arcuèlh

dissabte, d’octubre 15, 2011

3 Manifestacions antinuclearas en Occitània

Se manifestèron contra lo nuclear a Tolosa, Bordèu e Avinhon per Occitània. Dins d’autras regions de l’Estat francés se manifestèt tanben a Fessenheim (Alsàcia), Bugey (Ròse-Alps), Roazhon/Rennes (Bretanha), Dunkirk/Dunkerque (Flandras). aquò farà donc 7 manifestacions dins l’Estat francés. Avèm gaire d’informacions sobre Dunkirk, Bordèu.

manifestacion antinucleara de Tolosa 151011cadena umana antinucleara en Avinhon.

A Tolosa, de qué podèm escriure : ai vist 2500 mantifestants a Tolosa, gaire mai. 25.000 dins l'Estat francés, segon Sortir du Nucléaire; Gofech es encara luènh de Tolosa...
La manifestacion tolzana es partida de la plaça Naut Bernat, per perlongar los baloards, susvelhats per mantunes carris de CRS (cal notar que sistematicament tres carris de CRS son dabans lo sièti de l'UMP, carrièra Gabriel Pery); A Joan Jaurès, sobre l'estacion de mètro, los manifestants se son arrestats una minutas per se colcar per tèrra. Arribat a St Jòrdi, la galariá de botigièrs, los indignats son passats dabans puèi an precedit los manifestants antinuclears, per prendre primièrs la carrièra de Metz.
Arribat a Esquiròl la manifestacion s'acabèt, e una partida dels manifesntants an acompanhat los indignats a la plaça de la Daurada que se fasiá una autra manifestacion.
La manifestacion a debutat, en retard, per una explicacion de coma ‘sortir del nuclear’, e arrestar las centralas nuclearas ambé una politica volontarista.

Sembla que manifestar en regions posquèsse pas passionar las redaccions de RTL e Europe1, nimai las estacions localas privadas (las radios privadas localas) o publicas, i a concurréncia ambe lo indignats del monde sancièr (pas mai de 300 a Tolosa per acompanhar la manifestacion antinucleara per la finala)

manifestacion antinucleara France Info 151011 manifestacion antinucleara RMC INFO 151011 manifestacion antinucleara La Croix 151011

Libération e las fòtos.

La locala privada d’Avinhon RAJE explica que la centrala vesina es pas en règlas ambe la securitat ‘contra’ los accidents o incidents. Un element «revelat» un jorn abans la manifestacion per ajudar a l’ASN s’èstre revisolat dins lo son trabalh que, fins ara, èra puslèu legitimista que non pas per ensenhar las populacions provençalas.

Nuclear ASN Raje 141011

France Info plaça l’informacion dins lo taulet informatiu «eleccions presidencialas» e region, alara que las manifestacions dels «indignats» es dins lo canton actualitat generala, coma se la situacion sociala e politica questionada pels indignats èran pas del recanton presidencial ?

La Croix nos inventa l’oblit informatiu, coma s’i aviá sonque doás manifestacions contra lo nuclear dins las regions de fRANÇA ?

Podèm concludir que la manifestacion antinucleara en region interessa pas las redaccions parisencas, benlèu que los cal un accident nuclear al pè de la santa capitala ? e que la manifestacion contra lo nuclear a Tolosa a pas interessat grand monde ; çò que vòl pas dire, relaament, que lo nuclear farà pas páur a la manoritat de la populacion.

Per zo saber, calarament : i a pas qu’una sola causa d’organizar, un referèndum !

-°-

Bretanha Ecologia prepausa una pagina per la manifestacion de Roazhon.

Bretanha Ecologiamanifestacion antinucleara Bordèu Sud-Ouest 161011