I a mantunas annadas ai agut d’encontrar la persona que se carga de la comunicacion de la Cambra d’Agricultura, per veire de quina manièra se podriá dintrar l’occitan dins la comunicacion de la Cambra. Se faguèt per la Bona Annada, e coma lo president de la Cambra èra un païsan de la Coordinacion Rurala (Òlt-e-Garona), lo panèl trabalhat per una agéncia de comunicacion seriosa, se trapèt dins totes los camps d’Occitània que la coordinacion rurala èra installada. Pauc d’occitanistas, sovent d’esquèrra, ne parlèran, normal car lo sindicat CR es considerat de dreita ; tot es normal dins lo monde d’esquèrra. L’idèa es çaquelà represa per l’Institut Occitan de Vilhèra, al moment sonque lo relai de la politica lingüistica del Conselh Generau dels Pirinèus-Atlantics.
E ara, avèm cada annada en Aquitània aiçò :
Mas perqué sonque en Aquitània ? Perqué i a un INSTITUT OCCITAN per zo desvolopar de faiçon seriosa. Es aiçò que fauta dins totas las regions de lenga occitana : Lemosin, Auvernha, Dalfinat (Ròse-Alps), Provènça-Niça, Lengadòc, Miègdia-Pirinèus o Miègdia-Occitània.
Alara que fan las autras regions ? Las autras institucions ? Uèi dins la vila que se prepausa cada annada lo panèl, l’occitan i es considerat coma lo basco coma la lenga normala de la region. E se parla fòrça de dintrar dins un bilingüisme o multilingüisme generalizat.
Mantunes díson que la ciutat aont s’es près la fòto es la quatrena de França ; sabètz pas perqué ? Un jorn un primièr ministre d’aquesta ciutat èra tanben un grand ajudaire de la premsa e voliá pagar melhor los quiosquièrs, alara faguèt un decret que donava mai d’argent per la distribucion dels jornals, 0,21 % en luòc de 0,19 % per las autras ciutats o lo mitan rural. La lista de la ciutats qu’an dreit al percentatge es París, Lyon e Marselha, + la famosa ciutat qu’avètz la fòto ajustada. Lo decret se podriá cambiar, mas cal èstre ministre per zo poder cambiar al favor de la ciutat que s’es ministre. Es una pròba de mai que la foncion de ministre servís sonque per la creacion de clientèla, non pas per desvolopar una politica o un programa (qu’exista pas car lo pòble dels ciutadans s’en trúfan).
Vos voldriái tanben conselhar un grope d’Aquitània, BEARN, Familha Artús que passa a Tolosa, aprèp lo teatre de la Rampa (magnific espectacle de divendres passat) :
Es grand de veire que per un espectacle en occitan, La rampa, son venguts de pertotes los parçans al entorn de Tolosa, rarament de Tolosa… perqué ? perqué i a una politica pel teatre en occitan al Conselh General de Garona-Nauta, dempuèi annadas e annadas ; es pietat qu’aquesta politica fosquèsse pas mai acompanhada de visibilitat de l’occitan. Car son plan las DDE que fan la signaletica de las rotas departamentalas e aiçò es un ròtle dels Conselhs Generals…miladiu perqué pas una dobla signaletica coma en Bretanha ?
Quin dona la bona annada en Garona-Nauta ? Quina persona al servici comunicacion es lo foncionari capable de tradusir en occitan ? Digun ? Perqué alara es pas lo cargat de mission ? N’i a pas… perqué ? Es pas normal ! N’i a pertot en Aquitània, levat en Òlt-e-Garona, perqué en 47 n’i a pas ? Perqué ? Sembla aont lo Partit Occitan es ancianament implantat i a dificultats…
Passèm istòria e podèm veire l’avenidor e la BONA ANNADA en considerar que podèm aver un cargat de mission per l’occitan dins totes los departaments d’Occitània.
Podèm tanben considerar qu’un mièg pòst per Tolosa es pas sufisent, car Bordèu sense un sol pòst (çò qu’es de regretar, cal un pòste a Niça, Marselha, Montpelhièr, Lemòtges, Clarmont, Blanhac, Carcassona, Narbona, Besièrs, Agen, Arcaishon, Baiona, Pau, Tarba, Foish, Pàmias, etc.), per aver mai d’occitan vesedoir… Mèrda, ai donat la responsa. Me podètz informar del comentari vòstre sul tèma : perqué sonque la “Bona Annada” generalizada e sonque en Aquitània ?
Cap comentari:
Publica un comentari a l'entrada