Uèi serai benlèu questionat per un jornalista francés per ne saber mai sobre las eleccions al Principat de Catalonha ; es una jornalista que se pausa las realas question sobre Catalonha, la diferéncia electorala es reala ambe la rèsta d’Espanha.
Es evident que pausar la diferéncia, explica pas aquestas eleccions dins sos particularismes.
1 / es d’explicar als ciutadans franceses qu’i a mantunes partits en Catalonha, e que las bandièras politicas son pas vistas a Madrid, veire pas plan vistas a Madrid, contrariament al sistèma centralista francés, uniformizador e partidocrata (lo modèl francés existís tanben en Espanha, mas se desvolopa mal). Aital me remembri una famosa emission de France Culture, servici informatiu, qu’aviá de determinar una “Esquèrra republicana” qu’èra pas espanhòla. Avèm entendut dins lo programa informatiu installat a Barcelona, in vívo, que donava la paraula a Carod-Robira, e que la redaccion FC parlava de «la gauche républicaine espagnole», en conéisser pas pron lo francés, l’entrevistaire a pas puscut respondre sul pic. Malgrat tot a poscut remarcar un pichon problèma, lo personal jornalistic parisenc, quitament sul terrenh, a pas encara comprès que los esquèmes reials devenguts republican francés son pas d’aplicar a Barcelona, lo costat binari –aisit d’explicar al public francés acostumat- es pas la nòrma democratica d’ailà, ailà, mas tanben dins los Estats realament democratics. Carod-Robira a agut d’explicar que lo bipòl PP-PSOE es pas la nòrma a Barcelona, e que quitament lo PP aviá de mal de se desvolopar. Per aquestas eleccions vesèm una pujada del nacionalisme espanhòl dins las enquèstas, ajudat per un sistèma de pensada liberala que vòl un simplisme mercat-Estat-nacion tal que l’UMP zo desira.
2 / l’independentisme serà pujant en Catalonha. E las matematicas seràn pas sonque de cridar per far votar, quitament se lo simplisme podrà ajudar un certan public (benlèu los acostumats de las pregàrias de curats). Lo primièr tèxte europèu per determinar los nombres negatius es nascut a Pàmias … en tèrra eretja.
Lo jornal digital catolic catalan, dona un bilhet aqueste maitin que m’ajuda per installar l’independentisme dins lo camp clerical catalan, mas pas sonque. Aiçò, del bilhet, jà es pas gaire comprenedor per un Occitan e una Occitana mejan(a), enclavada dins lo sistèma politic prepausat pels republicanistas dogmatics laïcs franceses per Occitània.
Avèm suportat jà la dictatura ecclesiala papista en Occitània, e mantunes chaples per debutar, pendent la debuta de la conquèsta francesa, 1209.
Lo sistèma ecclesial francés a lèu installat una vision centralista de la fe en Occitània ; lo portatge del Vatican en Avinhon a agut consequéncia tarrible per la non independéncia de la pensada ligada al pòble cocitan dins l’encastre ecclesial catolic. Aital sèm segur la minoritat lingüistica qu’a lo mens de desir d’èstre ligat al sistèma ecclesial papista. Aital Occitània a poscut notar dins son istòria mantunes faits religion qu’an portat un protestantisme e un jansenisme qu’an degut viatjar en Euròpa per sobreviure. E aquestes viatges e repression an fabricat una laïcitat anticatolica en occitània, puèi en França, pel modèl qu’avem exportar e que França a copiat coma China còpia un modèl industrial uèi per nos lo tornar vendre mens car ambe un problèma de rendut dinerièr important e enfavorizant, qu’ajudarà.
INDEPENDENTISMES
contra los sectarismes del modèl d’Espanha regionalista o federalista ?
L’ecclesia catalan es independentista … Es la Glèisa catalana qu’a sempre bastir per la sobrevida de la lenga catalana, quitament pendent lo franquisme. Vesèm que l’Istòria catalana se persegís aital.
De mai, se l’independentisme puja, puja pas ambe un integrisme costumièr catolic, es un ecclesià especial, es catalan.
L’independentisme es çaquelà, segon las enquèstas publicadas –e sovent orientada fins ara-, un independentisme que correspond pas brica a la granda manifestacion del 10 de julhet ; aquò espanta lo militant independentista, Victor Alexandre dins mantunes de sos escriches.
Mas per normalitat electorala, lo public que vòta es de mai en mai sismilar pertot en Euròpa. Aital podrai marcat un encontre pendent las eleccions municipalas tolzanas, que l’informacion per votar se limita als papièrs mandats pels candidats, e als passatges dels militants al pòrta a pòrta, ai agut de respondre (militants que distribuava un document per un candidat) a la question següenta : – per quí me cal votar ? (edr!)
Es que me cal apondre que coma soi oneste, tròp (donc pas militant politic nimai candidable, benlèu candide segur), ai pas apuejat per mon candidat favorit, ai simplament dich qu’aquí i aviá una preposicion. Mas los elements per la decision finala son pas clars a totes los ciutadans e totas las ciutadanas.
L’independentisme serà un long camin per Catalonha, lo 28 de novembre serà una autra etapa del long camin. Es evident qu’o caldrà seguir, nosautres en Occitània ;es evident que podrèm votar per virtualitat e aver una vision que nos agrada de tal o pas biais de prendre lo camin, mas sèm pas brica dins los cartons de la civilisacion politica catalana (levat Reagrupament que pensa a l’occitan per la politica lingüistica futura – Solidaritat Catalana s’arresta en collaborar ambe Unitat Catalan, movement grand amic de País Nòstre – e a ERC e CiU lo trabalh del CAOC-IPECC aurà assegurat una bona vista de cara a Occitània, mas es que sèm al nivèl ? Es que sèm al nivèl per donar una bona vista sobre lo tèma, ambe las capacitats que cal per ajudar Catalonha a entendre Occitània ?).
Per ajudar al camin, Som Ràdio es aquí per respondre a las questions e per ajudar a far saber e sobretot rassegurar tota una nacion. Cal ajudar lo public d’escotar aquesta estacion, e coma lo modèl occitana es d’èstre extremista d’esquèrra per convéncer (vesèm en mai de quaranta annadas qu’es pas lo bon camin), avèm aquí un luòc de debat seriós, per una antena qu’es d’una normalitat radiofonica reala. Sul modèl de Québec Radio, mas ambe un programa sostengut per las entrepresas independentistas (causa tanben que podrà espantar en Occitània). D’autres mèdias catalans son a l’espèra dels rensenhaments occitans, Internet ajudarà, mas sufís pas.
Dirèm aital que lo modèl catalan es dificile d’entendre en Occitània, mas pas impossible de desvolopar, per assegurar un futur pel país nòstre.
-°-
E pendent la campanha, una prepausicion de votacion independentista acaba d’èstre represa per mantunes/as, serà mparginal ? Resultas lo 28 de novembre a la nuèit.
Cap comentari:
Publica un comentari a l'entrada