Es que podèm far unes parallèls entre lo batèu d’Erdeven (aquel) en Bretanha perdut dins la tempesta e qu’es sul camin de la destruccion, e lo Concòrdia sobre las còstas italianas ?
Sembla que lo mercat fasquèsse progressar las incompeténcias o los boc-emissaris (Capitani per exemple) ; sembla que la primièra causa que las companhiás o entrepresas maritimas aguèssen de far al moment de la catastròfa es se descargar sobre lo capitani, sistematicament.
Mas dins los dos cas, avèm un sistèma economic que fòrça al gigantisme (Costa Croisières) o a la precipitacion (TK Bremen en Bretanha). Aviat los batèus devon cortejar las estapas portuàrias, e grand dèu èstre lo nombre de passagièrs per poder prepausar los prètz los mai baisses, e aver una distribucion dins las agéncias de viatge lo mai bèl.
Dins los dos cases podèm tanben considerar que los consomadors, ultra-consomadors, son a la basa de la pensada de las entrepresas. Avèm en fàcia d’una demanda fòrta, una responsa d’entrepresas fòrtas sense gaitar las consequéncias pel planèta. Es la meteissa faiçon de pensar en çò d’EDF-AREVA pel nuclear ; an fait progressar la consomacion d’enèrgia en collaboracion ambe l’Estat (que lor a fabricat lo mercat), puèi s’oblida lo còst de las consequéncias d’un accident, o simplament del transpòrt e l’enterrament de las daissas nuclearas.
E dins aquel sistèma del gigantisme, las asseguranças, quasiment en plagiat del sistèma bancari, an sens qu’acompanhat, avuglas, sense veire las consequéncias, en cas d’accident. E los Estats europèus damòran mut encara un còp, ambe un pauc de compassion modèl pompièrs sobrecargats d’accident ; lo sistèma potinga aprèp, sense jamai curar lo problèma.
Lo gigantisme de la pensada d’entrepresa ajuda a pensar que l’entrepresa podrà sempre respondre a la demanda del public, ultra-consomador, sense limit ; la demanda del public es estada sempre favorizada per l’Estat, estat qu’i vesiá un biais de se finançar el tanben. Lo consomador es rei, explica una pancarda de comèrç en Agenés, mas dinca quin nivèl de malfesença pel planèta ? Dinca quin nivèla d emalfesença contra los territòriu que l’Estat n’es supausat far la gestion.
La Concòrdia politica e lo Costa Concordia se son arrestats sobre una còsta italiana, al pus prèp de la còsta ; es que lo consomar sempre mai s’arrestarà, s’atudarà un jorn ?
Quin serà lo fara qu’arrestarà lo productivisme ?
Benlèu la pensada catolica o papista ?
De curats catolics que posquèssen pensar, es una causa que fauta grandament en Occitània !
Cap comentari:
Publica un comentari a l'entrada