Anuèch lo Sunday Times anóncia que i a un movement de creissença pel vòt Yes Scotland, alara que lo vòt dels unionistas baissa ; es una fòrta tendéncia estadistica, melhor qu’una resulta al temps X o Y.
Dins un programa de la television francesa, un intellectual es incapable de respondre a Attali, lo manipulator dels mèdias franceses, e lo professor Chouard es çaquelà argumentat, mas a Attali li es incapable de respondre.
La responsa a quina question ; Attali explica que las politicas menadas son pas similaras perqué lo personal politic es diferent ; Chouard argumenta qu’es pas vertat. Mas quora Attali li explica que la manièra de pensar es faussa, Chouard es incapable de respondre perqué votar FN, PCF, PSF, UMP, o UDI donarà las meteissas politicas ? La responsa o la non responsa es simpla : es l’administracion que governa, una administracion que pensa salvar l’Estat del pòble, lo dangierós e unic pòble del sant Estat francés.
Chouard es sul bon camin, ma çaquelà sancierament o pòt pas respondre, perqué es tanben del sistèma qu’oprimís los pòbles de França ; es professor, es del sistèma de formacion, es aquel qu’explicarà que per ne sortir cal un sistèma politic de dreita o d’esquèrra, mas lo problèma es pas aquí, nimai dins un sistèma de referèndum permanent.
Attali, el del costat dels «rics mèstres», governa la pensada meditica dempuèi la casta, la plutocracia, e donc manipula los pòbles de França ; es la sindròma de l’ancian regime, del rei que gaitarà 1789 coma una revòlta e non pas una malastrosa (o cal plan dire tanben) revolucion.
En Escòcia, los pòbles d’Escòcia an trapat una solucion a-n aquel problèma d’una administracion que governa contra lo pòble. Son a s’inscriure en massa (perqué o èran pas) dins las listas electoralas per poder votar pel referèndum venent ; un espèr puja dins un espaci politic d’Euròpa, es en Escòcia.
IN-DE-PEN-DÉN-C-I-A !
-°-
Cap comentari:
Publica un comentari a l'entrada