arcuèlh

dilluns, de març 07, 2011

Lo País de Gallas camina pauc a pauc cap a l’independéncia.

Lo País de Gallas vòta per mai de poders

Nòta de premsa del 5/03/11 [perqué cal pas oblidar tanpauc aiçò]

PAÍS DE GALLAS— En una jornada passionanta lo pòble gallés a donat al govèrn de l'Assemblèa gallesa un vòt d'aprobacion ufan. En mai de mantunes poders de legiferar concernent lo País de Gallas, aquestas leis auràn pus d'èstre remandadas a Londres per examèn abans d'èstre adoptadas.

Totas las circonscripcions gallesas, levat una sobre los 22, an votat pels novèls poders – lo districte Monmouthshire es estat l'unic dissident e sol a mantunes vòts prèp.

63 % dels votants se son prononciats pel cambiament alara que 36,5 % an votat contra. Aquò demostra que lo País de Gallas es devengut una nacion qu'a mai fisença en èla per rapòrt a la pron flaca majoritat de personas qu'aviá votat per devolucion en 1997.

35 % dels inscrits an votat, çò que pòt semblar flac. Çaquelà, lo debat a patit del fait que las personas que fasquèssen campanha pel «Non» an decidit de non pas enregistrar lor campanha.

Un prospectus d'informacion es estat distribuat, aprèp lo procèssus, als quite ostals, e i a aguèt tantes programas de radios e television coma per las eleccions classicas. Basta qu'i a pas agut de campanha oficiala pel «Non», i aguèt cap finançament pel «Òc»  ni mai, e beucòp de gents an estimat que son pas estats plan informats sul subjecte del referèndum.

D'autre latz, los politicians an vist dins las resultas un signe que los Galleses son prèstes per abordar mantunas questions compèxas e an fisença dins la capacitat del país per anar mai luènh sobre la via d'una decentralizacion encara mai granda.

Gwyn Griffiths

Per ne saber mai, en anglés mai que tot:
http://www.walesonline.co.uk/news/wales-news/2011/03/05/wales-referendum-political-leaders-across-the-uk-welcome-result-91466-28283474/
http://www.walesonline.co.uk/news/welsh-politics/welsh-politics-news/2011/03/05/people-of-wales-deliver-a-resounding-yes-in-referendum-91466-28283471/
http://www.guardian.co.uk/politics/2011/mar/04/wales-loosens-lawmaking-ties-to-westminster?INTCMP=SRCH
http://www.greenparty.org.uk/region/wales/news/welsh-greens-call-for-yes-vote-for-the-green-economy.html

fons de verd e d'eolianas

Comentari : es una bona novèla e podrà benlèu donar d’idèas als elegits e las elegidas de la decentralizacion…

casta al poder comentatillusion jacobina d'optica comentat