Las errors d’analisi del FN son similaras a las errors d’analisi de l’extrèma-esquèrra

Marine Le Pen acaba d'explicar que «los independentismes son d'errors d'analisi sobre lo ròtle de l'Estat-Nacion». Èra sus fRANCE Culture al jornal de 12h30.
Comentari : 1 / gaire estonant, lo FN es sobre la meteissa linha que l'extrèma-esquèrra, lo PP, l'UPyD, e lo PSOE-PSC. 2 / la question del jorrnalista de France Culture assimilava lo nacionalisme del FN als nacionalismes escossés, catalan o flamand. Per tot dire, las autras expression politica en fRANÇA son consideradas coma non-nacionalista, donc. E aiçò es una opinion, levat que lo jornalista se conidèra independent en pensar aital.

Ai pas jamai agut de dobte sul biais que lo FN a de manejar lo concepte de Nation, coma del temps de la terror, de las pensada desvolopada per Ernest Renan o Maurice Barrès.

Donc, pel independentistas catalans, flamands, o Escosseses, an d’amics FN en mens ; e pensi que ne son contents. De mai, los nacionalistas e avuglats d’esquèrra podrà aital verificar que l’etiquetatge extremistas dels independentisme, dins lo camp FN, es pas la bona analisi politica, coma ai poscut entendre e qu’es estat confirmat per lo blòg del Lemosin famós, La Rapieta, e qu’avètz jà visitat lo blòg.

Tot tot va plan, coneissi mntunes politicians regionalistas en Occitània que veiràn d’un autre uèlh los independentismes, vist que son manipulats fins ara pels mèdias parisencs.

E dins la meteissa dralha, la marxa de la nacion catalana contunha aprèp la manifestacion del 11 de setembre, manifestacion ciutadana. La diferéncia entre la NATION (version francesa) o la NACIÓN (version espanhòla), e la NACIÓ (version catalana) o NACION (version occitana), es indicada per Cornelius Castoriadis dins mantunas conferéncias disponiblas dins un libre «De la cité et des lois», s’i aprendrà tranquillament çò que ciutadanetat vòl dire (dins l’istòria e dins lo XXen sègle), o simplament dins lo libre de Montserrat Guibernau, professora d’universitat de siéncias politicas de l’Universitat de London, lo libre se sona «nacionalismes» editat en anglés e catalan.

Me sembla que per entendre l’independéncia catalana indica clarament, indica fòrt plan, que vòlon un Estat, e donc escriure las leis que lor correspóndon, que seràn lo lor biais de viure en bona companhiá europèa (Espanha compresa), crubar los impòst, e dintrar dins lo mercat mondial se l’Estat novèlnecessita emprunts, votar a Brussels, aportar l’Union Europèa, las riquessas que Catalonha vòl bailar al collectiu europèu. Es una question de dignitat politica, aiçò Marine Le Pen o pòt pas comprendre, car lo son imperialisme es l’indignitat pels Catalans (los de Perpinyà o deurián meditar), pels Occitans, pels Bascos, pels Còrses, pels Savosians, pels Alsacians, pels Flamands, pels Bretons, pels Martiniqueses, pels Goadelopeans, pels Kanaks, pels Polinesians, pels Maorins, etc.

O cal sotalinhar, i a encara Franceses regionalistas en Occitània que nos confóndon ambe lo FN, aquí al mens es clar. Se d’unes/as n’aviam dobtes.

E Marine Le Pen deuriá revisitar los corses de sciéncias economicas e las consequéncias de l’independéncia, li sabi un professor de sciéncias politicas de Princeton qui li serà utile. Conselharai la meteissa visita a l’estrèma-esquèrra francesa, mai tanben a l’esquèrra tota, amai a l’UMP parisenca, e de l’Estat francés en general. De còp me fa póur de pensar que lo cal conselhar tanben als elegits EELV …

Ai oblidat, interdire eleccions es tanben un programa utile pel FN, coma a Madrid pel Congrès (PSOE-PSC-PP-UPyD). Gaire mèdias franceses ne parlèran, e pel primièr còp France Télévision sul site Internet ne far una linha de resson.