La «lei de l’occitan, aranés en Aran» serà presentada al Conselh regional de Miègdia-Pirinèus, lo 2 de decembre a Tolosa, òtel de region, se debana a las 18:00h. Puèi lo lendeman podrèm anar veire sul terrenh coma se debana una politica lingüistica aplicada al nivèl de l’ensenhament, ambe la calandreta de Bertren, en Comenge-Varossa, a l’entrada de la Val d’Aran. Veire l’article francés -ben ortografiat pert l’occitan emplegat- de la DDM, sul tèma.
Podrèm notar que la Val d’Aran necessita man-d’òbra dins l’ostelariá, e que lo pòble occitan de Comenge e Varossa cerca d’emplecs, fòrça, mas parla pas las lengas parladas a 30 km (vist que lo sistèma francés d’ensenhament es incapable de s’adaptar a las realitats localas)… aont se necessita de las parlar, per una bona integracion economica e lingüistica.
Puèi lo 10 de decembre, a 20:30h dins lo palatz del trabalh de Narbona, ambe una serada populara, organizada per País Nòstre.
Cal notar qu’a Narbona se debanarà una Setmana Occitana, mantunes jorn en fin de novembre e debuta de decembre, aiçò organizat pel ceucle occitan de la vila lengadociana.
Totes aquestes afars son per desvolopar una politica lingüistica, en esperar que lo messatge serà pron clar pels elegits, e alara que faràn mai que subvencionar las associacions militantas –zo cal far mas es pus sufisent.
Cap comentari:
Publica un comentari a l'entrada