arcuèlh

dijous, de febrer 19, 2015

Per astre, fRança a pas sempre existat

Ai causit mantunas mapas per donar una idèa dels cambiaments qu’Occitània a degut suportar al fial dels sègles. Seràn la basa d’una conferéncia pedagogica per las entrepresas per melhor entendre quinas dralhas pòdon prendre en pensar al desvolopament lor, mai tanben al desvolopament de l’activitat politica e economica dins un environament sanitós que fosquèsse pas lo mercat-Estat-nacion francés, que el se vòl regentar sonque a Paris

Mapa de l'empèri visigoticTolosa èra visigotica Mapa EuropèaMapa de l'Empèri de Karl Magnus 8431732 províncias reputadas estrangièrasmapa de frança 4Mapa de reialme de PiemontMapa de l'Estat francés abans 1860mapa de frança 9Mapa lingüistica de l'espaci europèu occitanò-catalan-aragonés e arpitan Montsegur es aquíOne Europe mapa de las lengas europèas

Avèm aquí me sembla un resumit de mantunas mapas que fan l’istòria occitana, una istòria qu’es pas sonque Histoire de France coma nos lo vòlon far engoilir l’escrit de l’«Éducation nationale», a cada corses d’istòria, o la revista sul net Herodote.net.

Mas concretament, fRança nos aportat aiçò, coma investiments dit productius mas que son factura per las generacions venentas, e pas despausadas dins las bancas mas en mans d’aprentís fachilièr de la tecnologia  :

mapa del dangièr nuclear nacionalista francés

Son pas los paures que fan una economia, per contra es plan un sistèma pauc reformable que fabrica pauretat, lo pauc reformable es lo mercat-Estat-nacion dit França, alara avèm aiçò :

mapa de la pauretat en França

Sense oblidar aquel tipe de minja aviat e mal :

mapa de frança 5

Farèm la remarca qu’es pas sonque la pauretat qu’installa Mac Donald’s en Occitània, es tanben lo torista qu’arriba del nòrd, e lo licenciat de granda multinacionalas que trapa una resorga novèla de revengut en davalar dins lo Sud e sa licéncia Mac Donald’s. Aiçò es fRanças. Es un bon projecte de futur per Occitània ? Responsa : NON.