arcuèlh

dijous, d’octubre 27, 2011

Oficialitat del catalan a l’Union Europèa, perqué non ?

Federació Llull

La prepausicion europèa l’a despausat un triò de deputats, apauc abans las eleccions (mas val melhor que jamai), per mostrar l’unitat de la demanda, en defòra de las etiqueta de dreita o d’esquèrra.

Lo contengut d el’Union Europèa es pas pron aprosmat dels pòble, ne fan mostra cada còp que se parla de lenga. Perqué ? Perqué son los Estats que fan aquesta Union… e los Estats se senton dividit quora se lor demanda del multilingüisme real, se senton pèrdre un tròç, se senton mal. Mas siam pas a bastir una Euròpa mai federala, l’economia nos explica pas lo camin del federalisme europèu ? La finança es mondiala a la segonda prèp, lo sol biais de poder sobre viure ambe vam es l’unitat dels Estats, dels pòbles e de las nacions d’Euròpa, en respectar la dignitat de cada lenga, lo catalan es pas pron de dignitat al nivèl europèu : es clar.

E alara, la question del contengut de l’Union Europèa se pausa realament. Lo croat es parlat per bravament mens que la lenga catalana. Es que caldrà esperar l’arribada d’Andòrra per aver lo catalan aital emplegat de faiçon mai digna qu’actualament ? Es que cal un Estat novèl en Euròpa per aver l’independéncia. L’actitud de las autoritats dels Estats –que fan la gestion reala europèa- es a còps un pauc estonanta. En general vòlon pas de l’independentisme per zo tractar coma extremismes, mas al meteis temps, zo afavorizan l’expression politica, l’argument : «cal aver l’independéncia per aver lo respect lingüistic».

Quora se despertaràn ?

dreits lingüistics