arcuèlh

divendres, de juny 05, 2015

passejada reiala made in París by french socialist

Auriái poscut indicar pantalonada republicana, un jorn del rei a Paris, especial Voici ! Voici, una revista setmanaièra qu'a res de comun ambe las pravdas jornalièras coma Le Figaro, Le Monde, L'Opnion, La tribune, Les Échos, La croix, res a veire !

I a realament un filtre numeric entre los Sud d'Euròpa e lo trauc neuronic parisenc, me sembla. L'informacion arriba pas dinca París, i a un real problèma de saber, de coneisséncia, los crums, las particulas finas de las pollucions parisencas, benlèu ?

En visita, lo descendent de Franco, filh legitima del rei que Franco a installat a Madrid, es recebut a París e alavètz, lo personal politic socialista fabrica discorses, posturas politicas ridiculas, que fan creire l'ignorança bruta d'aquel personal politic.
  
1 / Anne Hidalgo, consolessa de París, inaugura una placa en francés per commemorar la resisténcia dels republicans espanhòls en fRança ; perqué pas, es plan, mas o fa en companhiá del descendent politic del generalíssim Franco !

Lo lendoman, l'esperit FIFA, arriba per explicar que lo Qatar es ... un actor privilegiat de la santa capitala parisenca ; es vertat que l'immobilièr li dèu gròs, gròs en matièra de sobre-evaluacion de l'immobilièr parisenc. 
2 / Manolito Valse, dit Manuel Valls sus la carta d'identitat, lo catalan filh de republican, personatge assimilat a las estupiditats jacobinas francesas, aprèp aver felicitat los socialistas catalans d'èstre devengut coma Franco per una «España una y indivisibla» un còp èra a Barcelona, o confirma dins un discors alprèp del novèl jove rei en pantalonada, «inocent rei espanhòl» mas que dèu saber d'ont ven lo seu poder.


Comprenètz perqué se siula dins un estadi a Barcelona per la finala de la copa del Rei, anciana finala de Generalíssim Franco ? Non o comprenètz pas... alara sètz bravament jacobin e pre-franquista.

E lo jornal satiric Le Petit Journal a remarcat sonque un problèma de discors en decalatge dins l'aula del minjat de l'Élysée ! Factor ignorança ? E remarcat que lo Rei parlava francés, dèu plan rire de las estupiditats socialistas de París.


Vomir fRança !