Explicacions.
Farine Le Pen e Emmanuel
Fracon son a l'antena de la campanha oficiala ; e lo lòbi de la
casta jacobina dins los mèdias es sus l'empont del titanic
republican fRance,
per far votar coma fau, pel banquièr d'afar Emmanuel Fracon ;,
e serèm salvat de l'òrra femna Farine Le Pen ; fau dire que la
partida es aisida, vist las cassòlas que jà pòrta lo blau marin
dins la vida pichoneta, vida d'elegits al Parlament Europèu
(l'argent de cada deputat es la fiscalitat de totes los imposats de
fRança, directament) e la vida municipala (que la populacion li
agrada, vist la resulta de dimenge passat dins aquelas comunas) ;
coma es l'argent jacobin una « legalitat » republicana dels emplecs
fictius de la familha François Fi(ll)on, una granda costuma del
sistèma « democratic » de la dita « représentation nationale » ;
un sistèma qu'agrada a totes los extremismes, talament qu'Erdogan ne
fabrica una còpia en Turquia ; que fosquèsse al Parlament
Europèu o als Parlament Jacobins la causa es la meteissa, sèm bons
per pagar lo sistèma centralista, e las leis inutilas o absentas, o
mal fotudas, que sotmetuts devèm suportar, caregar sus l'esquina e
que destrusís las tèrras bonas occitanas, e lo pòble d'Òc.
Quand Farine Le Pen s'en
va en Rússia per aver l'avança putiniana sus campanha electorala
2017, es que las bancas de La Défense [La Bourse de Paris
mai o mens] an aplicat la règla qu'an pertot en fRança per
favorizar lo desvolopament dels fonds nòrd-american de pensions,
contra los investiments en fRança (donc en Occitània, region
lingüistica e istorica de lenga occitana) ; i a mens de risques
dinerièrs, e la ierarquia es respectada dedins lo sistèma bancari
jacobin. Atencion escrivi pas que Farine Le Pen es un bon
investiment, soi gaire segur … Es un tipe de representacion que viu
del mite e de la cultura del jacobinisme ancian, d'una vista d'ancian
regime coma la populacion de Sens Commun (integristas
catolics sus l'anciana modèl pre-revolucionari parisenc de 1789)
que faguèt sobreviure François
Fi(ll)on aquel del castèl de Sablé sur Sarthe que ne (sobre)visquèt
longament -coma fòrça autres anuèch encara de l'argent de la
fiscalitat de totes, en republican jacobin forçadament convençuts
del partit qu'an de daissar lo modèl en plaça, tranquile, dolçament
empipador dels pòbles de fRança (pòbles sotmetuts coma se fasent
inocent de la grèpia republicana), es del tot semblant al temps de
l'ancian regime, abans 1789, o per la restauracion borbonica ;
se sona conservatisme, quand lo sistèma paga plan son òme,
representatiu de la santa République fRançaise
(plan segur).
Dimenge
fau votar putanièr !
Fau
de tota urgéncia estacar aquel gal, e benlèu al puslèu li copar lo
cap per far una sangueta, que se minjarà ambe la salada dels pòbles
de fRança. Farèm pas çaquelà de messa animista ambe aquela sang,
coma fan dins las Islas d'Oltra-mar tal en « l'Île de
Guyane » EDR especial Emmanuel
Fracon (aquel que visita Tolosa per explicar que las star-up-s
parisencas son formidablas, e
pas brica una visita a las entrepresas al entorn d'AIRBUS, Tolosa la
provinciala agrada a Paris de la Bourse de Paris
) ; Fau aver un pauc d'umor ambe l'« intelligéncia » certificada
de las elitas partidocrata e jacobina.
Las bancas de La
Défense son favorizadas dempuèi annadas e annadas per se
subtituar a las incapacitats de l'Estat (o las regions
decentralizadas) d'aver una politica d'urbanisme, en ligam ambe la
creissença de la populacion e foncion de las necessitats del
terrenh, lo local es lo bocal jacobin en fRança ; aital per la
subtitucion, lo sistèma politic jacobin a creat la defiscalizacion,
causa qu'es un montatge dinerièr qu'ajuda a bastit (sus tèrra
agricòla rica) los bastiments (apartaments) que las societats d'HLM
pòdon pus bastir per fauta de mejan dinerièr d'Estat (e la fòrça
de l'Estat darrièr), o regionals (abséncia de fiscalitat regionala
per bastir un projecte coërent), e per abséncia totala de volontat
politica (conservatisme jacobin), lo mercat estent pregat de tot
reglar a la plaça dels jacobins republicans ( lo regionalisme o
la pensada politica locala interdita per la partidocracia francesa en
Occitània) ; aquela tecnica d'expandiment sus las tèrras agricòlas
es la meteissa pels centres comercials qu'an destrusit emplecs e los
teissuts socials en centre ciutat (en crear circulacion e pollucion
automòbila), la diversitat de las vilas matada, ambe en clau,
pagaments fosques que se son estats caminar sistematicament en
favorizar los politicians en plaça, es de dire los jacobins
franceses (partidocracia). L'argent blocat per pagar los apartaments
de defiscalizacion son alara a mans de las bancas (Rodchild per
exemple) e sul mercat dinerièr se fabrica la recèrca del melhor
rendament (la fabricacion se farga amb emplecs nombroses de l'Euròpa
de l'Èst o d'Africa devath lo pretèxte « les fRançais ne
veulent pas travailler », a mendre còst, segur), es la libertat
del capital abans aquelas dels òmes (aquí los dos candidats i
cambiaràn res) ; pel moment Rodchild a trobat primièr la via
de la borsa nòrd-americana, qu'encaissa un benefici puèi arriba sul
mercat francés coma « fonds de pension » per « salvar
l'emplec » (son los mots de la comunicacion d'entrepresas, e del
MEDEF qu'ajuda a la destruccion), « salvar » de las entrepresas en
falhidas, ipoteticament salvar l'emplec, perqué la transmission de
capital es pas estat organizada en fRança, en l'abséncia de lei, o
en reglar las transmissions de familha ( levat per la casta en plaça,
Fi(ll)on family per exemple) en aguent destrusit la pensada
economica de las familhas sotmetudas, pensada pròpria e liura de tot
engatjament politic foran (devengut impossible per las leis, o pel
sistèma educatiu, o lo sistèma notarial al plaça). L'objectiu èra
destrusir la transmission en familha « de souche » (per
tornar préner la semantica dels amics de Farine Le Pen), per
favorizar lo sistèma dels quadres d'entrepresa mai aisidament
manipulables, e sobretot en nombre redusit e bon client pels
projectes faraonics coma las LGV (que destrusísson tanben las tèrras
agricòlas).
Fau notar que la darrièra
visita dins una bòrda de l'Emmanuel Fracon es pel cerealièr de la
Beauce, lo sistèma agricòl que destrusís l'environament dins
aquela region, e que, modelic de las escòlas agricòlas (gerida pel
ministèri e per las cambras d'agricultura manipulada pel sindicat
productivista) es estat imposat per la FNSEA dedins la PAC al nivèl
europèu (lo lobiïsta FNSEA es malfesent autaplan que
Bayer-Monsanto-Industria-del- Diesel amassa, car la PAC es lo mai
grand budgecte europèu), ambe las consequéncias que saber sul
teissut rural que vòta ara, en darrièra solucion, per Farine Le
Pen.
La libertat del mercat
(pregat tanben per l'agricultura en seguit l'idèa londoniana sul
tèma, avètz jà visitar la poténcia relativa de l'agricultura
anglesa?), e la libertat de las bancas (Société Générale,
BNP-Paribas, Crédit-Agricole-Banque-Privée-Barclays,
Rotchild, HSBC, CIC-Courtois, Crédit
Foncier, etc), e los fonds de pension, tipe madoff, son aqueles
que son estats salvats per l'argent public, un còp èra e
encara un còp ; fau saber qu'ambe aquel argent (ges liberal donc),
la creacion publica d'emplec seriá estada immentíssim. E la crisi
bancària auriá poscut netejar lo sistèma dragonièr de las bancas
del jacobinisme [la banca del rei èra de Luca, italica un còp
èra] ; mas salvar pel sistèma politic jacobin, Emmanuel Fracon
salvariá lo tot, en conservar la vida al sistèma jacobin, de las
bancas dincal sistèma politic centralista, en lo centralizar encara
mai (coma Farine Le Pen, çaquelà!) ; centralizacion dels
revenguts de las comunas remplaçat per un contracte ambe l'Estat.
Fracon Emmanuel –un
conservatisme d'afar bancari- es un d'aqueles tecnocratas (en cambra)
de la defiscalizacion republicana francesa qu'a arriunat la
populacion francesa e lor far pèrdre tèrras cultivablas (veire
l'agradiment de Tolosa en trenta annadas, e donc lo bon minjar pels
sègles venents, e las tradicion cosinièra en seguida) e fòrça
emplec industrial, tot en frenar la prepausicion dinerièra directa a
la creacion d'entrepresas novèlas, occitanas, bretonas, còrsas,
catalanas, bascas (Herrikoa e l'istòria del capitalisme basc es
utile de conéisser sul tèma), alsacianas, savosianas, normandas,
picardas, lorrenas, lyonnesa, dalfinesa, nissarda, etc. L'incapacitat
de las bancas de prestar a la creacion d'entrepresa, de seguir al pus
prèp los dorsiers de faiçon non tecnocratica e bancària, se mesura
a la nautor del diplòma de las femnas plaçadas en fàcia los
creators d'entrepresas (femnas qu'an diplòmas de naut nivèl,
bachotatge en règla, mas jamai creat d'entrepresas, qu'es pas
luènh de tornar vomir los corses per aver un diplòma
d'universitat) ; car son en majoritat femnas, 9/10 ! (cas
concret e personal) ; coma es un cas personal de veire femnas a
totes los nivèls bureucratics de l'emplec francés.
La tecnocracia bancària
aurà far perdre moneda a l'Estat francés, dempuèi 30 ans ambe la
collaboracion del sistèma politic jacobin. E ara la tecnocracia
jacobina nos prepausa un banquièr coma solucion a l'arribada de la
banca russa per finançar lo nacional-jacobinisme de la dita
«extrèma-dreita» francesa ; mas lo règlament del sistèma,
es pas al programa ; lo règlament es la destruccion del
sistèma, sancièrament. E fau res reciclar, RES.
Dempuèi doás setmanas,
la liga dels mèdias franchimands, protegits per las leis
republicanas e jacobinas (estatuts especials en fiscalitat), sense
tèner compte de la reparticion dels tempses de paraula dona un punt
de vista unilateral contra Farine Le Pen ; l'ajudarà (an pas
retengut la leiçon dels tempses passats) ; un pauc coma lo
referèndum per la dita constitucion europèa (2002 me sembla) que li
-los ciutadans de fRança- avèm votat contra, mas que l'establiment
jacobin e europeïsta nos a fait engolir, o granminjar a la taula
bironesca de la casta del banquièr arrosegaire de la moneda vòstra,
gràcia a una man-òbra de Les Républicains ; l'afar es
estat entendut, fau salvar la tecnocracia jacobina, a París e fòra,
a Brussèllas. E recentament e recentrament, lo Junker, lo primièr
bandit luxemborgés elegit pel grope parlamentari de la dreita
conservatriça (dita democratica) e l'esquèrra (del sistèma
progressista) president de la comission, nos arriba ambe una lei
qu'auriá faugut votar vaquí vint ans far ! Lo meteis sistèma
bandit europeïsta nos explica que Farine Le Pen pana « l'argent de
l'Euròpa », mas concretament es la fiscalitat dels fRanceses (digun
o explica car digun sap coma fonciona las finanças europèas), e de
totes los pòbles de fRança. Lo meteis sistèma nos dona coma
antipatic lo mentidèr UKIP … e los Angleses an votat
contra aquela idèa ; per fin -pauc a pauc- son estats enganats
per els ; lo public elector es pas sapient tanpauc, a còps. Mas
la bona novèla es que Irlanda camina cap a l'unitat per fòrça, e
Escòcia votarà per l'independéncia (se l'U.E. ajuda), en daissar
lo centre de la finança enganadoira e mondialista, The City of
London. La Défense es pas melhor en fRança jacobina.
Fau tornar dire qu'en
matièra de manipulacion de l'argent de totes, lo monde Sarkozista
(Fi(ll)on al cap) nos an plan manipulat ambe las asseguranças
complementàrias (a la CPAM) que fan un còst mai gròs sobre
l'esquina dels pòbles sotmetuts. Lo corporatisme sindical
(obrièrista e patronal) que fabrica la gestion parisenca de la CPAM
nos a jamai explicat que lo sistèma regionalizat de Mosselle-Alsace
foncionava melhor, e mens car per totes ! Lo meteis problèma
pel RSI... gestion parisenca !!!
Anuèch contra aquel
sistèma Fraconièr, e financièr engatjat a destrusir los pòbles de
fRança (e d'Euròpa donc), avèm una femna de l'extremisme ;
perqué ? Perqué lo sistèma es pas conegut (avuglament
ontologic, programat, legal, coma Fi(ll)on en campanha) dels partits
politics franceses e l'inocéncia dels pòbles de fRança es talament
granda que pòt sortir del capèl de mòde, un jove e polit banquièr,
digun bolega dins los ostalòts que fan secret los vòts de la
presidenciala 2017. E nos damòra lo drac Farina Le Pen per protestar
contra las absurditats republicanas jacobinas e centralistas
francesas, tot en se plaçar coma una familha que regna al dessús
del centralisme francés (tot en estent centralista e imperialista,
totes sos electors se fan avugles e aficionats, dinca quand ?) ;
mas quand fRança serà destrusida pel ben dels pòbles de fRança,
serà pas ambe lo 2nd torn aquel de mai 2017, segur pas
per las legislativas qu'arríban, mas benlèu aprèp ... quand lo
prètz de l'electricitat, que fau aumentar per pagar las vièlhas
centralas nuclearas d'EDF-CGT-Lòbi-Nucleocrata, serà lo moment que
la populacion veirà que -encara un còp- entre « la pèsta »
(semantica del mèdia condescendent del jacobinisme francés per
FN-BM) e lo colerà (Fracon Emmanuel e la tropa que camina
jacobinament), las solucions realas e politicas concretas pels pòbles
de fRança son pas en vistas, e o serà jamai tant que fRança damora
un instrument de manipulacion per engraissar la casta jacobina.
Son las penurias de blat
(minjar de pan) del sègle XVIII que faràn revolucions en fRança.
Vesi a l'orizon la penuria de l'electricitat nucleara, e sas facturas
pesugas ambe l'Estat que voldrà pus pagar (pression europèas suls
deficits) ; fauta pus que los investiments d'EDF devenguèssen
clars, pel grand public, e alara que la factura EDF
devenguèsse una realitat per totes los consomators de fRança... la
causa arribarà aprèp las eleccions. Se prepara manifestacion granda
sul tèma de l'imprevision dels consomators, de l'entrepresa EDF
e de l'Estat jacobin, sa tecno-estructura scientifica e politica.
Dimenge
fau votar putanièr !
Mas votar putanièr
bastarà pas per destrusir lo sistèma jacobin. Dimenge passat avèm
votat inutile, car avèm votat fRançAIS ;
dimenge en 7 (mai 2017) faudrà alara votar putanièr, lo contengut
de la paperòta poirrida car republicana francesa, serà al vòstre
gost segur, segon vòstre biais de pensar lo putanièr, pudent o
ultra-pudent (o los dos amassa per l'autodestruccion), per tot far
petar, e crear un biais d'aver manifestacions violentas pertot a
l'Estat coma pels 20 ans abans la dita Révolution
parisenca ; quand foguèt la darrièra en fRança a destrusir lo
sistèma, mas pas la primièra sul terrenh del regime que pensava que
lo rei representava diu. Emmanuel Fracon e Farine Le Pen an una
pensada de fRança coma lo diu de l'ancian regime, es sancierament
santa, parier que la Jeanne d'Arc que la lei de Normandia a
graciament condamnada a la cremacion en plaça publica, èra legal
coma lo panatòri del François Fi(ll)on family.
La
pression mediatica per votar Emmanuel Fracon es talament granda que,
quitament lo vòt Farine Le Pen arriba a èstre un tipe de vòt
putanièr, vist l'incapacitat qu'auràn de gerir las legislativas que
nos arríban, e ambe un projecte leugièr e pauc acompanhat.
Puèi
avèm pas encara vist passar lo merdièr jacobin sancièr, la
campanha per las legislativas que donarà -segur- a cap dels ganhants
de mai 2017, una majoritat per poder governar. Lo primièr torn
bastarà per saber ont se podrà trapar paracaicuda electorala, aital
lo Jean-Luc Mélenφon
nos arribarà a Tolosa, per assegurar un cumul dels mandats jacobins,
una tradicion tolzana, en contradiccion ambe totes los sistèmas
politics democratics europèus.
Conselh
de legida per dimenge, un libre en catalan « Mite i Cultura »
[Lluís Duch, bibliotèca Serra d'Or, 1995], per plan indicar que
fRança es una autra planèta per la representativitat publica, mas
tanben per una pensada antropologica, e per la manipulacion
collectiva acceptada, en diversas sotmissions ciutadanas. Las fake
news fan pas las eleccions, mas son un mite vivent de la
(des)illusion republicana (car jacobina) en fRança, que fabrica una
linha de pensada entre lo lògos (en grèc la sapiença) e lo
«mite», expression d'una vision pròpria de la realitat. Aquel
libre vos farà oblidar fRança, una bona debuta e segur BONA NOVÈLA
per sa destruccion que se programa dimenge venent, e n'aurèm per
cinc a sièis ans de durada çaquelà. La dita Révolution
française se faguèt per totas las províncias abans d'èstre
revolucion provincialista parisenca, la capitala abandondada pels
reis ultra-catolics. E durèt mai de 20 ans abans 1789. Ambe
l'evolucion de la circulacion de l'informacion, es judiciós de
pensar que n'aurèm pas mai de cinc ans a suportar fRança, e son
sistèma politic jacobin ; l'autodestruccion es programada, se
farà encara un còp per una granda manipulacion que suportaràn los
pòbles de fRança.
Lo
mai grand Estat antidemocratic de la planèta es pas China, es
fRança, en superficia coma en arroganta ideologia reiala o
republicana. La fille ainée de l'église fabricarà pas jamai
un sistèma democratic.
Alara
votar es una necessitat ciutadana, 0,1% del respecte politic que
l'individú dedins son grope (un pòble que sotmetut se desliure un
pauquetonet) podrà donar a la vida umana sus aquesta planèta, per
umanisme (es gaire), donc fau votar putanièr ambe 0,1% d'umanitat, e
donc contra fRance de totas las salças.
Dimenge
fau votar putanièr !
Cap comentari:
Publica un comentari a l'entrada