Nalhós o 31 : quina esquèrra votarèm o votariam ?

Ai agut en man dos documents publicitaris, e actualament pertot al mètro e contra lo comèrç de centre ciutat, se podrà veire una publicitat qu’es acompanhada per un tract politic engatjat dins l’uman. Sèm dins la paradòxa de l’esquèrra francesa. Actualament l’estacion de Jean Jaurès es emplenada de la publicitat per Nalhós, dèu far plaser als comerçants del centre ciutat, al moment que los centres comercials de la periferia, installats per las annadas entre 1980 e 2010, an problèmas per aver clients en setmana.

Nalhós es un centre comercial qu’a pas poscut nàisser sense la dobla ajuda dels elegits socialistas locals e de las bancas que finánçan los gròs projectes, lo projecte bèl. La finança o las bancas son incapablas d’acompanhar los comèrçes de centre ciutat, e son sonque capablas de seguir las estupiditats politicas coma lo projecte de Nalhós.

Uèi vesèm de publicitat dins un sistèma logistic per potar los clients en centre ciutat, coma una centre comercial que necessitarà un veicul individual per se desplaçar per anar far las crompas. Los elegits socialistas fan aital pròva d’una faiçon de veire la societat coma se faguèt per Tolosa durant las quarantas darrièras annadas (entre 1970 e 2010), es minja-terrenh agricòl e impusa la necessitat d’aver un veïcul individual, e totas las consequéncias parallèlas. Nalhós es un projecte individualista e qu’afavoriza lo bordèl financièr mondialista ; l’ai jà poscut escriure sobre bilhet sobre aqueste blòg.

Per acompanhar la publicitat en fòrma de paperòls de color roja, lo PCF a distribuat aqueles documents ; es vertat que cal aprofieichar del moment d’autorizacion d’aument de la pollucion per ne far encara mai.

Al FdG podèm dire que son sovent paraulas sindicalistas transformadas en accions politicas de terrenh, un pauc coma lo president del Sénat qu’es partit d’una familha sindicalistas CGT per devenir militant del Parti Socialiste (auriá poscut èstre candidat socialista sense aver mostrat aquelas piadas rojas per rassegurar la militança en lo definir coma candidat ? E aiçò es possible sonque dins los partits sense programa ? Es benlèu per aiçò que cal demandar un programa e que cal verificar la seuna aplicacion)…

Es que podèm far fisença a-n aquestas esquèrran que víran de pensada en politica coma lo vent entre Atlantic e Miègterranèa, dins lo pargue de Bèlmont.

E al meteis moment avèm un element de la majoritat de l’esquèrra, un element de la majoritat de Tolosa, que nos pòrta un messatge sobre la nocion d’umanisme que seriá lor projecte ; avèm jà notat que lo projecte es umanista, mas pas al nivèl lingüistic [picatz aquí per ne saber mai] ; la lenga occitana fa pas partit del projecte “umanista” del Front de Gauche, ni del Parti de Gauche ; lor caldrà benlèu se apssejar a l’Universitat de Tolosa-Le-Miralh (son d’esquèrra) per saber çò qu’es l’umanisme ? Lo projecte antilingua occitana pausa lo FdG dins lo camp dels nacionalistas republicans franchimands (elonhats de la realitat occitana, imperialista al modèl de los qu’an refusat al PC Algerian d’existir abans 1962), un pauc antiescambis entre las nacions, un pauc coma lo centre comercial de Nalhós que vòl tanben prendre un pauc de la clientèla sul camin d’Andòrra, e frenar las migracions per anar crompar de tabac fòra las taxas d’Estat.

Sense comèrçe, e ambe sonque bancas, me pausi la question que seriá lo salariat del comèrç… Benlèu que cal demandar tanben als sindicalistas del comèrç de las grandas marcas del comèrç de las periferias –Leroy-Merlin, Carrefour, Intermarché, Leclerc, Casino, H&M, etc. Mas benlèu que los elegits socialisats son pron elonhats de las realitats, de totas las realitats mícro o macro economicas, e tanben de la mendra idèa de çò qu’es una vida mai respectuosa de l’ecologia, del planèta, de l’umanitat.

-°-

Document complement d’informacion.

Soi segur que lo camp de Nalhós favorizarà pas lo comèrç en Arièja … gràcia als elegits del país tolzan, del Lauragués.