arcuèlh

dimecres, d’abril 12, 2017

La libertat dels pòbles, istòria de l'anarquisme ensenha

Segon los revinionistas franceses : « l'Estat francés es sant », e pauc impòrta l'etiqueta, e donc nos fau aisir las estupiditats sus l'istòria d'abans 1939, repetada recentament per Marine Le Pen, mas qu'èra ditas abans per Charles De Gaule o Georges Pompidou, aiçò son paraula de negar, e fau protestar contra lo revisionisme francés, e vaquí un republican francés (veire l'illustracion) qu'a creat camps de concentracion per la repression politica francesa contra vertadièrs republicans catalans, bascos, galicians, aragoneses ... e un pauc espanhòls (mas pas en globalitat, espanhòls car de Castilha e d'unas regionetas al entorn).


Vos fau gaitar en urgéncia los dos documentaris d'ARTE sus l'anarquisme, vos indicarà al final lo ròtle dels bolchevistas-sovietics-trosquistas per dintrar dins lo camps de la repression de la liura pensada de l'anarquisme, coma èra repression tanben lo regime de las familhas (las vièlhas « 7 fermes » de l'espaci reial francés). E pensatz qu'an cambiat ? Alara vos fau legir las oblidanças de Jean-Luc Mélenchon sul tèma de la patz en Miègterranèa (bilhet precent) que s'oblida lo pòble catalan ; se comprendrà melhor perqué de manièra istorica en gaitar lo documentari nimèro 2 d'ARTE TV.


 ligam d'Arte -disponible 7 jorns

Fau oblidar lo ròtle d'acompanhament d'Édouard Daladier (Carpentràs) per nommar lo « gente » general Philippe Pétain coma ambaissador de l'Espanha unida pel franquisme, sul modèl de la repression bolchevista-sovietica e trostkista. E l'ajuda de FORD, l'entrepresa, alara fau melhor entendre perqué FORD s'es installada a Sarragossa e que l'unitat es logisticament mal installada pel mercat europèu... Faliá ajudar lo regime franquista !

E Édouard Daladier que participa, coma clau del jacobinisme a l'«Estat francés» fachista per signar aprèp los accòrds de München, la fin de la guèrra contra los nazi e la sotmission de l'Estat francés a las règlas nazis, e tanben contra la repression mai fòrta contra la comunautat de religion josiva, comunista e omosexuala. fau notar que l'origina de Carpentràs d'Édouard Daladier es lo fogal de la mai granda comunautat josiva d'Occitània ; e anuèit lo fogal del vòt lo mai fòrt per Marine Le Pen.

Fau notar que la republica francesa es sistematicament representada per la gendarmariá, e cada còp que s'i tòca, i a sempre un jacobin per dire « qu'es la republica francesa qu'es tocada » ; donc quand son los organizadors de l'enbarrament dels republicans catalans, bascos, aragoneses, galicians e espanhòls, son sens qué fRança, non ? 

 
Sèm en febrièr 1939, la debuta de la guèrra de 39/45 serà en agost, lançada per l'invasion dels Estats vesins de Prússia, devenguda l'Estat del Reich nazi.

Fau notar tanben que los republicans espanhòls - non anarquistas - son estats ajudat pel regime bolchevik installat dempuèi 1917 en Rússia ; lo regime franquista es estat ajudat per FORD, pel regime de Mussolini e pel regime nazi, liurament elegit en 1936 a Berlin. La cremacion de Parlament de l'Estat alemand èra un anarquista, la repression se farà contra los comunistas, en deportacion. La guèrra de Barcelona durèt una setmana ; es estat una guèrra qu'acava republicans bolcheviks e Estat de Madrid, contra lo sistèma politic anarquista de Barcelona, la CNT-FAI « al poder», la lenga d'emplec administratiu èra ... LO CATALAN.

L'error dels anarquistas es estada de donar quatre anarquistas al govèrn republican de Madrid e aital se divisèt lo movement anarquista de Barcelona (lo mai fòrt) ; a partir d'aquí, la fin dels republicans en general èra programada. Sembla que l'istòria se tòrna quand los ECO-SOCIALISTAS e « liberals » de CIUDADANOS (ALDE) fan creire als Catalans que la solucion es lo federalisme en Espanha. Lo PP -post-franquista- vòlon l'Estat tal que F.Franco o desirava, l'imposèt.

Alara podèm melhor comprendre perqué la pensada sovietica d'un Jean-Luc Mélenchon li agrada pas de veire lo pòble catalan prendre l'arma de la democracia, pacifica, per demandar l'independéncia ; sèm donc dins la meteissa linha de pensada que los republican castelhan d'un còp èra... manipulat pels bolchevik, o per una vision Putin de l'Euròpa...

Lo ligam d'Arte TV arriba a un moment particularament utile per la pensada d'aquela campanha electorala; e fasèm pus aquí de tròçes d'umors, la realitat istòria tòrna a grandas piadas.

E lo libre de Pascal Blanchard parla pas d'aquò, mas me sembla dins la dreita linha d'aquela pensada suls parallèls que podèm far sus aquel periòde e la vida electorala d'anuèch en fRança.

Sembla que d'unes capítan pas de veire la diferéncia entre Jean-Luc Mélenchon e Benoît Hamon, per me es granda. 

Que far al moment d'un segond torn entre Marine Le Pen e Jean-Luc Mélenchon ? L'istòria de l'organizacion anarquista dona dins la paur ; aquela de pensar qu'es lo meteis problèma. Vist de manièra diferenta, mas la meteissa repression per los que pensaràn pas coma els.

Que far al moment d'un segond torn entre Marine Le Pen e Emmanuel Macron / François Fillon ? L'istòria de l'organizacion anarquista dona dins la paur ; aquela de pensar qu'es lo meteis problèma. Vist al novèl del capital monopolizar per familhas de la bona pensada, la dreita pensada d'una casta que capita a la gestion del capital de totes (fiscalitat de totes) mas pas per totes, per familhas.

Me sembla qu'al final, fau abandonar de votar en fRança ? E daissar los autres ciutadans decidar per me ? Non. Donc encara un còp fau anar al mendre mal. Vos lo daissi trobar solet. Fau daissar contunhar lo negacionisme jacobin ? Lo jacobinisme es lo piège de regime, e la manipulacion contunha, lo bilhet d'aquel blòg serà longtemps necite.

LGV Tolosa - Bordèu es NON e NON !

La question se pausa encara, perqué aver una linha TGV per anar préner l'avion a Paris ? Idèa de perdre de temps ? L'esperit jacobin es insondable... L'aerolínia Level ja ha venut més de 100.000 bitllets per Barcelona ! Segur que los Tolzans devon èstre mai estupids que los autres, per vóler perdre temps dins lo trauc logistic parisenc ?

Barcelona / LA, SF, BA, Punta Cana ... es possible, 3 oras de TGV dempuèi Tolosa ... ligam de premsa.
 
Benlèu que la linha TGV que Tolosa se vòl pagar es utila per : 
1 / los foncionaris d'Estat, jacobinisme,AH lo confort de l'administracion jacobina nos còsta caríssim.
2 / los quadres de La Défense, jacobinisme d'entrepresa sul mercat-Estat-nacion francés, jacobinisme encara, los quadres d'AIRBUS an jà linhas directas per Londres, Hamborg, Franckfòrt, Turin-Milano, Roma, Barcelona, Madrid ...
3 / per portar los toristas parisencs a Tolosa ... e pòdon pas préner l'avion per arribar a Tolosa ? E a l'invèrs tot parier. 
4 / es benlèu utile pels deputats e senadors que representan lo jacobinisme, mas pòdon pas estauviar e préner l'avion ?

La peticion per la linha TGV de Bordèu a Tolosa es NON per me ; vòli pas destrusir las tèrras agricòlas en val de Garona, faudrà minjar a Tolosa un jorn (!) ; çò qu'avèm pagat aprèp Tours direccion Bordèu : es una engana de la partidocracia jacobina sus l'esquina de la fiscalitat dels Tolzans, dels ciutadans d'Occitania ; Lor faudrà far pagar en vòts.

dimarts, d’abril 11, 2017

Cap cambiament conceptual previst a Paris per LA NATION

Una novèla arriba d'un grand cambiament per la ... PLACE DE LA NATION a Paris ; son pas previsions per una revolucion o una revòlta dels emplecs imperialistas del mot, mas un cambiament per la circulacion ; non se farà pas al revèrs, contunha coma abans, la nacion es encara un emplec juridic qu'amaga la ciutadanetat (serà engana lo juridic qu'amaga l'antropologic d'una casta borgesa parisenca, o de la colloboracion a la sotmission dels pòbles), mas se fòrça totjorn los pòbles de fRança de parlar la lenga de la casta al poder, de l'edicte de Villers-Cotterêt, edicte reial en republica.

La plaça de la nacion dels parisencs, aquel pòble regionalista qu'imposa als autres sa vision universala del monde, serà renovelada per aver una vision ecologista de la circulacion a Paris.

Aquela pichoneta revòlta es deguda a la majoritat d'esquèrra capcejada per una filha de republican espanhòl; son los filhs de republicans espanhòl son plan dintrat dins lo motle del jacobinisme, e ne fabrícan revolucionetas de granda dimension.

Recentament una partida de la populacion pensa que la revòlta contra l'Estat francés es pas una rason rasonabla e istorica per la rafle du Veldiv ; es oblidar que los republicans bascos, galicians, aragoneses, catalans e espanhòls son estats empresonats en « camps de concentration » per la santa republica francesa; es oblidar que lo Philippe Pétain aguèt lo vòt de Bordèu en 1939 per arribar al poder. Donc coma diriá François Fillon, lo panatòri de la democracia èra legal.

O farà en batèu perqué es belga e sap pas que la seina traversa pas la plaça ; e seriá estat una bona causa per netejar las turpituds politics dels jacobins, naturalament.

Sembla qu'en fRança l'ignorança pòrta tot tipe de candidats al cap de la potencialitat d'èstre lo cap d'Estat; es assegurar una granda istòria francesa, benlèu que lo fait d'èstre truands es essencial per arribar al pòst de l'Elisèu ? Es benlèu ontologic a la famosa place de la nation qu'engana los pòbles de fRança.

Es que devèm votar pels truands per èstre democratas ? 


Es que quand lo candidats es clar, farà mens d'intencion de vòts que los autres, dins los sondatges ?

Emmanuel Macron, creire la paraula politica ?

Fau creire la paraula politica dels jacobins, dempuèi 1981, lo discors d'An Orient sabèm que non ; aquò farà 30 ans que dura aquela comèdia de campanha electorala jacobina. E que tòrna dins la boca d'Emmanuel Macron en Corsega, ont diguèt qu'es per l'ensenhament del còrse, bràvo, mas es dejà fait ! L'an aps esperat en Corsega, e sabèm que las bombas son estadas mai eficaças que lo discors jacobin sul tèma.

Emmanuel Macron lo campanhejaire de las pòrtas dubertas ?Un còp en Corsega, un autre en Bretnaha, puèi en Alsàcia per un autre, etc... mas lo problèma de las lengas es a l'Acadèmia francesa, Académie française, que l'Estat francés, l'administracion centralista, paga per destrusir la diversitat lingüistica en fRança.


Sabèm que la representacion de las institucions administrativas francesas son contra l'EGALITAT quand se parla de lengas.Imaginatz la revolucion, l'administracion francesa parla alsacian en Alsàcia; l'administracion francesa adptada a la ciutadanetat que ne fabrica la gestion ; en Péyi Guiana parla la lenga de totes, dins la granda diversitat...


Lo sistèma jacobin es tot levat per la libertat de parlar sa lenga, tot levat l'egalitat entre las lengas, tot levat la fraternitat entre locutors de lengas diferentas ; es ONTOLOGIC al sistèma francés. Es plan d'accòrd per aver una lei pel francés, una lenga dementre las autres, mas al Quebèc ! E sense aquela lei 101 al Quebèc i auriá pas jamai agut de l'egalitat lingüistica al Canadà, jamai.

E bastarà pas una pichoneta afica dedins los corredors d'una administracion per far la revolucion lingüistica que fau en respectar aital totes los locutors de lengas mesprezadas en fRança.

Donc se fau una libertat, una egalitat e una fraternitat per l'occitan, per la populacion que parla aquela lenga  e per la populacion a qui se demandèt de l'abandonar per la gloriosa lenga d'Estat, per refusar de dire als migrants que la lenga occitana es lenga de totes en Occitània, es pas simplament una ratificacion d'una lei europèa qu'ajudarà ; fau una revolucion lingüistica en fRança, e segur pas una revolucion modèl Emmanuel Macron.
Lo racisme lingüistic es fabricat pel sistèma francés, fau escotar lo bilhet de la matinada sus fRança CULture que daissèt platussar un cronicaire de Le Figaro, que segurament pas lector generós del Lemosin immigrat a Paris, lo car Claude Duneton escriviá dins Le Figaro.

François Fillon : "le vol éhonté de fRance"

Per los que sábon pas, per exemple los militants de la dreita nacionalista francesa, la fiscalitat de totes fabrica un Estat centralizat francés, la fiscalitat es centralizada e dona pas lo regime politic de l'Estat, car lo jacobinisme viu d'aquela fiscalitat centralizada (Macron la vòl centralizar mai), es efectivament legal d'enganar lo pòble per una usança de privilegiat de la moneda de totes.

François Fillon es estat vist la man dins la selha de la fiscalitat de totes ; mas per rassegurar totes los militants de la dreita nacionalista francesa, es lo sistèma legal jacobin lo problèma e François Fillon atrapat d'es un simptòma ; e qu'amerita d'èstre castigat ... Mas fau oblidar la familha Balkany, Dassault, etc. de la « familha politica » vòstra.

Alara quand lo filme de campanha assegura que sètz del costat de la lei, es vertat, mas que volètz pas que s'apliquèsse a totes la justícia que gaita las enganas dinerièras ; es lo retorn del blau de la revolucion dels privilegiats qu'an agut un jorn la sanccion guillotinària un 4 d'agost. La cançon la sabèm, la faudra atudar ambe un còp d'electricitat nucleara ?

Es que los candidats de la dreita nacionalista francesa son pel retorn de l'ancian regime ? 

Nos faràn plorar d'aver la man dins la scla del Trésor Public, la moneda de totes es pas al servici d'una casta d'un partit politic quitament se lo sistèma jacobin assegura una legalitat a l'afar.

Quand lo Revenu Universal serà sens que pels candidats e elegits de l'UMP-UDI ? 


E nos faudrà calar perqué los mèdias parisencs nos explicarà qu'es legal que los pòbles de fRança se fasquèssen panar los dinèirs de totes ?

Lo bilhet en seguida serà per Emmanuel Macron, car lo programa es gaire elonhat que lo programa de Frnaçois Fillon, pel moment sense cassòlas al cuol.

 
 Mas per clavar fau pas oblidar l'aficatge oficial ... legal jacobin, pensat amontaut.

dilluns, d’abril 10, 2017

Atemptat seguit d'un atemptat, la seria d'abrial 2017

Avèm debutat lo mes ambe l'atemptat de Sant Peterborg, que nos recòrda doás causas : 1 / las mesuras de securitat presas dempuèi la guèrra russa cristiana contra los Tchtchènes (pas acabada), son pas estadas pro sufisentas, mas en mai an bailat un imatge d'imperialista russa - imperialisme confirmat dins l'Àsia centrala (fau legit totes los libres sus l'imperialisme en general, es pas sonque d'oltra-mar. 2 / los ligams de l'ancian impèri sovietic a portat la lenga russa al delai de la populacion russa vertadièra, imposicion lingüistica, puèi russificada la populacion de l'Àsia centrala podrà mai aisidament dintrar en Rússia, la federacion novèla, mas aquel passatge ajuda d'anar guerrejar en Finlàndia o en Suèda (es donc pas las migracions recenta que son teroristas a Estòcholm o Groningen.
Fau oblidar lka guèrra en Afganistan dels soviets e l'intervencion nòrd-americana per ajudar los jihadistas contra lo sovietisme ; los aprentís de la manipulacion de las guèrras son los de Moscó E Washington. Fau pas far d'ostracisme e oblidar un camp puslèu que l'autre.
Las grandas capitalas son totas amb un rebat de notorietat important e devenon aital un finalitat de mediatizacion potenciala pels aprentís-terroristas pòst-jiadistas, o de engenherium jihadista.
La television de Barcelona parlarà mai d'Estòcolm que non pas d'Alexandria ...

Los dangièrs son pertot, quitament dins lo deltà del Nil, e donc sus las ribas de Miègterranèa coma lo pròba l'ataca contra las glèisas cristianas en Egipte ; fau notar que lo judaïsme e lo cristianisme èran presents en Egipte abans la paraula de Mohamet e las mosquèas. Fau pas oblidar que Líbia e Tunísia son dins la meteissa situacion qu'Egipte, e que la violéncia dels jihadistas ajuda Israël per castigar mai fòrt los Palestinians, coma lo jihadistas son una ajuda preciosa per gardar l'armada al poder en Egipte, e donc interdire la democracia, causa que l'integrisme musulman non li agrada.

Donc mai i a d'atemptats, alara tot va plan pels jihadistas e pels mèdias (qu'an aital mai de tele-espectators e mai de publicitat) ; lo mercat li agrada los atemptats del jihadista ; i a pas agut de moment especial per un concèrt de la patz a Baiona (!), la patz interessa pas los mèdias europèus.

Tocar Egipte es tanben ajudar a destrusir un Estat que lo balanç entre comunautats musulmanas e cristianas es fragil ; fauta gaire qu'una guèrra civila religiosa en Egipte...Mas lo Papa arriba benlèu qu'ajudarà tot aquò?

Tocar Egipte e lo deltà del Nil es tanben tocar Miègterranèa, la mar esséncia de la democracia e Alexandria n'es una clau.

Se la guèrra en Síria s'acabarà un jorn, fau esperar ambe lo depart de la familha Assad, lo terrorisme pòst-ISIS farà encara mai de mal a las vidas umanas al torn de la Mar Miègterranèa, e dinca l'Àsia centrala, d'aquí la paur de China, lo tèma dels Oïgors musulmans -prèp de l'imaginari turc de l'impèri perdut- dins un Estat confusean, devendrà d'actualitat, e lo regime rus a gardat lo capèl sobre fins ara, mas dinca quand ? ailà tanben son installats las tropas nòrd-americanas...

La gestion jacobina es un tombèu dubert per la finança publica

Dins dos dorsiers de la dimenjada avèm una fotografia pro precisa de las incompeténcias jacobinas per una gestion de l'administracion, e de la vida de las populacions ; prevenir dels dangièrs de cada jorn, lo jacobinisme es pas competent ; lo poder politic jacobin es pas competent.

1 / la ràdio explica tota la dimenjada lo decret ségolenian (instrument de campanha electorala, encara!) per barrar una centrala nucleara alsaciana ; l'entrepresa privatizada per l'Estat EDF fabrica una estratègia per non jamai barrar la centrala ; l'EPR en Normandia foncionarà  e alara la centrala alsaciana serà clavada ; òr l'EPR en Finlàndia a jamai foncionat e la construccion contunha ambe deute en perspectiva per las entrepresas francesas vist lo contracte signat, deute tanben per nosautres car sèm accionari de EDF-Nucleocrata. Se parla d'un EPR permanentament en recèrca de la solucion ; los artisans (es maissant pels artesans los vertadièrs) del nuclear o nucleocratas son a jogar ambe la populacion sobre la securitat de las populacions e lo sistèma partidocrata (partits e sindicats CGT-FO-UNSA-CFDT) son a jogar tanben, ambe la vida d'una societat sancièra ; la sola protestacion digna arriba d'Alemanda.
Pel nuclear coma per l'independéncia dita « nationale » lo jacobinisme pròba que l'enèrgia independentista (nucleocrata importada del Niger) fonciona pas ambe lo jacobinisme e lo centralisme republican, o regionalisme d'expansion politica curarà jamai lo problèma qu'a installat al pès d'Occitània, de las populacions d'Occitània ; la populacion es pel jacobinisme una instrument d'experimentacion, de recèrca per melhorar l'estupiditat que fabrica lo nuclear, e las factura enòrma qu'aurèm de pagar dins los budgectes pendent sègles.



2 / autre luòc d'incompeténcia jacobina, la gestion de las colonias d'oltra-mar, aital per Péyi Guiana (vist jà), mas ara la ràdio anóncia un ciclòn per Nomeà, Kanaky  : « mai de 10.000 ostalòts precaris serà tornats lotjar lo mai aviat possible » per las autoritats segur. Fau notar l'eficacetat de las autoritats jacobinas en temps d'urgéncia (felicitacions), mas en temps normal son absentas per lotjat fòra la precaritat la populacion ; avèm la fotografia en temps de ciclòn de l'incompeténcia de la gestion jacobina, l'expansionisme regionalista parisenc es una plega per las populacions localas ; amai lo jacobinisme refusa que la gestion se fasquèsse en tota normalitat directament per la populacion locala. es lo pus grèu problèma.
Quand se demanda una autra republica, la sieisena, jamai un partit explica que las populacions podràn sortir la gestion centralizada dels problèmas ligats als dangièrs que lo jacobinisme fabrica cada jorn dempuèi 200 ans, mai que l'Estat centralista prepara dins totes los regimes, republicans o reials, imperial o dictatorial.

diumenge, d’abril 09, 2017

Mélenchon, la pensada sovietica en òbra

Acabi d'escotar en linha, la pensada, un discors, de Jean-Luc Mélenchon sobre lo tèma de la patz... se debanava a Marselha : fauta fòrças elements a Mélenchon per capitar de pensar la Mar de Marselha, la coneisséncia de Grècia es pas sufisenta. Tout le monde : il est beau tout le monde il est gentil, levat los que doblidèm dins lo discors. Totes estimèm la patz, totes estimèm la colloquita diplomatica, mas quina son las basas per establir la discutida ? Lo discors de JL Mélenchon indica la dralha, e sobretot las oblidanças fan claras la vision sul tèma de la patz en Mar Miègterranèa.

Òc qui podrà èstre contra la patz, la basa del discors de JL Mélenchon, mas los jacobins son sempre dins l'ignorança entretenguda, la pensada post-sovietica ajuda ; e visiblament la pensada de JL Mélenchon se limita a l'informacion que l'extrèma esquèrra pòrta dins los mèdias parisencs ; en resumit çò que PODEMOS manda dempuèi Madrid contra la volontat dels Catalans d'aver un referèndum e de votar per una question simplassa : per o contra l'independéncia, coma lo Quebèc, un còp èra, de son temps la causa es possible dins un Estat federal democratic, Canadà ; fau tornar escriure que la nacion catalana exista ?!?!? Fau tornar indicar que los republicans en Espanha son damorats en guèrra contra lo franquisme en tèrra catalana, a Barcelona, ont podián sobreviure, l'annada 1938, e que Barcelona albergava, la republica catalana (al govèrn ERC), albergava lo govèrn republican de Madrid, espanhòl ; ara al sègle XXIen se vòlon enfin separar d'un dictat d'una casta de rendièrs madrilencs (PSOE-PP ajudat per l'ADLE -Macron en soma- díson Ciudadanos) ; se i a una mendra rason per non pas votar Mélenchon en Catalonha del nòrd es aquela ; alara coma PODEMOS son pel un referèndum (la rason de non pas aver un govèrn d'esquèrra a Madrid), coma l'informacion es pas arribada a las aurelha de JL Mélenchon (quí li faguèt la presentacion del fenomèn catalan ?) mas dins la lista dels pòbles qu'an quicòm a dire sus la Mar Miègterranèa, a Marselha, JL Mélenchon oblida lo pòble catalan qu'a bastit un dreit maritime catalan, lo darrièr per aquela mar (èra pas question de guèrra ambe lo pòble catalan, estranh, es lo sol pòble que el doblida !) ; dins lo discors de Marselha -qu'ai plan escotat- a oblidat lo Kòssovo (estranh tanpauc, Espanha o reconeis, Espanha per el es PODEMOS), e Catalonha (estranh Madrid vòl pas de referèndum aquí) ; fau notar que pensa a l'estat palestinian e pas a Israël (jamai un mot sul regime d'extrèma-dreita ailà, e donc Israël es ontologicament qué per JL Mélenchon ?) ; fau  notar que JL Mélenchon indica que per sortir de l'Union Europèu questionarà lo pòble per referèndum ; ne dobti ara ; es la confirmacion que sa vision sus las escòlas DIWAN a pas cambiat; las oblidanças son sovent mai fòrtas que paraulas politicas dins un discors.  

Donc ignorants de l'Atlantic (e dire que JL Mélenchon es deputat europèu del Sud-Oèst) e que gaitatz tròp la television parisenca, vaquí perqué JL Mélenchon pòt pas èstre un actor important de la santa fRança a l'internacional : estranh oblit de çò que se debana en Catalonha quand a Marselha se parla de la mar que costeja.

Fau notar que Marselha a albergat una màfia dita còrsa que collaborèt ambe lo regime de Philippe Pétain, un còp la guèrra 39/45 acabada an trobat albergament dins l'Estat del regime de Philippe Pétain ; coma qué Espanha es coneguda a Marselha per albergar la crèma del comèrci dels tempses de guèrra.

Donc, Basta del sovietisme per guidar lo pòble, JL Mélenchon aurà pas mon vòt, jamai.

PS : aquò vòl pa dire qu'o donarai a-n aquel, François Fillon que pensa que lo referèndum es possible en Catalonha (veire Vilaweb sul tèma), vist que son amic Nicolas Sarkozy, el, pensa coma MariaNO Rajoy.
 

Street art en patois parisenc

L'art de las parets en grand, Donald Trump vist de Tolosa [Occitània - UE] m'agrada : 

Es l'escasença de parlar de l'intervencion militara desterritorializada en Síria. Aquela intervencion agradèt pas a dos regimes dobtoses de l'Orient, Iran e lo regime dels integristas musulmans, e Federacion de Rússia ambe lo regime dels oligarcs ortodòxes amics de Putin. Amai tanben dins aquel camp del regret, fau notar Jean-Luc Mélenchon e Marine Le Pen, pendent la campanha electorala los jornalistas an gausat pausar questions.

Los jornalistas del motle parisenc son mens virulents sus d'autres subjectes de mai granda importança per la vida dels ciutadans d'Occitània.

L'intervencion es una installacion dedins lo panoràma de Donald Trump a contrariò de Barack O'Bama. es un biais de significar a son electorat qu'es diferent del precedent e malgrat las promessas de trabalhar primièr per "USA First" ; es en companhiá del poder antidemocratic chinés qu'aurà donat son avejaire e sense prevenir lo seu congrès ; son pas contents ... Los EUAN son una democracia e lo prosident contrariament a fRança an pas totes los poders militars ; es lo modèl francés que dona a Erdogan lo vam per cambiar la constitucion turca per ne fabricar una novèla sul modèl francés.

Es que fau intervenir en Síria ? Ara en 2017 ? Sembla que lo regime dels Assad ameritava una intervencion dempuèi son installacion, donc al mens 40 ans (!) ; quines son los poders -amics de USA- qu'an intervengut ailà ? Digun, levat Israël sus la plana del Golàn.

Lo mai estonent es que lo poder turc d'Erdogan an acceptat l'intervencion ... Los botafuòcs dins la region son turc e iranian, non ? L'aisina USA a bona esquina quand ajuda l'autre dangièr d'aquela region Aràbia Saodita e los Estats petrolièrs. 

Mas es que lo regime de Vladimir Putin es melhor sul tèma ; es plan l'integrisme politic antimusulman que fabrica terroristas per atacar a Sant Petersborg e Estòcholms ? Se vei que la politica de Putin, nimai la politica de O'Bama son estadas al nivèl que fau per atucar lo terrorisme amagat sus l'etiqueta de l'Islam.

Ieu m'agradariá de veire sus las parets de Tolosa, tanben la cara de Vladimir Putin que la critica russa es interdita de plaçar sus las parets de las ciutadans de la federacion de Rússia ...

Sembla que la diplomacia es sancierament despistada contra aquel regime d'Assad e aiçò dempuèi detzena d'annadas. Son los 4 milions de Sirians en fugidas que nos o díson.

Nos díson tanben -qu'aprèp 5 ans de guèrra contra lo dictator- los refugiats son contents enfin d'una intervencion contra lo regime aquel, sostengut per l'autocrata de Moscó.

Es que de la vision democratica dels refugiats sirians, los candidats franceses a l'eleccions n'a a fotre ? Es un pauc coma per la III republica qu'aguèt res a fotre del regime de Franco que s'installava contra la republica...

Es que fau téner en compte de l'istòria ? es fau oblicar que lo president dels USA abans 1917 refusava d'intervenir en Euròpa, e que sens que l'intervencion dels Japoneses los faguèt intervenir pendent la guèrra de 39/45 ; sense l'intervencion del poder de Washington, l'Union Europèa existariá pas ;es que fau oblidar que lo viatge de Vladímir Ilitch Uliànov l'an autorizat lo regime ancian de l'imperialisme prussian ?

Pel moment, es Ucraïna -Estat independent europèu- que patís de l'invasion russa, invasion dels ortodo-oligarcs russes. Pel moment, son los Estats baltes que veson arribat un novèl imperialisme rus...

Donc per l'intervencion en Síria de Donald Trump, intervencion minimalista, me sembla un grand e bon avertiment. Benlèu qu'es un clown -un pitre- Donald Putin, mas per un còp, soi un pauc de son costat...

dijous, d’abril 06, 2017

Péyi Guiana es problèma de totes en fRança

Dins lo conflicte del Péyi Guiana o Guyane française, nos podèm fargament solidarizar car es lo problèma del centralisme francés, los 8000 km i fan res per cambiar lo reglament diferenciat del subjecte.
Sèm en plena campanha electorala e aquò bloqueja mantunas causas e sobretot la resolucion dinedièra del « problèma » de la gestion maissanta e jacobina. Car lo pòble de Péyi Guiana es pas lo problèma, coma o vòl far creire l'ultra-jacobinisme nacionalista fancés en mandar sonque policièrs o casernas sancièras en mai.Es una problèma ontologic a la gestion jacobina de las «regions» de fRança e pas sonque las ultra-elonhadas de poder parisenc de La Défense o de l'Élysée.


La cauma, grèva, que lo pòble de Péyi Guiana (coma autre còp Goadelopa) es que l'Estat francés a pas cap politica de desvolopament de las regions, ni al nivèl democratic, ni al nivèl fiscal (levat panar a las riquessa de las region e la far gerir pel Trésor Public, centralizat, o per las entrepresa del mercat-Etat-nacion a La Défense). 

Aquel problèma es abordat per cap sistèma politic jacobin ; e donc lo problèma dels militants pel pòble de PÉYI Guiana es lo problèma de totas las regions de fRança. La distança fabrica una dificultat, mas es pas ontologica al Péyi Guiana e sa geografia, lo problèma es basicament lo sistèma republican francés e son centralisme.

Dins l'actualitat lo poder jacobin pensa que donar d'argent, e lo mens possible, las excusas èran tot dins la simbolica, res dins lo pòrta-moneda, e los militants minimalistas (MEDEF Péyi Guiana per exemple, mai tanben la partidocracia actuala representada en Péyi) son per acceptar la moneda abans de demandar mai pus tard. Es una error estrategica fàcia al jacobinisme (administracion e partidocracia jacobina).

La rason es aquela e es Bouygues Immobilier qu'o explica dins una publicitat :
Lo sistèma d'urbanisme francés es centralizat, e las leis republicanas son fabricadas per els a París, per representacions que vendràn inaugurar lo beton (per los qu'an visitat o pòdon saber) e explicar que fan una politica d'urbanisme en país d'Occitània, duradèir ; pel Péyi Guiana es lo meteis problèma.

Ni lo mercat (installat sul mercat-Estat-nacion parisenc, volontat d'èstre sempre en expansion), ni lo liberalisme sul meteis mercat, ni l'intervencion del sistèma centralista francés (administratiu e partidocrata) faràn cambiar la situacion en Péyi Guiana.

La rason es simpla, car lo pòble de Péyi Guiana es alara un piont (escàs del juec politic jacobin, francés o parisenc) dins la via del jacobinisme, es pinhetons ; coma los pòbles d'Occitània, Bretanha, Goadelopa, Martinica, Iparralde, Catalonha del nòrd, Corsega, Alsàcia-Mossela, Picardia (granda extension), Normandia, Peitavin, Kanaki, Savòia, País de Lyon (Forès), Borgonha, Polinesia dita francesa, etc.

_°_

Vist la manièra que lo jacobinisme tracta lo Péyi de Guiana, los mèdias parisencs an paur ... mas de qué ? 

 

dimecres, d’abril 05, 2017

Los debats o juecs republicans franceses

Ièr ai agut la chança d'aver la visita d'un amic, pila a las 21h00 e sèm estats al restaurant, puèi un bar dels vins occitans, e alara fins finala avèm fait la nuèit dinca 7h00 del maitin ; aparentament ai res perdut dels juecs debatics republicans franceses.
Lo divertiment o juecs o aquel puta de faure (personatge occitan de Gavotina, nòrd-èst d'Occitània), o los movements folastres sus aquel programa especial de la TNT, aqueles jocs animats (dels pichons candidats e dels grands candidats del jacobinisme), aqueles laus difusats en Occitània dal centre (administrativa francesa), me fautèran pas, e quitament faguèron que lo pijamà èra necita per plan dormir davant la television francesa d'ièr.

E al maitin, malgrat la nuèit longa e blanca, a las 7h45, una amiga me manda un sms per m'indicar l'ugéncia de crompar Le Canard Enchaîné, lo guit parisenc encadenat (que faudrà un jorn liberar del jacobinisme tanben) ; podèm pas dormir tranquilles !

Crompat a las 9h, me fau un jorn dormir (!), ai çaquelà una granda novèla : Lo Guit Encadenat es indispensable per entendre melhor lo debat d'ièr, e sense l'aver vist a la television. Tot parier sul net, lo vièlh còrb del jacobinisme de la Vendèa sotmetuda, de Villiers que sus You Tube explica coma los sondatges son crompat pels partits politics rics e venduts apuèi a la premsa per ne bastir una partida de l'opinion ; Dins lo Macron tot es bon, coma indica lo provèrbi recentament reviscolar a la seguida del Macron qu'es un gropeton nacional a el solet, e acompanhat de tot çò qu'a jamai poscut far foncionar lo bordèl jacobin francés.


Quand l'immunitat obrièra exista pas dins la santa republica jacobina, segon Philippe Poton, fau notar que l'immunitat còrsa tanpauc, mas digun per zo dire ; digun tanpauc a la cadena BFMTV per pausar una question sus l'ecologia, ni tanpauc una question sul jacobinisme francés, nimai sus la diversitat lingüistica dins l'impèri republican francés, oltra-mar o dedins lo continent europèu e pas sonque en Iparralde e Corsega, coma Jean Lassale l'oblidós de l'occitan en Bearn, o del Breton, o del Catalan, etc. Es clar que 77 lengas de l'impèri republican francés son pas causa importanta, levat per l'UNESCO, çaquelà ; mas qu'«anèm fotre d'aquò dins la "seriosa" campanha electorala francesa ?».

Quand se castiga dins los mèdias franceses la soma a donar Guiana dita francesa (Péyi), los meteisses ministèris donan una soma bravament mai superiora a Bretanha, alara que Guiana (Péyi) es de dimension similara a Àustria. Quand se castiga lo pòble de Guiana (Péyi) se castiga l'irreverància politica que son a fabricar contra lo jacobinisme francés, e l'arrogança disimulada dedins una selha politica sonada « civilisation française ».


Ai pel moment, pas legit sus FB, G+ o Twitter una sola frasa qu'explica que Macron es estat bon, e çaquelà se confirma qu'es tanben un objecte d'umor en creisséncia.

Lo vent es lo principal instrument del personal politic francés en campanha electorala. Un còp elegit, lo vent es folastre e se perdrà entre los tucs de la santa geografia politica republicana, pendent las legislativas en junh 2017.

Un pauc coma los « grands » candidats Marine Le Pen e la sigala François Fillon que sobreviu ambe las grandas largessa dinerièra de la santa republica francesa.

Ièr ai pas poscut gaitar lo debat, un accident de parcors dins la vida del ciutadan (per fòrça) de la santa republica francesa. E soi pas lo solet a aver agut un accident, ièr.

Lo resumit en francés me sembla plan per l'accident meu ; de creire que l'accident republican francés es un accident coma los autres.

Faudrà al final pensar, reflechir : mas diable per quí vau votar ?

E la question èra dins lo cap de mantunes electors e electriças qu'an gaitat lo debat d'ièr, o pas.

De quina manièra far saber que la cresença en François Fillon es pichonetona ? De quina manièra faudrà far saber que la pòst-ruralitat simpatica d'un Jean Lassalla anima los debat mas far paur quand sabèm çò que faguèt el dins las valèias pirinenca de Bearn ? De quina manièra un Philippe Poton accepta la burqà per las femnas ? De quina manièra un Benoit Hamon se batalha per capitar de far passar l'idèa del Revengut Universal, alara que François e Penelope l'an trobat a nautor de 5000 € / mes dins las estructuras representativas de la santa republica ? De quina manièra Marine Le Pen nos farà engolir que son programa es pas de vent de Mistral que bufa freg sus Provença e Lengadòc ? De quina manièra lo fascisme d'UPR es preste de remplaçar una supausada « moderacion » del Blau Marin ? De quina manièra lo feminisme de Lutte Ouvrière capitarà de nos donar lo feminisme coma una asirança politica ? De quina manièra Dupont-Aignan capita de nos interessar quand nos parla que de la fRança jacobina etèrna ? De quina manièra un Cheminade serà melhor president que quand èra naut-foncionari de la santa republican jacobina ? De quina manièra d'illusionaista Emmanuel Macron nos farà una nostalgia dels tempses pompidolian al XXIen sègle ? De quina manièra lo « devengut simpatic » Jean-Luc Mélenchon peta l'ecran alara que li fau capitar de petar l'Union Europèa dels merçants e de la defiscalizacion modèl installat per l'UMP-UDI-PSf-PRG-MoDem d'un Junker luxemborgés ?

Pendent aquel temps, las flors que Putin refusava a fRança pendent los atemptats vièlhs, els los pòrta a Sant Peterborg ! Pendent aqueles tempses, la violéncia extremista contunha, en Síria-Kurdistan, Iraq-Kurdistan o al Iemèn, en Afganistan o al Còngo, o en Assawad (Nòrd del Malí) ... quand la democracia es pas per totes, mas simplament per una casta que passa a la television ambe un sistèma jornalistic que sembla pastat de fauta d'imaginacion per pausar questions impertinentas.


Anar dins lo jardin municipal per pensar a tot aquò en oblidar la pollucion que se fabrica sus la rocada de las grandas vilas d'Occitània.

Cromptatz Lo Guit Encadenat per aquela frasa -al mens : « Malgrat 24.000 € mensuals, se bota "pas res coma argent de costat", Fillon nos aurà .... res estauviat !» mercés al Guit d'aver de l'umor de campanha, e bravament al delai ambe la provençala Marion : « lo felheton de familha contunha al FN Marine Le Pen vòl transformar Marion ... en nièce détachée [traduccion impossibla]!». Se podiam destacar Occitània de tot aquel bordel ?!?! Quin grand plaser me fariá.