Aquel retorn es la pròva que lo vòt qu’es pas estat al PSOE, es passat a l’abstencion (vòt pel partit majoritari) o als partits de pichona dimension d’esquèrra. es lo cas de la Chunta Aragonista.
Es Chesús Yuste qu’es elegit deputat al Congrès dels deputats espanhòls. Es un locutor de l’aragonés. Chesús Yuste es conegut pel nacionalisme espanhòl per un nom diferent, Jesús Yuste ; seriá Jèsus Juste per Occitània, predestinat nom per èstre elegit ? Per èstre elegit li a calgut mai de 10 % dels vòts dins una província d’Espanha, Aragon.
Per aver tres elegits los independentistas catalans auràn agut 7 % de vòts. 17% faràn 3 deputats pel PP en Euskadi.
Es dedins las talveras que se trapa la vertat per la melhora descripcion d’aquelas eleccions espanhòlas. Lo vòt PP a pas aumentat (gaitèm Nafarroa-Navarra), mas lo vòt PSOE èra despistat (es l’efèit Lionel Jospin). En trapar una novèla pista d’esquèrra, los pòbles d’Espanha faràn combiar lo païsatge politic pel long termi ?
Ara, AMAIUR o la CHUNTA ARAGONISTA son movements ultraminoritaris a l’Estat espanhòl, e faràn longa vida politica dins las loras nacions ? O cal esperar, per aver un balanç politic normal per las annadas venentas. En adicionar AMAIUR, CHUNTA e la novèla aligança independentista al Principat de Catalonha, avèm un païsatge d’esquèrra pirinenca que podrà far pantaissar de l’autre costat.
Dins las talveras podèm tanben gaitar Nafarroa-Navarra, perqué ? Gaitatz :
Cal notar que la presidéncia de la CTP es la presidenta del parlament de Navarra, membre de l’UPN, gràcia a l’ajuda del PSOE. Lo PSOE de Navarra a refusat l’ajuda de votacion dels elegits d’esquèrras bascas per prendre lo poder aquí. En Navarra podrèm tanben notar un nivèl d’absntencion important qu’a tocat lo mai lo PSOE-Navarra.
Es sobre las talveras que podrèm aver una descripcion d’aquestas eleccions. Lo còr nacionalista d’Espanha vòta PP. Las resultas d’aquestas eleccions son la descripcion del nacionalisme espanhòl.
Complement d’informacion, sobre lo movement Òc sul pic de seguida:
Cap comentari:
Publica un comentari a l'entrada