Aqueste diluns doás manifestacions se son tocadas a Tolosa.
Una oficiala, ambe tot çò que cal, quitament un ancian animador de la meteò de TF1 e l’autra puslèu practica, en cerca de clients, sul terrenh.
La teoria del torisme pensa lo torisme coma una industria, donc l’occitan i a pas res de veire. Es lo Centre Regional del Torisme que pensa coma los elegits decidiscan.
D’un autre costat en Aran la lenga es oficiala, e Aran pòt prepausar la lenga als toristas que zo demandan.
Pel CRT, Comitat Regional del Torisme, que federa los Comitats Departamentals del Torisme, ajudat oficialament pel Conselh Regional de Miègdia-Pirinèus, l’occitan es la crotz occitana, mas a còps s’amaga, de faiçon involontària, e la lenga s’oblida de faiçon astradosa.
(lo lògo de la region se veirà pas sobre la fòto oficiala, e donc gaire de crotz occitana pel torisme, se daissa darrièr lo mantèl o dins la pòcha, involontariament, es clar)
Mas «en Catalonha fasèm la promocion en catalan, fasèm la promocion dins las lengas dels locutors» dixit lo director del CRT, presentat pel vice-president en carga del Torisme, e cònsol de Marciac en Gasconha.
Donc amics catalans e amigas catalanas venètz en Occitània per demandar una preséncia de l’occitan mai fòrta, a l’imatge de çò que farà a Pasca lo CAOC en Auvernha.
Donc amics occitans e amigas occitanas, venètz en Aran e Catalonha, pauc impòrta la lenga que parlatz, soi segur que vos presentatz coma OCCITANS serètz bravament plan recebuts, e se parlatz la lenga serà encara melhor.
An talament la costuma de veire locutors institucionals qu’an abandonat lo país e sa lenga, qu’aquò los cambiarà un pauc.
I a pas que los ciutadans de Luishon, Luchon, per prepausar publicitats en espanhòl dins la revista gratuïta de la Val d’Aran…
-°-
Dissabte 16 d’abrial a las 21h00 al Tortill'Art (anciana gara) de Sant Amanç Solt (Tarn -Albigés)
Cap comentari:
Publica un comentari a l'entrada