una armada ineriora contra lo pòble dels ciutadans democratas (en Catalonha), l'armada franquista contra los pòbles de « España UNIDA Y GRANDE » coma l'estímava Franco, Primo de Ribera, una granda istòria de sobmission castilhana en Espanha, la renda contra lo trabalh (veire documental en seguida).
 E i a sempre coma en 1939, la collaboracion per damorar sobmesses...Los Philippe Pétain catalans son nombroses, mas son pas lo pòble de Catalonha, son l'engana espanhòla, lo NO que non que non fa campanha electorala quand l'eleccion, la consultacion, lo referèndum, li agrada pas.

dissabte, de setembre 23, 2017

Catalonha : perqué ? Las rasons economicas en vídeo, essencialas

Es non pas simplament una acarament entre Espanha e Catalonha, es un acarament de dos sistèmas economics : 1 / Espanha, la renda del mercat-Estat-nacion imperialista espanhòl (los jacobins an La défense), contra lo punt 2 / Catalonha, la vision economica de las PME-TPE sul mercat mondial (Occitània a res d'aiçò!).


Sèm al delai de l'acarament dels conceptes de democracia d'Estat (violent e repressiva coma sempre)  contra democracia parlamentària catalana ( representant de vertat del pòble dels ciutadans catalans).

Car es plan un pòble que vòl pus èstre al servici de la corrupcion d'Espanha, materializada pels govèrns PP, qu'an recebut sosten del PSOE, e de Ciudadanos.

Mas frena pas d'aver de l'umor en Catalonha e Espanha.
E segur Catalans e Occitans del Principat de Catalonha faràn clar la revolucion tranquilla que fautava a l'espaci occitano-catalan, ambe ginofladas.

Mas fau èstre a Vielha per defendre la democracia parlamentària catalana. Aran es donc concernit grandament, per servar l'estatut e o poder grandir. Ara es l'ora perls OCCITANS de bolegar per la democracia en Occitània (Aran e mai luènh Euròpa).

 

divendres, de setembre 22, 2017

Honte française, vergonha francesa, contunha l'ipocrisia francesa

Los politicians franceses son muts e ne fan cap vergonha, i a una granda solidaritat entre imperialistas o regionalistas d'expansion parisenc ambe los regionalistas d'expansion madrilenca. Sembla normal destrusir l'enveja d'aver de decidir per un pòble, d'autogovernar un pòble segon la Carta de l'ONU de 1947.


Aprèp se fau pas etonar que lo sistèma politic francés aguèsse res retengut de l'Istòria en Argèria !  (entre 1945 e 1962, nimai a d'autres moment o a d'autras expansions del centralisme francés).

La solucion es benlèu aquí :


Mas qui o va explicar @socialista_CAT ?

Catalunya - Catalonha : reaccion politica al Quebèc

Ligam del piulet oficial se tròba aquí o ailà. Pichona leiçon d'actes democratics ; d'escotar sancièr, donarà una leiçon als jacobins o regionalistas d'expansion parisenca, son talament muts per aquesta passa antidemocratica espanhòla que sembla un retorn al regime borbonic que fau pas bolegar.






La reaccion del poder al Quebèc es DEMOCRATA, que fan los elegits en Occitània ? Res ? Normal ? Son a rire de las estupiditats espanhòlas, es tot ? (Son ajudats fau creire !)

 Es que lo personal politic en Occitania sap pas pron çò que democracia vòl dire que mocar un pauc l'Espanha pòstfranquista ? Preferiscan fabricar camps de concentracion (en Occitània, pel desvolopament economic segur) camps pels republicans contra lo franquisme coma la IIIena republica o faguèt en 1939 ?