Izquierda Unida es un movement politic representat dins tot l’Estat espanhòl ; per las idèas e per la formacion dels militants, sembla fòrça al Front de Gauche, version Parti de Gauche [podrèm legir un darrièr bilhet sul tèma de la descripcion del Parti de Gauche]. Zo podèm jà veire ambe lo lògo e l’eslogan, rebèla-te !
Çaquelà es un movement que gausa trapar d’aliganças localas, diversitat politica, e donc una eficacetat politica dins mantunes airals : Euskadi, Navarra-Nafarroa, Galícia, Aragon, Principat de Catalonha, ambe una logica de succès politic, ajudat per la sindròma Lionel Jospin al PSOE madrilenc que governava lo centralisme.
A l’Estat francés lo Parti de Gauche es nacionalista al modèl espanhòl, a l’imatge del PSOE (en ajudar lo PP-UPN al Parlament per governar Nafarroa-Navarra, e contra lo desvolopament de la lenga basca ailà), o del PP (per aver reciclat los ancians franquistas, e lo son nacionalisme nègre e netejaire lingüistic ; movement politic que s’afraira ambe los parents que son contra l’ensenhament del catalan al Principat, coma a l’Estat francés l’UMP).
Ara cal causir a esquèrra … Imaginatz se deviái causir ! Èstre rebèl en Occitània, es votar pel partit que respecta las lengas de l’Estat centralista francés, e pas simplament en paraula, en devís, ambe la propaganda, donc es non pas votar pel Parti de Gauche, nimai pel Front de Gauche, es cercar alara una esquèrra unida al modèl espanhòl. Per l’Estat francés ? Utòpia ?
Cap comentari:
Publica un comentari a l'entrada