I a un fum d’occitanistas qu’an páur de veire la realitat en fàcia e sobretot d’acarar aquesta realitat lingüistica dins lo ment politic dels Franceses. Çaquelà es lo rebat de las flaquesas de l’occitanisme de uèi, aiçò dempuèi quaranta annadas.
La flaquesa de l’occitanisme, de la seuna cara en dignitat nacionala, a creat un nacionalisme francés qu’es departamentalisme, regionalisme, localisme, provincialisme, «historiens locaux», sovent mai que dins las redaccions de la premsa provincialista…
La repression francesa contra l’ocictan es pas simplament institucionala republicana francesa, es ontologicament dintrat dins los ments de la populacion francesa, aquela que parla francés dempuèi sègles e sègles de generacion en generacion. Pensan qu’an capitat d’espandir la «granda» lenga, aquela del rei e coma «an ganhat» … lo lor nacionalisme lingüistica es otologic e sampitèrne, e creson qu’es sempre estat aital. La politica dels reis e de las castas republicanas es estada interiorizada, aquò se sona integracion de la propaganda coma una natura francesa.
Caldrà pas çaquelà oblidar que de la centrala de Civaux en Peitieu-Charenta podrèm tanben aver «retour d’expérience» ambe los vents dominents sobre Lemosin (Lemosin de totas las colors del jacobinisme : PSF-UMP-ADS-NC-MoDem-MRC-LO-PCF-PRG-CGT-FO-UNSA), Occitània del nòrd-oèst. E alara quora los elegits de la region se vòlon adicionar ambe la region vesina, Peitavina, es tanben una façon d’èstre sotmetut a l’idèa que Lemosin es Francofonia e son festenal discriminatòri en normalitat republicana e legalista.
Cal pas oblidar la natura dels VENTS DOMINENTS… per ne saber mai sobre l’espandiment de las radiacions nuclearas en libertat jacobin Alara gaitatz la mapa següenta :
Cap comentari:
Publica un comentari a l'entrada