Fins ara, la sobrevida del catalan en Catalonha del nòrd èra mai o mens deguda a una implicacion clara de la Generalitat de Catalonha. Èra un engatjament que donava al catalan la seuna implantacion especiala dins l’Euròpa de uei.
Aiçò farà crear una reala politica pel catalan dins las institucions de la decentralizacion ? Es de dire los politicians de Catalonha del nòrd faràn enfin quicòm de fòrt ? Car abans aquesta politica de Barcelona, se podiá criticar un fum de causas sobre l’esquina dels militants, l’ajuda de la Generalitat a probat que totas las criticas èran puras conjecturas per non pas fabricar politicas lingüisticas (èra la situacion abans 1980). Lo sistèma o supòrta totas las nacions oprimidas, la catalana dins lo dich e mal nommat Pyrénées-Orientales, o los departaments d’Occitània (32 n’avèm). Es que l’associacion recenta de las comunas de Pyrénées Orientales aurà consequéncias positivas per remplaçar aquestas ajudas sudencas ?
Ara, la situacion en Catalonha del nòrd va semblar a aquesta de la situacion d’Occitània granda. Uèi es urgent de bastir politicas lingüisticas pròprias a cada territòri, per la Catalonha del nòrd, totparier.
Aquesta desaparicion es çaquelà la debuta del desengatjament de la Generalitat del principat de Catalonha, mai tanben de la Generalitat Valenciana, o dels poders locals de las Balears, mas es la situacion qu’avèm en Occitània granda, van cap al desengatjament qu’avèm aquí, en Occitània dicha francesa, republicana. E alara sabèm la situacion de la lenga, es mediòcra. La situacion a donat un problèma al Quebèc, e las eleccions per setembre….
Es la politica dels partits liberals sus la planèta. Son a salvar las errors de las bancas, puslèu que lo ben comun, las lengas (lo francés al Quebèc).
La question se pausa, val melhor salvar las bancas puslèu que la practica de las lengas per totes/as ?
Lèu serà l’engatjament per l’occitan en Val d’Aran, segur, car pel moment es lo catalan dins l’ensenhament qu’es atacat pel PP dempuèi Madrid. Totas las linhas d’ajuda al catalan son atacadas, e lo PP es mai que fòrt sul subjecte.
Sembla uei que lo sol camin per aver una lenga digna dins un parçan de la planèta es d’aver l’independéncia, e aital una politica jamai questionada, veire melhoir las bandièras (breton o aborigèna) se podrà interdire pels sistèma dels olimpics, e de las associacions esportivas que se díson a l’amagat duberta a totes, mas que sábon castigar sus òrdre d’un nacionalisme estatal, nacionalisme d’expansion per favorizar una minoritat.
-°-
Cap comentari:
Publica un comentari a l'entrada