arcuèlh

divendres, de març 25, 2011

Cantonalas : quin projecte per Occitània ?

A desfaut del sistèma parisenc de gestion d’Occitània, de qué podèm imatginar ?

Un elector del Nouvel Obs explica que val melhor destrusir los pòstes d’elegits parisencs que los pòstes de foncionari de l’Estat centralizat. Es una pista.

Paraula als lectors comentat

Vist que la reforma aquesta es impossibla de fabricar ambe lo sistèma de partidocracia qu’avèm, similar al RCD en Tunísia, lo partit-administracion, partits de cámbia de temps en temps, entre los blaus e los ròses, per l’Estat centrlaizat e jacobin franchimand.

Sabèm tanben que l’administracion (ambe los foncionaris pro-UMP-NC o pro-PSF-PRG) se carga de far la promocion dels pichonèls partits de moment que son pas legitimats per els.

Sabèm tanben que l’esquèrra es «grandament» unida … un exemple dins mon canton, dona una pròba a l’assersion precedenta, del foncionariat republican que se vòl representant del pòble pron inocent per votar per els. (es dins lo meteis canton) Es un canton que quasiment totes los candidats èran foncionaris de l’establiment franchimand e nacionalista.

unitat del FdG

Per recuperar lo sistèma de vòts installat per aquesta republica dels foncionaris (UMP e PSF), avèm la «santa e meravilhosa» candidata UMP, antimultilingüisme europèu que vòta ambe lo FN al Parlament europèu, dèla qu’a trapat una etiqueta superba, en mai de las etiquetas costumièras jà bilhetejadas sul blòg (color verda necita, reialament), etiqueta de la setmana passada, que s’oblidarà segurament aprèp dimenge, per tornar sortir per utilitarisme partidocrata :

UMPmagoilhas

Per la candidata que vòta ambe lo FN al parlament europèu, es puslèu dificile de recuperar l’etiqueta de la candidata ecologista (vertadiera aquela), malgrat los polits (orto)grafismes verds ; perqué èra pas simplament ecologista, èra sostengut pel Partit Occitan, causa que dèu pas èstre accessible als uèlhs de la candidata contra lo multilingüisme europèu.

La deputada europèa se convida a participar a la cosina electoralista e partidocrata republicana franchimanda en Occitània, qu’amerita tota la meuna desconsideracion. E se li donaviam un bilhet d’avion de retorn definitiu per Brussèllas e Estrasborg, e que li diguèssen NE NOUS DÉRANGEZ PLUS, mercés ? Per aplicar un projecte politic contra multilingüista… (se sap pas encara sobre la basa de quina lenga, las susprèsa son d’avertir).

Per las eleccion bonapartista e cantonala, cal anar veire se la democracia es pas melhora endacòm mai, aplegat e solidari ambe los autres Estats que practícan la proporcionala, per aver una representativitat qu’es pas la partidocracia dels foncionaris en plaça, coma ambe lo RCD dins la Tunísia del Ben Alí. La proporcionala aurà tanben un efecte sobre l’eficacetat de l’eleccion e dels elegits locals. Digun ne dís quicòm dins las gazetas parisencas.

De Veyrac es la primièra candidata europèa qu’estimi utile de daissar dins un Parlament lo pus luènh possible de Tolosa, en contradiccion clara ambe lo tèxte del lector del Nouvel Obs.

aprendre una lenga LeDevoir 100311

Mas lo problèma del FN e del sindicalisme nacional-expansionista parisenc es encara pausat per una candidatura a Rieus-Volvèstre, un canton conegut en Nauta-Garona per èstre un luòc d’abitatge bèl dels foncionaris d’Estat que trabálhan a Tolosa.

Lo problèma del FN me semblava ligat a l’OAS, e l’extrèma-dreita ultra-catolica, mas un candidat m’a fait cambiar d’avejaire, mas confirmar d’autras candidaturas de la «Douce France», pels «Français de souche», los del nòrd francofònes.

Ara, es insolit per la DDM, es un puèg qu’es de l’extrèma-dreita… es benlèu aiçò qu’es supausat èstre insolit per la DDM.

Insolite DDM 250311portada télérama Japon