Important votation in the CR Aquitània, for the occitan language.
L’occitan aurà agut son vòt famós, al Conselh Regional d’Aquitània, lo 24 d’octobre 2011. Pauc d’occitanistas ne sábon l’importança, levat lo Partit Occitan, e David Grosclaude qu’a portat lo projecte, es clar en companhiá dels elegits del Partit Occitan als CR consernits, e quitament los militants de las regions occitanas qu’i an pas d’elegits (regretable) ; es regretable de pas aver aprèp lo 24 d’octobre un fum de comunicats per explicar l’interès e l’imporatança d’aiçò.
Ai recebut aiçò de l’Institut Occitan oficialament ; l’Institut Occitan es l’organisme public en carga en Aquitània d’una partida d’aquesta novèla politica per l’occitan. I a encara d’occitanistas que sábon pas qu’es aquò ! E donc, que ne fan la confusion ambe l’Institut d’Estudis Occitans e lo fialat d’associacions (mai o mens importantas) que ne son lo representant dins los departaments d’Occitània.
Pauc a pauc, coma se fabrica l'Union Europèa, l'occitan aurà sa data de votacion clara per debutar una politica lingüistica, serà aquela : lo 24 d'octobre de 2011. Quitament un Conselhièr Regional (amic) a pas notat aquela data sobre lo seu FB, e çaquelà sosten Calandreta dins son vilatge de Gironda. Mas es clar : es una data importanta, per la lenga occitana.
Per aver aiçò, aurà calgut un elegit del Partit Occitan, e sobretot la seuna estatègia per arribar a èstre elegit : donc aurà calgut un accòrd ambe los elegits d'Europe Écologie Les Verts. De mai, mai en mai d'elegits d'EELV auràn donat un supòrt clar a l'iniciativa, en daissar una plaça al Partit Occitan, una plaça d'elegit, d’actor politic. Perqué devèm pensar aital, perqué lo movement occitanista es pas pron fòrt politicament, pas pron assegurat dels arguments que dèu bailar a la populacion per convéncer e per convéncer l'autra partida del personal politic. Pauc a pauc, ambe lo trabalh de terrenh politic, las causas debútan un cambiament, mas lo cambiament se farà pas sense aver un trabalh en prigondor del movement occitanista, notadament al nivèl politic (caldrà benlèu un novèl personal politic occitnaista ?).
Salvar una lenga costarà mai car que de la destrusir, causa fosquèsse sabuda pel personal politic nacional-expansionista francés.
Uèi dins la dralha de la dignitat nacionala, cal una votacion per totes los Conselhs Regionals (Peitieu-Charenta, Lemosin, Auvernhe, Miègdia-Pirinèu, Lengadòc-Rosselhon, PACA, Ròse-Alps), serà un signe clar per las eleccions de 2012. Lo signe serà per los que votaràn pas res coma carta oficiala per desvolopar una politica lingüistica per l’occitan.
Las regions concenidas son regions qu’aniràn de la Regione Piemonte (dreita leguista) a la Val d’Aran (Conselh Generau, Partit de la Nacion Aranesa), en passar per totas las regions que son governadas per una aligança d’esquèrra (EELV-POC + Socialistas, PRG + PdG). la politica per l’occitan es clara en Val d’Aran, es lenga co-oficiala e d’usança preferida (l’avètz poscut veire sul blòg ambe mantunas entrevistas recentas), e l’occitan es lenga mostrada pertot e a totes dins las Valadas Occitanas ambe lo ròtle clau de l’Espaci Occitan, organisme para-public per la lenga occitana. Uèi s’expèra una politica publica mai clara per l’occitan dins totas las regions d’Occitània. L’institut Occitan es estat la creacion de la majoritat UMP-MoDem dels Pirinèus Atlantics, per èstre clar de François Bayrou ; l’Institut Occitana s’encamina cap a una especializacion de sa politica, e un novèl organisme se prepara per aplicar la votacion d’Aquitània ; es clarament una capitada politica del Partit Occitan, e de la calara voilontat de son partenari Europe Écologie Les verts, per aver convençut una majoritat per votar la Carta d’Aquitània ensemble, e d’aver far votar d’autres gropes d’elegits.
Uèi lo camin debuta, ambe los mejan politic que cal.
Lo camin debuta per aver una informacion sul tèma, dins la premsa escricha e audiovisuala ; sembla qu’aquí, coma l’explica la Carta, nos caldrà aver un mèdia potent per assegurar la visibilitat d’aquesta politica. Perqué ? Perqué los mèdias provincialistas e enfranquesits an pas brica mençonat la votacion d’Aquitània.
-°-
Lo Collectivitat Territoriala de Corsega, Collittività Territuriale di Corsica, emplega la lenga còrsa per sa comunicacion, gaitatz aquí :
Alta Frequenza es una estacion privada de ràdio, de granda qualitat informativa, e qu’emplega la lenga còrsa a l’antena, melhor que France Bleu per l’occitan en Occitània ! Es donc un modèl per Gum FM, Totem, 100 %, ARL, Star, Scoop, Radio Montaillou Pyrénées, Littoral FM, Grand Sud FM, RTS FM, Sud Radio, RMC info, Wit FM, etc.
E a las Isclas Balears, las ajudas a la premsa en lenga catalana son annuladas…
L’anóncia s’escriu en espanhòl, çò que pròva que l’espanhòl es pas en dangièr de mòrt encausa del catalana, tal que d’unes pensan !
Cap comentari:
Publica un comentari a l'entrada