Sobre la tèrra firma, podèm considerar que lo documetn que marca l’accòrd entre PSF-PRG e Europe Écologie LesVerts dona pas per la clartat de las causas. Aital lo critèra del nuclear es puslèu fosc. Mas es pas lo sol subjecte, per exemple lo cumul dels mandats, en Nauta-Garona, semble qu’èstre deputat europèu ajuda a aver un luòc d’eleccion segura per èstre deputat de l’Assemblée national, es lo cas Kader Arif, pòrta-paraula de la campanha François Hollande ; Kader Arif a pas donat una idèa de demission aprèp son eleccion dins un fautuèlh de Lauragués.
D’un autre costat, avèm un candidat de EELV a Tolosa que la circonscripcion es puslèu dificila de ganhar, vist qu’es estada sempre una zòna segura pel vòt de lma dreita nacionalista francesa. E al meteis temps lo candidat EELV causit es tanben un elegit, çò qu’afovoriza pas realament lo renovelament dels caps d’elegits en Nauta-Garona.
Avèm ambe François Hollande un conservatisme d’esquèrra, se cal recordar que lo PRG es estat lo primièr beneficiari de l’installacion de Golfèch (venda de terrenh pibolaire e subvencions generosas EDF de tot escantilh, quitament per far melhor votar los electors, un pauc a l’imatge de Andreotti pendent un brave temps en Itàlia) ; es pauc encoratgent per anar votar.
Avèm çaquelà la promessa que la mar es una causa importanta (crear un ministèri es causa importanta per un jacobin…), importanta per la politica e François Hollande (lo PRG pensa a la mar mas sonque per prendre paraula a París per Corsega), mas sabèm pas mai perqué ! Aquí tanpauc, i son nuanças (mas sabèm pas qunas!), es pas melhor que lo staff de campanha de l’UMP …
Lo cònsol de Grussan, Didier Codorniu, pensa que cal pas d’eolianas dins sa mar… Es lo vice-president de la region Lengadòc-Rosselhon. Benlèu qu’a rason… Mas concretament vesèm encara que totas las politicas dichas per un personal politic del jacobinisme francés son mal adaptadas al terrenh, a una politica que podriá foncionar en Occitània, per la nacion nòstra.
Cap comentari:
Publica un comentari a l'entrada