Podèm veire las similituds ambe los 'identitaires' de Tolosa que vòlon pas veire los panèus occitans de Tolosa, o los beurs integristas del Miralh que vòlon pas veire lo panèu TOULOUSE... a la Cepièra.
E alara non podèm oblidar :
La lenga occitana estent practica per al mens 10 % de la populacion de la vila, e estent lenga istorica (coma pròba un panèu oficial de la vila de Tolosa, d’anuèch), lo nacionalisme francés practica donc un negacionaisme similar del costat estremisme de dreita o d’esquèrra francesa que s’exprimíscan a Tolosa pendent las eleccions, o pendent la vida classica de cada jorn suls panèus oficials de la vila. Aquel negacionaisme francés partís del principi que la lenga occitana es enterrada a Tolosa, e qu’es una lenga vièlha que cal acabar de morir ; mas concretament acabi de parlar d’ela ambe una tolzana, ges occitanista, dins l’òrt Godolin, e sembla qu’ela, aguent un pauc de letras classicas, tròba encara normal la promocion d’aquesta lenga per Tolosa, e bravament pas sufisenta per relevar lo nivèl cultural e lingüistic de la ciutat.
Aquí avem donc los que vòlon negar l’existéncia de l’occitan. Mas avèm tanben los que vòlon refusar l’existéncia del francés a l’entrada del barri de Lo Miralh, Belafont, o la Reinariá… Las banlègas son aquelas socialament tractadas pel mercat-Estat-nacion francés…
Aqueste panèu se trapa al sud d’un riu assecat que se dís negapossas …
Podèm far mantunas ipotèsis de saber quí a poscut far aiçò, de pintrar aquel panèu qu’indica sul periferic de Tolosa que tornam dintrar dins la vila tolzana. Car sul costat en seguissèm la regalonga podèm confirmar mantunas causas :
1 / la nòrma dèu èstre aiçò :
Dins lo barri Sant Simon, benlèu qu’es per aiçò que res a bolegat dins aquel barri, dempuèi que l’esquèrra es arribada al poder (quitament las pistas ciclablas sobre la regalonga existís pas), se trapa aquel panèu quasiment nòus !!
2 / la sortida es sonque en francés, sobre la regalonga, a l’esquèrra, la sortida es en francés, sonque !
Abans de criticar Israël, e sos estremismes (militaristas o autres), me sembla que cal balegar en çò nòstre, d’extremistas n’avèm, al poder local tanben….
Una causa segura, lo sionisme es un sistèma politic mai camina dins l’istòria mai sembla al sistèma francés.
1 comentari:
Los identitaris ? lo panèu TOLOSA barat sembla èster una accion peus militants UMP contra lo Pèir Cohen, jutjat tròp "occitanista", en seguida de la sua anoncia de la mesa en plaça de la sinhaletica bilingüa ! e "TOULOUSE" barat au miralh ? Qu'ei ua accion revendicada per "LIBERTAT", que hasquèran-z-òc lo 31 de març en seguida de la manifestacion de Tolosa per la lenga Occitana : se't passèjas dins lo canton, veiras eslognans de libertat sus las parets de la rocada, a quauques passes deu panèu pintrat...
Publica un comentari a l'entrada