Un finançament directament ligat a l’activitat politica

Lo pacte fiscal ambe l'estat centralista francés es pas encara al programa, mas ne sèm gaire luènh ; es quasiment demandat per l'ARF e lo president del Conselh Regional de Miègdia-Pirinèus.... dins un sistèma de decentralizacion, sonque ! un sistèma qu'es bravament centralizador, d emai en mai. Mas tot çò qu'es de conquerir los poders dinerièrs en region, es un pauc complicat encara ; lo sistèma politic ajuda pas.

Lo darrièr pacte fiscal qu’es estat demandat, l’es estat pel president de la «regione autonoma de Cataluña» o província autonòma de Barcelona, e refuzat pels amics de l’UMP a Madrid, lo president Mariano Rajoy. Aquel pacte refuzat, donarà una eleccion del 25 de novembre de 2012.

Anuèch es lo Conselh Regional de Miègdia-Pirinèus e totas las autoritats decentralizadoiras de l’Estat francés, ambe lo nom de l’associacion que las regropa, l’ARF, demándan enfin una ligason entre l’activitat politica e la fiscalitat locala. Causa qu’es estada refuzada pel poder UMP. La rason es simplassa, èran pas mèstre del poder de las regions ; aquò se sona la politica frnacesa e una gestion desastrosa per Occitània, e los seus interès, sapient que los socialistas o fan perqué sn al poder !

Veirèm dins las setmanas que venon, se los podèrs centralistas installats al Sénat e à l’Assemblée dicha Nationale respondràn presents ; pel moment sabèm que son de la meteissa color politica, son majoritariament socialistas, alara benlèu que faràn coma cal e dins la bona dralha per l'eficacetat regionala reconéisser.

Dempuèi Bretanha, se demanda que dins los tèxtes novèls sobre la decentralizacion s’integran la politica per las lengas, e dempuèi los gropes EELV se parla de demandar una reala autonomia de las regions. Pel moment digun per installar un sistèma democratic en regions de la decentralizacion, serà benlèu per… las eleccions venentas ! (quora l'UMP serà majoritari dins las regions e al poder central ? Podèm somiar, non)

Concretament, las votacions son de seguir e son bravament mens d’escambis ambe los Internautas que pel Principat de Catalonha per l’independéncia ! Vesèm aital la diferéncia entre la decentralizacion e l’autonomia.

E malgrat tot aiçò dins Le Monde se publica aiçò :

 S'i parla clarament de quí serà lo capolièr de l'afar, jamai de las batalhas per saber qui designarà lo capolièr, quí dels centralistas o dels decentralizadors auràn lo mot fnal sobre lo foncionament de la maquina pesuga qu'es l'accumulacion de las incompeténcias d'Estat e l'aficacetat de las regions e dels departaments, o las comunas.

Dins La Tribune la causa es clarament explicada, mas sonque abans l'aparicion del subjecte dins lo medialand parisenc ; aprèp arribada dins los burèus parisencs se tracha sistématicament e sonque de parlar del caporalisme republican, jamai de las realitats de las regions, nimai de las seunas necessitats e urgéncias.

Dins aquel combat per aver instrument financièr potent, Alain Rousset, e l'ARF, jògan lo ròtle de correja de transmission, al nivèl politic (per la discutida fòra carrièra, capolièras, es pus complicat) ; mas la seuna votz es gaire ausida dins los mèdias parisencs. Jamai, un movement politic occitan l'aurà encoratjat, lo nòstre capolièr de Pessac.

Se pausa realament lo problèma de mèdias occitans, coma sempre ; un jorn benlèu i pensaràn tanben los politicians, luènh de la batalha de las pichonetonas antenas de France Télévision.