La decision de metre la fabricacion del liberalisme tolzan dins la preson de Sant Miquèl pausa la debuta de la campanha electorala a Tolosa ; es una decision …. socialista e bonapartista, contra lo projecte de la Convergència Occitana, per exemple ; lo projecte de la Convergéncia Occitana èra justamlent un projecte de memòria e de desvolopament modèrne de la cultura occitana de Tolosa, dedins lo barri integrat e de resisténcia en dreita linha del combat de los qu’an combatut l’imperialisme nazi. Èra tanben un projecte qu’estauviava la moneda publica, ambe las ajudas diversas plan conegudas al nivèl europèu e transfrontalièr.
La decision del cònsol màger Pierre Cohen, socialista-PRG-POC, pausa un real problèma dins un barri que demanda pas aquò per desvolopar la vida del barri aquel mas una reala politica culturala ; lo problèma es que los socialistas an jamai portat una reala politica culturala per Tolosa, an simplament acompanhat çò que Jean Charles Valadier, EELV, fasiá ambe mai o mens de plaser ambe un sistèma politica socialista e comunista que frenava de tot son pès politic ; e aiçò son pas leis farlabicadas a París e elonhada de las realitats (e sobretot perversa, e transformada aital), es la realitat politica de Tolosa, los socialistas e los comunistas de la lista fan, darrièr a l’escondon, un trabalh de destrussion culturala de la vila de Tolosa mondina, de lenga e cultura occitanas. L’aficatge clientelista, e las pichonetas subvencions, cambia res a-n aquò.
Dins aquel contèxte, se podrà demandar, se la galèra èra pron linda, subvencionada, per i montar sobre ? La question es pausada als militants –pichoneton nombre- qu’an decidat en una setmana de passar de la lista EELV a la lista Socialista-PRG.
Dins aquel contèxte es urgent d’aver un pompièr de servici per susvelhar lo POC, que risca de dintrar dedins, e lo cal al servici dels socialistas, non pas al desvolopament una politica de desvolopament ; es principalament lo problèma socialista, la causida d’un òme competent, frena pas a la faciada qu’es sempre polida, mas darrièr es tota una maquina destructadoira. L’òme que susvelharà lo POC es aisit de lo contra-ròtlar, vist qu’es tanben un representant de las associacions que recebon subvencion per crear un festenal magnific per la cultura occitana. La perversion socialista es d’una granda dimension, s’en cal mesfisar.
La meuna conclusion : lo POC-Bastir damorarà la linha politica del pauc-desvolopament de als politica per l’occitan ; los ‘Bisounours’ (ai pas cercat equivalent en occitan) son plan al POC-BASTIR. Es pas estonent dins aquesta condicion que vièlhs militants del POC preferíscan la sortida, o que fosquèsse expulsats per non aver la meteissa vision de plega-esquina del POC, lo POC es tot levat un partit democratic (aquò tanben ajuda los socialistas).
S’espèra un comunicat del POC per protestar tanben, en ligason ambe la demanda dels actors de la dinamica actuala del barri de Sant Miquèl ; viure e decidar al país, es plan lo projecte del POC al nivèl politic ? Los ancians resistents de Tolosa díson que non. An segurament mai de vision de la vida del barri de sant Miquèl que los intellectuals del POC-Bastir, tròp de professors e paus de realitat de terrenh, la vida reala del país tolzan e d’Occitània.
-°-
Se cal mesfisar de l’establiment politic francés, darrièr l’ignorança i a una politica de destruccion lingüistica.
Cap comentari:
Publica un comentari a l'entrada