arcuèlh

dijous, de juny 30, 2016

Brexit : Quora la plutocracia jòga ambe la democracia

Aprèp l'afar del referèndum cridat per un premièr ministre conservator anglés, podèm melhor mesurar de quina manièra lo conservatisme europèu, modèl Margaret Thatcher, Angletèrra dels liberals economics, de l'Angletèrra de l'AELE, manipula la pensada europèa e orienta la pensada dins la via del liberalisme total. Amai, refusa totas leis europèas, e pas sonque sul tèma de las fiscalitats... Lo conservatisme europèu destrusirà l'Union Europèa en far foncionar la concurréncia entre los Estats (las leis de cada Estat), per aver un sistèma economic modèl chinés a la finala.
L'Estat organizat, centralista o cooperatiu, es lo dangièr, lo fau destrusir ; aurà assajat totes las vias.

Es vertat qu'a còps, ai criticat l'Estat (francés e espanhòl), mas soi dins lo camp de los que lo supòrtan non pas per las organizacions ontologicas que tot Estat installa, mas pel personal politic al cap (e son caporalisme contra los pòbles), personal que pensa dempuèi Napoleone Buonaparte coma un cap que pensa per totes ; aquela situacion politica agrada als liberals coma a tot sistèma dictatorial.

Napoleone Buonaparte li agradèt pas la republica d'en Paoli, s'en aguèt de l'Isla de Corsega independenta, dincal moment que l'Estat francés la crompèt a comerçants, Genovèsses, qu'an plan vist l'afar gròs que portava ; la question del pòble de Corsega los interessava coma lo pirata anglés que atacava los batèus d'esclaus espanhòls als Caraïbs, es una chifra d'afar potencial.

Pels truands modèrnes, son en politica los conservators europèus, els fan creire que l'Union Europèa son los pòbles que decidíscan e quora los pòbles decidíscan que vòlon pas d'aquela Union Europèa; los conservators europèus nos fabrícan un novèl tractat sense consultacion aquel còp. Coma sembla de lo referèndum del Brexit lor agrada pas, faràn pas foncionar lo tractat qu'an çaquelà establit... els los conservators. L'article 50 serà pas jamai sortit, vos o disi … e quitament enganat pels pro-Brexits, lo pòble anglés qu'a votat serà enganat encara mai.


Mas quina son las rasons de la sortida – lo dit Brexit - mai que tot la vision qu'a la populacion de la migracion qu'arriba e que los servicis dits publics son pas al nivèl que fau per recebre servici de qualitat per totes los subjectes de la vièlha reina Elisabeth II; mas la fauta es l'abséncia clara e volontària conservatora de non pas aver de politica, car «lo mercat resòlv tot, melhor que lo politic de Westminster» (donc lo conservatisme liberal es la cadièra politica e la paga sense pensar a una politica, es Nigel Farage al Parlament Europèu, o fau tot daissar la sector privat). Conclusion los migrants son devenguts un problèma en Angletèrra !

Puèi avèm los Irlandeses de Belfast que els vòlon pas veire tornar la frontièra dedins Irlanda (L'Iscla), o los Escoceses que se son faits enganats pel poder anglés, labour e conservator, lo darrièr còp del referèndum d'independéncia, totes se trapan a vóler non pas daissar l'Union Europèa.

Per Escòcia que lo sistèma social es diferent, e jamai reformat modèl conservator londonian, lo problèma ara serà un novèl referèndum autrejat pel poder central conservator actual, e o donarà pas perqué sap qu'o perdrà ; lo sistèma politic conservator estima plan lo pòble de moment que pensa plan coma cal, coma el plan segur (es aital pel conservatisme francés tanben). De mai, al nivèl europèu, vesèm un autre conservatisme e antidemocrata putejar (enfin...per los que vòlon pas veire), e malgrat totes las plegas-esquinas recenta (ièr a Brussels), plegas-esquinas qu'an recebut la primièr ministra d'Escòcia, un autre conservatisme vengut dels fons del pòst-franquisme -aquel meteis qu'a costejat lo comerçi version nòrd-americana d'aprèp guèrra de 1945-, aquel conservatisme qu'a jamai condamnat lo franquisme ; aquel MariaNO Rajoy que el tanben li agrada sempre de dire NO per tot referèndum, antidemocrata declarat e jamai criticat per un sistèma politic europèu, sistèma encara que fonciona coma l'acarament de diplomacia, mas pas coma d'Estats federats...

Aquel conservatisme federatiu dels Estats pòst-imperialistas (Angela Merkel compresa) aurà favorizat l'integrisme politic de l'extrèma-dreita dels Estats europèus, la partida nègra de l'Euròpa ; aquela que nos a calgut l'America (USA e Canadà) per nos en sortir … o fau pas oblidar ; los Nazi son estats sortits gràcia a l'ajuda dels Estats-Units-d'America del nòrd e del Canadà, e contrariament a çò d'explicat costat comunista pas brica pel sovietisme qu'èra tanben en dangièr fàcia al nazisme.

Vos daissarai lo partenari teatral de la darrièra minuta del sègle, los jihadistas que los conservators europèus, e imperialistas europèus, li donan tanben d'arguments per batalhar pertot e quitament de Tolosa a Bizança. E Erdogan li vendrà armes tanben per combatre los Curdes, fau pas oblidar qu'Erdogan es tanben un conservator sul modèl occidental vestit de musulman, coma lo conservatisme europèu es vestit de cristianisme en Bavièra.

Avèm donc un sistèma conservator europèu que nos jòga dempuèi mai de trenta annadas una granda e òrra peça de teatre, que la fin es pas encara aquí … mas que mata los espèrs de patz portats per l'Union Europèa. Aquela peça de teatre es organizada mediaticament per assegurar que los pòbles fosquèssen enganats encara e encara per aquela plutocracia europèa e conservatriça ; perqué es lo modèl -encara- d'una esquèrra europèa ? Per assegurar d'arribar al poder ambe un pòble manipulat pels mèdias als òrdres de 9 familhas ultra-liberalas en fRança (per exemple).

L'autre costat de la mar granda un Donald nos ajuda a pensar que sèm pas sortit de l'alberga conservatrista e de las estupiditats collectivas e liberalas.

Atencion Meschanlong es pas sense que la solucion d'un caporalisme d'esquèrra. E encara mens la politica de la familha de la dreita de color marina.

divendres, de juny 24, 2016

L'anglés es lo problèma lingüistic de l'Union Europèa

Mai i son problèmas tecnocratics ambe los ciutadans, referèndum sus referèndum, la comission europèa s'enterra e respond ... en anglés ! Lo #Brexit servirà de leiçon als tecnocratas europèus, pensi que non. La tecnocracia europèa, per sas actituds costumièras, postula que l'arrogança lingüistica facilita la dinamica de dominacion d'una tecnocracia suls pòbles sotmetuts.

La lenga del problèma de l'Union Europèa es la lenga oficiala del problèma europèu, lo govèrn conservator de London. Tot ciutadan europèu o a pogut verificar, l'anglés ajuda pas a melhor far saber la politica europèa, e .... la comission contunha de parlar anglés ! 

Arriba lo #Brexit, que farà la comission europèa de la lenga anglesa, aquela del #Brexit ? L'abandonarà enfin ? O se l'abandona pas, donarà un signal que prepara a enterrar per anglofilia aguda, l'Union Europèa dels ciutadans europèus, e l'elonhar dels ciutadans, dels Europèus vertadièrs.

Avètz jà assajat de postular a l'Union Europèa, se parlatz pas anglés dins las listas dels 5 lengas que parlatz, lengas europèas, avètz cap chança d'èstre recrutat.

Aquela decision del tot anglés es una politica que destrusís en concret totas las votacions sus la diversitat lingüistica, vièlhs vòts del Parlament Europèu.  Explica aital als ciutadans, quand se comunica a la comission europèa, que l'anglés malgrat los ciutadans, la lenga estranha e del #Brexit, s'imposarà als ciutadans, coma las leis estranhas que los ciutadans comprendrà pas (primièra causa del #Brexit ! per un pòble que parla lo lengatge tecnocratic de Brussels ). Es una dictatura lingüistica europèa qu'interdit de pensar que sèm un element de l'unitat europèa.

Òsca al Brexit ! La democracia europèa pòt debutar se....

Lo bilard anglés vòta per sortir del problèma qu'an sempre pausat, car es plan los Angleses, lo nòstre problèma europèu, puèi un sistèma liberal europèu que favoriza lo sistèma de truands (Junker) per un parlament que representa pas la societat europèa. E qui a elegit Junker, la majoritat liberala del Parlament Europèu : PS Europèu, La dreita liberala (Les Républicains, UDI, PP, etc.), e l'ALDE (lo centre que sosten lo partit pro-franquista de Ciudadanos a Madrid).

Pauc a pauc, se vei que la partidocracia es contra los pòbles ; nos van fan la meteissa estratègia que pel referèndum negatiu per la "constitution" europèa en fRança (Bràvo Nicolas Sarkozy per la magolha francesa, especialista que sètz) e an Païses Baisses ?

 Òsca al Brexit ! La democracia europèa pòt debutar se.... lo personal politic dels Estats imperialistas son pus en gestion de l'Union Europèa. E dobti grandament de la bona formacion de l'elita politica dels Estats europèus continentals.


En Occitània, de qu'anèm far la la CPAM, securitat sociala, pels Angleses que son venguts aprofièichar del sistèma que los conservators destrusísson en Angletèrra. En angletèrra se vòta per la destruccion del sistèma social, sul continent los Angleses venon aprofièichar del sistèma dementre que la premsa Murdoch escriu per escupir sobre, premsa qu'es grandament legida dins los pubs angleses en Occitània, es de dire crompada pels botiguièrs angleses en Occitània.

Angleses, Escoceses, Galleses e Irlandeses del nòrd en Oèst-Occitània, de qué devendràn, pagarèm per un sistèma social que els vòlon pas pagar pels ciutadans franceses d'Occitània en Angletèrra ?
Mikeal Farage demissiona sul pic del Parlament Europèu ? Cameron demissiona sul pic de primièr ministre del London Kingdom ?
De mai, en concret, l'Union Europèa parla una lenga unica, l'anglés ; donc la lenga oficiala de la practica bureucratica europèa es la lenga oficiala d'un Estat que vòl pas de l'Union Europèa.... Un pauc coma la noblessa parlava castilhan, italian o alemand a la cort de fRança, abans que se lor copèsse lo cap, en 1792.


Voilà, vaquí ... ara los Escoceses e los Irlandeses del Nòrd an una rason de mai de sortir del reialme Unit pels Angleses. Es evidentament la melhora novèla de la jornada, que los Angleses damorèssen dins un paradís fiscal gerida per The City, farà de ben (sentat politica) al continent europèu sancièr.

E Junker per manejar la destruccion de l'Union Europèa en destrusir la fiscalitat potenciala per bastir una Union Europèa que semblèsse pas a l'AELE dels Angleses abans l'error de la far dintrar dins l'Union Europèa. 

_°_

dijous, de juny 23, 2016

Quand Montpelhièr perdrà sa capacitat de nocebilitat ?

De mai en mai, i a urgéncia de sortir Montpelhièr de la novèla region, li donar un estatut especial per l'eliminar de la nocebilitat politica, de vertat trobar, a Tolosa, la dignitat manténer.

Quand l'universitat crida al Grand Sud, totes los Suds, alara que son al nòrd de la Mar que nos vòlon imposar lo nom... i a sempre quicòm de se questionar sus Montpelhièr.

En dos mèdias, podèm assegurar qu'i a un grèu problèma ambe Montpelhièr :
 E l'autre fuèlha de premsa val pas melhor ....
Podèm criticar La Dépêche du Midi, mas vesèm que la premsa en Occitània, "région Occitanie", es d'una mediòcra qualitat redaccionala.

Fau saber que lo Conseil Régional de Montpelhièr a organizat lo monopòl de l'agéncia de premsa, de la difusion d'informacion de premsa (en privilegiar los jornalistas a Montpelhièr abans Tolosa), e donc ajuda a la manipulacion dels ciutadans, tot aquò ambe las subvencions del deute de Montpelhièr que ara, gràcia al jacobinisme, serà pagat per Tolosa.

Ara, tanben L'Indépendant qu'a sortit d'un sondatge l'expression "Pays Catalans" que digun demandava, prepausa una entrevista de la presidenta del Conseil Général de Perpinyà (aquel Conseil Général que, a l'inauguracion de la Pòrta dels Països Catalans, Salses, confond la bandièra provençala e la catalana, ah aqueles Catalans de Perpinyà !), aital la presidenta qu'assegura seriosament que fau pas respectar una enquèsta lançada pel Conselh Regional, per non pas desvolopar la democracia participativa, e ajudar a l'absentcion per las eleccions venentas e donc ajudar lo vòt FN; l'accent catalan vòla bais, e la politica sembla de la qualitat perpignaise, Les Cons volent en escadrille à Perpinyà. De quina lòtja maçonica es aquela presidenta ?

Reconeissi una qualitat als Catalans de Perpinyà (exemplars pels autres departaments de la Région Occitanie ? Dobti), se fabricar enemics ont n'i a pas, un pauc coma a Niça ; es una caracteristica d'una fauta de projecte ontologic e una pensada pròpria. Quand se parla a un elegit de Perpinyà, "fau apréner lo francés per anar trabalhar a Paris" (annadas del XXen sègle), la version XXIen sègle "fau apréner lo catalan per anar trabalhar a Barcelona" (e pensar coma a Barcelona per Perpinyà) ; dementre aiçò 20 ans son passats e l'economia de Perpinyà es OUT ! (en patois de Paris) Contunhatz e lèu serètz coma lo Sahara !
 
E ara sabèm ont los SDF (d'una pensada pròpria) de Perpinyà vòlon volar, es pas anar a Barcelona, es anar a Madrid !
L'escadrilha de Perpiñón la fabrica IBERIA !... A plorar de tristessa per Perpinyà. Mas los cons son a volar, son pas a pensar un projecte politic pròpri.

Se i a plan un resumit de la mascarada del nom de la region, es que lo sistèma dèu sortir lo mai aviat possible Perpinyà e Montpelhièr de la granda region novèla, lor donar un estatut particular, per salvar la democracia tal que podiá sonar plan del moment d'en Martin Malvy a Tolosa. 

Mas pel moment, sotmetuts los de Tolosa son muts.

dimecres, de juny 22, 2016

Decentralisation es pas per la populacion de decidar

Lo subtítol toristic agrada als Jacobins, Pyrénées-Méditerranée ; aquel que serà votat divendres al Conselh Regional, es un sobtítol de consènsus, nos diràn ; mas sembla que la populacion a respondut diferentament, non ? Lo consensus es donc l'enemic de la populacion o simplament lo sistèma jacobin fabrica dels consènsus que li agradan a el, sonque, contra las populacions .... Lo sistèma jacobin en region es bastit de tala manièra que sembla al sistèma jacobin, o a las visions que Bonaparte aviá de la democracia. Defferre o sabiá quora lo fabriquèt ; donc la decentralizacion, es una democracia modèl bonapartista, le chef a raison, e quand lo capolièr del Conselh Regional vòl pas préner risques politics dins lo sistèma autocratic francés, fabrica una enquèsta de grandor natura ; aquela del nom de la region es un bon exemple d'un sistèma politic de la decentralizacion : se questiona la populacion,  genta populacion respond Occitanie, las elitas son contra... lo CESER, sul pic, interven lo mai aviat possible, agir contra la societat civila qu'es supausat representar.

Mas de qu'es lo CESER, o podèm escriure qu'es tot levat quicòm de clar e democracia ? Òc es aquò :

Aquela institucion antidemocratica es donc designada al final pel prefecte, normal non ? Entre institucions politicas non democraticas, que se pòdon sonque plegar-l'esquina per determinar lo mai enganador, non ?

Alara ieu ai inventat una novèla prepausicion politica pel nom de la region :

Es una prepausicion de sentiment jacobin, que respectala designament dels rius coma nom de departament-parçan ; ajudarà a oblidar los departaments, e fins finala gràcia a la societat aluviala cooperativa es autanplan «democratic» de designacion que lo CESER. De mai ajudarà pel torisme, coma la pre-aucupacion del CESER es dins lo desvolopament economic, Pyrénées-Méditerranée ajudariá.

Es vertat que per aquela passa Méditerranée ajuda pel torisme especialament per la lista dels mòrts que la vòlon traversar.

Problèma, coma la Societat Aluviala Cooperativa es pas contra-signada pel prefecte de l'antidemocracia francesa ; la societat aluviala cooperativa es coneguda que de la populacion... Es que lo sistèma politic jacobin o acceptarà ? Clar que non «car nous sommes démocrates», entendi jà la crida a la faussetat francesa.
 
Se pausa encara un còp, una reala question democratica ; la decentralizacion es pas la democracia, quina constitucion pròpria a la novèla region seriá necite per aver la democracia ? Mas per seguir aquel camin caldrà un napoleon per acarar l'Estat imperialista francés; e aiçò es pas ganhat ambe lo legitimisme en vigor dins la majoritat actuala e futura !

PS :
 

dimarts, de juny 21, 2016

Carole Delga, copiat e pegar fabrica pas un discors

Aqueste maitin, Carole Delga presentava lo libre (qu'es simplament una presentacion Internet dels eveniments) de las animacions d'estiu 2016 per la novèla region LRMP. Se faguèt mantunes còps, « nos parla pas del novèl nom de la region » .... vertat es qu'èra de pauc d'importança ; la presentacion se voliá per la premsa, ambe la convidacion de mantunes actors subvencionats. Los fotografes èran presents, la premsa mens ; l'eveniment èra de pauc d'importança ; çaquelà lo discors valguèt son pesant de cacahuètes politics.

Tras la primièra segonda se podiá verificar que lo discors èra de pauc de tenguda, al mens Carole Delga l'aviá pas legit abans de lo donar en public ; senon perqué una error dins lo primièr comunicat de la region donent los títols dels vice-presidents, aquela error per la carga de la cultura èra reprodusida sense question : «cargada de la cultura e des lengas occitanas»  ; aquela fauta que lo Partit Occitan se pressèt de me dire coma una error de passatge, tòrna en junh 2016, donc sièis meses per non pas èstre corrigida ; e los elegits ecologistas presents i vesèron res, nimai lo public ! Es de dire l'ignorança d'aquel public que se tracha de desvolopar la politica culturala dels festenals de la novèla granda region.

Farai cort, car ai enregistrat lo famós discors estiuenc e lo contengut amerita linhas e linhas ... veire coma es estupide politicament en parlar de cultura.

Dins una partida del discors se parlèt d'« egalitat dels territòris » (verbiatge tecnocratic que vòl pas dire grand causa mas qu'emplena la pagina del discors), pel moment sabèm que pel deute de Montpelhièr sabèm que serà Tolosa que pagarà, e per l'egalitat (sus un exemple) sabèm ont es lo problèma del deficit ontologic de Montpelhièr ; gaitatz la mapa (subjecte ideal per l'egalitat dels territòris sonat dins un discors e realament pauc convençent sul papièr).

Sembla que lo clientalisme socialista de la region anciana de Montpelhièr, trapa aquí una exemple de deute escampilhat sense rasonament de budgecte. Donc per la novèla region, l'egalitat cridada dins lo discors de Carole Delga es sancierament faus, o una error politica de zo cridar dins un discors en camisetas d'estiu.

En matièra d'egalitat sabèm que l'opèra de Montpelhièr es subvencionat pel CR de Montpelhièr, ara Tolosa paga, alara que l'opèra de Tolosa, recept -fins ara- res del CR novèl, coma l'ancian.

Pel moment la politica de Tolosa es fabricada a Montpelhièr e Tolosa pagarà.

Fau remarcat tanben que sul site Internet que li fau gaitar per aver las autras informacions suls festenals, podèm notar que los foncionaris qu'an fargat lo site, sábon pas la geografia regionala de la region anciana de Miègdia-Pirinèus, per la novèla ... lo dobte plana encara :

dilluns, de juny 20, 2016

l'estupid "Occitanie centrale" que fau reglar

Acabi de recebre un comunicat dun gropuscul nacionalista occitan ; mas l'idèa l'ai legida tanben devath lo calam de letrats occitans del vièlh Peirigòrd. Aquel gropuscul a refusat de felicitar l'independéncia de Montenegro -aprèp lo referèndum favorable- car Montenègro es un país de lenga sèrba (çò qu'es vertat, lo serbo-croata es una lenga unica, mas las culturas politicas son bravament diferentas) ; donc an decidat d'èstre contra l'expression democratica del pòble de Montenegro.

"Occitanie centrale" ? Tornar al debat alara que l'agènda de designacion del nom de la region de Tolosa-Montpelhièr s'acaba, me sembla de fauta de respecte per la votacion de 91.000 personas ; quantes son al PNO per deslegitimar 91.000 vòts o expressions publicas volontaristas per Occitanie ?

Bon per la centralitat d'Occitània ; alavètz soi estat cercar de quin centre podiá èstre la region administrativa francesa de Tolosa-Montpelhièr. Benlèu aquò (car Montsegur es efectivament al centre d'aquò, veire document en seguida), mas a res de veire ambe l'Estat francés, ni ambe un espaci lingüistic reconegut (se fasèm la confusion entre l'espaci lingüistic e la politica, fau annexar Belgica-Wallonia a fRance); donc "Occitanie centrale" es siá una fauta de coneisséncia en geografia (es possible vist la mediocritat dels ensenhaments franceses), siá una utopia romanesca dels letrats occitans qu'an pas encara comprès qu'èrem en camin de nommar (ambe un agènda precís e politic, benlèu jacobin, mas es aital clar) una region administrativa francesa, e que lo debat a debutat vaquí mai d'un an e mièg ! (i a un fum que fan lo boicòt de mon blòg que malgrat tot es de mai en mai visitat, donc per ciutadans qu'an l'enveja de non pus èstre manipular per sectas de letrats) ; la campanha pel nom de la region a assegurat uina dinamica que lo PNO ne vòl pas far partit, mancar un vagon del tren es sovent lo «ròtle» dels occitanismes modèrnes.

Es pas perqué lo concepte d'Occitània centrala es estada popularizada per Marc Censi de Rodés qu'es la vertat geografica ; lo discors politic es pas de geografia de vertat.

De mai; mantunes son arribats al debat, ara en junh 2016, alara qu'an refusat d'i participar abans (e son a inventar nom novèl alara que un procediment per esclarir lo debat èra oficial e clar), o que quitament l'actualitat de la responsa realament populara dels 91.000 ciutadans per Occitanie los fan cagar.

Çò d'estranh son sovent de las populacions prèp del Front de Gauche o de l'esquèrra nacionalista francesa, que costejan ara la promessa non tenguda de l'UMP-Les-Républicains-UDI e la confirmacion del FN de non vóler Occitanie.

Los cigalons an cantat tot l'estiu (e benlèu mai), e s'avísan que lo debat s'en tengut sense els ... pendent mai d'una annada e mièg ; car los 91.000 vòts o expressions publicas per "Occitanie" son pas vengudas per astrada de l'occitanisme autoproclamat la votz del pòble, sus totes los emponts o dins totas las aulas d'universitat bienpensante.

Los vau informar qu'i aguèt mai de 30 conferéncias sul tèma, mai de 20 reünions publicas, mais de 2000 letras mandadas, quantes articles (?), e que lo debat èra fòrt, mas aquò debutèt pas sonque lo 5 d'abrial 2015...
Ai plan seguit aquò, faguèri un bilhet d'opinion per totas las etapas, e mon bilhet es de mai en mai legit benlèu perqué es justament INDEPENDENT (soi membre de cap associacion ni mai de cap partit politic quitament los jacobins) E PAS BRICA REGIONALISTA, NIMAI JACOBIN O REGIONALISTA D'EXPANSION PARISENCA, nimai enfeudat a Catalonha (sud).

Mas ara coma zo sabèm, per los qu'an lo cap liure e emplenat de rason personala o collectiva occitana, lo personal politic en Occitània es sortit del sistèma partidocrata francés, e degut a un sistèma electoral pauc favorable a l'expression occitanista politica, litòta, donc ara lo vòt del 24 de junh serà la clau per aver aquela region Occitanie que volèm, perqué me soi engatjat al fial del debat.

Los que me legísson regularament sábon qu'an fait evoluar la pensada sul tèma. Car i aguèt debat, clar pas a la television (n'avèm pas), nimai dins los mèdias parisencs (n'en vòlon pas entendre parlar - i a encara d'unes que pensan que Lunèl en sus la Còsta d'Azur, entendut aqueste maitin).

Donc ai votat : Occitanie a defaut d'Occitània.

Provinces du peuple réputé soumis, confirmacion

Dins lo camin del "Lo nom de ma region administrativa francesa" avèm donc lo camp dels contras, de l'oposicion als 91.000 ciutadans qu'an agut l'astre de poder votar, ambe la dificultat qu'èra, es una expression superba de la populacion, 91.000 an votat per "Occitanie" en francés (donc pas gaire respectuós de la lenga d'Occitània, çaquelà).

Coma l'umor me fauta pas, es ara clar lo camp de la Provinces Réputées Étrangères se capvira en Provinciaux Assurément Soumis : pas d'Occitanie !

Se lo nom de l'ancian regime es clar, vist que cobrir tota l'Occitània lingüistica, levat Niça, dèu agradar als occitanistas de l'IEO ?

La sotmission es una causa complicada d'assumir, donc anèm veire l'argumentacion....

Dins aquel camp de la sotmission a la pensada jacobina, e malgrat  las promessas electoralas (fau jamai creire los jacobins, jamai), l'UMP-Les-Républicains e UDI votaràn contra los 91.000 electors e electriças qu'an fait la demarcha de s'exprimir, sus un subjecte minor pel poder regional ( o fau plan dire, lo jacobinisme es pas gente en matièra de democracia populara).

Malgrat que fosquèsse minor, la dreita imperialista francesa trapa dangierós lo mot Occitanie. Es vertat coma lo delagat de la vila de Montpelhièr, membre dels Citoyens du Midi que s'amagan darrièr una pensada jacobina, son d'aqueles que díson que l'article 2 votat en 1992, es lo resumir de fRança : sonque lo francés es lenga de fRança, es oblidar la francofonia de la proximitat, mas es evident que quand un movement politic qu'installa l'anglés ambe l'eURO2016 la francofonia n'an a fotre : «fau èstre modèrne e parlar anglés», anglés unic ? (veire bilhet precedent sus eURO2016 e la francofonia).

Es un pauc coma lo FN qu'explica que fau aver una vision nacionala (francesa e imperialista) de la politica, e que son los primièrs a desfiscalizar a Panamà ; lo FN es tanben dins lo camp dels contra-Occitanie pel nom de la region, dins lo camp de l'IEO ! Mas lo FN preferís lo ridicul Sud de France. Plein Sud de fRance benlèu (?).

En matièra de defiscalizacion, vertat es que lo sistèma politic jacobin a règla qu'assegura a la màfia UEFA una granda defiscalizacion de l'eURO2016 ! E sèm nosauts -enfin vosautes- qu'avètz votat per els, per nos representar a Paris, e nos panar l'argent comun oficialament, constitucionalament, per donar a una màfia de la finança europèa e que pensa ambe lo pès de coma nos pòdon enganar !

Es lo meteis camp politic, que pana l'argent comun en defiscalizar per una màfia fotbalistica, que nos explica que Occitanie es pas bon coma nom de ma region ! 

Dins lo camp de l'IEO, vòlon un nom coma "Occitanie centrale" .... amusent per una associacion que se vòl promòure l'emplec de l'occitan ! Mas amai es tanben una resulta que l'ignorança geografica es pas que lo diplòma donat a la sortida dels corses de lenga d'universitat francesa en Occitània ? Los de l'Arièja o de la valèia de l'Aude devon trapar, ambe los de Corserans, Comenge, Armanhac e Bigòrra, o Varossa trapar pro estranh de se trobar al centre d'Occitània ! Bons l'IEO a coma caracteristica d'aver un consènsus politic, aquel de recebre un motlon de subvencions publicas de la decentralizacion d'Estat, una delegacion del jacobinisme ; e sembla que coneis pas -segon los escrits de son provençal de president- las jurisprudéncias sul nom apropriat a las causas publicas.


 _°_
Ara vòli felicitar Mans de Breish per aquela presa de pausicion. E sembla qu'o cal far car la resisténcia occitanista per la popularizacion del concepte modèrne d'Occitània, es granda ; vòlon damorar en minorança, e pensar coma minoritaris, lor agrada melhor per poder explicar que los jacobins son bèls gentes per donar tres pichonets budgectes e subvencions a mon associacions.


divendres, de juny 17, 2016

Repausa en patz, Jo Cox

Matar una persona en campanha electorala remembra los tempses fosques de las accions del NS-Partei abans l'arribada al poder e la destruccion de la republica de Weimar. Aprèp se caçarà la diversitat dels partits politics.

Es estada matada per un òme de 77 ans ... donc un òme que coneguèt las tropas anglesas qu'an conegut l'aprèp-guèrra e las tropas extremistas pro-NS-Partei en Anglatèrra.

Donc es una salutacion de dòl que vos mandi ambe aquel bilhet ; la deprima europèa puja :

La sola novèla positiva es que se la folia anglesa dels UKIP's e separatistas del partit conservator puja, l'Escòcia que vòta per REMAIN IN EU, damorar dins l'Union Europèa, serà naturalament expulsada pels Angleses del LEAVE EU, daissar l'Union Europèa.

Mas fau dire tanben que la preséncia del poder politic anglés dedins l'Union Europèa es estat un element lo mai nocible per la democracia sul continent (benlèu democratic in London), continent que cercava la patz entre los nacionals-extremismes de tot lo continent, alara que los poders politics angleses an sempre ajudat aqueles separatismes nacioanlistas d'afrontaments europèus.

Aquela campanha reberta un avuglament de las tecnocracias de l'Union Europèa que en actes de trenta annadas an provat l'incompeténcia per avançar, mas una ajuda clara dels Estats que i veson una clara concurréncia.

Soi pro-Europèu, per un Brexit clar e definitiu, l'independéncia d'Escòcia, País de Gallas e Irlanda del nòrd, e per un cambiament radical de la fita de l'Union Europèa. Tot aquò assolit, l'Union Europèa podrà foncionar. 

_°_
 

dijous, de juny 16, 2016

eURO2016 dona una idèa sul personal politic

eURO2016 ambe l'entitat d'organizacion, UEFA desfiscalizada pel sistèma politic jacobin, vos dona una idèa de quina manièra lo pòble dels ciutadans es considerat pel sistèma politic jacobin, en Occitània, o dins l'espaci politic vesin del nòrd.
E per aiçò plan melhor entendre, fau crompar lo numèro de junh de la revista alternatives économiques ; es çaquelà un pauc complicada d'aver, vist qu'i a pauc de numèro disponible en quiòsques.
Lo personal politic dins los estadis o per la santa République française a la folia de las grandeurs. Los mecènas son puslèu generoses, mas amb un passat pesuc ; un pauc coma lo pòble francés que paga l'Estat francés, mas delega sense realament castigar la representacion d'aver mal dirigir, mal gerit l'argent de totes, de la fiscalitat, e dels projectes republicans en plaça, tot en interdisent al pòble de pensar que los projectes son mal mensat pel sistèma politic. L'eURO2016 pròva simplament qu'un sistèma mafiós pòt aisidament profitar del sistèma ; e quora un sistèma mafiós, legalament pòt aprofièichar del sistèma, perqué un sistèma politic extremista o podriá pas tanben ?

En 1936, es lo partit NAZI, national und sozialist partei, qu'a capitat 30 % de vòts e panat al pòble alemand, la pensada e la vida democratica dels Estats germanics, centralizat pauc abans per una elita prussiana qu'aviá res de democratic, mas puslèu de l'ancian regime militarista prussian.

Donc quand legissèm Alternatives Économiques avèm totes los elements comparatius potencials, per assegurar que sèm pas gaire luènh de l'establiment d'un regime dictatorial en fRança.

Coma dins lo sistèma francés avèm partits que, pauc a pauc, son devenguts partits dels foncionaris del jacobinisme, lo sistèma politic es pus aquel que causís las linhas politicas de l'administracion ; ara l'administracion governa, e los mèdias son emplegats per endolçinar la pensada del (maissant) pòble, o dels (odioses) pòbles (sotmetuts o pas), coma Gobells o sabiá bravament far.

Vist que la presa fiscala es pus al nivèl de la grandeur de la fRance, es de dire de l'egò de l'elegit que la populassa dels electors e electriças causiguèt, lor cal demandar vassalitat al sector privat, sector que l'Estat central a installat, un pauc coma un Duc o Marqués èra installat pel rei per gerir un parçan del reialme, e sobretot crubar la moneda per el, puèi per ajudar lo rei. La vassalitat politica per las entrepresas se paga, non pas simplament en moneda, mas en sotmission e acceptacion de las letras dels lòbis per l'establiment de las leis, que son pus per totes, mas per una elita que dirigís la patz sobre son mercat-Estat-nacion.

La construccion o modernizacion dels estadis de l'eURO2016 n'es un exemple clar. E Occitània es particulament tocada (fòrça a Bordèu, un pauc a Tolosa, grandament a Marselha), especialament del costat de Niça, que podèm aital gaitar la destruccion d'un espaci agricòl productiu, prèp de la vila (essencial per la vida umana, donc podèm considerar que del minjar de la populacion s'en fóton, e piège vòlon que manjèsse mèrda sul modèl Mac Donald's), puèi sul tèma de l'egò, fau evidentament una avenguda per l'egò del mèstre Les Répoublicains que comanda, consequéncia una mòrta (es clarament una ataca dels ancians per frenar la transmission dels sabers). Bon aquò es pas novèl, car totas las zònas comercialas en banlègas de vila, son bastidas sus aqueles principis republicans franceses, e qu'an tanben servit a engraissar lo sistèma politic de la sotmission al poder de l'argent aisit. Lo sistèma bancari li agrada l'argent facil.

E pendent que se fabrica l'intoxicacion mediatica ambe los fotbolistas suls camps desnaturats, avèm esportius que desfiscalizan coma las multinacionalas que son esponsòrts o mecènas de l'afar, o coma lo personal politic del jacobinisme ; podèm parlar de màfia economico-politica ? Òc, avètz que de gaitar lo pargue automòbil dels organizadors ... e dels gardas particulars per i veire una granda similitud.

La fiscalitat es l'argent de totes, e la representacion politica deuriá èstre aquela que sap gerir aquela moneda pel ben comun, mas la representacion la causissèm dins una piscina polluada per la partidocracia o oligarquia politica del jacobinisme.

Pel moment la desfiscalizacion de l'eURO2016-UEFA servirà a salopejar las carrièras de las vilas que jà an pro pagat pels estadis polits, e per l'egò dels elegits en plaça.
 

Lo nom de la region, MidiLibre, puèi lo comunicat

 Lo nom de ma region, espectacle del jacobinisme en region, es la decentralizacion modèl 1982, formacion conceptuala per enganar sul tèma democratic dedins un Estat jacobin.

Sèm a causir un nom, sense contengut seriós e autonòme (son jacobins als poders parisencs o fau pas oblidar), modèl politic bonapartista classic, istoric, odiós, per un sistèma de reforma territoriala que farà pagar a Tolosa lo deute de Montpelhièr, e pendent aquel temps que l'engana contunha, lo sistèma mediatic e politic es albergat en sesilha a Montpelhièr, coma lo cocut o coguol es albergat dins lo niu del mèrle, al primtemps ; l'estiu arriba, puèi la davalada ; contunharà longtemps aital sense aver responsa tolzana del bon inocentàs que paga ?
Dins la campanha per la causida del nom de la region, arriba lo comunicat de 19h17, ièr. Las oras suplementàrias dels foncionaris de Tolosa son pus comptadas ? Aqueles que devon transmetre la santa paraula de la màfia montpelhierenca, adobada pel secretari general del Conselh Regional, e los elegits socialistas de Montpelhièr ? Tolosa es pus capitala, es la finança per Montpelhièr, la sobtractança.

Se remarcarà que lo contengut de ièr, 19h17, es jà las grandas linhas de l'article de Midi Libre d'abans ièr.

Se remarcarà que la vision constitucionala es la sola vision que lo comunicat considèra coma legitima, al final. Jacobinisme prigondament enraiçinat dins la màfia politica montpelhierenca.

Se remarcarà que lo Gérard Onesta, tot en estar dins la majoritat (fau plan daissar los socialistas al poder, e sobretot la màfia socialista montpelherenca al poder), es pas melhor considerat que los elegits del FN a quí la paraula sul tèma de la farlabica d'aquesta consultacion, trapa aquí una confirmacion politica, e la paraula en general a Montpelhièr sobretot, li es grandament autrejada. Lo FN a una utilitat pels socialistas de Montpelhièr, los ajudar a demorar al poder, e sobretot aumentar lo vòt FN dins l'anciana region Miègdia-Pirinèus (la tecnica es perdenta, avètz pas vist PACA), en l'abséncia volguda de la dreita democrata al Conselh regional (las plaças e las pagas estent mai importanta que l'accion politica reala).

Mas de qu'es lo CESR senon una causida elitocrata de la decentralizacion, res de veire ambe la causida de los que se son directament e de manièra ciutadana, sentits concernits per votar. Avèm una institucion de la decentralizacion jacobina, una institucion d'amics del partit jacobin per frenar tot sistèma politic que lo maissant pòble podriá aver causit, contra els (eventualament). Ambe la decentralizacion, la caporalizacion del poder regional perseguís son camin, e la constitucion parisenca es alara una aisina pro clara plan clara, la votz dels ciutadans concernits per «la grande région» coma escriu Midi Libre, compta per res.

On a ici, avec ce magnifique communiqué, une grande entourloupe républicaine !

Aquel comunicat nos fa la pròva qu'avèm realament mestièr d'una constitucion democratica regionala, e que Tolosa tòrna èstre la capitala politica de la region administrativa francesa, aital tot serà clar pels ciutadans. «12 mois glissants» per l'oligocrata Carole Delga, aquò's segur e risca de contunhar aital un fum d'annadas, se la presa de consciéncia politica es pas sul pic, entamenada ; nos faràn regretar de non pas aver votat FN ? O lo despart de Martin Malvy ? 

_°_

Quand Carole Delga comunica, lo filtre es Montpelhièr, e donc per l'occitan es NANI.

E çaquelà i a rasons democraticas e de defensa de la diversitat lingüistica de la «grande région» sense nom, per poder comunicar.

dimecres, de juny 15, 2016

Midi Libre escriu als ciutadans, Carole Delga enfangada

Dins un article pro estranh, Midi Libre escriu als ciutadans de la "Grande région" .... Es an aqueles jornalistas montpelherenc que los socialistas de Carole Delga an pagat un viatge a Tolosa, gràcia als ligams estreits entre lo director general del Conselh Regional (causit a Montpelhièr) e lo subvencionat centre de premsa de Montpelhièr. 


E donc avèm aquel article qu'avètz aquí, sancièr : 
Parlèm primièr de l'illustracion, Midi-Libre oblida la bandièra de Tolosa, la simbolica es pro gròssa, non ; car es plan aital, Tolosa es bona per pagar e PUNT.
L'«incompenedor» vist per Gérard Onesta, es un eufemisme ... car soi segur qu'a plan comprès la man-òbra PSf-PRG de sa majoritat. L'autre eufemisme es lo qualificatiu de «dangerós», tot aquò ajuda lo FN ; es vertat que la causa fonciona, vist que lo FN puja dins l'Erault e/o Gard, e/o Aude, e/o Pirinèus-Orientals, gràcia a la foscor socialista e lo pauc d'etica dels socialistas de Montpelhièr ; mas çò de grèu es que vist qu'es ara una granda region, aquel fenomèn s'espandirà a Tolosa, gràcia a la politica de mesprètz de Na Carole Delga e sos amics «socialistas» de Montpelhièr.

Remarcarèm tanben que lo Partit Occitan es pas conegut a Montpelhièr, redaccion de Midi Libre ; es una causida... E çaquelà lor pòdi mandar lo comunicat de premsa que faguèron.

Ara o sabèm Na Carole Delga a vendut Tolosa a Montpelhièr per assegurar una majoritat socialista al Conselh regional novèl ; e Tolosa, muda, paga. Senon las eleccions de decembre 2015 serián estadas perdudas, e lo FN seriá arribat al cap, coma en Provença.
 
Escriviái un bilhet sus la darrièra sasilha del Conselh Regional a Tolosa, genièr 2016, «Carole Delga "12 mois glissant"» ; i sèm. Podrèm notar que la democracia es abandonada a Tolosa, dempuèi la darrièra sasilha del Conselh Regional a Tolosa. Ara es lo temps de las manipulacions miègterranencas e de la fauta de clartat democractica, es Montpelhièr.

Se remarcarà per aquela sasilha la premsa de Montpelhièr a agut un transpòrt a 18 per venir a Tolosa, s'espèra encara la reciprocitat ; perqué Tolosa l'a pas agut ? Perqué fau gardar lo monopòl del servici de premsa de Montpelhièr, servici de premsa mestrejat per las subvencions socialistas e particularament lo secretari general de Montpelhièr qu'es passat ara a la «grande région», e segur que o val melhor dins son camp que contra.... per damorar al poder.

Se remarcarà que dins aquel article lo FN es pas mençonat alara qu'es la majoritat d'oposicion que favoriza lo socialisme de Montpelhièr en servar una actitud fosca pels debat del CR que damòran a Montpelhièr - donc avèm una granda majoritat dels elegits qu'an una assegurança de foscor en damorar a Montpelhièr, sobretot que l'executiu mestreja la cambra de premsa, pro plan subvencionada per aver informacion de "primièra man" e per escriure çò que l'executiu decidís, sul modèl d'un Ménard, modèl que lo FN vòl imposar pertot.

Serà donc pas doman que la democracia tornarà a Tolosa ... pel moment Montpelhièr manipula e Tolosa paga. E Perpinyà observa car l'an suportat tanben Montpelhièr e l'arrogança de la «tradicion Miègetranenca» de Montpelhièr, per pas dire de la màfia politica de Montpelhièr.

Encara un còp, Carole Delga gràcia a la Màfia politica de Montpelhièr ajuda lo jacobinisme en region tolzana. 2016 «12 meses lisent» ara es una assegurança politica. E es pas en donar lo monopòl de l'informacion a Midi Libre que la clartat democratica tornarà. 

La democracia tornarà quand las sasilhas del Conselh Regional seràn pus JAMAI a Montpelhièr.

Euro2016 visiblament la comuna de Tolosa coneis pas l'occitan

Nos an dit, «veirètz çò que veirètz, per l'Euro2016, i aurà quicòm per l'occitan», e la susprèsa deviá èstre mai granda que lo pichonet "Bon Nadal" del mercat de decembre ! Aprèp aver entendut aquelafrasa pastanda d'optinisme, soi plan inocentàs. De la decepcion, cal pel moment l'occitan es ABSENT de l'EURO2016, cal trobar lo problèma, lo problèma es lo modèl d'occitanisme, incompetent a mantunes nivèls. 
(es una confirmacion de çò qu'ai jà enscrit sus l'Euro2016 a Tolosa)
L'eURO2016 se debana en vilas occitanas, Bordèu, Tolosa, Marselha, Niça, visiblament cap d'aquelas sábon la lenga locala per l'emplegar per donar la planvenguda. Es evident que se dins la negicacion, la linha "Occitan visibla" èra estada una prioritat de Jean-Luc Moudenc, sense la moneda èra pas estada autrejada, e es evident que se totas las vilas occitanas aurián fait parier ... Mas sèm sempre dins la fauta d'interès e de dignitat per l'occitan de la part de las municipalitats UDI-Les-Républicains d'Occitània.
L'organizacion a plan degut rire quand an daissat als delegats-militants l'espaci qu'ara son fièrs de nos mostrar sul net ; e aquela fièrtat mata, son fòrças a morir per aquela passa. Mas quina utilitat de cridar a totas las finèstras que sèm en Occitània, se la lenga es pas emplegada ! Quina utilitat de votar epr un nom en francés Occitanie se la lenga es considerada coma mòrta e quitament pas objecte d'emplec militant ? Ajuda a confirmar que sèm al nivèl 75-1 de la constitucion, que sèm un element compassional de la vila, encara dins un vilatge d'Arièja, mas de cap manièra serà al nivèl internacional -es ben lo nivèl europèu aquel que tòca- SERIOSES PER UNA POLITICA LINGÜISTICA ! L'imatge de Tolosa occitana es encara un còp tocada, mas de la fauta dels delegats-militants qu'an agut de negociar, e de l'elegit màger Jean-luc Moudenc, pas de l'UEFA (que ambe los Galleses, an sabut notar en lenga bretona per l'òtel d'entrainament !).
 Sembla que sèm tornat a las annadas 1970, quora l'occitanisme debutava.

i a -es plan clar- un problèma multipla ; mas cal fargar mantunas ipotèsis : 

-1 /  negociar ambe l'UEFA - es evident quand las negociacions ambe l'UEFA a debutat, l'objecte occitan èra pas la prioritat (mas la fòrça politica tolzana benlèu tanben un pauc flaca) ... mas es que los mejans umans per aver una negociacion internacionala èra estat pensat tre la debuta (los vaocats son pas los melhors plaçat per aquò, n'en sabi quicòm per aver jà negociat al nivèl internacional causa mai important qu'una linha de mai sus un tablèu), car se tracha plan d'una negociacion internacionala, vist que l'UEFA es nacionalista francesa (per unes membres) e que pensa l'occitan coma una lenga estrangièra a fRança. Mas se podrà tanben dire, per aquel subjecte, que Tolosa a seguit las autras municipalitats de Bordèu, Marselha e Niça, sense questionar la via de la visibilitat lingüistica, ni pel francés, encara mens per l'occitan. Las municipalitats son totas en Occitània, capcejada per Les Répoublicains.
Damora pus que potingar lo problèma, es compassion lingüistica e daissar far als païsans, «obrièr de la mediòcra lenga», els que parla anglés, lo trabalh que totas lengas normalas aurián ameritat, un respect dins son emplec e non pas una autropologia dins la lenga coloniala per explicar qu'existèm, çò qu'es en realitat faus, vist la representacion qu'avèm.

-2 /  negociar ambe la comuna de Tolosa, coma s'èra una institucion estrangièra, díson sobeiranista - ieu que pensavi, inocentàs, que l'idèa d'una lenga occitana modèrna visible èra aquesit quand lo segond adjunt es «occitanista» e umanista ! Me soi donc enganat cal mai qu'aquela competéncia per convéncer lo poder tolzan de préner l'occitan coma es, es de dire una lenga clau de la latinitat, e donc internacionala en Euròpa e tanben sus la planèta. Aquela nocion se podrà desvolopoar que se parlèsse occitan, o pas, fau simplament un pauc de formacion sul tèma, e sobretot una argumentacion beton, car en fàcia l'ignorança occitana es emplegada per far engolir tot tip d'estupiditats politicas, socialas e de dreit comun.

Benlèu que la comuna per negociar ambe l'UEFA auriá degut delegat a un autre tipe de politician qu'un sobereinista ? E pensi -ara ne soi segur- que las competéncias per negociar en sistèma politic francés per aver una politica lingüistica per l'occitan sortís pas de las universitats francesas, e sobretot pas las letras occitanas, en Occitània. la rason es simpla :

Ara o podèm escriure, los qu'an argumentat alprèp de la municipalitat o de l'UEFA, prèp del senhor en cap o del sistèma de comunicacion oficiala de la comuna an falhit dins l'òbra : visibilitat de l'occitan per l'Euro2016. La visibilitat se cerca encara ! Es pas la sola falhida per la visibilitat comunala de l'occitan, d'autres bilhets en perspectiva.

dimarts, de juny 14, 2016

Tolosa promòu l'extremisme nacionalista parisenc

Dins un bilhet per illustrar una demanda del Parti de Gauche, lo jornal de l'armament francés, Le Figaro, illustra ambe una placa (en francés) de Tolosa. e Le Figaro oblida de mostrar la placa en occitan, ar dins lo vièlh Tolosa, de placa en occitan per robespierre i a ! Es que fau cantar La Marseillaise en occitan ? Me soi sempre pausat la question, e ma responsa es NON, en francés o en occitan, es un imne sanguinari, e donc per l'exemple a la joventut occitana, aquel imne deuriá èstre interdit, per rason de santat politica que fau mostrar la joventut occitana. En matièra de politica sanguinària, Robespierre se pausa pro plan aquí ; e donc aquela placa deuriá daissar de plaça per la valorizacion dels obrièrs pel desvolopament de Tolosa, sa lenga, son patrimònis, sas sciéncias... coma se deuriá ensenhar La Tolzana, dins totas las escòlas de Tolosa, per las poder cantar a totes los eveniments tolzans.
 A Tolosa, justament es la dreita nacionalista francesa que, entre las doás guèrras, e sobretot aprèp la guèrra nacionalista de 14/18, picat d'urticari nacionalista francés, a imposat Robespierre e tanben Jeanne d'Arc, coma ara nos imposa lo sebairanisme francés, una manifestacion sonada eURO2016 tot en anglés, walk fan per anar a la fan zone.
Dempuèi a Tolosa, lo centre logistic dels busses Tisseo, al centre de la ciutat del XXIen sègle, prèp del mai grand mercat popular de Tolosa, Le Cristal, nos es imposat un fantasme politic, istoric e nacionalista parisenc Joana d'Arc.

Sempre ai explicat que l'estacion de mètro tolzan auriá degut èstre nommada Mercat Le Cristal, puslèu qu'aquela estupiditat nacionalista francesa ; mas lo nacionalisme francés es encara viu a Tolosa, e malgrat tot s'i vòta pauc FN ! Donc aquel nacionalisme vira dedins los caps dels ... sotmetuts a las ideologias parisencas.

Una femna cremada per la justícia (donc ambe las leis de l'epòca) pel poder judicial de Normandia (contrariament a fRança) èra una institucion politica separada del poders ducals normands, e la seuna istòria son aital imposada a Tolosa, sonque en 1922.... e Tolosa illustra una realitat del nacionalisme extrangièr a una París, encara d'esquèrra, fins a quand ? Segur se lo Parti de Gauche arriba al poder, podrèm dire qu'es passat a dreita ! dins lo camp del sanguinari o descendents del sanguinari Robespierre.
Quand Le Figaro emplega una placa de carrièra per far de publicitat a Parti de Gauche vesèm aquí una convergéncia de la politica nacionalista francesa que dempuèi la guèrra de 14/18 fabrica una pollucion ideologica a Tolosa. Las convergéncias de las lutas nacional-expansionistas francesas es causa clara dins Le Figaro.

"Noste Pan" una operacion bearnesa, e a Tolosa ?

Quand ai vist l'operacion "Noste Pan" de Bearn, l'ai sul pic mandat a mon panissièr local, es bigordan mas de l'avenguda de la Glòria a Tolosa, e ont lo pan es pensat per èstre promòugut segon la tradicion occitana, en ligason ambe l'idèa de transmission del saber-far tolzan.

Sembla qu'una operacion "Noste Pan" l'interessa, el e son sindicat o coorporacion de panissièrs tolzans.  Sembla normal ; l'operacion de Bearn es estada montada ambe la cambra d'agricultura de Bearn...

E coma se dèu, la coorporacion dels panissièrs tolzans an pensat que la novèla municipalitat que deviá èstre melhora que la precedenta sul tèma del comèrci local, deviá donc èstre encontrat.

Calguèt plan de temps per aver un encontre ... sembla qu'es un sistèma politic, far esperar los qu'an quicòm de prepausar ambe la novèla majoritat de Tolosa (l'anciana èra pas melhor).

Donc lo cargat del comèrci Jean-Jacques Bolzan, enfin lo cargat de promocion de las animacions parisencas en província e donc a Tolosa, es estat contactat. Lo meu panissièr èra de l'encontre ; me diguèt a prepaus de l'encontre : «-bof» çò que vòli tradusir per  «son pas melhors que los precedents, i a res d'esperar coma ajuda».

Lo cargat del comèrci de la comuna a per tòca, qué ? Copar los rubans d'inauguracion de manifestacions parisencas a Tolosa, o desvolopar lo comèrci local ? Ara sembla que desvolopar lo copa-ruban rapòrta, es devengut conselhièr regional e president de l'UDI... lo copa-ruban rapòrta melhor que lo real trabalh municipal pels botiguièrs de la vila. Lo cumul dels mandat es una malautiá que trapar parallèl dins la fauta d'eficacetat de l'elegit, mas quand èra sonque conselhièr municipal, sembla qu'èra pas mai eficaç, levat per copar rubans tricolorats.

Nos podèm ara questionar sus la politica de l'UDI per desvolopar una politica economica locala tolzana (e lo comentari es pas sonque de me, l'ai comprovat ambe d'autres militants de l'UDI). Amb un president UDI d'aquel escantilh, de qué esperar ?

Dins los escambis tolzans de Jean-Michel Lattes (UDI tanben) vesèm tanben la basa politica de l'UDI :
 
Pauc a pauc, l'esquèrra se pausa la question perqué se vòta al centre-dreit, enluòc d'els que « son talament republicans, pragmatics, eficaçes e magnifics».
Pauc a pauc, lo centra-dreit se pausa la question perqué se vòta a l'extrèma-dreita, enluòc d'els que «son talament republicans, tolzans, umanistas e magnifics».

Pauc a pauc, pauques se pensan que l'abstencion trapa una reala sorga aquí ; dins la malautiá del tòca-maneta o copa-ruban dels politicians installats pel sistèma jacobin, "noste pan" d'incompetents quotidians.

eURO2016 es dins lo camp dels terroristas

Aprenèm anuèch que l'eURO2016, UEFA e FIFA, faràn pas omenatge als mòrts d'Orlando. l'eURO2016 es la tresena manifestacion la mai gaitada al monde (dreit televisual enòrme), es per aiçò qu'èstre mecèna d'aquel eveniment ajuda lo mercat mondial a se desvolopar sus l'esquina de la fiscalitat de l'Estat qu'organiza, aquí l'Estat centralista francés.
Donc o podèm escriure, l'UEFA se trapa aital dins lo camp dels terroristas musulmans de l'Estat autoproclamat musulman integrista. 

Fautava pus qu'aquò per èstre contra aquela manifestacion, una manifestacion pre-fascista, una manifestacion grandament sostenguda pels partits jacobins (PSf-PRG a París), Les-Républicains-PPE en Occitània...

E o cal apondre tanben es una organizacion privada qu'endeutarà mantunas municipalitats en Occitània, e qu'endeutarà l'Estat francés, per aver votat l'immunitat fiscala de l'organizador, UEFA dedins l'Estat francés per aquela organizacion privada de junh-julhet 2016. La votacion es obtenguda per una majoritat de nacionalistas franceses, que pensa donc que l'argent a un màfia del fótbol basta melhor que l'argent comun de l'Estat (quitament jacobin).

Donc aquela organizacion Euro2016 - UEFA es tanben dins lo camp de omofobia europèa, e plan una calamitat per la democracia.


En responsa