arcuèlh

dimarts, de gener 31, 2012

dis…ENJOY MONTPELLIER !

Tres jorns a Montpelhièr o dis-ENJOY Montpellier

Ai viscut tres jorns a Montpelhièr per èstre un visitor per MillésimeBio, una fièra de naut nivèl internacional. L'arcuèlh èra pas al nivèl. L'abséncia de 'Navette' per anar al pargue d'exposicion, l'abséncia d'informacion visuala a l'estacion de Sant Roch, l'informacion minimalista dels organizadors (pre èstre gente) en oblidar la linha regulara de bus, e l'explicacion per arribar al pargue d'exposicion... tot i èra per préner un taxi e l'urgéncia al ser per zo farà préner pel retorn lo dimarç vrespe.

Ai alara suportat un antipatisme ambient, per èstre un estrangièr que sembla prèste a èstre desplumat, oficialament e los uèlhs dels Montpelhierencs en fàcia. En discutar ambe de Montpelherencs de fresca soca (40 annadas a Montpelhièr, 30 annadas, 20 annadas, dètz annadas) sembla èstre la nòrma, e l'engana-pec tanben.

Qu'es aquò MillésimeBio, es una fièra dels productors de vins venguts de l'agricultura biologica, es un salon naiscut a Perpinyà qu'a grandit, en passar per Narbona.

Arribat lo dimarç a 15h05 pel tren, ai assajat d'aver un pauc d'etica pels desplaments personals ; emplegui lo tren ; ai lo temps de préner lo bon tram segon los conselhs donats a la garasobr eunapapièr que simboliza l'amateurisme de l'arcuèlh montpelhierenc, per anar cercar la 'Navette', que veirai parcada e anonciada que damorarà dinca 16h45 en plaça ; es que devi abandonar d'anar a MillésimeBio ? Tot es estat preparat per aiçò. Persistent e sabi qu'i a taxis … tòrni a l'estacion Sant Roch (dos tiquets de tram es res !) ; i a cap informacion coërenta per saber lo temps que cal per anar al pargue exposicion e lo còst – serà de 20 € en 40 minutas, dins una automobila confortabla e maxímum 7 km, e aurai una factureta precisa (document junt).

Arribat al Pargue m'avizi que l'entrada es a l'oposat de la vila, segur per melhora lo sistèma logistic per èstre etic al nivèl dels transpòrts collectius e per engraissar las facturas de taxis. La vrespada se passarà lèu e lo temps passa vista ; ai un amic que m'alberga a Ginhac, que me cal èstre al bus a 19h30, per non mancar lo bus, ai près lo taxi qu'esperava a 18h10 a l'entrada del pargue d'exposiocion ; un taxista a quitament cresegut que mon menaire li panava un client qu'aviá telefonat. Soi sortit aviat del pargue, malgrat l'installacion de la sortida tòrta, mas ne parlarèm per un autre jorn. Ai gaire agut lo temps de verificar s'i aviá una 'Navette'.

Lo taxista arribarà mai lèu a la gara que lo taxi primièr, dètz minutas de mens, la factura serà lo dobla, 40 €. Aviái 20 € dins lo pòrta-fuèlha, li a calgut passar per dos panèus sense interdich e estacionar sobre la linha de tram per poder m'ajudar a préner lo segond bilhet de 20 €, al prèp de la gara de Montpelhièr, refusarà d'anar al terminal taxis. En responsa a mon estonament es estat : «c'est comme cela». Es aital qu'ai agut coma responsa alprèp del servici premsa e los organizador de MillésimeBio, es aital es vai-t'en cagar a la vinha !

Arribat a la gara, èra pas encara que 18h50, ai agut lo temps de passar al cap oficial des taxistas ; vist la cara del taxistas que questionavi sobre l'estrangièra diferéncia, ai comprès qu'i aviá un pichon problèma. Lo dijòus i tornarai per questionar un vièlh taxista : «vos cal portar un planh» - la remarca entenduda, diluns en seguir es estat impossible d'aver l'adreiça de la prefectura de Montpelhièr, malgrat aver apelat tres còps als diferents numèros indicats -e soi generós quo escrivi aiçò.

Ai près mon bus al terminal previst, sense cap de problèma, a las 7 oras perqué i aviá un bus suplementari. Lo lendeman maitin, lo bus d'Hérault-Transports m'a tornat a Montpelhièr aisidament. Ai pagat en dintrar ambe un bilhet de 10 €, l'unica moneda qu'aviá, per astre... car a la sortida a La Mosson, per préner lo tram ; lo menaire li fautava 10 € dins la caissa ; «- pardon Monsieur, je ne vous ai pas rendu le billet de 10 € par hasard», li ai mostrat lo pòrta-fuèlha, mas imaginatz que, per escàs, èri estat ambe dos bilhets de dètz èuros en dintrar dins lo bus... A La Mosson, lo depart per l'Odyséum se faguèt normalament.

Mas lo tram serà en retard, per rason de maissanta circulacion e parcatge d'un camion ; lo menaire del tram, malgrat d'èstre dos al cap, digun se levarà, e serà melhor far sonar lo tram pendent 15 minutas sense resulta. Lo tram èra notat dinca l'Odysséum, mas serà anonciat lo cambiament de finala de tram a Corum. Lo menaire refusarà de tornar donar l'informacion e aital enganarà al mens 30 de cent des clients que son damorats dins lo tram. Ai encara perdut temps aquí,...

Soi damorat la darrièra jornada sancièra a MillésimeBio, sense minjar perqué ai pas agut de temps. A la 17 oras, las sortida generalizada fabricarà un tap, classic per Montpelhièr donc. Mas aquí soi segur qu'es la fauta de pensada subre la logistica de la sortida del parcatge de MillésimBio que la fauta dèu èstre plaçada. Ai veirificat que la 'Navette' èra absenta al moment que cal, e ai verificat que dos Alemands esperávan ambe paciéncia la 'Navette' qu'aurai jamai vista en foncionament.

Soi tornat a Ginhac en passar per la linha 10 de bus, talament aisida de préner quora se sap ! Aisida de préner ambe lo meteis bilhet que lo tram. Mas degun informa a la gara de Sant Roch !

Lo lendeman dijòus podrai anar a l'ofici de torisme per informar del problèma de taxi ; faràn d'estadisticas … Ai pas poscut anar a la comuna vist qu'es elonhada de la gara ara, e quitament per aver assajat, ai mancat pas poder reprendre mon tren reservat, car lo tram es tombat en pana.

Lo dijòus a Ginhac lo primièr bus èra plen, lo segond anava per tornar a Montpelhièr. Per evitar d'aver a damorar a Ginhac tota la jornada, ai telefonat a l'ofici de torisme del regropament de comuna ; aquí me vòlon donar lo telefòne de la companhiá de bus (en fàcia lo uèlh e que fonciona pas) e los oraris de bus (en fàcia los uèlh), li ai alara dich : «- es pas aiçò qu'esperavi, benlèu l'idèa que un taxi me podriá ajudar, e donc son numèro de telefòne ?» La responsa es estada : «- Monsieur si vous continuez à m'agresser, je raccroche». Aurà pas agut lo temps, l'ai fait ièu primièr.

16:20, lo dijòus, lo TER per tornar a Tolosa èra plen e mai que plen. Tornarai pus a Montpelhièr per una mendra visita de doás jornadas.

Lo marqueting politic de Montpelhièr explica «Enjoy Montpellier» en patois parisenc, o coma es en anglés me soi questionat s'èra pas una promocion de Montpellier als Estats-Units-d'America ? Perqué per Montpelhièr en Occitània, pel moment es dins mon cap DIS-ENJOY MONTPELHIÈR.

dilluns, de gener 30, 2012

François Hollande e l’economia …

Nicolas Sarkozy es particularament ligat al MEDEF, zo avèm poscut veire dempuèi mai de 4 annadas, pel mens.

Mas de qué vòlon las pensadas economicas d’un candidat coma François Hollande ?

Escotèm RTL e avèm aiçò :

TVA Sociala e François hollande

Puèi coma sabèm pas realament quí pòrta la vertat, e que ne volèm çaquelà una, legissèm la primièra pagina de Le Monde, un jornal de sosten politic a la tecnocracia republicana francesa :

TVA sociala modèl Sarko

Far e desfar es sempre trabalhar, mas podèm encara un còp evitar l’un coma l’autre ?

E legissi : « L’interès de la TVA sociala es d’alargar als consomators lo finançament de l’Estat-providéncia.»

La medusa République Française coma aquel batèu del meteis nom, es mal partida ambe aquestes dos arganhòls.

divendres, de gener 27, 2012

Jean-Luc Mélenchon escriu al «peuple de gauche» a prepaus de l’occitan

Lo statu-quò li agrada

1 / lo problèma francés sobre las lengas se limita ni  a l'ensenhament ni a las signaleticas

2 / lo francés fabrica frontièra nacionalista, dins la geografia europèa e dins los caps.

3 / lo pòble al singular es de mai en mai pichon al fial de l'istòria de França...

Lo problèma es plan aquò :

La ciutadanetat es pas la nacionalitat ; lo juridic es pas l'antropologic (el parla d'etnicicsme), me caldrà parlar a los qu'an escrich la Carta dels Dreits de l'Òme abans l'arribada dels Ernest Renan e Maurice Barrès, puèi Maurràs qu'aurà la meteissa definicion que Jean-Luc Mélenchon.

Ièu m'agradariá d'aver la responsa dels redactor de l'article de Ouest-France que son acusats d'èstre de manipuladors per Jean--Luc Mélenchon.

Lo document junt es contradictòri ambe lo comunicat del Parti de Gauche.

Es domatge qu'aquel «peuple de gauche» coma i a un «peuple catholique» aguèsse pas legit Cornelius Casteriadis, Claude Duneton, Claude Hagège, Suzanne Citron, etc. Es clarament una fauta de cultura politica e d'aplicacion a la republica universala, qu'es pas vertadierament la francesa.

Letra de Jean-Luc Mélenchon-

En confondre l’alfabetizacion e la francizacion, l’etnisme francés republican a fabricat «bons soldats» del regime, mai descervelats èran melhor serà per l’avenir de las guèrras per las «frontières naturelles» e pel productivisme colonial d’oltra-mar.

Aquesta politica es etnista tal que l’etnisme agrada pas a Jean-Luc Mélenchon, mas l’etnisme lo vei sonque dins lo uèlh de l’enemic, aquel que vòl pas de la lenga de dominacion francesa quitament s’es supausadament republicana. Es donc plan un nacionalista d’expansion parisenca qu’a problèma personal sul subjecte.

Se cal recordar çaquelà qu’es contra las escòlas associativas perqué la republica li imposa pas d’interdire al parents d’i èstre dedins.

Se cal recordar que la letra es clara, es contra una politica d’Estat per ajudar al desvolopament –fòra ensenhament- de las lengas.

I a res de novèl, es l’expression del nacionalisme d’expansion parisenca, lo FN pensa parier.

dilluns, de gener 23, 2012

Una mapa del Midi Libre me questiona :

Perqué aquesta mapa es una manipulacion per oblidança ? E alara perqué una mapa aital dins Midi Libre uèi dins la campanha electorala ?

Mapa Midi-Libre

Se nòta alara que la populacion del «midi» puja perqué lo nòrd davala, e i a pas cap politica occitana per los arcuelhir. I a pas cap informacion per designar la tèrra d’arcuelh qu’es Occitània. Aquò farà problèma dins una o doás annadas. Perqué l’occitna seriá pas tanben un ben public per totas las populacions, los Franceses nòuvenguts del nòrd tanben.

Mas çaquelà, la publicacion dona una idèa qu’aquela migracion del nòrd, venguda de fR-NÇA en Occitània seriá tanben un problèma. Benlèu qu’i a problèma e que sabèm pas perqué !

Alara una autra mapa es de presentar ; perqué es aital que las «frontières naturelles» pòdon amagar una vertat e benlèu cambiar lo discors sul tèma.

migracion en Euròpa

Perqué l’immigracion en País Catalan es mai importanta, e i a mens de problèma, aquestas que son tengut de l’induccion jornalistica de Montpelhièr. En oblidar de presentar lo Principat de Catalonha, lo discors es alara diferent e plus grandament provincialista.

Aquò es sempre lo problèma de tot subjecte tractat pels sistèma politic francés ; lo nacionalisme francés fabrica una pensada politica tòrta.

Cal remarcar sobre aquesta mapa d’Alternatives Économiques ; l'immigracion bravament mai importanta en País Catalan. E coma las obscuritats designadas pel sistèma nacionalista francés son dichas actualament per la campanha, me sembla important de veire donc que lo sistèma francés es pas lo bon sistèma per arcuelhir l'immigracion (se n'i a ! *), que venguèsse del nòrd o del sud.

(* se n’i a ! se cal pausar la question de doás semanticas entendudas dins la boca de l’extrèma-dreita, l’immigracion per ela es l’immigracion algériana o magrebina, musulmana per extension, se parla jamai de l’immigracion anglesa en Occitània – e alara se cal pausar la question se los que son a la quatrena generacion d’immigrat per aqueles nacionalistas franceses, son immigrats encara ?)

De tot biais, d'immigracion que n'i aurà de mai en mai e malastrosament avèm pas de politica occitana d'arcuèlh dels migrats.

Me remembri aver demandat a Unitat d'Oc en 1990 (data de memòria) de fabricar un document legièr (A4 blanc e nègre rècto e vèrso) per explicar en mantunas lengas çò qu'èra Occitània e la lenga occitana (distribucion sobre las platjas) ; las fotocòpias las fasiam a l'amagat dins las entrepresas que i trabalhaviàn los militants de Bordèu.

L'iniciativa es estada melhorada per l'IEO en i mesclar lo comèrç occitan : mas me sembla que lo document es encara tròp pesuc e pas pron politic per una multiplicacion bona e granda.

Donc, se cal  pausar las questions de coma en Catalonha (País Catalan) la migracion es mens un «problèma» (la semantica m’agrada pas tanben, perqué l’immigracion o la migracion serà la nòrma del XXen sègle en Euròpa). Lo bilhet recent se titolava : l’immigracion es un problèma pre quí ? Picatz aquí per l’aver.

Fugir la repression dels nacionalismes d'expansion- 

La presentacion d’una mapa d’aqueste escantilh favoriza quin tipe de pensada ? E es pas la publicacion que me questiona, es simplament l’abséncia de pensada duberta sul tèma, en oblidar pas que las «frontières naturelles» son pas realitats actualas ; es una engana volontària pels lectorats de Midi Libre ; Montpelhièr es a mens 180 km de Girona e Figueres !

dissabte, de gener 21, 2012

Quí non vòl de Calandreta a Ortès ?

ensenhament de l'occitan a Ortès calandreta contra ensenhament bilingüe d'Estat

Dins aquesta situacion non podèm que constatar e informar los Bearneses que OCBi es presidit per una pòrta-paraula del Partit Occitan d’Òlt-e-Garona e mantunes membres del Partit Occitan d’Òlt-e-Garona an emplegat la semantica Calandreta per installar d’escòla d’Estat ambe l’occitan per equitat orari a Pena d’Agenés. E quora a Laròca-Timbaut en 2010, l’E.N. refusa de duèrbe una classa d’Estat, Oc-Bi prepausa jamai la creacion d’una Calandreta. Tot lo sistèma occitanista d’Òlt-e-Garona s’es batut contra Calandreta… pendent al mens doás annadas, per matar la Calandreta d’Agen. Dins la còlha de batalha contra Calandreta d’Agen, i aviá lo conselhièr pedagogica d’occitan (M.Berthoumieux, l’òme de Martina de Pèire, e imminent membre del Parti socialiste), e mantunes autres personatges coma … ai de resèrva (per parlar de la discrecion de mantunes capolièrs ageneses de l’epòca, e professors de l’E.N.), perqué ai pas la memòria selectiva !

Dins lo cas d’OC-Bi, cal dire alara qu’es devengut un instrument d’Estat nacionalista francés (aquel nacionalisme d’expansion que vòl lo netejament lingüistic en Occitània, ambe la lenga francesa unica), nacionalisme per destrusir la progression de l’implantacion de Calandreta. E donc l'Estat a aital responsa sobre las seunas incompeténcias (estadisticas falçificadas o mainupladas per exemple), mas responsas que podràn aital mestrejar, çò qu’es impossible per Calandreta, e la seuna associacion dels parents, perqué son bravament motivats al fial del desvolopament de las Calandretas.

Pel sistèma politic francés (FdG, PCF, PSF, PRG, UMP, NC, MoDem, LO, NPA, etc.), e per l’administracion francesa en Occitània, Calandreta es dificilament de contra-rotlar.

Es pas equivalent duèrbe una Calandreta que duèrbe una escòla d’Estat ambe l’occitan per aquitat orari. Calandreta es l’autonomia de l’ensenhament ; l’escòla d’Estat es la decentralizacion, e l’Estat la podrà barrar quora l’agrada coma a Le Vigan…  L’incoëréncia de l’E.N., barrar Le Vigan que la classa es plena (o destrusir un pòste de conselhièr pedagogic), per duèrbe Ortès qu’i a sonque cinc inscripcions que podrián èstre tanben per Calandreta. Al moment que cal estauviar l’argent public, donc l’argent dels pòstes de l’E.N. es benlèu pas una bona idèa de duèrbe una escòla per equitat orari d’occitan a Ortès, (ont i a Calandreta jà), e non pas zo far dins una autra comuna que n’i pas brica d’escòla benlèu!

Es evident que los interèsses contra Calandreta son mai importants que los autres interèsses… d’Estat o de la sotmission a l’Estat que nos engana, per estauviar l’argent public.

Quí non vòl de Calandreta Ortès es un sistèma nacionalista francés que s’amaga, un nacionalisme desgalhaire de moneda publica contra la dignitat del pòble occitan (una prioritat del nacionalisme d’expansion francesa) ; lo nacionalista aquel se fabrica sense zo saber coma mèstre Jourdain fasiá de pròsa sense saber.

Oc-Bi a portat la division en Bearn ont i aviá unanimitat politica, en ajudar aital los socialistas  del Conselh General, novelament installats.

Manif Tolosa 31 març per l'occitan google promocion del jacobinisme francés

Apondons engatjat : aprèp la manifestacion del 31 de març 2012, e abans d’anar votar, espèri plan que l’occitanisme que se vòl d’esquèrra, se remembrarà que François Hollande seriá capable, vist que l’a medalha «d’Occitanie» gràcia a País Nòstre a Carcassona e son sistèma d’entrisme especializat, seriá donc capable de nommar Jean-Luc Mélenchon al ministrèri de l’’Éducation’ dicha ‘Nationale’, vist qu’a un fum de professors dins son staff de campanha…

Calandreta a Limós

arguments per l'ensenhament en Calandretafrenchies schools

Una que ne vòl pas de Calandreta, es en carga de l’ensenhament de la literatura occitana a l’Universitat de Montpelhièr, son nom es notat sobre lo document notat aquí es seguida e comantat politicament :

Verny

La sola escòla del pòble en Occitània es l’escòla desirada pels parents d’escolans, es Calandreta. Las autras escòlas son las escòlas d’Estat e ai pas escrich de la manipulacion d’Estat mas zo pensi grandament.

Marselha 2012, capitala europèa del cunnilingus !

Marselha cunnilingus 2012

France Culture èra dijòus a Marselha, e còp sec lo pòble de Marselha se vei capitala del cunnilingus ! Fistre, de qué lor arriba ?

Es l’improbabla Marselha 2012 (se cerca un programa seriós e de las practicas non universitaras, televizadas ? o radiodifusada sus France Culture, partenari de l’afar, e las convidacions costumièras del personal politic local, sobretot los tradicionalistas !), o serà en 2013 ? Perqué es improbable en 2012 ? Perqué i pòt pas aver de demanda de subvencion ; es una règla de la cultura, ambe un grand K, la kultur' de l'avoir, aquela de France Culture dins los debats radiofonics : vais-je avvoir ma subvention ? Pour donner de la culture à Marseille o Massilia per los qu’an de kutur’ ? (a Marselha o París, mantunes pensan encara que Massilia es de l’occitan d’occitanistas !) Fasètz-me fisença, pichonetons o pichonetonas ; ne soi segur : es improbable.

La fòto es estada presa aqueste maitin a Marselha, a l’estacion dels camins ferrats.

immersion lingüistica

I a una escòla calandreta a Marselha ?

Ipocrisia socialista a prepaus de la politica lingüistica occitana

Cal verificar al cap de quasiment una annada quinas son las resultas de l’annada de las Assisas de la Cultura Occitana a Tolosa.

Vesèm un pauc ambe mantunas fòtos :

Tolosa genièr 2012 (7) Tolosa genièr 2012 (18) Tolosa genièr 2012 (25) Tolosa genièr 2012 (26) Tolosa genièr 2012 (27) Tolosa genièr 2012 (28)

Podèm clarament veire que per la comunicacion Tolosa, ciutat, emplega pas l’occitan. E es pas la fauta d’espaci publicitari disponible, vist que las entrepresas de publicitat an pas d’autres pòsters de botar en plaça, autras afichas que las afichas oficialas de Tolosa e del Grand Tolosa.

L’emplec de l’occitan dins la comunicacion comuncala costariá res de mai qu’una linha en occitana a imprimir. Donc es plan una volontat de la far desaparéisser, de la rendre non vesedoira, per mostrar plan que l’occitan es la lenga d’una comunautat, per aver agurment de li tornar : «son comunautaristas», «son virats cap al passat», etc. L’ipocrisia politica socialista en Occitània es de granda dimension coma lo concepte de ‘grand sud’.

Perqué ?

Perqué l’occitan es pels socialistas un element suplementari, un alíbi culturalista, mas pas brica l’imatge que vòlon donar a la ciutat. L’imatge que vòlon donar es aquela del netejament lingüistic, lo francés republican, aquel qu’a la lenga imposada dempèis l’edicte de Villers-Cotterêt, la lenga qu’a servit a la Glèisa catolica de massacrat oficialament la populacion, aquela que uèi vira de mai en mai a l’anglofilia, perqué pòdon cambiar de lenga coma de camisa coma un interès finançièr ; l’oportunisme dels Tolzans (lo sistèma politic) es istoric e mai que tot dintrat dins la legenda de Murèth (la batalha d’avèm perdut encausa de l’autonomia de las tropas tolzanas qu’an refuzat de dintrar dins la batalha ; e aital moriguèt lo Rei d’Aragon, Pere d’Aragon).

La fotografia es valabla per Tolosa, mai tanben per Carcassona, per Montpelhièr, per Lemòtges, per Narbona, per Rodés.

L’occitan es considerat coma un problèma, las associacions de promocion son un problèma, las cal far calar a còp de subvencions (la cultura de ‘aver – aver ma subvencion per poder aver la cultura ambe un grand K) e se podiá tanben ajudar per aver vòts a las eleccions, que podèm demandar de melhor qu’un bon clientelisme.

L’occitan es cantonat a un comunautarisme, e son contra los comunautarismes (coma se lo movement occitnaista aviá pas ajudat a explicat que l’occitan èra pas la lenga d’una elita, mas la lenga de totes/as) ; l’objectiu es de presentar aiçò als electors pròpris que dóbtan, e que se questiónan (n’i a pauc), e aital passar a d’autras subjectes mai importants coma explica los nacionalistas de netejament lingüistic JL Mélenchoneton.

E se l’occitanisme podiá votar FN, seriá encara melhor per l’argumentari alprèp dels neciòts militants d’esquèrra o d’extrèma-esquèrra.

Es que cal tornar explicar quinas son las valors occitanas e las valors lingüisticas occitanas, es qu’es utiles ? Es que devèm encara un còp pèrdre lo nòstre temps coma fan los ecologistas –pron valents çaquelà. L’aligança a la vila de Tolosa dels ecologistas e dels socialisats-PRG vira aital a la desfavor dels ecologistas d’EELV.

Lo cargat de mission per l’occitan es pas aquí per desvolopar una politica, la cargada de mission tanpauc, es aquí per far calar las criticas occitanas fàcias al grand public qu’es supausat pensar que tot va plan ambe lo govèrn d’esquèrra de la vila ròsa.

La manifestacion del 31 de març de 2012 serà ajudada per la comuna, se cal demandar de quina faiçon ; de quina faiçon faràn saber que pòdon ajudar mas qu’i a limits…

Manif Tolosa 31 març per l'occitan google

Tot aquò es possible, perqué lo movement occitanista es pauc seriós e que pensa que se cal passejar coma esquerrista o ultra-aparatchik, per èstre seriós.

Complement :

Festival Latino a Toulous'

(fasèm pas pron de bruch per l’occitan a Tolosa)

-°-

dignitat 

-°-

E del costat UMP-NC, s’aucúpan dels afars corrents …

Liquidacion dels bens comuns en vista

De la ‘Wallonie’ a l’Estat de Picardia, perqué pas !

Dins lo jornal LeSoir d’ièr la question èra pas pausada aital ; mas èra pausada d’un biais conservador e bonapartista, en donar coma una vertat segur lo continhum de l’Estat reial Belga, volgut pels Estats vesins d’Alemanha (adicion de principautats), Anglatèrra (reialme unificat), e fR-NÇA (supausadament una republica) ; èra al XXIen sègle, sonque.

Portada LeSoir Divendres 190112

Se parla alara que territorialitat valona, se parla de ‘territoire’ artefacial. La faciada rurala se vendrà plan al nivèl toristic, mas gaire al nivèl economic ; se pauas dons a la region valona son espaci economic.

La sociolingüistica ajuda plan a donar territòri coërent al sistèma politic, e pas simplament per entendre las leis dins la «lenga de totes». Aital recentament sobre aquel blòg ai poscut portar a la coneissença de totes e totas, la mapa següenta :

mapa del maine lingüistic picard

La mapa indica plan una zòna europèa coërenta, una clau europèa entre Anglatèrra e Alemanha, entre fR-NÇA e Païses-Baisses.  La mapa indica encara la capitala d’aquel ensemble coërent : Cambrai. L’Estat de cambrasiá portariá un quicòm de nòu a l’Union Europèa ?

Es una recompausicion politica que fariá que simplificar lo problèma lingüistic francés, en portar una similitud lingüistica picarda per bastir una sobereinetat dedins l’Union Europèa. Se cal recordar la fotografia de la basteson de la lenga francesa dins la cort de fR-NÇA dins la descripcion faita per Claude Duneton dins son libre «parler croquant». Aquò ajudarà lo lector de melhor entendre perqué lo francés imposat en fR-NÇA es jà la debuta de la tecnocracia republicana e dels problèma qu’a Occitània uèi ; Occitània ? non pas sonque …

Es tanben la reformacion de l’Estat francés, en debutar pel nòrd, si identificat per la mediatizacion d’un filme recent. Lo cinèma pòrta sovent unas imatges del futur per Euròpa e donc per fR-NÇA dins lo futur.

Dins la portada de LeSoir podèm tanben notar lo problèma fiscal belga, e de dire la recentralizacion de l’Estat reial belga, e donc d’arguments suplementari per la sobeiranetat flamanda.

Dins la portada màger podèm confirmar çò que lo sistèma cristian o pòst-cristian dich catara a explicat al sègle XIIIen, la Glèisa catolica es fondamentalament dangierosa per la societat umana.

divendres, de gener 20, 2012

François Bayrou s’en va en Alsàcia …

Dins un jornal de campanha : visita d’Estrasborg, per veire lo sistèma regionalizat de gestion de l'Assegurança Malautiá – aquel sistèma es pas deficitari, de gaitar non ?...

assegurança malautiá d'Alsàcia-Lorrena

Ai recebut l’informacion de Bretanha, e l’ai aprestada per escriure un bilhet… Vira l’informacion, mas sembla qu’arriba pas dins totes los burèus de campanha dels  candidats 2012.

Me sembla que lo subjecte a pas gaire interessat lo poder en plaça, per contra lo bearnés François Bayrou,  quiò.

Duèrbe las pòrtas que digun non vòl pensar duèrbe a París, es benlèu lo grand avantatge que podèm donar a la candidatura del Bearnés aqueth, François Bayrou.

Tanben podètz escotar lo parcors de François Bayrou, objecte d’un programa documentari sobre France Culture, caldrà barrar las aurelhas quora lo jornalista assaja de metre l’accent tònic als mots occitans (segur qu’a degut demandar las prononciacion, mas perqué los locutors occitans son pas capables de lor explicar que cal un accent tònic ?).

-°-

La Dictada occitana a Lemòtges.

distada occitana en Lemosin 

-°-

Senon pels telefònes, i a d’escotas generalizadas en fRANÇA, menadas pel govèrn central :

RF escota

dijous, de gener 19, 2012

L’afar Callas aurà marcat Tolosa, 1712 es l’annada de naissença de JJ Rousseau.

Sèm en 2012, aquò farà 300 annadas.

Rousseau a la TSR

Un documentari a episòdis serà difusat per la TSR, e mantunes reportatges sobre la RSR. Pel moment, ai pas entendut cap estacion de ràdios tolzanas qu’aguèsse pensat a el per un seria sul tèma, afar Callas e Jean-Jacques Rousseau ; espèri res de la television regionala, nimai sobre TLT, sul tèma.

Uèi a Tolosa, i a gaire qu’una plaça que pòrta una placa de l’afar Callas ; e çaquelà l’afar Callas aurà provat l’incompeténcia integrista e catolica del poder comunal o dels capitols tolzans en matièra de justícia.

Jean-Jacques Rousseau aurà dubert una pòrta a la pensada liura en Euròpa, contra los poders establits.

Al meteis moment e perqué Jean-Jacques Rousseau es estat un dels redactors de l’enciclopèdia de Diderot, s’anóncia un libre critic de l’enciclopèdia de Pierre Bayle, l’occitan exilhat pels poders ecclecials integristas franceses e tolzans.

Lo ‘Theatre of Operations’ acaba de sortir la re-edicion dels "Dictionaire historique & critique" d’en Pierre Bayle, sortida prevista lo 31 de genièr 2012. Picatz aquí pr aver mai d’informacions de l’editor de Burssèllas.

Pagina 180 de Pierre Bayle

Seràn ara 232 paginas a posita de la filosofia en país tolzan.

Ipocrisia del ‘Front de Gôch’ que lo candidat 2012 es J.-L. Mélenchon

Uman primièr

L’eslògan me fòrça a vos remandar al bilhet qu’ai jà escrich en octobre 2011, e que sembla d’actualitat, encara.

Evidentament, auriái d’amics dels avuglats militants, me caldriá demandar lo dire que m’explícan qu’i a prioritats ; la prioritat es jà una ierarquizacion, aquela que plaça lo francés abans l’occitan, veire far desaparéisser l’occitan «vist qu’es mens important», e que cal plaçar sistematicament ambe lo francés, per «ajuda a tot lo monde de comprendre».

Donc, siá l’esquèrra pensa lo social al meteis nivèl que la produccion d’un sistèma d’expression politica, las lengas, siá cal demandar de non pas votar per els, lo FdG o lo FN, o l’UMP, o lo NC, o lo PSF, o lo PRG, o lo PCF, o lo MRC, o LO, o lo NPA, etc. ; i a politica lingüistica per totas las lengas de fR-NÇA sonque s’i a egalitat de tractament de las lengas, coma s’a poscut veire al Quebèc (Lei 101). Darrièra causa, la lenga es pas una tradicion, l’occitan o l’occitan en Provènça es pas una «tradicion de Provènça» (l’expression de Michel Vauzelle èra «tradition du midi», al modèl Maurràs del concepte), una lenga es un sistèma d’expression dels pòble (de qué pòt èstre mai uman ?), l’expression politica tanben.

Aquitània ne soi e parli sa lengaManif Tolosa 31 març per l'occitan google

fR-NÇA de uèi

Apondons de campanha d’un ciutadan qu’a aujòls e que parlavan politica en lenga occitana.

article del JDD JL Mélenchon a Metz

L’obsession de J.-L. Mélenchon es plan nacionalista francesa, es la puretat lingüistica d’Estat francés. Se debanava ièr a Metz. Es evident qu’es lo bon camin per recuperar lo vòt nacionalista d’esquèrra dels obrièrs, contunha Mélenchon, contunha, sètz sul bon camin nacionalista ; es domatge que lo devís dels militants fosquèsse encara dins l’avuglament partesan sul tèma d’esquèrra.

De la bona coneissença del problèma, Claude Hagège … picatz aquí.

dimecres, de gener 18, 2012

Politica 2012 : recòrd de çò qu’ai escrich en debuta del mes :

extrait de bilhet

Lo document se podrà legir sancièr aquí.

Segon las enquèstas, aviam una potencialitat de debuta de genièr 2012 de Hollande-Sarkozy. Segon las variacions del mes de genièr, aurèm … Aquí es de mai en mai complicat.

Mas la prevision de Le Pen – Bayrou qu’èra supausadament presentada coma fantasmes, es revelada coma potenciala per L’Express ; aiçò per despertar los militants socialistas e umpistas ?

Le Pen Bayrou

Del costat dels militants e equipas de campanhas socialistas tot sembla pas al punt :

François Hollande mesa al punt

E es pas lo sol problèma dels socialistas, l’equipa de campanha e los pòrtas paraulas de François Hollande son puslèu fosques…

cercle de l'industrie

La fotografia dels socialistas es jamai clara, se sap pas a quí se dona lo vòt.

Super Nabot Ier es pas encara sortit de la seuna crisi d’agitacions pòst-eleccion 2007, se bolèga e nos prepara un prot gigant coma cada còp ; sembla èstre estat lo constat de totes los actors politics amùb bona vista en 2007, los qu’an pas votat dins lo grope dels 53%.

Alara lo bon sens popular báila una resulta d’enquèsta qu’efectivament fan créisser la probabilitat d’aver Bayrou-Le Pen al segond torn, 10:5 (lo meteis escòre que Sarkozy-Hollande, ambe los cambiaments sancièr de las probabilitats segon las enquèstas novèlas) ; las corbas de tendéncias per las eleccions 2012, dónan un dobla fenomèn Jospin, per l’equipa PSF-PRG e per l’equipa UMP-NC. Canal Plus parla de la susprèsa Bayrou pel segond torn, o Rue89...

Canal Plus Resulta Bayrou

Sembla que lo fait que Bayrou aguèsse agut mai de sosten oficial e sobretot mai de preséncia publica, fasquèsse pujar las resultas de las enquèstas, e la corba de la variacion. Ara, coma farà totes los partidocratas installats per lo far calar dins los mèdias ? Quitament Mélenchon seriá content d’o veire al segond torn !

Mélenchon Bayrou

Se cal sempre mesfisar de las informacion Le Figaro, mas çaquelà me sembla d’una logica clara. Explica a son camp que lo caval Nabot Ier es pas lo bon. Nicolas Sarkozy se presentarà ?

Dins los tres personatges preferits dels Franceses, i a tres elegits d’Occitània.

- 1 – François Bayrou de Bearn

- 2 – François Hollande de Creuza

- 3 – Alain Juppé de Bordèu

Quí serà lo Enric III de Navarra novèl ? Aquel que designarà lo bon primièr ministre ? La probabilitat zo dirà, mas val melhor esperar la fin dels vòts.

FC a Marselha

Fin de genièr 2012 un enquèsta Intenret

-°-

Espectacle tolzan de conselhar :

Xinum

L’immigracion es un problèma per quí ?

Lògo Nous Catalans

Lògo Migracat

Un ciutadan francés de cultura provençala m’a questionat recentament sul tèma aquel, «los Occitans de qué pensan de l’immigracion». Se plaçèm de costat que la question sul tèma es sempre un pauc tendenciosa (se sap gaire de quin costat, vist que serà la responsa que donarà l’orientacion de la question). Me sembla çaquelà que la question es de pausar.

La primièra rason es la manipulacion que la dicha «immigracion» es subjecte dels discorses politics d’esquèrra o de dreita, sense immigracion de qué prepausan aquestes movement per far viure ensemble populaicon d’umans que son Èstre vivents d’aqueste planèta e que pòrtan religions que fabrícan divisions e interpretacions de la vida diferentas… e sovent contradictòrias per far avançar la societat collectiva amassa, o al mens dins un sense progressista per totes o lo maxímum amassa. Son soivent pas las populaicons que son un problèma, nimai las lengas que parlan, mas puslèu las presons que son las religions que pòrta la cultura que fabrícan sense sovent ne veire las consequéncias negativas per els meteisses.

Puèi de quina immigracion se parla, sovent gaire d el’immigracion ongaresa qu’es al poder actualament ! L’immigracion que se cala e qu’es l’alíbi del poder es jamai questionada, l’immigracion qu’es dins las règas de la pensada classica francesa, en Occitània, aquela es sistematicament manipulada, deservelada, adobada a la salça fanchimanda, al nacionalisme d’expansion francés.

Uèi lo problèma es pas l’immigracion, es l’emplec de l’immigracion epr far baissar lo nivèl de revengut d’un salariat, e aiçò la ierarquia del poder de las entrepresa ne sábon jogar, al grand benefici dels proprietaris del capital, contra las populacions localas organizadas e pron sapientas per criticar e repotegar.

Alara quora vesi una vídeo coma aquesta que seguís, ne soi content, e segur qu’i aurà nacionalistas franceses que seràn pas contents de la vídeo aquela :

Zep D'amor

Se cal recordar que Occitània es estada bastida unicament per las aportacions de mantunes nivèls de mudasons umanas.

M’agradariá de veire un jorn en Occitània, una causa similara, e aquò voldrà dire que lo projecte politic occitan es près al seriós enfin per totas las populacions.

Lògo RacóCatalà

L’immigracion es un problèma pel nacionalisme francés, aquel que pensa que los Occitans devon èstre los novèls estrangièrs sobre los territòri qu’an conquestat. Coma aquel Olivier Amiel de Perpinyà, conselhièr municipal de la vila catalana.

-°-

Dimècres passat ai escrich aquel bilhet e uèi dins los quiòsques se podiá vendre la mapa següenta :

migracion en Euròpa

Sobre aquesta mapa se vei clarament que la zòna d’Euròpa qu’a recebut lo mai de migrants es lo país catalan, Irlanda, Madrid, lo Sud de la Padania e la zòna èst d’Andalosia (se parlam sonque d’Union Europèa). Se trapa tanben que la politica d’integracion en Catalonha (Principat) es principalament installada sobre la politica lingüistica catalana, es de dire l’oficialitat del catalan.

_°_

Onium Cultural 50 anys