Los "nationalisme régionaux" es una estupiditat, que se mesura a l'aula d'una autra expression recentament legida : nation en puzzle.
La mapa presentada sus aquel document pròba l’abséncia de recèrca e de precision sul subjecte :
La ‘nation en puzzle’ explica que l’antropologia existís pas, o se existís dona una ciutadanetat qu’es amaga devath lo títol de nacion. Es çaquelà un pauc extra-ordinari de legir aquò dins un cors de sciéncias politicas de Tolosa … La ‘nation en puzzle’ explica benlèu que lo netejament lingüistic es pas acabat, e alara que cal anar mai luènh dins lo netejament ; e aquò es ensenhat a Tolosa en sciéncias politicas ?
Me sembla qu’i a una urgéncia a Tolosa, la lectura de Cornelius Castoriadis sul tèma, e en primièr la professor que dona aqueles corses a Tolosa, a l’universitat !
Es un pauc coma per la revista CARTO que publica aquela mapa ; es trufada d’errors e amai es una aisina de manipulacion politica de granda dimension. I a una confusion entre las installacions de las populacions de lenga particulara e la territorialitat d’implantacion, e l’administracion dels Estats que fabrica particion de las nacions dels locutors identificats.
Per la ‘nation en puzzle’ coma pels ‘nationalisme régionaux’, la sapiença franchimanda es de pauc de fisença, o puslèu es un instrument de la manipulacion politica ; la sapiença francesa es alara un instrument del nacionalisme d’expansion parisenca.
Cap comentari:
Publica un comentari a l'entrada