arcuèlh

dissabte, d’abril 30, 2011

La guèrra de la pesca al ton

Entre Seta e las aigas libianas, i aviá un ligam essencial d’un contracte internacional d’autorizacion de pesca al ton roja, espècia amenaçada.

Dins lo Nouvel Obs d’aquesta setmana, en segonda pagina, es la principautat de Mónegue / Monaco, Estat dich independent e que lo Princi se vòl ecologista, qu’assajava de far comprendre que la pesca al ton, espècia amenaçada, vendriá de l’Atlantica.

Thons Mónegue susexplotacion

Çaquelà, quora se coneis pron la mar, se sap que lo primièr pòrt de pesca en Occitània, e donc al Sud de l’Estat independent de França, es a Seta. Es clar donc que la publicitat s’engana, o vòl enganar, sense debutar de produsir Mónegue coma una cibla politica francesa, o nacionalista francesa. Se vei aital los limits de la concepcion d’un Estat ultrapichonet coma Mónegue, e que vòl aver una politica ecologista, donc forçadament internacionala.

Las pichonelas tascas rojas a la pòrta atlantica del destrait de Gilbratar se vòlon la representacion geografia de la pichoneta principautat, aquela que l’Estat francés li paga un quasiprefecte.

La meteissa setmana, e de faiçon mai seriosa, una ONG Robin des Bois, Robins de las Forests, explica lo problèma dins lo jornal professional Le Marin. editat en Bretanha, parla del metòde de pirata del Coronèl Kadhafi per alargar las zònas maritimas, e ajudar los pescaires de Seta.

imageThons Robins des Bois Líbia

Se trapa que la zòna de pesca es ara emplegada pels naviras de la coalicion militarista que guerreja contra lo regime dels Kadhafi.

La guèrra de Líbia risca que se desplaçar de zòna aquesta a las frontièras passadissas de Mónegue se los pescaires de Seta li prènon la colèra ?

L’article s’acaba per un « aquest’annada, es fenit car Hussin A.Zaroug acaba d’escriure a la CICTA* per anonciar la suspension de totas las activitats de pesca de ton roja al títol de 2011 «en rason de las circonstàncias recentas e excepcionalas». Diplomatic, amssaire, concludís lo messatge del govèrn libian per l’eucumenic «pregam totes ensemble per salvar la Líbia, los Libians e lo ton roja».

Mas çaquelà lo problèma damora, la pesca del ton de Seta es tanben un problèma per la sobrevida del ton, d’una espècia marina de la mar nòstra.

Avèm pas acabat de parlar del problèma… elonhat de la campanha parisenca que farà los medias parisencs, aquestas zònas de pesca fan la quantitat de pesca que Seta vend a Marselha, Tolosa, Lyon o Barcelona, o al Japon via l’aeropòrt de Marselha.

* comission internacionala per la conservacion dels tonideses de l’Atlantica nòrd e de las mars ajustadas.

-°-

Tunísia CFDT 

-°-

crator ròck catalan

Prima d'Òc valada occitana d'Itàlia 2011

Contra l’immoralitat borgesa

Farai pas dins l’anticapitalisme, perqué de capital tanben las òbras collectivas, Estat primièr, mas pas sonque, n’avèm mestièr per bastir projectes.

Mas acabi de saber aiçò de IKEA a Marselha. IKEA es condamnat per aver bastir sobre una zòna de «proteccion» d’animals rares. Es lo gestionari del pòrt de Marselha que li aviá vendut lo terrenh. Se cal pausar çaquelà lo problèma d’aquel gestionari que destrusís lo patrimòni natural de Provènça, Camargua aquí.

CRCI IKEA e ecologia

Soi pas segur qu’IKEA fosquèsse un àngel, mas segur que las autoritats portuàrias, benlèu autanplan que las CRCI, o CCI, elegida pels caps d’entrepresas, de la pichona a la pus granda.

Me sembla alara que cal justament parlar de la creacion d’una casta que viu sul mercat-Estat-nacion e que zo mondializa sobre l’esquina dels pòbles sotmetuts, per tornar la granda majoritat de la populacion a l’estadi d’esclaus, tot en destrusissent l’environament de vida de las populacions.

comprendre economia

Quora i a pas d’etica en economia, o politica, se podrà pas demandar lo maxímum als novèls esclaus, perqué s’acabarà mal. E encara un còp, cal pas pensar que cal èstre anticapitalista per resòudre lo problèma.

Aital se podrà pas parlar d’ecologia sense una dòsi d’etica e una dòsi de social, de balanç fiscal que donèsse al mens un rason de foncionar per totas las collectivitats umanas (gausi pus escriure egalitat, vist que lo concepte es estat destrusit per França). Lo problèma de l’ecologia per arribar al poder, l’etica dèu damorar dins las caissas… Aquò es la paradòxa modèrna.

E ièu vòli pas fabricar de l’ecologia dins lo magazin de Leroy-Merlin coma pensa la borgesiá tolzana. Lo dissabte los barris del sud Tolzan venon a Leroy-Merlin, Balmars, per crompar un arbre o dos, una saca de tèrra nègra, mantunas granas biò, o demandar conselh a l’equipa de comercial de L-M, aital, per aucupar lo temps de léser de la borgesiá qu’a abandonat la cultura occitana, e sa transmission, e que viu sobre l’esquina d’un pòble sotmetut occitan.

-°-

Areva se paga Nouvel Obs

AREVA prepausavva una publicitat dins le Nouvel Obs que la coberta parlava de securitat alimentària, benlèu per mesurar l’irradiacion dels «sosproduïts» sortits dels accidents nuclears.

-°-

Quand lo politic decidís que cal una politica per l’occitan, Sud-Gironda, las causas pòdon bolegar (Calandreta, hestenau, e lèu signaletica per la CDC) . Felicitacions a Philippe Meynard, MoDem, donc.

Mond'Òc Barsac 2011Ben a Tolosa en mai 2011 aficha oficiau -

divendres, d’abril 29, 2011

Bonhoure, cèrqui lo nom occitan

Dins un barri qu’es fait de populacion vièlha, ba díson dins las reünions publicas electoralas, la lenga occitana es absenta, e çaquelà fòrts son los que nos explícan que «l’occitan est une vielle langue», per pas dire del passat, e donc las autras son avenidor, e alara per dire qu’amerita ges de politica lingüistica, malgrat totes los viatges d’estudis al Quebèc.

Tolosa BèlMont Abrial 2011 005 Ai remarcat que l’afichatge per la politica de la comuna, e ordenat per la direccion de la comunicacion es mai bèl.

Tolosa BèlMont Abrial 2011 002 Lo panèu es lo triple del pichonèl panèu sobre lo trepador de la carrièra… E evidentament mai vesedor.

Dins aqueste barri cèrqui çaquelà la preséncia lingüistica :

Tolosa BèlMont Abrial 2011 017 Tolosa BèlMont Abrial 2011 025Tolosa BèlMont Abrial 2011 033 Tolosa BèlMont Abrial 2011 029Tolosa BèlMont Abrial 2011 032

Aquí avètz mantunes endreits que la lenga occitana se podriá èstre presenta dignament, ges ufanosa, collectiva e discreta, dins un barri qu’es popular, per desvolopar una pedagogia per totas las populacions, l’occitan es de totes/as.

E sabi un panèu qu’es de tornar installar e que podriá l’èstre en occitan e francés :

Tolosa BèlMont Abrial 2011 019Se ambe la “natura” la prioritat èra de comunicar dins la lenga istorica tolzana…

Se ambe l’astronomia, la prioritt èra de comunicar dins la lenga istorica tolzana …

Tolosa BèlMont Abrial 2011 014 

Me dirètz que podrèm jamai frenar la nostalgia de los que son venguts trabalhar a Tolosa (fòto presa sobre un tuc tolzan), e qu’an lo mal del país francés… una nostalgia que s’exprimís dins la lenga de l’empèri anglosaxion, empèri supausat, país supausat, país de luènh estimat melhor que lo país occitan d’arcuelh.

Anè los Occitans an plan donat lor vida per la granda França, alara perqué lor lenga seriá pas respectada ?

Tolosa BèlMont Abrial 2011 018 O alara lo nacionalisme francés auriá assimilat la conquèsta ? Cèrqui la vertat ? Sovent l’istòria del pòble occitan podrà ajudar los republicanistas… E se vòlon tornar al país del poder qu’onòran religiosament, lor cal prendre lo TGV, es directe, e i a pas cap frontièra. Pòdon tanben anar a Brussèllas soi segur que lor farà de ben.

Dementre aiçò, Bonhoure, lo barri d’ostals particulars e d’ostalàs collectius, e popular barri tolzan, cèrqui ton nom occitan.

E quora mai que Ben tornarà escriure Tolosa en occitan, serai content.

-°-

Document per mai 2011 a Tolosa

Ben independéncia es ma lenga

-°-

Exposicions remarcadas.

Exposicion explicada en CatalonhaBen a l'Ostal d'Occitània (2)

Musicas en Occitània : cèrqui l’occitan

De còps me questioni, se cal pas donar l’exemple … “siaguetz realistas demandatz l’impossbile” : la comunicacion en occitan es impossibla ?

La campanha de Ben a Tolosa emplega l’occitan, es plan.

D’autras manifestacions que l’occitan es près en consideracion, mas l’occitan, lenga de comunicacion gaire. sembla que l’emplec de la lenga occitana per informacion fasquèsse páur als comunicants…

Ben a Tolosa en mai 2011 aficha oficiau -Aficha CapestanhAficha Capestanh 2Pavia Trad'Envie 2011 Aficha

Lo títol de la manifestacion pòt èstre occitan, es una manifestacion de promocion lingüistica … de l’occitan en Gasconha.

Maiada_afica

16au Maiada d'Anglet

MaiadaL’associacion « Ací Gasconha » qu’organiza deu 27 d’abriu au 1er de mai a Anglet, la soa setzau « Maiada ». Ua manifestacion dab hèra de festivitats : conferéncia arron la seuva landesa dab Amadèu Baris, ajustas poeticas a la bibliotèca dab la Cia "deu Parler Noir", repaish e farcejada teatrau « La mondina » dab la compania CKC .

Lo programa es aquí, gràcia a l’Institut Occitan.

E l’occitan se podrà emplegar per informar, comunicar, gaitatz en Peirigòrd sobre la rantèla… «Questa annada, la Balada se montrara per l'Ascension, dau prumier au sieis de junh e sera organisada per Teufasso, l'associacion daus associacions d'Essiduelh.» Podèm anar legir amb fòrça plaser.

La com oblida la règla CTP

Martin Malvy presidís la CTP dempuèi una annada ; Georges Frêche, el, i pensava al multilingüisme, benlèu perqué èra de Corserans ? O benlèu perqué èra una règla que los elegits de l’autre bòrd pirinenc i pensan SISTEMATICAMENT, els.

Lo servici com prepausa dins l’encastre de MAP11, sabi pas çò qu’es, levat qu’es una causa ligada a la fotografia. Alara, l’idèa es bona, lo Conselh Regional de Mièddia-Pirinèus prepausa fòtos de la CTP, una idèa bona per melhor far saber la CTP als Tolzans e Tolzanas.

Aiçò se debana dins l’encastre de Pyreneo 2011, l’annada dels Pirinèus. Per l’aficha de l’encontre se podiá veire clarament qu’i a cinc lengas dins las CTP, lo relais concret de las politicas de l’Union Europèa, «un exemple unic al nivèl europèu» explica Martin Malvy.

Al meteis nivèl d’excepcion, se podrà notar la lista de títol de las fotografias prepausadas : es sonque en francés, una costuma d’oblidança, se cal questionar perqué i a un cargat de mission per l’occitan, un elegit de las relacion internacionalas e de la lenga occitana, benlèu que la demanda de preséncia dels ecologista dins lo servici com de la region es necessària…

Tolosa Folks 060

Sonque en francés, l’occitan es considerat coma la lenga d’un linha budgetària, gaire mai… e ambe la carga d’un cargat, enbastilhat per tot çò que concernís lo president de la region, una mediatizacion normala, mas enbastilhat dins lo tirador kulturé.

Tolosa Folks 063

Aquitània, perqué non ; pòrta l’avantatge d’èstre espanhòl, catalan, aragonés, e occitan (gascon e lengadocian, lemosin o peirigordin).

Tolosa Folks 065Tolosa Folks 067Tolosa Folks 068Tolosa Folks 071

Es una exposicion grand public, que l’occitan e lo multilingüisme pirinenc serián estats una pedagogia granda pel public tolzan, e remarcat ambe relais locals tolzans qu’an grand’interès per la lenga occitana ; la com regionalista zo podriá emplegar mai sovent, en confirmar sistematicament la preséncia de l’occitan dins sa preséncia a Tolosa, dins Tolosa.

De mai, la preséncia de l’occitan, fòrça al multilingüisme e al desvolopament d’un concepte pron politic, l’egalitat republicana.

E aiçò auriá costat : RES !

Mas pel moment èra ièr, que se presentava l’exposicion oficialament a la premsa :

Tolosa Folks 062

Per l’organizacion, tot èra plan fait ; la comuna representada pel… cargat de com, e per un elegit que cumula, al capitòl e al Conselh Regional, e pron interessats per MAP11, mas gaire pel multilingüisme, ça sembla. Lo cònsol èra absent, cal dire que fòrça val pel supercumular per èstre pas present pertot.

Lo vin èra bon e vos pòdi assegurar que dèu pas venir de … l’Enoteca, nom d’una botiga en vila que gausa emplegar l’occitan dempuèi sa dubertura (e soi segur que s’i parla francés sonque), aquò farà mai de dètz annadas. Es una question de volontat d’emplegar l’occitan, coma per la CTP, la volontat èra catalana, pas brica dels Occitans e de las Occitanas. Que cal far per capitar de cambiar lo ment del sistèma politic de la decentralizacion, gestionari del patrimòni lingüistic occitan, enfin normalament.

Tolosa Folks 081

La publicitat es una aisina politica

Aquò se debana a Tolosa, la vila a pagat o organizat una campanha de publicitat per mostrar en chifras e accions la politica al mièg-tèrmi, e las ajudas oficialas a manifestacions, una costuma nòrd-americana.

Dementre aquesta campanha i a publicitats que m’an particularament interessat, aquela del Ben dins la ciutat, mas pas sonque.

Vaquí donc mantunas de las publicitats que los automobilistas podràn veire dins la ciutat, se son tranquilles quora menan l’automobila… entre dos radarts, una moto-de-vila-de-luxe, o un telefonet tranquil. Aquestas publicitats son sempre a costat d’avengudas prèp de la circulacion de veituras.

Tolosa Folks 019Tolosa Folks 020Tolosa Folks 021Tolosa Folks 024Tolosa Folks 025Tolosa Folks 103Tolosa Folks 088Tolosa Folks 089Tolosa Folks 053

Ai remarcat que cada color es ligada a la color politica de las demandas de politica, e benlèu a percentatge esperats per las eleccions, es lo concènsus manatjarial socialista que governa.

E dementre aiçò ai poscut notar l’anóncia del mes de Ben Vautier, ambe las colors occitanas, donc las colors istoricas de la vila.

Tolosa Folks 031

Alara benlèu que l’occitanisme beirà sonque aquetas afichas, quitament se son pas sistematicas…

Lo dosatge es politicament pensat… tanben. Es aqueste dosatge que fa pensar qu’aquesta campanha es negociada ambe la companhiá JCDecaux… cadun sa quantitat, cadun sas colors, la comuna es «plan gerida»…

Es lo coratge que compta, es vertat. Dins lo cas de l’afichatge occitan podèm assegurar que despassa pas l’afichatge de MAP11, que sembla agradar a la coalision jacobina de la vila; donc la rason politica jacobina mestreza son afar, dinca explicar que ne cal pas tròp faire, e aital frenar l’activitat de la cargada de mission per l’occitan, èla qu’aviá jà un plen temps, se li demanda de «ne pas en faire trop», car « les occitans en ont assez ».

Encara un còp l’afichatge amaga una pensada politica qu’a res comprès o que vòl pas comprendre : l’occitan es l’afar de totes los tolzans e totas las tolzanas, que parlèssen o pas la lenga occitana. La lenga occlectiva es un patrimòni pacific (non violent) de l’ensemble de Tolosa, pichona o granda Tolosa.

Una autra aficha a donar un interès al meu uèlh que se passejava ièr dins la ciutat mondina, Tolosa es pas un conte, ni mai fòlc :

Tolosa Folks 057 Lo concèrt es passat e me sembla que sa promocion èra pas sufisenta. Encara un obratge de promocion que fautava de far melhor per la comuna de Tolosa, mas quí frena lo trabalh de la cargada de mission ? La responsa dona son avejaire politic sul tèma, el e las decisions politicas sul tèma.

Ai remarcat tanben d’autras afichas, pel mes de mai, e ambe mens de budgecte :

Tolosa Folks 009Tolosa Folks 001Tolosa Folks 018

La darrièra serà pel dissabte, mas pas pel divendres que Obrint Pas serà a Condom, Fête de la bandas … Ambe Obrint Pas farèm la hèsta ? Remarca : Çò que pròba al mens de l’interès pauc important dels comerçants de la vila a prepaus de l’interès que pòt portar la populacion occitana per anar aquí o alai.

Aviái debutat ma virada per la pòrta del centre autoproclamat del monde de l’occitan tençonejaire, l’espiçariá culturala de Naut Bernat. Èra tampat, an vacanças coma a l’Éducation Nationale.

Tolosa Folks 017

Sobre l’avenguda qu’ai fotografiat lo maxímum de publicitat rotlièra, ai pas poscut causir lo café, cap an plan comprès l’interès de l'or nom per l’occitanitat de la vila…

Lo compans und midi es encara l’ideologia francesa dins la ciutat, Tolosa es pas encara Tolosa quora evirèm aiçò :

Tolosa Folks 035Tolosa Folks 034

Mas l’espèr damora, las causas de las afichas fan que lo public es anonciat grand pel debat als «Abattoirs» (es simbolic ? o l’unic endreit disponible ?) lo 6 de mai 2011 a las 15:00h ? Cerquarèm la vertat ambe Ben.