Retorn en fanfara, es l'Estiu !

Es lo jacobinisme que s'arresta pas de donar dins las estupiditats de cada sason, sembla qu'i a pas cap sason per las estupiditats del jacobinisme, e ieu que pensavi, inocentàs que soi, partit en vacanças (d'escritura), pensavi que lo jacobinisme atudariá las estupiditats. Me soi enganat, malgrat los dètz ans de bilhets, qu'an segurament pas legit perqué son en occitan (los jacobins son monoteïstas lingüistics), pensavi laissar tranquille e tornar tranquille en setembre 2015, mas setembre es pas arribat que si forçat de vos escriure !

#JuntsPelSi de setembre arriba a granda piada cactalana de Barcelona, lo nacionalisme francés ne parla. Mas la primièra alèrta es ligada a l'expression dels «régionalisme» que vesèm arribar ambe la reformeta territoriala dels socialistas.

 

Primièra alèrta, es estat un escrit d'una regionalista classic, d'expansion parisenca, e que doblida l'istòria. L'arganhòl se sona Jean-Pierre Masseret, es un nacioanlista francés tipic, çò de mai classic : crei qu'i a «le peuple français» (coma s'i aviá un pòble catolic dins la glèisa del dimenge, mas aquí es aquel de la santa republica), qu'èstre francés es «identitaire», ambe «valeurs universelles» de Libertat (mas pas per las lengas e los locutors d'aquelas lengas, çaquelà), d'Egalitat (mas pas pels dreits ligats als locutors d'aquelas lengas), e de Fraternitat (mas pas per los que creson pas a la santa republica, lo nacionalisme francés es l'expression politica d'aiatollah de la pensada). E donc devon pas saber qu'en 1789 sèm passat de l'estadi «sujet du roi» (lo rei estent descendent de dieu), passat a actor de la ciutat, «citoyen» (la republica remplaçarà dieu).

E donc coma fRança es etèrna, santa e parisenca, la lenga etnica es evidentament la sola que se pòt creire per l'Estat sant considerat. Lo dreit comun es … la vision reiala de l'Estat, pauc impòrta que fosquèsse dictatura reiala, de la sang blava, regime imperial sangnós en Euròpa, o republica dita francesa, supausadament educativa ; del mot, Français o díson etnic coma los Alemands.

 

E pas luènh d'aquela pensada de dreita francesa, i a Le Canard Enchaîné. La sola diferéncia es que lo guit encadenat pensa que 1791/92 èra un bon periòde per l'umanitat.

Segond mens classic, encara qué (!), l'un estent fabricat per l'autre. Le Canard Enchaîné arriba ambe un article de mèrda sus Artur Mas qu'es devengut l'òme a totes los castigs dels regionalistas parisencs, aqueles qu'an l'expansion coma dogme politic per pensar liurament. Per los que vòlon legir dins una lenga minoritària europèa, o podràn far en francés aquí.

Aquel biais d'emplenar las paginas es pas costrumièr dins Le Canard Enchaîné, donc i a segurament urgéncia d'emplenar per far article ! Cal positivar e es un messatge mandat pels Jacobins als nacionalistas catalans : sètz sul bon camin ! perdon : vous êtes sur le bon chemin !

En ben o en mal, se parla que se parlan de tu, te podèm saber pro vius ! Donc, quand los Jacobins trapan la necessitat d'escriure sul fenomèn politic qu'arriba en Catalonha (associatiu, ciutadan e a la talvera politician), es que lo fenomèn es pas un pantais (mas damòran dins lo dogme parisenc, i a un capolièr, e unic per portar l'«òrra error» de se separar de Madrid). Mas lo problèma es qu'o fan sonque legir la premsa manipuladoira parisenca, e alara l'article de la gojata que se dís journaliste es un article de resumit de las mèrdas qu'avèm poscut legir fins ara, dins los burèus redaccionals vesins, Libération, Le Figaro, l'Opinion, Les Échos, La Croix, Le Parisien, Le Monde, Le Monde Diplomatique, Politis, L'Humanité, L'Express, Le Point, L'Obs, france TV, Radio France, TF1, RTL, Europe 1, RMC-BFMtv, Sud radio, iTele, AFP, Reuters, etc. N'i a pas un per glorificar l'autre, fins ara ; mas al cap de tres annadas de conflicte pacific ambe Madrid, se despertaràn benlèu a París ? Le Canard Enchaîné pròva que serà complicat.

O alara, entendi pus l'umor del jacobinisme francés... es benlèu aquò.

M'arriba una idèa, de qué podèm far dels Jacobins per aver la patz ?

 O fasèm carrièra del Taur a Tolosa ? Es un endreit plan indicat e pro emplenat de toristas per aquesta passa estiuenca.