arcuèlh

dimecres, de juny 18, 2014

30 ans d'occitanisme fabrica lo recuolon

Un esquème l’explica fòrt plan, aquí :

30 ans d'occitanisme resulta

I a encara d’occitanistas que pensan que los modèls ancians son los bons … pensi que non. e o ai explicat mantunas vagadas, aquí sobre l’unic blòg que se podrà legir, enfin, una critica balançada de l’occitanisme e en lenga occitana.

Se cal recordar que, en 1984, damorava encara professors sortits del militantisme, e que sabián quin èra lo COMBAT dedins l’administracion francesa. L’enemic èra l’administracion francesa ; anuèch, a Montpelhièr una professora nos faguèt saber que «França a salvat las lengas regionalas», Estivada 2013. E coma es indicat sul document, lor cal colloquejar encara a París per explicar, explicar, explicar … benlèu qu’aquestes professors que fan collòqui anuèch a Lhèida, son benlèu sense aisina per veire que lo sistèma politic francés es sord e avugle, o benlèu que lor fan encara fisença…

Lo sistèma universitaris francés de las letras occitanas a volgut far oblidar tot aiçò, per legitimisme. la resulta es aquí. La paura Magalí Bardou, segurameent fresca elegida, i crei encara a l’universitat per salvar l’occitan !!!

politica lingüistica esperada de las universitats francesas en Occitània

La causa es pas acabada, vist lo contengut de las formacions universitàrias francesas en Occitània. Per astre, pensavi : «i a plan Lhèida», mas semblan que fauta de moneda per desvolopar una formacion de qualitat, e malgrat l’oficialitat de l’occitan (causa establida per l’Esquèrra Republicana Catalana), formacion de la qualitat que cal pel reviscòl.

article sobre l'occitan e l'universitat de Lhèida

Del costat del Piemont (Valadas occitanas d’Itàlia) es pas melhor : i a res.

Per las escòlas d’estiu, jamai una farà un cicle de sciéncias politicas, nimai per explicar de faiçon segura quines son los elements que fan l’occitanisme, malgrat tot los desfauts (existís).

Portada de Justiator République française

1 comentari:

goiatdativier ha dit...

Jo tanben que comenci d'evoluir e de cambiar de punt de vista.
Que soi decebut per l'occitanisme de uèi lo dia.
Emei, que'm pensi que i a d'occitanistas que hàsen mielhèr entà destrusir la consciença linguistica que l'estat jacobin (que sia lo mòde d'alternacia enter jacobins d'esquèrra e de dreta) e la soa societat germano-pratina associada.
Lo linguicid e persegueish e la soa rota de mort e qu'èm pas ajudats!