Es la revista del Partit Occitan, acabi de l'aver en man. Es d'una granda qualitat redaccionala (de notar, qu'es rare dins l'edicion en Occitània), e tanben de rigor d'impression que dona a la revista un seriós polit.
Ai quasiment tot legit, es una revista bimensuala,d'un abonament redusit, mens de 25 €, e val la pena. Es majoritariament de lenga francesa, e la revista del Partit Occitan. Fau felicitar David Grosclaude pel trabalh redaccional.
Fau notar la precision sul fòrum ciutadan que se sona La Dintrada, a Narbona en setembre, Ligam.
Ai tanben congostat de legir lo tèxte critic sus la publicacion de Michel Onfray «Décoloniser les provinces». D'unas criticas aital fautan dins la premsa de lenga provincialista en cò nòstre, Sud-Ouest, La Dépêche du Midi, Midi Libre, La Provence, La Marseillaise, Nice Matin, Le Dauphiné, Le Progrès, Le Populaire, Centre presse, La République, Petit Bleu, Le Républicain, L'Écho du centre, La Montagne, les Gazettes de totes los parçans d'Occitània. Ligam especial.
Fau notar tanben lo preciós article d'en Jòrdi Labouysse sus Simone Weill. Es puslèu un tèxte que pòt e dèu dintrar dins totas las escòlas (occitanas o francesas) d'Occitània, dins las escòlas del sistèma d'Estat francés, sistèma educatiu associatiu o privat catolic e protestant. E gausi escriure que quitament fauta d'estudi dins la licéncia d'occitan e dins totas las universitats francesas de letras francesas, anglesas o autras letras en Occitània.
Jòrdi Labouysse prepara tanben una conferéncia sul protestantisme a Vilamur de Tarn (Occitània), e vist la situacion politica de Vilamur del temps de la guèrra entre los poders protestants d'Occitània, e lo poder franc centralista e catolic, en Occitània, dona a Vilamur de Tarn (entre Tolosa, Montalban e Galhac) una luòc estrategic per aquelas guèrras qu'an destrusit Occitània al grand benefici del poder centralista e reial franc.
Se podèm explicar la qualitat de la revista la fau comparar ambe la revista Lo Lugarn del Partit de la Nacion Occitana (revista que la distribucion se farga ara per Internet) ; donc o pòdi escriure, i a pas fòto per indicar la qualitat de la revista Occitania.
Cap comentari:
Publica un comentari a l'entrada