Un còp de mai, podrai escupir sobre l’oligarquia parisenca que governa actualament, se trapa èstre UMP-NC.
La question l’a pausada un deputat alsacian, qui tornarà pausar la question ? Perqué cal pas abandonar ? Esperar sièis meses per tornar la question ? Esperar una ultima manifestacion, esperar un atemptat ? Esperar los balètis dels conselhièrs o foncionari per aptzimar l’afar ? Esperar qué ? Per far bolegar aquestes oligarcs, los que fan França sense los pòbles de França. Uèi serà plan de repotegar alprèp de l’ensemble dels deputats UMP-NC que fan res per capitar una reala reaccion del govèrn.
Las avançadas que l’administracion lista, son mediòcras, totalament mediòcras. L’Estat es donc mediòcre, coma sempre. La falsetat es la realitat francesa, pietat per nosautres que zo devèm suportar.
La question de las lengas de França es pas sonque una question d’ensenhament, es pietat de pensar aital… per astre, per la francofonia qu’escana l’occitan, ne procedisson pas parier. Es que caldrà boicotar los festenals de francofonia, o manifestar violentament contra aquestas manifestacions imperialistas per aver dreit a quicòm de seriós, de la part de l’Estat.
La decepcion del deputat alsacian es l’evidenta manca de vòts per las eleccions venentas. Mas qual deputat tornarà pausar la question, la meteissa, dins una setmana, dinca cansar… Perqué soi segur que cal cansar l’oligarquia franchimanda, dincal moment que diràn la realitat, son nacional-expansionista e alara la clartat se farà. França serà pus la solucion per Occitània, un unrest serà alara necite.
Lo blablà ministerial sul tèma es d’un nivèl nacional-expansionista sense equivalent depuèi tres sègles en França, tres sègles perduts ambe França.
Mercés donc al deputat alsacian, quin deputat breton ? Quin deputat còrse ? Quin deputat basco ? Quin deputat martiniqués, goadelopean, reunionés, kanak, polinesian ? Quin deputat peitavin ? Quin deputat gallo ? Quin deputat savosian ? Quin deputat picard ?Quin deputat occitan ? pausarà la question dimècres venent ?
L’ESPERÈM AMB GRANDA FÒRÇA, LA METEISSA QUESTION CADA SETMANA ; al mens los deputats auràn un interès evident, vist que las leis qu’an votat fins ara e per aquesta legislatura son estadas sempre contra los pòbles de França.
Cap comentari:
Publica un comentari a l'entrada