Lo poder socialista a causit, ambe l’ajuda d’uan administracion francesa, la lenga del futur per Tolosa ; serà l’anglés o puslèu lo futur globish. Se podrà pas dire qu’i a pas de politica lingüistica a Tolosa, l’administracion tolzana pròva aital una mena de nacionalisme d’Estat, regulat benlèu per la banda que se vei sul blason en cap de la vila mondina ; lo poder aprisenc explica que cal apréner l’anglés a l’escòla e l’administracion tolzana intrdusís l’angloblish dins los logicials liures novèls.
L’administracion tolzana a decidat de passar al logicial liure, es segurament una bona causa … en foncion del foncionament dels logicials que serà benlèu mens car d’emplec que los logicial actual. Mas lo problèma es endacòm mai.
Es l’administracion centrala (prèp del poder dels capitol) qu’es a man de causir las doás lengas que feràn empleda pels logicials liures tolzans. la meteissa administracion dèu pas saber qu’i a una demanda de la populacion per una poltiica lingüistica per l’occitan ; es l’enquèsta amagada del Conselh Regional … que las chifras interessan quitament pas los Occitanistas en campanha electorala.
La lenga anglesa es estada objecte de rason per establir l’article 2 ; es un primièr ministre d’expliquèt en 1999, junh, al Parlament que l’article èra per evitar que l’anglés devenguèsse la lenga imposada per l’Union Europèa e lo seu dreit. L’administracion francesa a çaquelà jà causit, serà plan l’anglés pels logicials liures…. E soi segur que, vist que l’administracion governa, quitament a Tolosa, l’anglés serà imposat contrariament a l’article 2 de la constitucion… Quora se parla de l’article 2 de la constitucion, es sistematicament l’administracion francesa que nos sortís lo meteis article contra l’occitan.
De moment que l’administracion governa lo politic, podèm pensar que dins dètz o quinze ans –e soi pessimista- l’anglés serà la lenga de l’administracion francesa.
De mai, quora se parla d’aquò, pels candidats socialistas de la lista Pierre Cohen, la question los interessa gaire pas.
De que servís de votar, se sabèm que los que govèrna o fan pas dins l’interès del pòble occitan de Tolosa, pòble qu’es acostumat de las ipocrisias politicas e que l’administracion tolzana decidisca quasiment tot, ambe un personal politic quora se vòl semblar a gentes gossets de l’accion publica.
-°-
Rapèl istoric de la progression d’una imposicion del francés en Occitània :
Aquò debuta aital, sistematicament per una imposicion administrativa, per las aisinas administrativas, e aiçò dempuèi la conquèsta d’Aquitània e la batalha perdudas pels Gascons d’Aquitània en 1453, l’imposicion debuta en 1470 …. Edicte de Villers-Cotterêt, per regular la lenga administrativa d’Aquitània qu’èra lo latin e lo gascon o lemosin, contrariament a la règla del rei qu’a volgut SA lenga coma lenga unica.
Malastrosament, la legitimista tolzana fabrica unes plega-esquinas administratiu de gròs nivèl ; es una granda tradicion politica, e l’arribada de foncionari francés a Tolosa a pas ajuda a non pas trapar una mena de re-accion antinacionalista lingüistica francesa, benlèu que val melhor d’estrangièr que de “locals” tanben….
-°-
Cap comentari:
Publica un comentari a l'entrada