Uèi e dempuèi ièr 15h00 sabèm que la democracia pòt foncionar dins un referèndum.
Cada vagada que los poders franceses nos prepáusan un projecte politic, jamai lo referèndum es installat tal un sistèma per desvolopar una societat democratica armoniosa. Lo politic e sa partidocracia vòlon servar lo monopòli dels actes politics e de las decisions, vòlon servar un centralisme, un jacobinisme e son administracion (a fòrma mai o mens variabla).
Es vertat que la republica es sonque una evolucion en direccion de la democracia, e per non evoluar la republica a mestièr de donar lo poder a un sistèma castic.
Uèi, donc, en Itàlia, avèm la pròba que la republica devendrà democratica ambe les referèndums mai nombroses, e clarament precís dins lo contengut e per la resulta.
Lo personal politic e la partidocracia explica sistematicament que las populacions son versatilas, e que vòtan contra una persona e que respóndon pas a las questions… Vist las questions pausadas en Itàlia nos podèm rassegurar. Tot èra estat escrich per favorizar lo poder en plaça, e avèm vist que los pòbles dels ciutadans d’Itàlia an confirmat un punt de vista sul nuclear vièlh de 5 annadas : son contra clarament.
Dins la vision referendària dels pòbles d’Itàlia podèm veire una maturitat que, ni lo personal politic, ni la partidocracia, a poscut portar en Itàlia. Podèm far lo meteis constat en fRANÇA. Occitània zo supòrta.
Es donc una evidéncia de question : en fRANÇA podrèm aver un partit que prepausèsse un referèndum d’iniciativa populara que poquèsse èstre aisidament desvolopat ? Tant que l’aurèm pas serèm pas en democràcia, senon dins una maissanta vision d’una republica de casta, partidocrata.
Podèm afirmar que Itàlia, e los pòbles d’Itàlia, an donat lo camin per crear democracia al nivèl d’un Estat qu’es normalament impossible de fargar, sense representacion, e la partidocracia. Los pòbles d’Itàlia an probat que la representacion es pus lo sol biais de fabricar una democràcia. S’en cal felicitar.
-°-
e la refòrma es encara dins la boca dels amics de Berlusconi:
Mas aquesta dreita liberalista europèa pensa encara que lo pòble es lo problèma. Son pas els, non pas brica…
-°-
Una lei-modèl per l’occitan, la «loi 101» al Quebèc.
-°-
Cap comentari:
Publica un comentari a l'entrada