arcuèlh

divendres, de juny 05, 2015

"Parachutage jacobin" que s'acabarà mal.



Rapèl istoric, son los jacobins qu'an
decidat la decentralizacion, 1982, ne faguèron un instrument de gestion de
las províncias vençudas, car l'Estat centralista e tots las
administracions d'Estat avián provat totas las loras incapacitats, e
es pas acabat.

Ara, dempuèi 1982, nos an donat lo
poder de causir los elegits en carga d'aquela delegacion de poder
(causa que cal tornar explicar çò sembla als professors de
sciéncias-pòts à Paris). E donc coma es una delegacion de poder,
los elegits son plan forçats de seguir çò que l'Estat vòl, donc
per exemple la fusion de region ; Alsàcia repotega, mas serà
dintrat de fòrça d'Estat jacobin dins la novèla e merdica ALCA.




Uèi un candidat del parachutatge
directe dempuèi lo patridocrata jacobin francés, e de las redaccions
parisencas (acaba de far una virada dins totas las redaccions
parisencas per far campanha dins la region de parachutatge), e
candidat del partit jacobin UMP, devengut Les Républicains,
nos explica : cal arrestar la fusion de las regions. Es de dire, simplisme politic, los socialistas an sistematicament tòrt donc cal èstre contra la fusion, simplàs non ?

Sembla que los candidats
UMP-Les-Républicains son emplenats d'umor politic ! Car se lo poder central èra estat UMP-Les-Républicains, lo verbiatge politic seriá estat bravament diferent. Donc son candidats del sistèma e pas brica per las populacions concernidas, per portar una politica a destinacion de las populacions.




E seriá pas mai simple, quora l'UMP
èra al poder de fargar un Estat francés federal (la reala reforma
que cal), puslèu que de mentir als electors e a las electriças amb promessas que
podrètz pas téner (estant lo sistèma jacobin), e ridiculizar la politica jacobina socialista (que benlèu o amerita tanben, mas pas d'aquesta manièra) ?

En esperar la responsa, vaquí una entrevista sul meteis tèma d'un candidat seriós per la novèla region, seriós, certificat per me ; e coma soi pas tancat, uèlh partesan, se i a d'autres candidats serioses o farai saber ; los candidats del parachute jacobin o seràn jamais, serioses.