arcuèlh

dijous, de març 24, 2011

Cara Electricitat FRANÇAISE !

Acabi de recebre una publicitat ; aquela dona l’enveja…de crompar de l’electricitat. Es fantastic quora se sap que l’electricitat es de basa unica nucleara dins l’Estat francés, e que tres accidents nuclears dempuèi trenta annadas nos an explicat un «retour d’expérience» que cal abandonar l’electricitat a basa nucleara. Alara qué far ?

IMG00382-20110323-1823 IMG00384-20110323-1824 IMG00381-20110323-1823

Es un document cartonat, segurament fabricat en Lemosin per informar d’una promocion. Per astre es tanben un document utile, un calendrièr que se podrà plaçar sobre una taula… Es engenhós.

Mas çaquelà, “Drive Earth” … L’electricitat de Fukushima es al moment en tren de menar la tèrra ambe lo nívol de las irradiacions.

100 % electricité es la grarantia de l’abséncia de descreissença de la consomacion d’electricitat, e de perségre los 85 % de l’enèrgia electrica venguda del nuclear, coma l’estima la casta al poder.

Mitsubishi Motors es una marca japonesa que dèu mancar de peça per fabricar aquesta automòbil ? Son fantastics aquestes Japoneses, son coma la casta pronucleara francesa : avugles.

The Mitsubishi Motors drive earth to a durable & secure nuclear frenchie death…

Mandadissa postala : que cal dire a aquel qu’a vendut mon adreiça perqué soi abonat a una revista parisenca, es de dire la revista Books; dempuèi que soi abonat ai jamai tant recebut revistas de tot escantilh. E la pollucion del papier es pus portat per las entrepresas de distribucion gratís de la publicitat, mas per letra de La Poste, afar dich oficial de l’Estat francés.

Amai, 100 % electrica per una automòbil es la garantia de la perseguida del tap de circulacion sobre las rocadas, e de la pollucion dels automòbils dins las ciutats que son de mai en mai grandas en Occitània, principalement (granda e urbanizanta sul campèstre coma l’explica un article de la premsa parisenca recentament).

Ièr èra lo jorn D del passatge de l’irradiacion, lo tot Tolosa èra de sortida ambe lo solelh franc present; pas una plaça èra pas emplenada pels joves Tolzanas, o per las jovas Tolzanas, per jogar liurament pendent mai de doás o tres oras, ambe la grand que susvelha ; segur que l’iòde dèu aver encara un avantage pels Tolzans e per las Tolzanas (devon encara creire la publicitat del sègle passat - veire lo Canard Enchaîné sul tèma, publicat en seguida), son sempre un pauc en retard los ciutadans mondins (non ?). Aital ai poscut verificar que lo messatge d’alarmisme ecologista passava pas (e çaquelà fòrça criticat dins los mèdias als òrdres del mercat-Estat-nacion). Ai trapat una explicacion sobre lo blòg aqueste (publicat en seguida), qu’es estat publicat per Télérama ; podrèm pas dire qu’es un jornal d’extremistas ; Lo numèro d’aqueste setmana es pron realista sul tèma.

Image

Avèm aital la beatitud de la prems aparisenca sobre la premsa oficiala ; La beatitud aqueste assegura e confirma que :

TV París mentís, TV París es franchimand.

Aqueste tipe de publicitat es dangierós, publicitat modèrna e per la pòsta oficiala, per la collectivitat occitana, per la nacion occitana, es que serà interdicha ? Avèm pas lo poder legislatiu per zo far.

Pel “rayon santé” (taulet sentat) l’avèm pus en venda dins lo mercat-Estat-nacion francés. Es la pròba que se podrà reformar, es un espèr… per la reformar : a calgut çaquelà una guèrra mondiala. Mas Nicolas Sárközy Nagy de Bósca trabalha fòrt, ambe l’ajuda del lòbi pronuclear politic, FN-UMP-NC-PRG-PSF-PCF-LO, etc ; lo gascon Alain Juppé ajuda fòrça aquel nacional-expansionisme, e ambe las seunas grandas qualitats.

pub del sègle passat

E al mièg de tot aiçò, coma en 1213, una Tolzana se pausa una question d’existéncia : « coma fan las cigalas per cantar tant fòrt ?» soi quasiment segur qu’i aurà lèu un facebook per criticar las cigalas qu’estíflan tròp fòrt a Tolosa, benlèu encausas ne son las irradiacions ambe l’iòde nucleara qu’es passada ièr ?

Image (2)