arcuèlh

dimecres, de febrer 26, 2014

Montsegur 2014

Convidacion-Tribuna

Pas res per vendre, pas res per crompar. Pas que de temps "per pèrdre", d'esperit a desliurar. Dins l'anonimat siau d'una reflexion intima, Montsegur nos embelina. Siem aquí luènh de las comemoracions oficialas, nacionalistas tricolòras. Aicí, l'uman rare dialòga amb l'uman viu; lo qu'a pas perdut son esperança, lo que crida justícia e que, sens arma, acaba per esposar la libertat.

Montsegur 2014

Exemple sens o voler, fòrça sens lo poder; plan luènh de las quimèras dels imatges pretenduts modèrnes, aièr es un present etèrne que, al delà la fatuitat del quotidian, nos ensenha lo camin.

Ongan encara, vos prepausem una ceremonia de reculhiment, dobèrta a totes per dire de rasonar al monde.

Rendètz-vos al Prat dels Cremats

lo dimenge 16 de març ‘14 a 11 oras

Jacme Pince, per "Occitània e Libertat"

Mapa lingüistica de l'espaci europèu occitanò-catalan-aragonés e arpitan Montsegur es aquí

--------------------------------------------------------------------------------------------------------------------------------------------

Una manièra occitana de recordar totes los chaples que los imperialismes an dins las mans devengudas sampitèrnas mans sangnosas, e que los Francs son estats los primièrs a portar en companhiá del Vatican ambe l’etiqueta d’un sistèma linde e blós, ara dit republican.

Pena d'AgenésLinha monument a la gara de Pena d'Agenés

dimarts, de febrer 25, 2014

Páura Tolosa !

Encara una revista de Lhèida sus Occitània -zo sábon pas far al servici cultural de la vila de Tolosa (!)- que serà distribuada a una minoritat, alara que seriá estada formidable de la distribuar dins totas las bibliotècas de la vila de Tolosa e de la seuna aglomeracion .... mas per fauta d'idèas e d'eficacetat, es estada distribuada a un pichon nombre. I a monde que se trúfan dels ciutadans tolzans... e de lor interès per l'occitan.

Image (10)

(son 60 paginas sobre Occitània, editat a Lhèida … al Principat de Catalonha)

Es de se questionar de saber de qué servís lo mièg pòste de cargada de la politica lingüistica a Tolosa. Èra jà previst a la eleccion precedenta d’aver un pòst sancièr, e Pierre Cohen a pas tengut promessa – O CAL DIRE HÈRA HÒRT-, alara se cal questionar de saber quin tipe de competéncia cal a un pòste aquel per aver una politica per l’occitan que fosquèsse eficaça e benlèu mens letradorenca !…..

Es una revista de qualitat, ambe un contengut que se dèu criticar segur …. mas soi segur que la qualitat serà jamai al nivèl aquel se la comuna de Tolosa s’en carga de n’escriure una aital regularament.

50 exemplars es lo nombre exacte que cal per las biblitècas de la vila tolzana ; quí i a pensat ?

Sembla que sufís pas d’aver un doctorat de letras per saber expandir a mendre còst la coneissença sobre l’occitan. O benlèu que la formacion socialista e esquerrista sul tèma es mal adaptada ? Perqué la maladaptacion ? Perqué i a jamai de valorizacion independenta de las subvencions per l’occitan ?

-°-

Justicia francesa

Es lo Montebourg que dèu èstre content, o los fronts nacionals d’esquèrra o de dreita …. La nacion primièr ! Produisons français … esmenda antinaturala primièr.

L’occitan en campanha electorala, quora ?

Anuèch se presenta la fòto de la campanha d’un candidat a Perpinyà, lo catalan es present.

Quora se presentarà las fòtos de las listas tolzanas, l’occitan serà lo grand absent ; es un pauc aiçò qu’avèm sentit pendent la reünion de ièr a Tolosa, lo grand absent l’occitan.

emplec del catalan

Pauc-bastir, perdon poc-bastir, es la linha compassionala que farà Tolosa per las annadas venentas ; perqué ? La fauta de seriós de las demandas occitanas, tròp de clientelisme acceptat de totas las parts, l’impossibilitat d’accions criticas e de criticar o quitament questionar seriosament, pauc de bastir per la dignitat lingüistica serà sempre Tolosa ; e l’occitan es un pauc la luciòla qu’es la marca tolzana de la sistemica sus totes los subjectes de ciutadanetat, lo pauc-bastir.

La fauta de seriós per la dignitat occitana dels candidats, quitament lo que parlava sonque occitan, farà un trauc encara per d’annadas e d’annadas, a Tolosa, comuna e aglomeracion. Es malastrós mas a Tolosa, la populacion demanda l’occitan (enquèsta CR), l’administracion es capabla de desvolopar una politica (mantunes exemples vist sul terrenh), son las incompeténcias politicas que fan qu’aiçò avança pas (lo l’implicacion reala de TOTES LOS ELEGITS, ambe l’ajuda d’un clientelisme sus las pichonetas subvencions que frena al desvolopament geenralizat coma a Perpinyà ; la politica del botiguièr letrat e associatiu farà pas avançar l’occitan a Tolosa ; cal sortir la politica lingüistica de las idèas letradas de l’universitat de Tolosa Miralh, per l’aver en vila mondina, realament.

Los socialistas e las autras listas auràn enterrat lo grand projecte cultural de la preson de Sant Miquèl e faràn un projecte cosmopolit : l’occitan serà negat dementre las autras lengas d’immigracion ! E aprèp aniràn manifestar contra lo FN o faràn d’associacions antifa …. per criticar los antidemocratas, e fargar una «democracia» modèl francés.

Farai cort e farai un bilhet mai complet per la meuna cronica setmanièra sus ToulouseInfos dins mantunas setmanas, per aver –se lo club independent e esquerrista de la mesadièra- accepta la publicacion amb un temps qu’ajudarà al comentari.

L’impression qu’ai agut de la serada, en una fòto :

melhora fòto de l'occitanisme a Tolosa ièr en serada electorala

-°-

amic de poc-bastir

-°-

Dorsier POC-BASTIR, l’estiu a Tolosa es pel moment :

Tolosa d'estiu

-°-

occitan lenga de proximitat

Las abséncias que fan politica ; lo FN èra pas convidat ; los amics socialistas del Front Nacional de Gauche son pas venguts e aquela .... sembla pas saber lo seu agènda parlamentari europèu, membre del PPE. Levat quora vòta contra lo multilingüisme en Euròpa en companhiá del FN.

dilluns, de febrer 24, 2014

Viviane Reding, la tecnocrata de la páur

Nihil novi sub sole « Res es nòu devath lo solelh. », de quina manièra se governa dins los impèris, res es nòu devath lo solelh.

Viviane Reding es en campanha electorala… e non representa pus los pòbles de l’Union Europèa ; o a jà representat ? La question se pausa …

Ièr a Barcelona Viviane Reding a pas entendut perqué lo pòble catalan non pòt votar en referèndum ; aiçò es segon los dires constitucionalistas del PP, lo partit que l'a botat en plaça a Brussèlla. Es evidentament la frasa retenguda pels mèdias catalans ; lor farà plaser d'entendre una frasa que sembla democrata ; mas me sembla que l’autra partida del discors portava d’autras tipus de problèma, aqueles problèmas ne vau escriure ara.

Viviane Redings

Mas Viviane Reding a tanben exprimit un vòt de fusion de Catalonha ambe Espanha, malgrat lo pòble de Catalonha donc. Aquò sembla fòrça a daissar votar per non respectar lo desir d'un pòble, l'independéncia ; es clar de Viviane Reding non vòl un partenari de mai a la taula de Brussèlla, un partenari politic forçat que damorariá mai vigilent per la contra-rotlar. De façon tecnocratica, s'es introdusida dins un sistèma politic que pensa lo contrari : «els sobeiranistas som majoria» Marc Monràs, cap d'entrepresa en Catalonha, lo meteis jorn e dins lo meteis jornal ; e o explica en tant que co-fondador de l'associacion politica la mai granda d'Euròpa actualament, associacion de ciutadans, Assemblea Nacional de Catalunya, mai de 48.000 simpatisents, actualament. Mas lo desir dels vòts independentistas puja, segon totas las enquèstas. Donc Viviane Reding es vengut far campanha per lo PP a Barcelona.

«Que se debutèsse de negociar ambe la mentalitat duberta, sense linhas vermelhas, per trobar un acòrd que daisse Catalonha en Espanha»

Aquesta frasa amerita tot lo vòstre interès. Se per «mentalitat duberta» cal daissar lo pòble catalan esclau, de qu’es aquela mentalitat duberta ?

Las linhas vermelhas de la politica espanhòla son las linhas del pòst franquisme e son linhas jà emplegadas e que digun a Madrid o a volgut transpassar, digun ni al PP, ni al PSOE.

«Daissar Catalonha en Espanha» es l’estatús qüo… es far coma s’i aviá pas agut 30 annadas d’assages. Sembla que venguda de luènh, Viviane Reding aguèsse agut un dorsier mal establit, mal trabalhat … o simplament qu’es vengut far companha del PP-PSOE.

E o confirma, «la situacion legala es clara», traduccion : non podrèm acceptar l’independéncia d’una nacion jà dedins l’Union Europèa… Lo bailet del sistèma non pòdon donar que la votz del sistèma, de la seuna administracion e partidocracia. E segur que lo discors aquel zo vendrà epxlicar en Escòcia tanben ?

Viviane Redings 2

La tecnocracia francesa a inventat tanben lo referèndum que serà jamai respectat ; al moment del referèndum sul tractat de Maastricht, son mai de 50 de cent dels electors qu'an votat contra, e perqué se sabiá que se votariá contra, la partidocracia francesa e la seuna administracion a inventat un virolet politic, a l'imatge d'una tecnocracia despistada de la sapiença dels pòbles ; aquò serà l'UMP que serà a la man-òbra, UMP, PP, = PPE … Mas lo Psf fabrica la meteissa manièra de governar, actualament.

Es aquel sistèma qu'a agradat al sovietisme, a Estalin, a Hitler, mai tanben als imperadors d'Àustria-Ongria, al Napoléon lo còrse renegat de la republica còrsa, a la familha politica del Veneçuelà, o a l'ancian dictator ucraïnian...

La consequéncia politica d'aiçò, per l'Union Europèa, es que clarament i aurà una granda abstencion a las eleccions europèas ; perqué votar se la tecnocracia e lo sistèma politic son pas emplegats al servici dels pòbles europèus, mas simplament la dictatura votacionala europèa ?

Es la consequéncia de la desligason d'aquesta tecnocracia, e lo seu sistèma partidocrata, de la realitat del terrenh, de la vida dels pòbles. Es vertat qu'a Brussèllas, Luxemborg o Estrasborg, son plan pagats e bravament elonhats de las realitats economicas... Sufís d'anar un còp al Parlament Europèu, veire passar aquela tecnocracia de secretariats, soscapolièrs, MEP, agents de susvelhença, etc... per entendre melhor.

Aquela faiçon de governar, per una administracion d'union d'Estats, sembla fòrça al biais francés de foncionar ; aital avèm poscut entendre darrierament un president de la republica explicar als cap-d'entrepresas forans per s'installar en França : « França, non ten la páur de res», o un ministre de l'ensenhament, que díson educacion, dire : dedins l'Estat francés afirmava que « i a una libertat pedagogica », dixit Vincent Peillon, France Culture 200214.

Dins lo primièr cap es explicar que l'Estat a plan l'intencion de non s'implicar dins lo mercat ; alara qu'es l'Estat francés qu'es lo mercat. E dins lo segond cas, la pedagogia es una règla sistematicament orientada dedins lo sistèma qu'un ministre a qualificat de mamot, un còp èra ; e se l'orientacion pedagogica non conven pas al cooporatisme professoral, lo sistèma expulsa l'impetran e la causa s'obliga d'èstre dins un sistèma de dreit privat (lo cas Calandreta contradiu lo ministre).

Nec Pluribus Impar

Sempre lo pòble a tòrt, e l'administracion e la partidocracia an rason ; aquò se debana sistematicament quora l'administracion e la partidocracia son pas setat coma lo pòble, sul meteis banc. Aquò non se podrà persegre longtemps, dins un monde que la vida umana sembla virar mai aviat que dels tempses dels reis dictators europèus e que fasián d'impèris ambe conselhièr qu'explicavan:« mon bon roi, ce n'est pas une révolution, mais une révolte », castig aprèp castig, pauc a pauc, tot aquò es devengut una revolucion, e los caps son tombats, èra pas de virtual.

Cal tornar a Viviane Reding, de qué servís de votar se lo sistèma internacional demandar un vòt referendari per l'independéncia, se las institucions europèas o respectaràn pas en preparar un sistèma tòrt costumièr al modèl francés per enganar los Catalans ?

De mai, de qué demandar a Viviane Reding que sa plaça la deu a las seunas acostanças politicas ambe lo PP, partit assimilacionista espanhòl ?

Es que la páur es lo melhor sistèma per governar ? Es que lo sistèma Putin per fargar una politica es lo bon sistèma ? Es aquel sistèma que vòlon los pòbles de l'Union Europèa ? Es aquel sistèma que vòl lo pòble d'Ucraïna ?

I a un problèma real ambe una administracion politica de las institucions ; son pauc a pauc desligada del sistèma politic e donc devenon una maquina a espotir los pòbles ; lo malastre es qu'an los instruments tecnologics en mans (e pas simplament los instruments politics, mas tanben mediatics, scientifics, universitaris, etc.).

Se lo pòble a rason, aquò non vòl dire que lo pòble sap pas que Nemo judex sine lege « Ningun pòt pas èstre jutge sense lei. ». La volontat d’un pòble es pas l’anarquisme, contrariament a çò que l’administracion vòl far creire. La glèisa catolica –re-li-gare, significacion etomologica de cercar- disiá çò meteis contra lo protestantisme dedins l’Estat reial francés, un impèri tanben devengut republica e qu’a res cambiat per la paraula dels pòbles.

E lo pòble es sovent, mai educat e coërent, que las administracions e la partidocracia. Viviane Reding o deuriá aprendre un jorn, cal esperar que l'aprenguèsse pas en situacion de rompadoira grèva.

Bandièra Catalonha pel referèndum 09N14 en occitan

Escotatz l’entrevista de Catalunya Ràdio.

Artur Mas respond a Viviane Reding, picatz aquí. Artur Mas representa la volontat politica catalana, d’una nacion europèa.

Segon Vicent Partal :

Viviane Redings 3

Criticas d'Homs a Viviane Reding

-°-

L’administracion es contra la natura, contra la vida : bilhet de Philippe Meyer aqueste maitin.

Philippe Meyer cronica del 24 de febrièr PesticidiVinhairon 20 minutes

dijous, de febrer 20, 2014

LO o FN, meteis combat nacional-expansionista francés.

Se caliá encara una linha nacionalistas als candidats en França, una candidata Lutte Ouvrière sus la lista tanben del Front National de la dreita francesa e pron conservatriça : PROBLÈMA, es impossible .... per rason que l'ubicuïtat es pas acceptada per aquestas eleccions ; mas per las idèas nacionalistas son plan las meteissas, la candidata s'es pas enganada !

France Info LO e FN a Merinhac

Una leiçon de sciéncia politica es de mai en mai indispensabla en Occitània.

Lo nacionalisme francés es expansionista, mas es una expression diversa e que passa de la Ligue du Sud, al Front National de dreita, en passar pel Front nacional de Gauche e alara dincal NPA o LO…. Se ne cal pròva, l’avèm aquí.

dijous, de febrer 13, 2014

Made in fRANCE : EDR !

François Bayrou aviá dintrat aiçò dins sa campanha electorala, las doás darrièras. Mas digun a bolegat dempuèi. E François Bayrou a jamai respondut a la question : e que far ambe lo «fabricat en Occitània» o «fabricat en Bearn» o «fabricat a Niça» ?

Dins un article de la DNA podèm aprendre l’avantatge del “Made in fRANCE” ….

Made In fRANCE

Aqueste maitin, sus France Culture, la redaccion bobò parisenca entrevistada Marine Le Pen ; es estat caut a partir de 7h40 ; i a agut d’espòrt editorial – enfin- sus France Culture. Çò que pròva al mens la fauta de ligam de la redaccion de Radio France, ambe la realitat del terrenh de cada ciutadan, de caduna de las nacionalitats.

Mas Marine Le Pen e totes los que fan del ‘Made in fRANCE’ una linha politica que pensan utila, pels ciutadans, mas que fòrma mai que tot, un nacionalisme tradicional francés, un regionalisme d’expansion dels siètis de las multinacionalas parisencas.

Ne farà la pròva aquel article de la DNA, pron utile e interessant.

Pel moment, una granda partida de la borgesiá francesa a plaçat lo seu argent, pendent vint ans, dins fons de pension nòrd-american, lor daissant aital la causida dels re-investissaments segon las nòrmas del liberalisme nòrd-american, e la pensada unica sul tèma, e del nivèl de retorn dels plaçaments, per viure de la renda al modèl nòrd-american. La consequéncia es lo capital de la brassariá Kronenburg detenguda per un capitalisme danés, fòra de la zòna € ! E aquí, donc, la teoria economia de Marine Le Pen es plan la realitat ; i a pus cap finançament privat francés –de fRANCE aquela de l’article de netejament lingüistic, lo numèro 2- o los banquièrs per investir en capital en Alsàcia ; Alsàcia es la region la mai dinamica economicament de l’Estat, e dempuèi bravament longtemps per rassegurar lo financièr potencial ; e jamai a votat pels extremistas d’esquèrra (aquò podrà rassegurar, non ?); alara podèm dire que lo problèma es pas l’arribada de Marine Le Pen al poder, mas puslèu de quina manièra la borgesiá plaça lo seu capital ; e pensa que lo capital uman –es de dire la sapiença sortida de las escòlas- li podrà regalar ; vist lo coorporatisme de las escòlas francesas, la pòdi comprendre.

Es talament vertat que PSA-Banque a fabricat una publicitat per recupar l’estauvi privat, tot en lo remunerar mai qu’un compte normal, per reglar lo problèma de trapar una banca capabla dedins l’Estat francés de seguir las seunas activitats de finançament. PSA es pas una PME ! Ni una botiga ; alara se podriá pensar que per aquestas darrièras es melhor.

Del meteis biais, mantunes candidats de Tarba an regretat de veire la barradura d’una librariá Chapitre, vièlha e que te sabi ! Èra una cooperativa d’establiments venduda a un fons de plaçaments, entrepresa de finança qu’a agut coma sola sortida la falhida… e donc sobre la pagina del cònsol-candidat de la campanha 2014, se nòta lo regret de la barradura, el qu’a sempre sostengut Edouard Leclerc e lo seu desvolopament a Tarba ; Vaquí la meuna reaccion : Es plan de regretar, mas qu’a assajat un dia de crear una entrepresa pòt comprendre lo problèma. Alara, i a cap politica de creacion d’entrepresa dins las comunas, ni de sensibilisacions a la creacion d’entrepresas dins als aglomeracions ! Lo problèma es dempuèi 1999, al mens, lo finançament bancari : i a pus bric ; e es principalament la consequéncia del recrutament dels agents bancaris que’an que mantunes diplòmas mas jamau creat d’entrepresas ! e qu’an cap istoric local per saber lo teissut economic e de quina manièra fonciona.

Auriá poscut indicar que i a pas cap politica urbanistica per aver botiga de servici public per logar de faiçon publica als creators de comerci ; per exemple prèp de la plaça Belfòrt a Tolosa, que la societat HLM fabrica un immòble d’apartaments, unicament. Es vertat que la societat HLM Les Chalets a mestièr de bastir apartaments dins lo centre ciutat. Es vertat tanben que res es previst pel desvolopament del comerci dins la ciutat tolzana, malgrat que fosquèsse tanben un element de la darrièra campanha electorala.

Immòble a Tolosa

La situacion es la meteissa per la PME que las botigas ; e Alsàcia coma Occitània, i a un problèma de servici al pòble que vòl fargar la seuna entrepresa, es pas una question de formacion o d’idèa o de volontat, es question de finança occitana per crear l’activitat economica que fauta a Occitània.

L’entrepresa Macarel.org nos explica regularament que, per dubrir una botiga occitana, pichoneta botiga carrièra del Taur, lo melhor endreit per aquela activitat toristica d’imatge per l’occitan e Occitània, li cal mai de 150.000 € ; imaginatz per las autras activitats innovatriças … i a res de res !

SNCF : grand truand de servici public

Ièr tota la premsa Internet se fasiá lo resson del comunicat de premsa del Conselh Regional :

SNCF truant de servici public 3

FRebeut anuèch tanben, ipocrisia o … la SNCF los pòrta plan en barca, per poder pagar e non manar ?

Image (2)

Çò que pròva, vist las òbras qu’i son en region Miègjorn-Pirinèus, que la rason es sancièra de la part dels politicians regionalistas. Ai gaitat lo site Internet de la SNCF, un site grandament merdica (o cal dire), notament per la pagina TER.

Mas quora sèm client de la SNCF, lo servici public es tanben una mena de truandisa de servici public ; un servici d’Estat qu’organiza una causa qu’un comerçant o botiguièr independent gausariá pas far.

A las 9 oras, ai poscut veire lo prètz següent sul site Internet, 26€ :

SNCF truant de servici public 2

Trenta minutas aprèp : Lo prètz indicat es de 26 €, lo prètz de venda es estat : 31,5 € a la gara de Matabiau…. Ont es lo problèma ? Lo conselh a la caissa de la gara de Matabiau, «avètz que d’emplegar la CB» ; ai pas de CB. E coma soi estat a una ora de granda voide de clientèla, ai pas agut d’esperar mai de 1h30 per aver lo non bilhet, o l’informacion.

Ai una carta «week-end» coma díson, los nacionalistas de la SNCF e e un parcors de dimenjada… Lo seu còst es de 70 € per annada. Lo programa «Voyageur» es de o €, e ajuda d’aver las «ofèrtas SNCF» ; còsta zèro €, mas o cal far en lenga francesa, perqué un prenom occitan es pas acceptat, o se l’es, aurètz dificultat per aver una carta normala d’emplec.

SNCF truant de servici public

De mai, la SNCF dona tanben promocion perqué ai una carta de fidelitat ; la carta de fidelitat indica una numèro de reduccion ; la reduccion establida, farà un prètz de 28 €….

Me sembla que comprèni los que prenon lo blablacar per passejar en dimenjada per Occitània ; o lo monopòl dels transpòrts dedins l’Estat francés es tombat, e Eurolines pòt donar prestacions logisticas tanben. Son –pel moment- al mens seriós e lo prètz indicat es lo prètz pagat, sovent mens car.

De mai aquel servici d’Estat que se vòl servici public prepausa una politica incoërenta pels investiments, e aquela prepausicion es de cap manièra respectuosa de las nòrmas comercialas que per l’Estat seriá imposada a tot comèrci independent tolzan : un aficatge de prètz es lo prètz pagat ambe un servici correspondent.

La repression o logistica de servici public contunha en Occitània.

SNCF Truand de servici d'Estat

Dins lo referèndum helvetica, Vòt per la FAIF, es estat votat a la granda majoritat pel sosten a l’investiment del fialat ralh helvetic.

Podèm encara considerar coma seriós de far la meteissa causa ambe lo grope SNCF, servici public de repression logistica en Occitànioa ?

dimarts, de febrer 11, 2014

An votat contra l’immigracion massiva, e ?

La Confederacion Helvetica es sovent presa en comparason pels independentistas catalans, coma un exemple d’Estat europèu a la dimension del Principat de Catalonha, e fòra de l’Union Europèa ; es pas lo cas d’Occitània, ni pels poders que demanda, ni per la politica lingüistica qu’es bravament mens clara. De mai, donc, podèm confirmar que lo Principat de Catalonha es al revèrs de la Confederacion Helvetica, bravament mens a dreita …

Lo «pòble» a votat, dedins la confederacion helvetica, contra l’immigracion massiva ; los 50.3 % dels electors exprimits an votat en seguit l’iniciativa del partit de dreita nacionalista helvetica, dins un referèndum costumièr dins la Confederacion Helveta. es interessant de veire que passat los 50 % una iniciativa es considerada coma acceptada per èstre una règla pel govèrn de Bern ; escrivi aiçò perqué Madrid demanda sovent mai de 50 de cent per un referèndum (que de tot biais refusa) referèndum qu’acabariá ambe mai de 50 de cent per l’independéncia, de facto.

dorsier de la votacion helvetica

Ai un pauc seguit l’afar e del resson dins los mèdias mondials, per èstre sempre un eveniment dels gròsses pel «pòble» d’Helvecia. Ai remarcat lo fòrum de la RTS La Première, a partir de 17h00 lo dimenge, per donar la paraula a totes los partits e quitament per telefòne, al president del govèrn confederal ; e aiçò, malgrat d’aver germanofònes, tot se passava en francés, per la cadena radiofonica francofòna.

Cal notar que la Confederacion Helvetica es estada fargada mai o mens vaquí 700 ans, e que los cantons an un poder grand en matièra de legislacion, de volontat politica, e de designacion del poder confederal, pel govèrn de Bern. L’UDC non es dedins aquel govèrn confederal ; donc lo govèrn d’autras colors politicas auràn de negociar ambe l’Union Europèa en foncion d’aquesta iniciativa qu’es contrari als interèsses (o considerats aital) de migracion dels ciutadans de l’Union cap a la Confederacion Helvetica. Çò que pausarà problèma als pòbles de França (Savosians, Franc-comteses, Alsacians) que van trabalhar ailà.

D’un autre bòrt, es plan una iniciativa que sembla fòrça a la règla al Canadà, un federacion de províncias. Es tanben de facto, una règla aplicada per l’Union Europèa, quora refusa l’entrada dedins lo Reialme-Unit als migrants que son a Dunkirk, o Calais…

Mas es pas sobre aquel terrenh que l’afar aurà consequéncia, e amerita aquel bilhet ; tot semblava anar coma cal dedins lo sistèma confederal bernés, per çò de las lengas. E vaquí una nòta informativa que daissarà plan de caire la patz qu’es supausada èstre la Confederacion Helvetica, encara que quatre lengas fosquèssen oficialas, e reguladas, ambe politicas lingüisticas claras.

problèma lingüistic en Confederacion helvetica

Aquel incident pausa realament lo problèma de l’ensenhament de las lengas minorizadas dedins la Confederacion Helvetica, e tanben la règla majoritària. Sembla que per èstre jornalista dins la Confederacion Helvetica, la lenga francesa fosquèsse pas necita… Dins l’escòla de jornalisme tolzan, es l’occitan qu’es absent TOTALAMENT.

Aquí se trapa èstre la lenga francesa qu’es mai o mens pantaissada coma lenga de la diplomacia. Ginèbre es pas per res dins l’afar, sa causida e la continuïtat istorica del seu emplec. Cal notar que frena pas l’acceptacion de l’anglés a Ginèbre, vist que las ràdios mondialas se pòdon escotar a Ginèbre sus la banda FM dinc’en Savòia.

Mas es plan la votacion de dimenge qu’a donat un baus important per aquela patz lingüistica ; es la zòna francofòna bravament mai desvolopada, ara, qu’a donat un NON a l’iniciativa de l’UDC. (veire la mapa junta e lo ligam que se podrà picar sobre per ne saber mai, coma es de costuma, perqué fau un ligam a cada article per ajudar los internauta a seguir lo prepaus)

L’UDC es çaquelà un partit nascut en zòna germanica, lenga germanica en vert sobre la mapa del document junt. La lenga germanica parlada dins la Confederacion Helvetica es una lenga germanica del Sud del Sud-Oèst de l’espaci lingüistic concernit, e a una tendença a la diferenciacion, de faiçon escrita e orala.

Lo crit «cal respectar la minoritat», me sembla un crit salutari per una democracia quora se podrà exprimir.

Aquel crit es una règla en democracia : l’eleccion es pas un element per donar sonque la paraula a la majoritat, es un biais de donar lo poder a un grope politic per agir en foncion de la majoritat, en pensar sempre a las minoritats. Senon es la dictatura de la majoritat o la dictaura d’una casta partidocrata, una oligarquia partesana al poder.

Imaginatz un elegit tolzan, pas forçadament occitanista, qu’auriá l’estranha (ara al XXIen sègle) costuma de parlar en occitan dins la conferéncia de premsa, e que Tolosa fosquèsse lo sièti de la politica forana de l’Estat jacobin (irreal segur) e qu’un jornalista parisenc, per exemple de Le Monde, o L’Humanité o les Échos, o de Libération o de Le Figaro, (se supausa que los jornals provincialista aguèsse jornalistas occitanfònes, irreal pel moment), li fariá la meteissa remarca … Vesètz la fòto ! Dins un contèxte francés que pensa : una lenga = un Estat …. Es de l’etnisme aplicat al modèl francés.

Puèi l’article explica : « Didier Burkhalter a ensuite continué de répondre, dans les deux langues, aux questions » (informacion transmetuda per un jornal francofòne de Ginèbre) ; lo bilingüisme es causa obligatària per las institucions helveticas, veire lo trilingüisme ; es una nòrma que malgrat la dimension qu’auriá degut èstre Occitània, e la seuna populacion actuala, plaça l’occitan coma segonda lenga amb potencialitat reala d’èstre Òc-oficial dedins l’Estat francés. Donc l’administracion auriá de parlar las doás lengas coma minímum, francés e occitan. Es la situacion catalana per l’Estat espanhòl ; per l’efèit del centralisme e l’accion politica centralista espanhòla, lo catalan es mai ensenhat en Alemanha federala qu’en Espanha, reialme pòst-franquista. E bè, pel moment la situacion es tala en Occitània, que l’occitan es mai e melhor ensenhat dins las universitats de la planeta que non pas dins las universitats franceses d’Occitània ! Donc, la situacion politica e lingüistica al modèl de la Confederacion Helvetica es pas encara presta de nàisser … E escriure jà tot aquò, es considerat coma un extremisme dedins lo cap dels professors seleccionats dins aquestas universitats francesas ; es una causa estranha que los meteisses professors universitaris de letras occitanas fosquèssen los primièrs a desvalorizar una Òc-oficialitat de l’occitan en Occitània.

Imaginatz …. aprèp aquò : «Une Suisse romande qui est en outre la région la plus dynamique du pays», ça diguèt. Lo mot «pays», aquí explica Estat federal (es un real problèma aquel mot de país, dins totas las lengas latinas). Es efectivament quasiment improbable per Occitània que lo nivèl economic fosquèsse mai dinamic que la region parisenca que monopoliza los siètis de multinacionalas francofònas. Mas s’imagina que pel locutor diplomata de Bern es lo pès economic que farga l’usança que se dèu d’una lenga ; es alara un discors en desfassament ambe l’idèa de minoritat, o alara una minoritat per aver rason lingüistica se dèu desvolopar mai que l’autra majoritària ? benlèu que la causa risca fòrt de desvalorizar mantunas politicas lingüisticas, per exemple aquela del francés en Belgica, o del francés en Lotarengia.

La ciutat tolzana es la mai dinamica actualament al nivèl de l’Estat francés…. mas l’occitan i es mesprezat politicament e escolasticament.

Tolosa Globish

-°-

And with the french language, english speaker are’nt not soo easy !

accent anglés a la television CBC

E segur que podrètz confirmar que los monoteïstas lingüistics an sempre problèmas ambe la diversitat lingüistica.

dilluns, de febrer 10, 2014

marca comerciala e lenga occitana

Vos vòli mostrar dos documents que vos podràn donar idèa del bilhet d’anuèit :

Image

Ambe “BonGran” sabèm que lo produït es jà dins un territòri de produccion en Occitània ; es una vièlha marca qu’es emplegada dempuèi mai de 30 ans, per exportar lo bon gran de Camarga. Lo rís de Camarga aguèt un reviscòl al moment de l’arribada d’aquesta marca ; la marca a una vanaçada clara, es biologica, es de dire produsida segon las vièlhas manièras agronomicas occitanas en Camarga.

L’occitan frena pas la comercializacion se la lenga es dignament emplegada. E que me trufa de saber que los Franceses sábon pas prononciar, l’aprendràn pauc a pauc, lor servirà de leiçon sobre totas las lengas d’originas latinas.

Aprèp se pausa la grafia ; seriá considerat seriós d’aver “Boungroan” ? Es la solucion grafica de l’establiment CAPUCIN, la coupetado.

La rason de la grafia tòrta es sistematicament la meteissa, coma se los Franceses an pas de saber que la grafia de la lenga occitana es estada establida entre 950 e 1050 pels letrats de Lemosin a la demanda del Duc d’Aquitània. E coma se los Franceses èran sufisament estupids, entendèm jà l’idèa o lo fantasme : Coupetado, los Franceses sauràn prononciar, mas de tot biais pauc impòrta la grafia, son incapables de prononciar coupetado, o copetada, l’accent tònic es sistematicament un problèma pels Franceses, sense parlar de la fonia de la lenga occitana.

A la finala, voldriá mostrar l’estupiditat de causir una grafia qu’es la grafia francesa per una lenga qu’es pas francesa, mas de l’Estat francés, e bravament latina, la grafia modèrna e anciana de lenga occitana.

Rohan Rouen grafia e nòrma francesa

diumenge, de febrer 09, 2014

Una pèira dins la publicitat francesa

Segur que devètz gaitar regularament una publicitat d’una assegurança, aquesta dimenjada o faguèri tanben a la television :

Publicitat francesa per una assegurança

Al meteis moment sus la via ferrada entre Dinha e Niça, a Annòt exactament, un tren es accidentat per una pèira que tomba de la montanha, las rasons semblan èstre variablas, e complicadas de determinar. I a mantunes mòrts, e nafrats ; la linha de tren es mesa en dangièr coma un servici public, per l’enquèsta e benlèu tanben pel futur.

Tren de las pinhas 2 comentat

La conjoncion d’aquelas pèiras de tomba mal, me sembla donar un gost a la publicitat televisada d’una companhiá francesa, un gost amar. La publicitat d’una entrepresa d’automòbils me sembla talament amara, arribar al maissant moment d’actualitat ; e alara ameritariá d’èstre arrestada, per al mens, mantunas setmanas.

Estupiditats regionalistas diferenciadoiras

I a pas que los Occitans que fan regionalismes lingüistics, los locutors del Grand Grand Sud o fan tanben, los de la «Comunautat» de Valéncia en país del PP regionalista zo fa e los seus amics tanben ; la recenta mediatizacio ndel diccionari del valencian o aurà provat ; l’administracion de l’Estat centralista ne fabrica, alara, per region d’administracion, que fosquèssen fiscala coma per l’ancian regime, o decentralizadoira coma dins la République Française, o Comunautats autonòmas coma dins lo regime pòstfranquista de Madrid.

Pont linha Coni-Niça comentat

E alara son a fabricar novèlas identitats legitimistas, lo poder central fabrica aital guèrras entre realitats lingüisticas similaras, entre locutors e locotriças, dividir per regnar es lo tèma politic costumir ; la frontièra, talament desvalorizada pel sistèma centralista (quora se parla de desvalorizar la lenga dividoira, segon els) per non ne far el (!), fabrícan fontièras dins los ments dels malauts del legitimisme d’Estat, e aiçò n’an mestièr per damorar al poder en regions administradas o sotmetudas, al modèl de las províncias romanas.

La revista Presència publicada ambe ElPUNTAVUI, prepausa una fòto per descriure aiçò :

estupiditat regionalista per la lenga catalana

«volem llibre en idoma calencià no en català» (fòto que data de set ans fa), coma occitan m’agrada d’aver en man libres en idiòma catalan e valencian, per la simplicitat de lectura e la qualitat de l’edicion. Alara aquesta frasa ne fau una interpretacion politica, es pas question de qualitat de la lenga, al contrari – me sembla. E farai un recòrd als lectors e a las lectriças de la «comunautat» que se sentís envadit per Barcelona ; ieu m’agrada d’aver Barcelona coma referent, mas soi pas brica per l’invasion del parlar catalan de BCN dins l’occitan, nimai del parlar tolzan dins l’occitan del país Gavòt !

Nosautres, Occitans, e Occitanas, avèm, non pas los «blavers» de València, regionalistas lingüistics e politics, mas una espècias diversificadas de legitimistas, e de còps vívon en Aran coma elegits del pòble d’Aran (…), ne farai un bilhet un còp al futur, mas ara de que son aqueles en Occitània :

- lo «scientifics» Lafita qu’es estat sonque diplomata per França, e que dempuèi sa residéncia parisenca, explica a L’Express (que los jornalistas son pas anats sul terrenh) que lo gascon es diferenciat de la «rèsta de l’occitan», aquela rèsta es lo lengadocian ; es un amic de l’Institut Béarnais et Gascon (subvencionat pels socialistas del Conselh General de Pirinèus d’Atlantics), fargat per deferencializacion e que las idèas politicas se pòdon ajustar de l’ancian conselhièr regional del FN, Alexis Arette. Son aqueles qu’an ajudat fins ara, al fren de l’installacion dels panèus en occitan en Bearn.

- l’associacion arlatenca, colectièu prouvènço, explica que la frontièra es Prouvènço, parier que unioun prouvençalo un còp èra (los ai encontrat, e son aps estat capable de me parlar provençal, perqué èri estrangièr vist qu’aviá passar Ròse per arribar a Marselha en tren)… se sap gaire s’aquò se deslimita al Ròse, del costat Oèst, o al Var del costat Èst. Aquel regionalisme li agrada d’èstre francés, mai que los Franchimand Guaino que refusa la signatura de la Carta Europèa de las Lengas (e ne pòdi far critica d’aquesta carta e de la volontat socialista de la signar ambe apondon que me sembla contrari a la quita Carta) ; son d’una especiala «marcoProuvènço» que fan de regionalisme sense saber, mas castígan los Occitanistas de fabricar division, d’èstre independentistas, causa que dobti e ne soi quasiment segur.

- aquel monde nèga evidentament l’unitat de la lenga occitana, e o fan tanben quora l’imperialista impausa lo prouvençaou dins la Comtea de Niça que s’i parla lo parlar occitan de gavotina, o quitament l’escrit ligurian (es lo meteis biais de pensar que los imperialistas franceses a Niça) e aiçò assegurat per una Acadèmia a Menton, o dins l’espaci lingüistic de mantunes locutors que se pòdon exprimir d’un biais occitan talament similar a la glosia generala occitana.

Es evident que las frontièras administrativas pòdon far deferéncia lingüisticas (mas Walonia a pas fabricat un francés especial, lo walon-francés de la granda Picardia se parla de l’autre costat de la frontièra d’Estat), mas es pas la fauta de las populacions, tanpauc, populacions que ni ambe Garona, Ròse o Var, an poscut fins ara trapar una reala frontièra lingüistica, alara que lo limit nòrd d’Occitània es plan conegut per las populacions. Un jorn benlèu, lo movement per la defensa e la promocion de l’occitan o valencianista serà prèp de las realitats, e non pas influenciats per las «tonterias» o tortesas dels regionalismes d’expansion lingüistica francesa o espanhòla.

la realitat en mapas lingüisticas (Comtea de Niça e País Valencian), estudiadas de prèp :

Mapa lingüistica de Niçamapa lingüistica del País Valencian

Es plan evident qu’es complicat de publicar mapas, me recòrdi una mapa de «Gasconha» que voliá installar una diferenciacion grafica, al modèl de «Joana d’Albret», donc aviá inventat un «Agenn» per Agen …. A la polida vila d’Agen, la diferencia dialectala, ni Frederic Mistral dins lo seu discors per Gensemin e l’inauguracion de l’estatua, ni la populacion naturala dels locutors o de las locutriças la sábon notar, la sabián notar (pels tempses que totes e totas parlaviàn la lenga) ; sobre la meteissa mapa, l’invencion èra estat dinca notat Peirigús en lengadacian, alara que la vila aviá demandat un estudi per establir aquela nòrma occitana, e l’estudi capcejat per un Joan Roux, grand lingüista occitan, aviá provat que lo melhor èra …. Peirigüèrs. Del meteis biais, sobre tèrra de vinha, la «frontièra» del nòrd per Gasconha a pas cap de sens ; la mapa l’establissiá clara !

Es evident tanben que la descripcion lingüistica es pas la descripcion politica ; Niça amerita d’èstre un Comtea democratica, administrada diferentament e politicament diferenciada de la rèsta d’Occitània, la «Granda Occitània» es multipla, complèxa e ne cal téner compte, mas es pas una question lingüistica ontologica a la lenga occitana, unica e pas ges uniformizadoira quora la disèm OCCITAN ; Sobretot cal pas fargar d’etnisme regionalista, ont n’i a jamai agut.

De meteis biais, una armada de conscrits abans la guèrra nacionalista francesa d’expansion lingüistica per Lorrena e Alsàcia, a jamai poscut provar que los de «prouvènço» èran pas capables en 1914 de parlar ambe los de Gasconha. E lo meu grand paire en preparar la guèrra de 1939, a pas agut problèma a DRAGUINHAN, per parlar la mesma lenga qu’en Agenés ! Los de «prouvènço» e de la «coupetado» de la familha Braç al CAPUCIN de Tolosa (veire bilhet següent), o devon pas saber (!) ; l’ortografia es pas una frontièra mentala o geografia, l’ortografia es pas la lenga, ni la lenga d’Òc, ni la lenga occitana.

reformar las regions decentralizacion 3reformar las regions decentralizacion 4Rohan Rouen grafia e nòrma francesa

De la nostalgia occitana se fan …

Ambe la nostalgia occitana non pòt que regretar aprèp que Occitània fosquèsse sonque toristica, aprèp. Mas benlèu que las letras franceses dins las universitats lor agrada melhor ? Nostalgia seriá melhor que dignitat nacionala ?

Una genta poetessa nissarda publica anuènh una poèma sobre lo «Tren dei pinhas», lo tren de la linha Dinha-Niça ; aquel a agut un grèu accident ièr. Alara es lo moment de fabricar de la nostalgia del tren sense accident ? Mas perqué ara.

poesia occitana de gavotina

Las letras son polidas, es vertat ; mas farà simplament melhor passar una certana nostalgia, un pessimisme ontologic al movement de las letras occitanas ; un pessimisme qu’es ontologic al movement, e que se cura ges en cambiar de sègles.

Alara per recebre subvencions de la region, sistèma de la decentralizacion, la companhiá de servici public entre Dinha e Niça, aurà de se transformar en «train touristique» ; e per notar l’informacion, Le Temps a Ginèbra, s’engana pas :

Le temps tren de Dinha-Niça

Es un tren que passa quasiment sul limit lingüistic entre lo país de l’occitan provençal e de l’occitan gavòt. Un limit que quitament los occitanistas qu’i cercan frontièras, sábon pas determinar perqué l’an quasiment pas estudiat, o que l’an jamai volgut ne valorizar los estudis ; una enquèsta precisa es estada faita per un doctorant pron conegut e … desvalorizat per las universitats francesas d’Occitània, las letras dei Èst-algics.

Cal notar que lo tren a agut un accident, non pas pel material nòu que la region regionalista francesa aviá donat, mas per un accident meteorologic, una pèira a davalat del mont a la seguida dels maissants tempses en seguida dins lo mont alpin d’aquesta region elonhada d’Occitània, Èst Occitània.

L’informacion a donat aquel tipe de realitat :

tren de las pinhasTren de las pinhas 2

Notatz l’accent del cònsol d’Annòt, Joan Ballester, dins l’entrevista se dirà clarament qu’es un tren «gerit per la region», «[….] es un tren als usancièrs que l’emplega regularament». Aiçò pel «Train touristique» que Le Temps a segurament notat dins una nòta de l’agéncia de premsa parisenca AFP.

Son toristas que son estats tocats per l’accident, donc en dangièr de mòrt o mòrts jà ; lo moment es grèu per aquel tren regional de servici al pòble occitan del País Gavòt.

Lo moment es grèu, tanben, perqué es pas segur que l’accident aguèsse pas consequéncias importantas per aquesta linha tanben ; se la linha es en dangièr encausa de las variacions del temps, dangièr de montanha (coma lo tren gròc en Serdanha), se cal pausar la question del còst de la mantenença de la linha, e se los mejans dinerièrs dels CRs seràn sufisents per la manténer viva e pel desvolopament armoniós de Cerdanha e del país Gavòt d’Occitània.

Sèm luènh de la nostalgia occitanista…

dissabte, de febrer 08, 2014

La TV es un grand finestron sociologic

Gaiti rarament la television, sovent a l’ostal de familha ; donc aquel divendres ai gaitat la publicitat, perqué es un concentrat de clichés sociologics …. recentament un professor catalan explicava lo centralisme espanhòl fàcia al centralisme francés, e prenguètz la placa d’immatriculacion aznariana, espanhòla, fàcia a las placas d’immatruculacions sarkozistas ; totes son estadas novèlas de lor tempses.

Alara divendres ai gaitat las claras placas d’immatriculacion dels veïculs polits en preséncias dins las publicitats francesas :

BMW PublicitatPeugeot Publicitat

Los dos veïculs son a la campanha (una vision de l’ecologia, e una anticipacion, caldrà anara al campèstre ambe aquel tipe de veïcul al petròli e aver un autre veïcul electric en vila ?), contrariament a SEAT que nos prepausa una fantasmagorica passejada en vila, al modèl ancian del productivisme industrial automobilistic.

Lo veïcul alemand a la placa alemanda, e l’eslògan de la marca es en lenga alemanda, Das Auto, Wir Leben Auto, o quicòm aital (aquí avèm BMW, mas Open èra del meteis escantilh). Mas abans la fin de decembre 2013, la publicitat prononciava l’eslogan en lenga alemanda, ara pus. Benlèu que las aurelhas an siulat.

La placa donc es damorada alemanda.

La placa de l’immatriculacion Peugeot, marca franco-chinesa, es …. del non endreit francés ; un còp èra se podiá èstre de 75, 78 o autra numerologia parisenca ; ara, o es pus, es silenciós coma las placas de l’arnaristan vesin, lo Grand Sud de Tolosa. Las marcas francesas fabricada al nòrd de l’Estat an pauc de mejan de pensar qu’un eslògan podriá èstre en occitan, dins lo campèstre occitan… los Occitans son clients del mercat-Estat-nacion automobilistica francés, e res qu’aiçò.

La television es un grand finestron sociologic, e quora la television es en lenga occitana la fotografia es pas brilhenta, e sabi pas s’es lo supòrt o la populacion qu’a perdut sa lenga malgrat totes los fantasmes lingüistics portats per las universitats occitanas de letras occitanas.

Lo contengut per una tv en catalan.

L'autopromocion per una television ensenha fòrça per comparar ambe OcTele .... Aquesta novèla television catalana es pas francament novèla, mas simplament l'aumentacion del contengut per una television qu'èra jà naissenta, Canal Català, difusion TDT-TNT en zòna limitada. S’espèra las autorizacions oficiala d’integrar la TDT-TNT sul canal numeric de Canal Català.

Autopromocion per una television

Pel moment, la promocion de OcTele la fabrica los elegits dels Conselhs regionals, es pron personalizats («vos convidèm a la prochèna promocion d’aquel canal Internet al Conselh Regional a Tolosa», entendut la setmana passada), e los contenguts serioses son esperats, i a l'aisina, mas res dedins. Car per aver quicòm dedins, car al mens redactors, jornalistas, tecnicians de tot escantilh (marquetins, sonals, telefonic, Internet, etc.), unes programators, unas sorgas d’imatges, unas grandas imaginacions e creativitats, unes escambis internacionals, e donc bravament mai de 400.000 € de subvencions ! Un programa de television coma un programa de ràdio necessita una equipa de creacion coma per la creacion d’entrepresa, e una finalitat qu’es trapar finanças per compeltar lo bon desvolopament de l’ensemble arquitectural audiovisual – tot aquò es ges ensenhat en universitat de letras)

Mas aquò del mediòcre OcTele – e que se ne parla dicretament dins lo mitan occitanista que gaita- aurà unas consequéncias : - France 3 se sembla despertar ... mas ambe las sampiternalas idèas regionalistas dins los caps ; una enquèsta es demanda a mantunes lectors e auditors o simpatisents per saber de quina manièra … France 3 podrà enmplenar de contengut per … respectar una Charta de fRANCE Télévision que lo sistèma politic a jamai abut far respectar pels sindicats coorporatistas coma la CGT jornalistas. – per contra aurà consequéncia, aquel desgalhament d’argent, de desvalorizar tot autre projecte seriós per aver mèdias en occitan seriós.

Alavètz o caldrà plan escriure liurament, los elegits de l’occitanisme politic an quitament pas la nocion de desvolopament, la militança donarà un avuglament de granda dimension ; las pichonetas subvencions per las ràdios en occitan an pas ajudat per desvolopar tot aiçò ; las mediòcras estacions radiofonicas son en dangièr actualament, e alara la conquequéncia urosa serà pas aver programas radiofonics de qualitat. Alara, tornar far las meteisas enganas qu’en debuta de las annadas 1980, me sembla d’una fauta de memòria istorica.

Una television es un projecte industrial, e donc a l’inexistença d’una mercat occitan, cal una intervencion politica, mas la cal seriosa, e la fauta de seriós non la tenon los elegits occitanistas, mas simplament los autres elegits qu’an lo real problèma en man.

Pel moment, lo sol mejan qu’avèm per aver mèdias en lenga bessona catalana e que la redaccion pensa pas lo parisenc correntament, se cal brancar sus Catalonha, www.324.cat per exemple, mas avèm tanben la coorporativa de las televisions localas catalanas, e tanben BTV per la vila de Barcelona, e se parla del contengut de Canal Català ambe un grand grope de premsa independent en lenga catalana, un espèr nos damora quora abaissàn las montanhas, e aiçò sembla qu’o devèm far dempuèi sègles e sègles sense gaire d’ajuda dels sistèmas politics e associatius.

-°-

Publicitat dels dreits de Catalunya

Aquesta publicitat amerita d'ensenhar lo camin de Barcelona, mas cal pas oblidar que lo Dreit èra tanben establit en Occitània (Navarra-Bearn, Comtea de Niça, Comtea de Venaissin, Ducat d'Aquitània, Comtat de Provença, etc.) ; la França e l'establissament republican francés se carga de nos lo far oblidar dempuèi un sègle, e los professors de las universitats de Dreit (francés) se carga de l'oblidança.

-°-

Un programa magnific que presenta Barcelona

Barcelona 3Barcelona 2

dijous, de febrer 06, 2014

Tolosa + LGV + Barcelona –> Lo Monde !

N'i encara que se son demandat de qu'es utile d'aver la LGV de Tolosa cap a Barcelona ? 

Lo còst real pels budgectes de la vila-aglomeracion de Tolosa es estat de zèro, lo còst environamental per las tèrras agricòlas es estat de zèro, la promocion de las òbras es estada quasiment zèro ; lo sol problèma aurà calgut esperar, per rason de nacionalisme SNCF, mai de 25 ans.

Las facultats logisticas de BCN El Prat, e tanben lo pòrt de BCN, son importantissimas per l'economia de Tolosa, e d'Occitània (per exemple l'Europòrt interior).

Las lengas que fan aiçò possible sense gaire de dificultats son l'occitan e lo catalan, lengas bessonas, lengas istoricas, lengas politicas, lengas de dubertura sociala e de convivència mediterraneana. 

Quina son las lengas emplegadas per la SNCF per aver clients per los portar a l'aeropòrt de Barcelona El Prat ? L'espanhòl e la bandièra franquista .... i a pas quicòm que truca ?

Lo document informatiu sobre las possibilitats de l'aeropòrt planetari lo mai prèp de Tolosa, Carcassona, Agen, Albi, Castras, Cáurs, Montalban, Blanhac, Narbona, Pàmiers-Fois, es en ligason al messatge en pdf, lo podètz legir es en lenga catalana ;es un article de Vilaweb. Pensi tanben als ciutadans occitans cap a Provènça, Monteleimar, Avinhon, Nimes, Montpelhièr, Marselha, son concernits.

Lo monoteïsme lingüistic francés, en lenga constitucionala o globish, es un real problèma republican per Tolosa ; l'administracion de Tolosa causís pel futur sonque l'anglés e lo francés coma lenga de trabalh, es donc un problèma grèu pel XXIen sègle.

Vaquí mantunes elements que fan que me sembla importantíssim que lo catalan E l'occitan fosquèssen realament una politica dedins la vila de Tolosa, dins totas las escòlas de la vila mondina, per la visibilitat reala de las vilas occitanas, pre una abandon de l'ipcrisia nacional-lingüistica francesa.

O cal recordar, es un avion -mot occitan- fabricat a TOLOSA e qu'aurà una relacion permanenta ambe lo monde via BARCELONA, CATALUNYA !

Torre a Barcelona Catalonha

Aquela tòrre es aquel que ajuda Tolosa a aver relacions orientadas quasiment en 3 oras ambe lo monde sancièr.

Tolosa Doman

Tolosa, Occitània : los dracs politics franceses son en campanha, coma dins un ancian regime republican o reial francés.

-°-

Bordèu Cultura

Sempre totas las ciutats d’Occitània son estadas dubertas sul monde, sola o ambe lo colonialisme francés, coma Marselha e Tolon.